آیات محبوب کتاب مقدس از Juan 8

به اشتراک گذاشتن

Qana'chi so' Jesús ỹitaxa 'enapéga so' siỹaxadipi, 'enaaco': —Jaỹim, na'chaỹim 'me secoỹadetalégue jen' 'aléua. Ga' jaỹim 'equegue, qana'chi jega'me 'uo jaga' lecoỹadáxanaqte 'me ỹí'et da' lec'alaxa jega'me. Huá'a, qana'chi jega'me sa nauá'ne' da' huétaaue ga' n'álaxa.

Qana'chi 'ami qomle ỹátaqta 'auaatetoñii da' 'eesa lasoxoc, qana'chi dójo' 'eesa ỹátaqta lasoxoc, na'chida da' ỹátaqta 'ami huesóchidiñi qa'e'n.

Qana'chi so' Jesús 'enapego' so'me judiopi 'me ỹ'amaqten jeso'me, 'enaaco': —'Ami qomle ỹátaqta 'av'íchii dójo' 'ami s'axatema, qana'chi ỹátaqta 'eesa qomle da' 'ami ỹapaxaguenataqa.

Tadeeto' jen'me lec'óxot ñi' Dios da' 'ami huesóchidiñi qa'e'n, qana'chi ỹátaqta 'eesa da' 'ami huesóchidiñi.

Qaláxasa jeso'me net'alpi na'chi quet'ot da' denataxáatac. Qana'chi jeso'me naxaséguem, qana'chi 'enapéga jeso'me net'alpi, 'enaaco': —Da' 'uo ga' 'oonolec da' 'oñíita da' qaỹa ga' loic, na'chiga qomle ga' 'uailégue da' ỹasaxac ga' qa' jada'me.

Qana'chi so' Jesús 'enapego' jeso'me judiopi, 'eet'oi: —Ỹátaqta 'eesa dójo' 'ami s'axatema, da' ỹima jen'me ỹ'étetac da' l'etaxalóxoc, jen'me 'ená'am da' lelatacpi dójo' n'etaxalóxoc.

Qana'chi so' Jesús naxaséguem. Joca'li qaỹa ga' ỹilá'a, na'chasóta jaso' ỹauo, qana'chi ỹinatétaco' jaso'me, 'enaaco': —'Am ỹauo, ¿jái'chogamaxa huet'ague ga'me sétaaque da' ỹa'uo ga' 'ane'uaxánaguec? ¿Séetapega qaỹo' ga' ỹañoxot da' 'am ỹalaat? Qana'chi jaso'me 'enaaco': —'Ai', qaỹa, 'am ỹasoxola'. Qana'chi so' Jesús 'enapego' jaso'me, 'enaaco': —Jaỹim nataq'en sa 'am 'te salaat. Naỹi 'am 'oc. Qaláxasa 'ena't qomle da' ỹitaxa 'aua'uo ga' 'adoic.