آیات محبوب کتاب مقدس از ลามูลา 8

به اشتراک گذاشتن

ตานา ตูฮัด บือซัยํ เดะ อาตัซ ญา บาวู กรือซัย นู ซูกา เดะ ฮาตี ดัฮ_ ญา มือเลา เดะ ฮาตี จะ_ “ตะเดะ อีนี ปี_ กู นะ เตด อาโบยํ ตานัฮ ปูลัก. มีเซ จะ_ อูมัจ ซือมียา เตด บาฌิ เตอ_ ราตา ลาฆู เดะ ฮาตี นะ ญา_ ฌาดี ลาฆู นู ฌาฮัจ_ ตะเดะ ดือมิ มาแรฮ เตอ_ ตาปี กู นะ เตด บูวัจ บรี บือนา นู ฮีโดะ ซือมูฮา บือนาซา_ บือกะ นู กู บูวัจ ดัฮ กะฆีนี. กาลา นู ดือนียา อาดา ลาฆี_ นะ อาดา มูเซด มือนานัม_ มูเซด กือตับ. อาดา วะตู บือแฌะ_ วะตู ฮางัจ. อาดา มูเซด ฮางัจ_ มูเซด บือแฌะ. อาดา โซะ ซียัก_ โซะ มาลับ. บือนา อีนี ซือมูฮา_ ฮอย เตด บราดู ดัฮ”_ ตูฮัด ญา จะ.

วะตู อีตู_ โนอา บูวัจ ตือปัจ มือญือมัฮ กะ ตูฮัด บือซัยํ เดะ อาตัซ. บือนาตัก นู จรัฮ บาฌิ_ ราตา ฌือแนฮ เตอ_ ฌางัน บูโรก นู จรัฮ บาฌิ ราตา ฌือแนฮ ฌูฆา_ โนอา อาเมด มาแรฮ บูนอฮ ซือตืองัฮ_ ตูนู มือญือมัฮ กะ ตูฮัด_ เดะ ตือปัจ มือญือมัฮ อีตู.

กะฆีเตอ_ ตูฮัด เดะ อาตัซ เตอ_ ญา บรีงัจ กะ โนอา_ ฌางัน โกะ บือนาตัก ฮูตัด_ ฌางัน โกะ บือนาตัก บือเลฮ ซูโรฮ_ นู ดูโดะ ฌางัน โนอา เดะ ดาลับ กาปัน. กะฆีเตอ_ ตูฮัด บูวัจ บรี อาดา อาเงน ตีโยะ เดะ ดือนียา_ อาเย โปด กูรัก ดัฮ.

รอจ วะตู ปะฮือญา_ บูโรก ปาตี อีตู_ ญา ตรือบัก ปาเระ มาแรฮ กะ โนอา_ อาดา ฌางัน ดาโวด ปูโฮด กือดูโนด นู ฮีเฌา_ เดะ ปาโตะ นะ ญา. กะฆีเตอ_ โนอา ตาฮู จะ_ อาเย กริก เดะ ตานัฮ ดัฮ.