آیات محبوب کتاب مقدس از Teḛ-Raga 7

به اشتراک گذاشتن

Njesigənea̰ ula Moyis pana: Oo, ma m’ari to asəna gə Ala mbata lə Parao̰, ŋgokɔḭ Aaro̰ lé to njekun ta gə́ tai’g kula dəwje tɔ.

Ma lé m’a kar mee Parao̰ ndər, tɔɓəi m’a kar nétɔjije ləm, gə némɔrije ləm d’ḭ dɔ maree’g gə́ kédé-kédé mee ɓee gə́ Ejiptə. Parao̰ a koo ta lə sí el. M’a kula jim ndiŋ dɔ Ejiptə’g ndá m’a kar koso-dəwje ləm gə́ to Israɛlje lé d’unda loo mee ɓee gə́ Ejiptə teḛ gə goo rəwta-gaŋgje gə́ boo-boo lé ya.

Loo gə́ m’ula jim ndiŋ dɔ Ejiptə’g ləm, gə m’ar Israɛlje d’unda loo teḛ dan dee’g ləm tɔ ndá Ejiptəje lé d’a gər gao to gə́ ma lé m’to Njesigənea̰ ya.

Nɛ Parao̰ ula kula ɓar njékəmkàrje gə njésukəm mar deeje ləm tɔ, tɔɓəi njéra némɔrije gə́ Ejiptə lé némɔrije lə dee-deḛ kara ar dee ra togə́bè tɔ. Deḛ lai d’ɔm kag-tɔsje lə dee naŋg ndá deḛ tel to lije tɔ. Nɛ kag-tɔs lə Aaro̰ lé turu kag-tɔsje lə dee-deḛ lé mée’g mag-mag ya.

Togə́bè ɓa Njesigənea̰ pana: Gə né gə́ togə́bè lé i a gər ne to gə́ neḛ n’to Njesigənea̰ ya. Kag-tɔs gə́ to jim’g nee lé m’a kunda ne mán baa ndá manje lé d’a tel to məs.

Ɓó lé Parao̰ ula sí pana: Raje némɔri arje neḛ n’oo ndá i Moyis lé a kula Aaro̰ pana: Un kag-tɔs ləi, ila naŋg no̰ Parao̰’g. Ndá kag lé a tel to li. Moyis gə Aaro̰ d’aw rɔ Parao̰’g tɔɓəi deḛ ra né gə́ Njesigənea̰ un ne ndia ar dee gə mba kar dee ra lé tɔ. Aaro̰ ila kag-tɔs ləa naŋg no̰ Parao̰’g gə no̰ kuraje’g ləa ndá kag lé tel to li ya tɔ.