آیات محبوب کتاب مقدس از ᒨᓯᓯ ᓯᕗᓪᓖᑦ 25

به اشتراک گذاشتن

ᐊᑕᓂᐅᓪᓗ ᐅᖃᐅᑎᕚ, “ᐃᓅᖃᑎᒌᒡᔪᐊᓂᒃ ᒪᕐᕈᐃᓂᒃ ᐃᓗᒥᐅᑕᖃᕐᐳᑎᑦ ᐃᒡᓕᐊᕐᓂ, ᐃᓅᒃ ᒪᕐᕉᒃ, ᐃᕐᓂᐊᕆᒍᕕᒋᒃ, ᐃᓅᖃᑎᒌᒍᓐᓇᕈᒫᓐᖏᓚᒃ; ᐂᑉᐸᖓ ᓴᓐᖏᓂᕐᓴᐅᔪᒫᕐᐳᖅ ᐂᑉᐸᕐᒥᓂᑦ, ᐊᖓᔪᒃᓯᕐᓗ ᐱᔨᑦᓯᕈᒫᕐᐳᖅ ᓄᑲᕐᒥᓂᒃ.”

ᐄᓴᓗ ᔧᑯᒧᑦ ᐅᖃᕐᐳᖅ, “ᑳᒃᑐᐊᓘᒐᒪ; ᑕᕝᕙᓐᖓᑦ ᐊᐅᐸᕐᑐᒥᑦ ᓂᕆᑎᓚᐅᓐᖓ.” (ᑍᒤᒻᒪᑦ ᐄᓴ ᐊᑎᖃᕐᑎᑕᐅᓕᓚᐅᕐᐳᖅ ᐄᑐᒥᒥᒃ.)

ᐂᓴᑭᓗ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ, ᓄᓕᐊᖓ ᕿᑐᕐᖏᓱᐃᑦᑑᖕᒪᑦ; ᑐᒃᓯᐊᕐᓂᖓᓗ ᐊᑕᓂᐅᑉ ᑐᓴᕐᐹ, ᓄᓕᐊᖓᓗ ᕇᐱᑲ ᓄᑕᕋᒃᓴᖃᓕᕐᐳᖅ.

ᐄᓴᓗ ᐅᖃᕐᐳᖅ, “ᐱᕐᓕᕐᓗᖓ ᑐᖁᑐᐃᓐᓇᕆᐊᖃᓕᕋᒪ; ᓱᓇᒧᓪᓕ ᐊᑐᕋᔭᓕᕐᐹ ᐊᖓᔪᒃᓯᐅᓂᖅ?” ᔧᑰᑉ ᑭᐅᕚ, “ᐅᖃᕕᖅᑳᓚᐅᕆᑦ ᐅᕙᓐᓄᑦ.” ᐄᓴᓗ ᐅᖃᕕᒃᐳᖅ, ᐊᖓᔪᒃᓯᐅᓂᓂ ᐊᑭᓕᐅᑎᒋᔪᒪᓪᓗᒍ ᔧᑯᒧᑦ.

ᑭᖑᓪᓕᐅᓪᓗᓂ ᐊᓂᔪᖅ, ᑎᒍᒥᐊᓚᐅᕐᐳᖅ ᐄᓴᐅᑉ ᑭᖕᒥᐊᓂᒃ; ᐊᑎᖃᕐᑎᑕᐅᕗᕐᓗ ᔧᑯᒥᒃ. ᐂᓴᑭᓗ ᐊᕐᕌᒍᖃᓕᓚᐅᕐᐳᖅ 60ᓂᒃ ᐃᕐᓂᖏᒃ ᐃᓅᓕᕐᑎᓪᓗᒋᒃ.

ᐂᓴᑭᐅᓪᓗ ᓇᒡᓕᒋᓚᐅᕐᐹ ᐄᓴ, ᐆᒪᔪᕐᑕᕕᓂᖏᓐᓂᒃ ᓂᕆᖃᑦᑕᕋᒥ; ᕇᐱᑲᐅᓪᓕ ᔧᑯ ᓇᒡᓕᒋᕚ.