آیات محبوب کتاب مقدس از ᒨᓯᓯ ᐱᖓᔪᖏᑦ 26

به اشتراک گذاشتن

ᐃᓚᒋᓂᐊᕐᐸᑦᓯ, ᐃᓕᑦᓯᓐᓄᑦ ᒎᑎᒋᔭᐅᓗᖓ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ.

ᓯᓚ ᓯᓚᓗᒃᑎᖃᑦᑕᕐᓂᐊᕐᐸᕋ ᓈᒻᒪᒃᓯᔭᕌᖓᑦ, ᓄᓇ ᐱᕈᕐᑐᒥᓂᒃ ᓴᖅᑭᑎᑦᓯᖃᑕᕐᓂᐊᕐᐳᖅ ᓂᕿᒃᓴᓂᒃ ᓇᐹᕐᑐᓂᒡᓗ ᐸᐅᕐᖓᓕᖕᓂᒃ.

“ᐱᖁᔭᒃᑲ ᒪᓕᒡᓗᒋ ᐃᓅᒍᑦᓯ, ᒪᓕᒐᒃᓴᐅᖁᔭᒃᑲᓗ ᓈᓚᑦᓯᐊᕈᓯᒋᒃ

“ᓄᓇᓯ ᐅᓇᑕᕐᕕᐅᖃᑕᕐᓂᐊᓐᖏᓚᖅ, ᓯᓂᖃᑦᑕᕐᓂᐊᕐᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᕐᓯᓇᕐᑐᑦ ᓄᓇᑦᓯᓐᓂᑦ ᐊᐅᓪᓚᕐᑎᓐᓂᐊᕐᐸᒃᑲ, ᑕᒫᓂᓗ ᐅᓇᑕᕐᑐᖃᖃᑦᑕᕐᓂᐊᓐᖏᓚᖅ.

ᓮᒻᒪᕐᑎᑦᓱᒪᕙᑦᓯ, ᑭᖑᕚᒃᓴᓕᐅᕐᓂᐊᕐᐳᓯᓗ ᐅᓄᕐᑐᓂᒃ, ᐅᓄᕐᓯᕙᓪᓕᐊᓂᐊᕐᐳᓯᓗ, ᐊᖏᕈᑎᒋᓯᒪᔭᒃᑲᓗ ᐃᓕᑦᓯᓐᓄᑦ ᑲᔪᓯᑎᓐᓂᐊᕐᐸᒃᑲ.

ᐅᕙᖓ ᐊᑕᓂᐅᒐᒪ ᒎᑎᓯ, ᐅᕙᖓ ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᐃᓖᔭᐅᓪᓗᓯ ᓯᐊᓛᖑᖁᔪᓐᓃᕐᓗᓯ ᐱᔪᓐᓇᕐᓂᖅ ᓯᖁᒥᓚᐅᕐᐸᕋ ᐃᓕᑦᓯᓐᓂᒃ ᐊᔪᓕᕐᑎᑦᓯᓯᒪᓚᐅᕐᑐᖅ ᒪᑭᑕᑦᓯᐊᕐᓗᓯ ᐱᓱᒍᓐᓇᖁᓪᓗᓯ.”

ᐃᓕᑦᓯᓐᓂ ᐃᓂᖃᕈᒪᕗᖓ ᑐᐱᕐᒥ ᐃᑦᔪᕐᓁᑦᑐᕕᖕᒥ, ᐊᓚᕐᓂᐊᓐᖏᓚᑦᓯᓗ.

“ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᕐᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᕐᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ.

ᐊᕐᕌᓂᑕᕐᓂᒃ ᓂᕿᖃᖃᑦᑕᕐᓂᐊᕐᐳᓯ ᐊᒡᕖᕐᑎᑦᓴᕆᐊᖃᓕᕐᐸᒡᓗᒋᑦ ᐊᒡᓛᑦ, ᓄᑖᓂᒃ ᓂᕿᒃᓴᓂᒃ ᓯᕐᓗᐊᑦᓯᓐᓄᑦ ᐴᕐᓯᔭᕆᐊᖃᓕᕌᖓᑦᓯ.

ᑕᓪᓕᒤᓐᓇᐅᓗᓯ ᓵᓚᖃᕈᓐᓇᕐᓂᐊᕐᐳᓯ 100ᓂᒃ ᐊᑭᕋᑦᓯᓐᓂᒃ, 100ᐅᓗᓯᓗ ᓵᓚᖃᕈᓐᓇᕐᓂᐊᕐᐳᓯ 10,000ᓂᒃ ᐊᑭᕋᑦᓯᓐᓂᒃ.

ᓂᕿᒃᓮᑦ ᐱᕈᕐᓯᐊᓯ ᐅᓄᕐᑐᒻᒪᕆᐅᓂᐊᕐᐳᑦ ᓂᐊᖂᔭᒃᓴᓂᒃ ᑲᑎᕐᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᕐᓰᓇᓱᒋᐊᖃᓕᖃᑦᑕᕐᓂᐊᕐᐳᓯ, ᓂᕿᒃᓴᖃᖃᑦᑕᕐᓂᐊᐳᓯ ᐊᒥᒐᕐᓯᖏᑦᓯᐊᕐᓗᓯ ᐃᕐᓯᓇᑐᖃᖏᑦᓯᐊᕐᑐᒥ ᓄᓇᖃᕐᓂᐊᕆᕗᓯ.

ᐊᑭᕋᑦᓯᓐᓂᒃ ᓵᓚᖃᕐᑎᖃᑕᕐᓂᐊᕐᐸᑦᓯ.

ᓴᐸᑎᑦ ᐋᖅᑭᒃᓯᒪᔭᒃᑲ ᑲᒪᒋᑦᓯᐊᕐᓯᒋᑦ, ᐃᑦᔪᕐᓁᑎᑕᒃᑲᓗ ᐅᐱᒋᑦᓯᐊᕐᓯᒋᒃ ᐅᕙᖓ ᐊᑕᓂᐅᒐᒪ.