آیات محبوب کتاب مقدس از ᒨᓯᓯ ᓯᕗᓪᓖᑦ 21

به اشتراک گذاشتن

ᐊᑕᓂᖅ ᓵᕋᒧᑦ ᐳᓛᕆᐊᓚᐅᕐᐳᖅ ᐅᖃᕐᓯᒪᓂᓂ ᒪᓕᒡᓗᒍ, ᐊᑕᓂᕐᓗ ᓵᕋᒧᑦ ᐱᓇᓱᐊᓚᐅᕐᐳᖅ ᐊᖏᕐᓯᒪᓂᓂ ᒪᓕᒡᓗᒍ.

ᒎᑎᐅᓪᓗ ᓄᑲᑉᐱᐊᑉ ᓂᐱᖓ ᑐᓴᕐᐹ; ᕿᓚᖕᒥᓪᓗ ᒎᑎᐅᑉ ᐂᖏᓖᖓᑕ ᐂᒡᒐ ᐅᖃᕐᕕᒋᕚ, “ᐂᒡᒑ, ᓱᓇᒥᒃ ᖁᕕᐊᓱᖏᑦᔪᑎᖃᕐᐲᑦ? ᑲᑉᐱᐊᓱᖕᓂᐊᕐᓇᒃ, ᒎᑎᐅᑉ ᓄᑲᑉᐱᐊᑉ ᕿᐊᓂᖓ ᑐᓴᕐᒪᒍ. ᒪᑭᓪᓗᑎᑦ, ᐅᐸᓚᐅᕈᒃ ᑎᒍᓗᒍ, ᐃᕿᓚᐅᕈᒃ; ᑖᓐᓇ ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑯ.”

ᓵᕋᓗ ᓄᑕᕋᒃᓴᖃᓕᕐᐳᖅ, ᐃᕐᓂᕐᑖᕐᑎᓪᓗᒍᓗ ᐂᑉᕋᕼᐋᒻ ᐃᓄᑐᖃᐅᓕᕐᑎᓪᓗᒍ, ᓯᕗᓂᖓᒍᑦ ᑕᒪᓐᓇ ᓇᓪᓕᐅᑎᓛᕐᓂᕋᕐᓗᒍ ᒎᑎᐅᑉ ᐅᖃᐅᑎᓚᐅᕐᒪᒍ.

ᓵᕋᓗ ᐅᖃᕐᐳᖅ, “ᒎᑎᐅᑉ ᖁᖓᒍᓐᓇᕐᓯᑎᑉᐹᖓ, ᑐᓴᕐᑐᓪᓗ ᑕᒪᕐᒥᒃ ᐅᕙᓐᓄᑦ ᖁᖓᖃᑕᐅᔪᒫᓕᕐᐳᑦ.”

ᒎᑎᐅᓪᓕ ᐂᑉᕋᕼᐋᒻ ᐅᖃᐅᑎᕚ, “ᐃᓱᒫᓘᑎᒋᓂᐊᕐᓇᒋᒃ ᑖᓐᓇ ᓄᑲᑉᐱᐊᖅ ᐊᕐᓇᕐᓗ ᐱᔨᒋᔧᑦ; ᐱᓇᓱᐊᓕᕆᓪᓕ ᓵᕋᐅᑉ ᐅᖃᐅᓯᖓ ᒪᓕᒡᓗᒍ; ᑖᑦᓱᒨᓇ ᐂᓴᑭᒃᑯᑦ ᑭᖑᕚᒃᓴᑎᑦ ᐊᑎᖃᕈᒫᕐᒪᑕ ᐃᓕᖕᓂᒃ.

ᑖᓐᓇᓗ ᐱᔨᕕᑦ ᐃᕐᓂᖓ ᐃᓅᖃᑎᒌᒡᔪᐊᓐᖑᕐᑎᑦᓱᒫᕐᐸᕋᑦᑕᐅᖅ, ᐃᕐᓂᕆᖕᒥᒐᕕᐅᒃ.”