آیات محبوب کتاب مقدس از Matayo 5

به اشتراک گذاشتن

Hangɨ antʉ shanga akɨlya lʉmʉlɨ alʉkunɨkɨle mʉnyʉngʉ, ingɨ lʉmʉlɨ lɨɨkwa paʉpagɨko migʉlya alɨkɨlwe antʉ ɨhi nɨamolɨ mʉnyʉmba Ʉʉgwa lʉkʉlʉ lʉmʉlɨ lanyʉ isingilye kʉalɨkɨla antʉ kʉntongeela, ahʉme kihenga ntendo yanyʉ ninziza, anga aone intendo yanyu ninza amʉkʉlye ʉ Tata wanyʉ nʉa kigʉlʉ.

Ʉnyenye ingɨ mɨantʉ akʉamanyisa antʉ itʉme aya ni Itunda ʉmaloilwe. Mɨmpyani nɨ nyʉmba nɨzengilwe mʉlʉgʉlʉ shanga mʉhumile kipiha.

Akembetilwe awa nɨagila anga magazo mʉnkolo yao, kʉnsoko nɨanso akʉmʉona Itunda!

Akembetilwe awa nɨakete nsʉla akitʉma aya namʉloeeye Itunda, kʉnsoko Itunda ʉkʉapa ngulu niya kitʉma nanso.

Ingɨ ʉnene kʉmʉɨla, mʉalowe alʉgʉ anyʉ nʉ kʉalompeela awa nɨakʉmaja

“Akembetilwe antʉ awa nɨ alɨnga kina amʉtakile Itunda, kʉnsoko ʉtemi wang'wi Itunda ingɨ wao!

Akembetilwe nɨaloilwe antʉ ikiɨ nɨ matiliga, kʉnsoko nɨanso akitangwa ana ang'wi Itunda!

Akembetilwe antʉ awa nɨ akɨa mʉnkolo, kʉnsoko Itunda ʉkʉsʉkɨɨlya ʉlowa!

Akembetilwe awa nɨakagigwa kʉnsoko akitʉma aya Itunda nʉmaloilwe, kʉnsoko ʉtemi wang'wi Itunda ingɨ wao.

Akembetilwe awa nɨakete kɨaisa kʉaʉya, kʉnsoko nɨenso akʉasɨɨligwa ni Itunda.

“Mʉkembetilwe ʉnyenye nɨmʉkʉtʉkilwa nɨantʉ nʉkagigwa nʉ kʉtambʉlwa ʉbɨɨ, kʉnsoko mʉkitʉma aya Itunda nʉmaloilwe. Iloi, nʉkʉkʉa ngiligili kʉnsoko kɨpegwa kanyʉ kɨkʉlʉ kɨmʉlindɨɨe kigʉlʉ. Ingɨ itɨ ʉʉ aɨatendile ɨamanga ang'wi Itunda naɨ amʉtongee ʉnyenye.

Akembetilwe awa nɨ ininompya, kʉnsoko nɨanso akʉpegwa ihɨɨ ɨtule ao.

“Ʉnyenye mimpyani nʉ mʉnyʉ kʉanonɨa antʉ nɨalɨkalo lʉbii, atʉle nʉ lɨkalo nʉlʉza mihɨɨ. Ingɨ mʉnyʉ anga ʉlimɨlye ʉʉza wakwe ʉkʉtendwa ʉlɨ ʉnone? Mʉnyʉ nʉwanso wɨhunʉlwa kʉnzi nʉkʉpambatwa nɨ antʉ.

Kʉlʉlo gwa, mʉleke kʉtula nɨ magazo anga Ʉtata wanyʉ nʉa kigʉlʉ nɨmʉgila anga magazo!

Anga ‘Itule wagomba’ ‘lunga nagomba’ anga ‘Itule wahita’ ‘lunga nahita’ nkani yɨhi niikʉkɨla nkani izi ɨpʉma kʉng'wa shetani.

Yesʉ wɨkalongeleka kʉlʉnga, “Mimigʉlye yatambʉwe kɨna, ‘Liho kʉ liho, lino nɨ lino.’ Ingɨ ʉnene nʉmʉɨɨe, mʉleke kikʉngʉma nʉ mʉntʉ nʉmʉbɨ. Anga mʉntʉ wakʉkʉe ikʉnda lɨng'wi, mʉpɨʉɨle nikʉnda lʉlya.

Itɨ gwa, angaitule liho lako lɨkʉʉsasha lɨkompole ʉligʉme kʉlɨ. Bahʉ wingɨle kigʉlʉ ize wihongo, kʉkɨla ʉmʉɨlɨ wako wɨhi ʉgʉmɨlwe kʉʉlʉngʉ. Ang'wɨ mʉkono ako nʉakigoha ʉkʉʉsasha, ʉteme ʉgʉme kʉli. Bahʉ kʉlimɨlya mʉkono ako ʉng'wɨ, kʉkila mʉili ako wɨhi kʉʉlʉngʉ kihɨɨ aashi.