آیات محبوب کتاب مقدس از SAN JUAN 10

به اشتراک گذاشتن

’A̱ ntá xíche̱e mé jehó chrókueé la ko tjinkaon chrókꞌóyán la ko chrókjuinchekꞌitjáyan kaín nkehe. A̱ ntá janhan kꞌuinka kíxin tsochontaxinrá kjuachón na mé kjuachón jnkochríxín.

Janhan mé ijnko pastor jína a̱ ntá tí pastor jína mé tsꞌenyákonhe̱n tí kolélo a.

Tí kolélo kuènta̱na mé tjatso̱an va tí tanná la ko kja̱xin janhan tjátso̱an tí jehe va la ko jehe va mé chréhe̱ va tí janhan.

Janhan mé tja̱ha̱ va tí kjuachón jnkochríxín la í tsꞌitjáyanhya va la ko ninkexró tsjachahya tsakitsjexín va tjaná.

Janhan mé tí puerta a mé tꞌixe̱nxínrá tí janhan mé tsaárá la mé tso̱yóha̱rá tí kolélo siín kjuachaxin tsꞌaxrjexín va tí kòrré va sátsjikjine va la ko siín kjuachaxin tsꞌixenhen va tí tsꞌinkachjina va ínaá.

’A̱ ntá janhan mé ijnko pastor jína. Mé xi̱kaha Tꞌaná chóxin chꞌán tí janhan la ko kja̱xin janhan choxian tí jehe chꞌán mé xi̱kaha choxian janhan tí sín éxí kolélo kuènta̱na la ko jehe sín mé chóxin sín tí janhan. Ntá tsꞌényákonha̱n tí sín éxí kolélo kuènta̱na.

Ó kjuanjon Tꞌaná, mé tí nkexro tjetóxin tꞌe̱to̱an, na ninkexró tsjacha tsakitsjexín va tí tja chꞌán. Janhan la ko Tꞌaná na mé jnkoko̱á nkexro tíha ―ichro chꞌán.

’A̱ ntá janhan mé ijnko pastor jína. Mé xi̱kaha Tꞌaná chóxin chꞌán tí janhan la ko kja̱xin janhan choxian tí jehe chꞌán mé xi̱kaha choxian janhan tí sín éxí kolélo kuènta̱na la ko jehe sín mé chóxin sín tí janhan. Ntá tsꞌényákonha̱n tí sín éxí kolélo kuènta̱na.

Kohya nkexro tsakitsjena tí kjuachón chonta janhan tí chrókjuánjonhya kjuachaxin. Chonta janhan kjuachaxin itsꞌén la ko chonta janhan kjuachaxin tsoxechónna ínaá. Tíhi mé kꞌue̱tua̱nna Tꞌaná ―ichro chꞌín Jesús.

Ntá chrónka chꞌín Jesús ínaá ntáchro chꞌán kíxin: ―Ijnko nkehe tjetoan tso̱tjo̱nka̱rá kíxin janhan la éxí tí puerta tꞌixenxín tí kolélo tí tꞌinkachjina va.

A̱ ntá tí nkexro chꞌe xra̱ tjinkaon chrókjuacha ó na mé tsꞌikon chꞌán itsi ijnko kolobo tsíto̱he chꞌán tí kolélo sátsji chꞌán kíxin jehe chꞌán la jehya tí nkexro tꞌayakonhen tí kolélo la ko jehya kolélo kuènte chꞌán. Ntá tí kolobo mé tsotsé va tí kolélo ntá tsinká va la sátsjichroe va.

Ntá ntáchro chꞌín Jesús kíxin: ―Imá tjetoan tí nkehe tjétjo̱nka̱rá kíxin tí tsꞌixenhen ijnko chojni tí tꞌinkachjina kolélo ntá jehya puerta tí corral tꞌixenxín chꞌán na mé ókjé chrokꞌuixenxín chꞌán na mé xíche̱e tíha la tjinkaon chrókueé.