Nao hem i blesem Josef long nem blong God blong hem, we i God blong Ebraham mo Aesak. Hem i talem se,
“God blong bubu blong mi, hem i God blong papa blong mi,
mo i God blong mi.
Oltaem hem i stap lidim mi,
kam kasem tede,
mo enjel blong hem i stap tekemaot mi long olgeta samting we i save spolem mi.
Prea blong mi we hem bambae i blesem tufala boe ya.
Prea blong mi, we nem blong mi,
mo nem blong papa blong mi, mo nem blong bubu blong mi,
tufala boe ya bambae i save holem ol nem ya i stap olwe.
Prea blong mi, we tufala bambae i gat plante pikinini blong tufala,
mo we bambae i gat
plante pikinini bakegen we bambae oli kamaot biaen long tufala.”