آیات محبوب کتاب مقدس از Mateghusi 18

به اشتراک گذاشتن

Yoyishi oku hana kukongwedha hawadi ngambi hahatu muDina dyange, Name nawo ni di.”

“Shime na kumutongwera eshi: Ngeshi hawadi hopapenu pano pamuve, ha kuyuvu kehe thinu no kuthikumbera, ghana kuthiwapa Tate ghomudiwiru.

Aye hetha mwanuke pepi no kumwimeka mukatji kawo ghuninga eshi: “Shemwa na kumutongwera eshi, ngesi ngo mbadi sho mu piruke no kukara yira hanuke, ngo mbadi mbo mwingena mughufumu ghodiwiru no kamanana temba.

Kehe yu ghokukumbirupitha thinda yira mwanuke yu, yomukuru mughufumu ghodiwiru.

No yu ghokutambura mwanuke ghokemo muDina dyange, Yame ghana tambura.

“Ghushemwa na kumutongwera: Eyi muna kughanga pamuve, mbo yina pu kughanga no mudiwiru, no yi muna kushutura pamuve, mbo yina pu kushutura mudiwiru.

“Kemo mbo gha tenda nenu naye, Tate ghomudiwiru, ngeshi kehe yu kadi wa kuthigherera muyendhendi mumutjima.”

“Kehe yu ghokupemukitha yofotji ghopawanuke wa hokutawa muMwange, hasha ne kumughanga nodiwe dyocwa‐cwa muthingo no kumuvukumena mudikuruviya.

“Ngepi muna kughayara mwe? Ngeshi munu gha muna ndjwi dithere, ha yongara po yofotji, mbadi gha kona kuthigha dhi dhomakumi kwoko nomane nokwoko nodhine mudidyo no kuyenda gha ka shane ghokuyongara ndi?