آیات محبوب کتاب مقدس از Mattaay 28

به اشتراک گذاشتن

Shaawti difnaat kasseeh yhasheeb gwida kwiriyaatay dꞌiina. Bareeh Ubaabaawwa, Wꞌoorwa, Eeshuuk Imugaddasaayeewwa simii misna. Ani sooyaneetookna toona aree kastooh bareeh allamaana. Ani han sidik diimaab geebookna eefi, tuduniyaati agiya ookna ookiik geebookna eefi.” idi.

Malya Yasuuꞌa dehaay eeyaayt, “Kastuuh tehadꞌaayi toobuutwa tibreeteebwa teefeet aneeb attiyeewiyaatu.

Umalak timꞌatee dehaay, “Biirakwiina, bataak Yasuuꞌaab isallabamiyaab tehariwneet toona akteen. Baruuh tooy kiihaay, baruuh suur diyaab iiktiyeet tunaatiit yakamiya. Mꞌaanaat baruuh hooy daasamaab iiktiyeeb oomhiin shibibna.

Yasuuꞌa bateeh infaraad, “Biirakwiina! Difnaat aniib isana Jaliil eebiineet toona sooyaana! Beentooy baraah rhiheeb iyadna.” idi.

Ifagiiriya isuurkina yꞌeegrimaayi geeb immararaayniit mikir imkirna. Ikajar gwida mhallaga balsaat yhiin. Baraah ikajaree dehaay, “Baraak bak diina ‘Ikwiriyaatayaah whawaad eeyaaniit hinin diwee barooh igwiharna.’ diina. Aan ibhali whaakim ikatimneek, hinin barooh agbilisnay, aree bareek igwirhaayee iifrꞌa hookna indi.” idiin. Aflaay ikajar imhallaga iyheena, aree toona baraah soomamiyaaneet idꞌiin. Aree aan ibhali Iyahuudi bitik oon amsi ookiik hadiidameen.