آیات محبوب کتاب مقدس از Job 2

به اشتراک گذاشتن

Pambeli mwehi mundu kamdasha, “Wuli, mbaka ponopa kali kamjumila Chapanga waku?” Umduki Chapanga sovi. Ayubu kamuyangula, “Yuwi ukudeta ngimu mdadala mpufi! Wuli, tupokeli findu finofu kufuma kwa Chapanga, tulemi fya wafu?” Kwa findu afi fyosi Ayubu agolili chindu cha wafu ha kwa Chapanga.

Bambu Chapanga kamudasha Lijangavandu, “Aku kumuwona ndumindumi wangu Ayubu? Kwahela mundu wingi yavelili nga mweni mumlima wosi, yangajila mbatiwa na goleki. Yandundamila nenga na akugola ha findu fya wafu, mbaka ponopa kaneka ha, hata leki wakuvilishili ili ndimudanganyishi ngajila mbatiwa.”

Bambu Chapanga kamuyangula Lijangavandu, “Yuwi ukwesha kugola chochosi chiwudayila, lakini kotoo kumuwulagha.”

Topi vaghanja vatatu va Ayubu, Elifwasi mundu wa Temani na Bilidadi mundu wa Shuhi pamu na Sofali kufuma aku Naamati pavapikanishili findu fya wafu yifimuwonili Ayubu valamula kumtyangila kumlola na kumkola mawoku. Pavamselililili pabehi vamanyili ha, valilili kwa lishu likomi, kila mundu kasavanga lihabiti lyaki, vayibunga milifu kumutwi. Pambeli vayikala pawuganga pamu na Ayubu kwa majuva saba pamusi na pamihi. Kwahela mundu yadetili chilongu chochonda kwa mweni, kwanongwa kana gobuleku ngomi yavelilili nayu.