آیات محبوب کتاب مقدس از Luk 23

به اشتراک گذاشتن

Jisas ka sore'a, “Maka, manatalube kera, sulia kera dora 'ania taa na kera ilia.” Ma keka thatho 'ana daisi uria maku nia ki.

Jisas ka sore'a sana, “Mamana ku fa'arongo 'iemu, tara'ena 'oki too bi nau 'i laa fanua le'a 'i thalo.”

Sui nia ka sore'a, “Jisas manatato'oku si manga na 'o lae mai 'i laa 'inotoa 'oe.”

Ma tha Jisas ka 'ai 'ana te'e linge'e doo ba'ita, “Maka, 'i laa 'abamu nau ku falea kau mangoku.” Si manga na 'e sore'a si doo 'eri, nia ka 'asimango 'ana mango'e doo 'ii'isi nia.

Si manga na kera fula 'ana kula na kera 'alangia 'ana Gwa Leelete, keka tarufania sulia 'airarafolo si kula 'eri, bia roo wane 'eri, te'e wane 'ana bali 'aba a'ola, ta wane 'ana bali 'aba mauli.

Nia 'e fula na'a 'inito'ona fa thato, ma ma'e rodo ba'ita ka thuufia fanu laula'u 'eri laalae ka fula 'ana uula kade'e manga 'i tha'ulefi, sulia na laala'a fasia na thato 'e a'i. Ma maku ba'ita na 'e taru 'i laa Bi'u Abu tha God ka sera 'ana roo 'abe doo.

Ma wane naana'o 'ana omea, 'e rikia taa na 'e fuli neri ka tangoa tha God ka sore'a, “'E mamana, wane ne'e wane 'e kokota.”