آیات محبوب کتاب مقدس از Walumi 6

به اشتراک گذاشتن

Manake uhagasang'hanila malozo malawilo gake ni ifa, mbali gweko diyalava Mulungu ni ugima ulibule uhelelo kwa kuilumba na Kilisito Yesu, Mndewa wetu.

Baho malozo hagawagazeni kaidi, manake hamlongozigwa na ndagizi, mbali kwa unovu wa Mulungu.

Vichibatizigwe chiilumba nayo na chiwandigwa hamwe nayo muiifa yake, ili kama vija Kilisito viyazilibuligwe kwanzila ya ukulu wa Tata, cheye ivija chidahe kukala muugima wa sambi.

Hebu sekemlave hata hanhu hamwe mzing'huli zenu chiwe chilungo cha kusang'hana ubananzi na malozo. Badili yake, muilavile mweye wenyego kwa Mulungu kama wanhu wazilibuligwe, ilaveni wenyego kwa Mulungu kwambuli ya kutogoligwa nayo.

Chivimanya kua unhu wetu wa mwaka ufa na uwambigwa muumsalaba hamwe na Kilisito, ili uja unhu wa malozo ubanangike, sekechiwe watumwa wa malozo kaidi.

Namweye ivija molondeka muione kua mufa kwa mbuli ya malozo, mbali muione wanhu mokala kwa kuilumba hamwe na Mulungu kwa kumtogola Kilisito Yesu.

Ivo chilonge choni? Ivo chigendelele kutenda malozo ili unovu wa Mulungu wongezeke? Habule! Kuja kulonda kutenda malozo mmwetu kudanganika, chodahaze kugendelela kukala mmalozo?

Mvimanya kua mhailava wenyego kama watumwa na kumtegeleza munhu, mokua watumwa wake kweli munhu iyo, hebu mwahailava wenyego kua watumwa wa malozo gaja hachikomelezo chenu ni ifa, hebu kwa kutegeleza Mulungu haichikomelezo motogoligwa nayo.

Baho mwaka mkala watumwa wa malozo, mbali sambi nomwing'ha hewela Mulungu, kwavija mtogola mmoyo kutegeleza mahala gamwing'higwe. Mkomboligwa kulawa muutumwa wa Malozo, muwa watumwa wa gatogoligwa na Mulungu.