آیات محبوب کتاب مقدس از ᒨᓯᓯ ᐂᑉᐸᖏᑦ 7

به اشتراک گذاشتن

ᐊᑕᓂᕐᓕ ᒨᓯᓯᒧᑦ ᐅᖃᕐᐳᖅ, “ᒎᑎᑐᑦ ᐃᓱᒪᒋᔭᐅᓕᕐᑎᓐᓂᐊᕐᐸᒋᑦ ᐊᖓᔪᖅᑳᕐᔪᐊᕐᒧᑦ, ᐊᖓᔪᐃᓪᓗ ᐂᕉᓂ ᐅᖃᕐᑎᐅᓂᐊᕐᐳᖅ ᐊᖓᔪᖅᑳᕐᔪᐊᕐᒧᑦ ᐃᓕᖕᓄᑦ ᐅᖃᕐᑎᒋᔭᐅᔪᑐᑦ.

ᐊᖓᔪᖅᑳᕐᔪᐊᕐᓕ ᐱᔭᕐᓂᕈᓐᓁᕐᑎᓐᓂᐊᕐᐸᕋ ᐄᑦᔨᑉᑎᒥᐅᓄᑦ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐅᓄᕐᑐᓂᒃ ᑎᑭᑎᑦᓯᓯᒪᒐᓗᐊᕐᑎᓪᓗᖓ ᓈᓚᒍᓐᓇᖁᓇᒍ ᐅᖃᐅᓯᓐᓂᒃ. ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ.

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᑕᕝᕙ ᐰᕉ ᐃᓕᓯᒪᔪᖁᑎᒥᓂᒃ ᐊᖓᒃᑯᖁᑎᒥᓂᒡᓗ ᐄᑦᔨᑉᑎᒥᐅᓂᒃ ᕾᖁᔨᓚᐅᕐᐳᖅ; ᑖᒃᑯᐊᑦᑕᐅᖅ ᑍᒤᓕᐅᓚᐅᕆᕗᑦ. ᐊᑐᓂᓪᓗ ᐊᔭᐅᑉᐱᐊᒥᖕᓂᒃ ᐃᓕᓯᖕᒪᑕ, ᑕᒪᕐᒥᒃ ᖁᒡᓗᒋᐊᓐᖑᕐᐳᑦ. ᐂᕉᓂᐅᓪᓕ ᐊᔭᐅᑉᐱᐊᖓᑕ ᑖᒃᑯᐊ ᐊᔭᐅᑉᐱᐊᖏᑦ ᓂᕆᕔᑦ.

ᐊᑕᓂᖅ ᐅᖃᕐᐳᖅ, “ᐱᓇᓱᐊᕐᓂᕆᓂᐊᕐᑕᓐᓄᑦ ᑐᑭᓯᑎᑕᐅᓂᐊᕐᐳᑎᑦ ᐅᕙᖓ ᐊᑕᓂᐅᓂᓐᓂᒃ: ᑕᑯᒋᑦ ᑰᒃ ᐊᓇᐅᓂᐊᕐᐸᕋ ᐊᔭᐅᑉᐱᐊᓐᓄᑦ ᑎᒍᒥᐊᕐᑕᓐᓄᑦ, ᐃᒪᕐᓗ ᑕᕝᕙ ᐊᐅᓐᖑᕐᓂᐊᕐᐳᖅ.

“ᐰᕉᒧᑦ ᐅᖃᐅᑦᔭᐅᒍᑦᓯᒃ, ‘ᓱᓕᓂᑦᓯᖕᓂᒃ ᓇᓗᓁᕐᓯᓚᐅᕆᑦᓯᒃ ᑲᒪᓇᕐᑐᓕᓂᒃᑯᑦ.’ ᑕᕝᕙ ᐂᕉᓂᒧᑦ ᐅᖃᕐᑐᒃᓴᐅᕗᑎᑦ, ‘ᐊᔭᐅᑉᐱᐊᑦ ᐃᓕᓚᐅᕈᒃ ᐰᕉᑉ ᓵᖓᓄᑦ, ᖁᒡᓗᒋᐊᓐᖑᖁᓪᓗᒍ.’” ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ ᐱᓇᓱᐊᕐᓗᑎᒡᓗ ᐊᑕᓂᕐᒧᑦ ᐱᓇᓱᐊᖁᔭᐅᓂᕆᔭᒥᖕᓂᒃ; ᐂᕉᓂᐅᓪᓗ ᐊᔭᐅᑉᐱᐊᓂ ᐃᓕᖕᒪᒍ ᐰᕉᑉ ᐱᔨᖏᑕᓗ ᓵᖓᓄᑦ, ᑕᕝᕙ ᖁᒡᓗᒋᐊᓐᖑᕐᐳᖅ.