آیات محبوب کتاب مقدس از ᒨᓯᓯ ᓯᕗᓪᓖᑦ 37

به اشتراک گذاشتن

ᔫᓯᐱᓕ ᓯᓐᓇᒃᑐᓚᐅᕐᐳᖅ, ᐊᖓᔪᓂᓕ ᑕᒪᑐᒥᖓ ᐅᓂᒃᑳᕐᕕᒋᖕᒪᒋᑦ, ᑖᒃᑯᓄᖓ ᐆᒥᒋᔭᐅᒋᐊᓪᓚᑐᐃᓐᓇᕐᐳᖅ.

ᐃᓴᕆᐊᓕᐅᑉ ᔫᓯᐱ ᓇᒡᓕᒋᓂᕐᓴᕆᓚᐅᕐᒪᒍ ᕿᑐᕐᖓᒥᓂᑦ ᑕᒤᓐᓂᑦ, ᐃᓄᑐᖃᐅᓕᕐᓗᓂ ᐃᕐᓂᕐᑖᕆᓯᒪᒐᒥᐅᒃ; ᐊᓐᓄᕌᒃᓴᖓᓂᒡᓗ ᓴᓇᓚᐅᕐᐳᖅ ᑕᑭᔪᒥᒃ ᐂᖅᑯᕐᑐᔪᒥᒃ.

ᐊᖓᔪᖏᓪᓕ ᖃᐅᔨᓕᕋᒥᒃ ᐊᑖᑕᖓᑕ ᓇᒡᓕᒋᓂᕐᓴᕆᖕᒪᒍ ᐃᕐᓂᓕᒫᒥᓂᑦ ᑕᒤᓐᓂᑦ, ᑕᕝᕙ ᐆᒥᒋᓕᕐᐹᑦ ᐊᒡᓛᑦ ᑐᓐᖓᓇᕐᑐᓂᒃ ᐅᖃᐅᑎᔪᓐᓁᓪᓕᓪᓗᒍ.

ᑕᕝᕙ ᔫᓯᐱ ᓱᓕ ᓯᓐᓇᒃᑑᒪᒃᑲᓐᓂᓚᐅᕐᐳᖅ, ᐊᖓᔪᒥᓄᓪᓗ ᐅᖃᐅᓯᕆᓪᓗᓂᐅᒃ, ᐅᖃᕐᓗᓂ, “ᑕᑯᒋᑦ ᓯᓐᓇᒃᑑᒪᒃᑲᓐᓂᓚᐅᕐᐳᖓ; ᑕᑯᒋᑦ, ᓯᕿᓂᖅ, ᑕᖅᑭᕐᓗ, ᐅᓪᓗᕆᐊᓪᓗ 11ᐃᑦ ᐅᕙᓐᓄᑦ ᐹᒻᒪᒃᑎᓚᐅᕐᐳᑦ.”

ᐊᖓᔪᖏᑕᓗ ᓯᒡᒐᑎᓕᕐᐹᑦ, ᐊᑖᑕᖓᑕᓕ ᑕᒪᓐᓇ ᐃᓱᒪᒥᐅᑕᕆᓕᕐᐹ.

ᐅᓂᒃᑳᕐᕕᒋᓕᕐᐰᑦ ᐅᖃᕐᓗᓂ, “ᓯᓐᓇᒃᑐᕆᓚᐅᕐᑕᓐᓂᒃ ᑐᓵᓚᐅᕆᑦᓯ; ᑕᑯᒋᑦ, ᓂᐊᖂᔭᒃᓴᓂᒃ ᑲᑎᕐᓱᕐᓯᒪᔪᓂᒃ ᕿᓚᒃᓱᐃᑎᓪᓗᑕ ᐱᕈᕐᓰᕕᖕᒥ, ᑲᑎᓯᒪᔭᒃᑲᓕ ᕿᐱᑍᑦ ᓇᑉᐸᕋᒥᒃ ᓇᐸᑦᓯᐊᓕᕐᐳᑦ; ᐃᓕᑦᓯᓗ ᑲᑎᓯᒪᔭᓯ ᑲᑎᓯᒪᔭᒪ ᐊᕙᑖᓄᐊᕐᓗᑎᒃ ᑕᕝᕗᖓ ᐅᑯᕗᑦ.”

ᐊᑏ ᑲᑐᑎᓗᒍ, ᑐᖁᓚᐅᕐᓚᕗᑦ ᐃᑎᕐᓴᒧᓪᓗ ᑲᑕᒃᑎᓪᓗᒍ; ᐅᖃᓛᕋᑦᑕ ᐆᒪᔪᒧᑦ ᐃᕐᓯᓇᕐᑐᒧᑦ ᓂᕆᔭᕕᓂᐅᓂᕋᕐᓗᒍ, ᑕᕝᕙ ᖃᐅᔨᓛᕐᐳᒍᑦ ᓯᓐᓇᒃᑐᕆᓚᐅᕐᑕᖏᑦ ᖃᓄᐃᓕᖓᓛᕐᒪᖔᑕ.”

ᑍᒤᒻᒪᑦ ᒥᑎᐊᓂᒥᐅᑦ ᑕᐅᕐᓰᔩᑦ ᐊᖅᑯᓵᓕᕐᐳᑦ; ᑕᕝᕙ ᔫᓯᐱ ᐃᑎᕐᓴᒥᑦ ᐊᒧᓪᓗᒍ ᐊᓂᑎᑉᐹᑦ, ᓂᐅᕐᕈᑎᒋᓪᓗᒍᓗ ᐃᓯᒤᓕᒥᐅᓄᑦ 20ᓂᒃ ᓯᐅᓪᕕᕆᓂᒃ ᐊᑭᖃᕐᓱᓂ; ᑖᒃᑯᐊᓗ ᔫᓯᐱ ᓇᒃᓴᓕᕐᐹᑦ ᐄᑦᔨᑉᑎᒧᑦ.

ᐃᒻᒥᖕᓄᑦ ᐅᖃᖃᑦᑕᐅᑎᕗᑦ, “ᓯᓐᓇᒃᑐᑎ ᕾᓕᕐᐳᖅ.

ᓱᓕᓕ ᐅᖓᓯᒃᑎᓪᓗᒍ ᑕᑯᕚᑦ, ᖃᒡᓕᓚᐅᕐᑎᓐᓇᒍ ᓱᓕ ᑕᕝᕙ ᐃᓱᒪᓕᐅᖃᑎᒌᓕᕐᐳᑦ ᑐᖁᑦᓱᒪᓪᓗᒍ.

ᕉᐱᓂᐅᑉ ᐅᖃᐅᑎᒃᑲᓐᓂᕐᐰᑦ, “ᑐᖁᖏᓪᓗᒍ; ᐅᕗᖓ ᐃᑎᕐᓴᒧᑦ ᑲᑕᒃᑎᓚᐅᕐᓯᐅᒃ ᐃᓄᖃᖏᑦᑑᒦᑦᑐᒧᑦ, ᖃᓄᐃᓕᖏᓪᓗᒍ.” ᑍᒤᓕᓚᐅᕐᐳᖅ ᑖᒃᑯᓇᓐᖓᑦ ᓴᐳᑎᔪᒪᒐᒥᐅᒃ, ᐊᑖᑕᖓᓄᓪᓗ ᐅᑎᕐᑎᑦᓱᒪᓪᓗᒍ.