آیات محبوب کتاب مقدس از ମାତିଉ 18

به اشتراک گذاشتن

ମାସା'ଡ'ନା ଆନିଂ ବିସ୍‌ବାସ୍‌ ଡେମ'କୁନୁଂ ରେମଲେ ଇମ୍‌ବାୟ ଆରାକ୍‌ନା ତିନ୍‌ଲକ୍‌ ଆମ୍‌ବ'ଏସା ରୁନ୍‌ତା ଡ'ନା ଆତା ନିଂ ମା'ଏବୁରଂ ଡୁତିଂ” ଡ'ସେକ୍‌ ସୁନ' ।

“ମାରି ଦର୍‌ତନିବକ୍‌ ପେନ୍‌ ବିତ୍‌ରେ ଜାଏସା ଇମ୍‌ବାୟ ସମ୍‌ଜୁଟ୍‌ ଡେଂସେକ୍‌ ମାଏସା ଲୁ'ତ ଡ'ନା ସରଗ୍‌ବକ୍‌ ଡୁକୁନୁଂ ନେମ୍‌ବା ଆପା ବେ'ତ ଡ'ସେକ୍‌ ନିଂ ଆପେ ସତଇସା ମାରି ସୁନ'ତିଂ ।

ସା' ଜିସୁଲା ଆମୁଇନ୍‌ଡା ଉଁ'ଉଁଗୁ ୱାୟ' ରିଂଅଁ'ସେକ୍‌ ମା'ଏନ୍‌ ମନ୍‌ଜା ଅ'ତନ । ଅ'ତନ'ସେକ୍‌ ମାଇ ଆମା'ଏ ସୁନ' “ପେ ପେନା ଜିବନ୍‌ ବାଦ୍‌ଲି ଡେମ'ସେକ୍‌ ମୁଇନ୍‌ଡା ଉଁ'ଉଁଗୁସୁଗ ଆଡେନ୍‌ତୁପେ ଡ'ନା ଇନ୍‌ଡଇ'ଏସା ସରଗ୍‌ରାଜିବକ୍‌ ଗୁଗାଇ ଆଗଂତୁପେ ଡ'ସେକ୍‌ ନିଂ ଆପେ ସତଇସା ସୁନ'ତିଂ ।

ଡୁ'ତୁନ୍‌ସା' କେନ୍‌ ଉଁ'ଉଁଗୁସୁଗ ଜାଏସା ମୁଇନ୍‌ଡା ନିଜର୍‌ନା ଜିବନ୍‌ବକ୍‌ ଡାଉରେମ୍‌ସୁଗ ଡେଂସେକ୍‌ ଡୁତା ଡ'ନା ମାଇ ସରଗ୍‌ରାଜିବକ୍‌ ମୁନା'ରେମ୍‌ସୁଗ ଡୁତା ।

ମାରି ଜାଏସା ମୁଇନ୍‌ଡା ସାର୍‌ଦାକ୍‌ସେ'ଗା ଆନିଂ ବିସ୍‌ବାସ୍‌ ଡେମ'କୁନୁଂ ଆଜାଏସା ଆମୁଇନ୍‌ଡା ରେମ ନିଂନା ଇମିବକ୍‌ ଆଲାତ୍‌ ଡେମ୍‌ତ ଡ'ନା ଆନିଂ ଆଲାତ୍‌ ଡେମ'ତା ।”

“ପେ ଦର୍‌ତନିବକ୍‌ ମାମା ବନ୍‌ଦ୍‌ ଡେମ୍‌ତୁପେ ଗୁତୁନ୍‌ ଗୁଲାଇ ସରଗ୍‌ବକ୍‌ସା ବନ୍‌ଦ୍‌ ଡେନ୍‌ତା, ମାରି ମାମା ପେ ଦର୍‌ତନିବକ୍‌ ରୁକ୍‌ତୁପେ ଗୁତୁନ୍‌ ଗୁଲାଇ ସରଗ୍‌ବକ୍‌ସା ରୁକ୍‌ତା ଡ'ସେକ୍‌ ନିଂ ଆପେ ସତଇସା ସୁନ'ତିଂ ।”

ସା' “ପେ ଗୁଲାଇର ଜିବନ୍‌କୁରୁଂ ଅ'ତୁର୍‌ସେକ୍‌ ଆପାଲ୍‌ ରେମଲେ କେମା ଆଡେମ୍‌ତୁପେ ଡ'ନା ସରଗ୍‌ବକ୍‌ ଡୁକୁନୁଂ ନେମ୍‌ବାସା ଆପେ ଗୁତୁନ୍‌ ରାଜାଲା ଡେମ'କୁନୁଂସୁଗ ଡେମ୍‌ତ” ଡ'ସେକ୍‌ ଜିସୁଲା ସୁନ' ।

“ମାତର୍‌ ଆନିଂ ବିସ୍‌ବାସ୍‌ ଡେମ'କୁନୁଂ ଆକେନ୍‌ ଡାଉ ଗୁବୁଲେସୁଗବାଇ'ବକ୍‌ ଆଜାଏସା ଆମୁଇନ୍‌ଡା ଅଲିରାକ୍‌ବାଇ' କାମ୍‌ ଡିନ୍‌ଡେମ୍‌ପୁଲେଇ ମୁଇନ୍‌ଡା ବୁଦି ବେ'ତ ଡ'ନା ମାଇନା ଗୁଲୁଗୁକ୍‌ବକ୍‌ ମୁଇ ମୁନା'ବାଇ' ଜାନ୍‌ତାବେର୍‌ ତୁଲ'ସେକ୍‌ ସମ୍‌ଦର୍‌କିନ୍‌ଡାକ୍‌ନା ଅବୁଦି ସୁଲୁଂଡାଗ୍‌ବକ୍‌ ରାନ୍‌ଡେଲ' ବେଡ'ନା ମାଇପୁଲେଇ ବଲ୍‌ ଡେମାନା ।

“ମୁଇନ୍‌ଡା ରେମନ୍‌ବକ୍‌ ପାଁନ୍‌ସ୍‌କଡି ମେନ୍‌ଡା ଡୁକୁନୁଂକୁରୁଂ ମୁଇ ମେନ୍‌ଡା ବୁକ୍‌ଉଇନା ମାଇ ମା ଡେମ୍‌ତ ଡ'ସେକ୍‌ ପେ ଏତ୍‌ଗୁତୁପେ? ମାଇ ଆସାର୍‌କଡି ଅନିସ୍‌ଟା ମେନ୍‌ଡାଲେ ଗୁତୁନ୍‌ କୁନ୍‌ଡାବକ୍‌ ଅଡକ୍‌ସୁଂଅଁ'ସେକ୍‌ ଆତୁନ୍‌ ବୁ'କୁନୁଂ ମେନ୍‌ଡା ତୁର' ଆବୁଲ୍‌ତ ଇ?