آیات محبوب کتاب مقدس از LUK 23

به اشتراک گذاشتن

आप्पुड येशुड आन्या, “हे यब्बा, वारनी क्षमा शेय, येनटीक की वार येम शेस्तुनार इदी वारकी तेल्वाद.” मंग वार वानी बट्टाल फंचकुनेदेंक चिट्ट्याल येशीर.

येशुड वान आन्या, “निन निक खरेम शपतान, इबद नु ना जताक स्वर्गलोकला उंड्याव.”

मंग वाड येशुन आन्या, “हे येशु, नु नी राज्यलोंग वच्याव आप्पुड नाद ध्यानाम फेट.”

येशुड बेग्गे कीरल्या, “हे यब्बा, निन नाद आत्मा नी शेतल्या सोपास्तान.” इल्ला माटलाडी वाड जेम इडस्काड्या.

मंग वार “कवटी” आनीने जागा मिंदीक वच्चीर, आंदु वार येशुन इंगा आ अपराधीलान, वगान वान मंची शेय तीकुड इंगा वगान रोड्डा शेय तिकुड इल्ला क्रुस मिंदा खिळाशीर.

आ वेळला देगा देगार मद्यानी बारा वागीनेय उंड्या इंगा मुड वागीन नंताक आंता देशामला अंधकार पसराशा. सुर्यद यलगु निलवाक फो इंगा परमेश्वर भवन लोनदी पडदा नडमीकेल शिंग्या इंगा दानी रोंड भागलु आय्या.

आप्पुड रोमी शताधीपती घडाशीनेद आंता सुशी परमेश्वरदी गौरव शेशा इंगा आन्या, “खरेखरेम इड नितीमान मनशी उंड्या.”