آیات محبوب کتاب مقدس از San Lucas 23

به اشتراک گذاشتن

Saa ndi̱kaꞌan Jesús xiꞌin Ndioxi, káchi ra saa: ―Tata Iva yo, xaa kaꞌnu ini un xaꞌa na chi köo kúndaa ini na unkua íkan na ―káchi ra. Ñaa chi̱kaa nda lapa suerte sata tikoto ra, ya kuni nda ndá ñaꞌñu kua ndikiꞌin iin iin nda.

Saa ndi̱kaꞌan Jesús xiꞌin ra, káchi ra saa: ―Ya ndaa káꞌan i xiꞌin un, kivi vitin koo un xiꞌin i nuu latun ni káa ―káchi Jesús xiꞌin ra.

Saa ndi̱kaꞌan ra xiꞌin Jesús, káchi ra saa: ―Tata, ndikaꞌán ini un xaꞌa i tá ná xáa un kaꞌnda chiñu un ―káchi ra xiꞌin Jesús.

Saa iin ndendee ndi̱ndaꞌi koꞌo Jesús, káchi ra saa: ―¡Tata, ndítaxi i ya vaꞌa i ndaꞌa un! ―káchi ra xiꞌin Ndioxi. Tá ndi̱kaꞌan ra saa ta ndi̱xiꞌi va ra.

Ñaa tá ndi̱xaa nda iin iku náni Leke Xiní Ndìì, ta ikán chinuu nda Jesús nuu itun cruzin xiꞌin uvi saa nda kuaꞌan xiꞌin ra. Iin ra chi̱nuu nda ndaꞌa cruzin ñaꞌñu kuáꞌá ra ta inka ra chi̱nuu nda ñaꞌñu ítin ra.

Saa ku̱u tá ti̱ndaa kàà uxi uvi nduvi ta iin ku̱naa ndiꞌi, iin saa nda kàà uni xikuaa. Iin nda̱si ndiꞌi nuu ñu̱ꞌù. Ta saa iin ndi̱ndata sava toto ya tíkaa veꞌe ñuꞌu kaꞌnu ikán.

Saa xi̱ni ra ínuu nuu iin ciento nda lapa ñuu Roma ya ku̱u, ta xa̱á ra xáa kaꞌnu ra Ndioxi, káchi ra saa: ―Ya ndixa ni kua, ra vaꞌa ni va ku ra yóꞌó ―káchi ra ikán soꞌva.