آیات محبوب کتاب مقدس از MAT 7

به اشتراک گذاشتن

येशुड मुंदारकी आन्या, आडगुना आंटे मिक इच्चेदेंक वच्ची. फुडकुना आंटे मिक शिक्की, कोटना आंटे मी इचांग कवाड तेरशेदेंक वच्ची.

येनटीक की यवाड येमाना आडगुताड आदी वानकी शिक्ताद, यवाड फुडकुताड वानकी शिक्ताद इंगा यवाड कोटताड, वान इचांग कवाड तेरशेदेंक वस्ताद.

येशुड मुंदारकी आन्या, दिनिचांग यवाड पण नाय इ माटलु इनी निन शप्पीनेलेका नडस्ताड वाड आ बुद्धीमान मनशीलेका उंडाड, यवाड मना इल्लुद जोता राय मिंदा कटनाड.

येशुड मुंदारकी आन्या, दिनिचांग याय माटलु मंदी मी इचांग शेयाला इल्ला मिक वाटास्ताद आय आन्नी माटलु मीर पण वार इचांग शेयना, येनटीक की नियमशास्त्र इंगा संदेष्ट्याल राशीने लेखदी अर्थ इद्दे उंडाद.

पण सार्वकालिक जीवन तीकुड फोयेद कवाड शिन्नाद इंगा दावा अडचणदी उंडाद इंगा यवारकी आदी शिकताद वार शेंगेम कमी मंदी उंडार.

येशुड मुंदारकी आन्या, मीर फक्त शिन्ना कवाडताने लोनीक फोई शकास्तार, येनटीक की नाशतीकुड फोयेद कवाड फेद्दाद इंगा दावा सरळ उंडाद इंगा दांटल्योन्केल लोनीक फोयेतोर शेंगेम मंदी उंडार.

जर मीर वाईट उंडीगास पण मी बिळ्ळाक मंची माटलु इच्चेद मिक तेलस्ताद तर मी स्वर्गीय परमेश्वर आब्बाड यवार वान आडगुतार वारकी, वाड मंची वस्तुल येनटीक इयाक फोई?

येशुड नेरपेद चालु फेट्या इंगा आन्या इंगोगोरदी न्याय शेयाकुंडा, आंटे मिद पण न्याय शेशेदेंक दाका फोई. येनटीक की यल्ला मीर इंगोगोरदी न्याय शेस्तार आल्ले परमेश्वर मिद पण न्याय शेशी इंगा परमेश्वर मी जताक आल्ले वागाशी यल्ला मीर इंगोगोर जताक वागास्तार.

पण यवाड पण नाय इ वचनलु इनी आटला लेका नडवाड वाड आ मूर्ख मनशीलेका उंडी, यवाड मना इल्लुद जोता रेती मिंदा कटन्या.

निक नी कंडलालोंदी इंतोट कचरा कमसाद पण नु इंगोगोर कंडलालोंदी इंतुस्के कचरा येनटीक सुस्ताव? लेकाते ‘नी कंडलालोंदी इंतुस्के कचरा नन्नु तीयानी’ इल्ला नु इंगोगोन यल्ला आंटाव? यप्पुड, नी स्वता कंडलालाने इंतोट कचरा उंडाद.

येशुड मुंदारकी आन्या, खोटा संदेष्ट्याल बद्दल सावधान उंडना. यवार मेंढऱ्याल रुप येस्केन मी तीकुड वस्तार. पण खरेम शपते तर वार लोनीकेल क्रुर लांडगाल उंडार. वार फनुला मिंदकेल मीर वारनी ओळखाशार. मुंडला शट्‍टुक अंगुरलु आंटताय येम? का मुंडला शट्‍टुक अंजीरलु आंटताय येम?

आल्ले शिंगार शट्‍टु शिंगार फळ इस्ताद, पण वाईट शट्‍टु वाईट फळ इस्ताद.

शिंगार शटलाक वाईट फळलु इया दाद इंगा वाईट शटलाक शिंगार फळलु इया दाद.

याय शटलु शिंगार फळलु इयाव आय तेम्पदेंक वस्ताय इंगा आग्गीला येशेदेंक वस्ताय.