آیات محبوب کتاب مقدس از MAT 5

به اشتراک گذاشتن

मंदी दिव्वा आंची आदी गंपा किंदा दाशी फेट्टार, पण आदी दिव्वा फेट्टे जागाला फेटतार आंटे आदी दिव्वा इंटल्योन्टोर आंता मंदीक यलगु इस्ताद. मिद यलगु मंदी मुंदार इल्ला चमकाया निंडा की वार मी मंची फनुल सुडाला इंगा मी परमेश्वर आब्बानदी यवाड स्वर्गला उंडाड वानदी प्रशंसा शेयाला.

मीर इ आंता दुन्यामलोन मंदी इचांग यलगु लेका उंडार; कोंडा मिंदा उंडीनेद नगर दागी शकायाद.

यवार अंतकरणता शुद्ध वार धन्य उंडार, येनटीक की वार परमेश्वरनी सुशार.

यवार इमानदारीता जगाशेद इच्छा फेटतार वार धन्य उंडार, येनटीक की परमेश्वर वारदी इच्छा पुर्ण शेशी.

पण निन तर मिक शपतान, मीर मी शत्रु मिंदा प्रेम शेयना इंगा यवार मिक त्रास इस्तार वार इचांग प्रार्थना शेयना.

“यवार आत्माता ‘गरीब’ वार धन्य उंडार, येनटीक की स्वर्गद राज्य वारदे उंडाद.

यवार शांती स्थापित शेस्तार वार धन्य उंडार, येनटीक की वारनी परमेश्वर बिळ्ळु आन्यार.

‘यवार शोक शेस्तार’, वार धन्य उंडार, येनटीक की ‘परमेश्वर वारकी शांती इच्ची.’

मंची फनुल शेशे इचांग यवारदी छळ आयनाद वार धन्य उंडार, येनटीक की स्वर्गद राज्य वारदे उंडाद.

यवार दयाळु उंडार वार धन्य उंडार, येनटीक की परमेश्वर वार मिंदा दया शेशी.

यप्पुड मंदी मीर ना शिष्य उंडार आंका मिद अपमान शेस्तार इंगा त्रास इस्तार इंगा मी विरुद्धला आन्नी प्रकारी वाईट लबाड माटलाडतार आप्पुड मीर धन्य उंडार. आनंद इंगा उल्लास शेयना, येनटीक की मी इचांग स्वर्गला फेद्दा प्रतिफळ उंडाद, येनटीक की मिकाना पहिला यवार संदेष्ट्याल उंडीर वारकी पण वार इल्ले त्रास इच्चीनीर.

‘यवार नम्र उंडार’ वार धन्य उंडार, येनटीक की ‘वारकी पृथ्वी मिंदा हक्क शिक्की.’

मीर इ दुन्यामलोन मंदी इचांग उप्पु लेका उंडार, पण जर उप्पुद रोसपणा फोया तर आदी इंगा यल्ला रोस शेया वच्ची? आदी तर मुंदारकी यादुच फनीक फडांदे फक्त फेकेशेदेंक इंगा मनशी काळा किंदा तोक्के फनीक निलची.

दिनिचांग यल्ला मी स्वर्गीय परमेश्वर आब्बाड परिपुर्ण उंडाड आल्ले मीर पण परिपुर्ण कांडा.

तर मिद माटा, हुं तर हुं लेद तर लेद इंते बेक; दिन काना जास्त येम पण मीर माटलाडतार आदी आ शैतान तीकेल उंडाद.

‘कन्नु बद्दल कन्नु’ इंगा ‘फन्नु बद्दल फन्नु’ इल्ला नियमशास्त्रला शप्पीनेद उंड्या, इदी मीर इनीनेद उंडाद. पण निन तर मिक शपतान, वाईट मनशीद विरोध शेयाकुंडा. पण यवाडाना नी मंची शंपाक मतताड, वान तीकुड इंगोगोट शंपा शेय

जर नी उजवा कन्नु निन्नु पाप शेशेदेंक मजबूर शेस्ते तर आदी तिशी फेकेस्काड; येनटीक की नीद आंता शरीर नरकला येशेदेंक दावाला दिन पेक्षा नी वगा अवयवदी नाश कावाला इदी नी इचांग शिंगार उंडाद. नीद तिनेद शेय जर निन्नु पाप शेशेदेंक मजबुर शेस्ते तर आदी तेंपी फेकेस्काड; येनटीक की नीद आंता शरीर नरकला फडाला, दिन पेक्षा नी वगा अवयवदी नाश कावाला इदी नी इचांग शिंगार उंडाद.