یارادیلیش 10
10
نوحون نسلی
1نوحون اوغوللاری سام، خام و یافِتئن نسئل تارئخچه‌سی بله‌دئر. بؤیوک سلدن سونرا اونلارین اوغوللاری اولدو.
2یافِتئن اوغوللاری: گومِر، ماگوگ، مادای، یاوان، توبال، مِشِک و تئراس. 3گومِرئن اوغوللاری: اَشکه‌ناز، رئفات و توگَرما. 4یاوانین اوغوللاری: اِلئشا، تَرشئش، کئتّئم و دودانئم. 5بونلاردان ساحئل‌‌نشئن خالقلار، اؤز تورپاقلارینا یاییلدیلار؛ هر بئری اؤز دئلئنه، اؤز طایفالارینا، و اؤز مئلّتلرئنه گؤره.
6خامین اوغوللاری: کوش، مئصره‌یئم، پوت و کَنَعان. 7کوشون اوغوللاری: سِبا، خَوئلا، سابتا، راعما و سابتِکا. راعمانین اوغوللاری: شِبا و دِدان. 8کوشون نَمرود آدلی بئر اوغلو دا اولدو. او، یِر اوزونده ائلک قودرتلی آدام اولدو. 9نَمرود ربّئن حوضوروندا ماهئر بئر شئکارچی ائدی، بونا گؤره ده «ربّئن حوضوروندا نَمرود کئمی ماهئر شئکارچی» سؤزو دیئلئر. 10اوّلجه اونون پادشاهلیغینا شئنعار اؤلکه‌سئنده اولان بابئل، اِرِک، اَکَد و کالنه داخئل ائدی. 11او بو تورپاقدان آشور تورپاغینا کؤچوب، نِینَوانی، رِخوبوت-عئری، بؤیوک شهر اولان کَلاخی، 12نِینَوا ائله کَلاخی آراسینداکی رِسِنی تئکدی.
13مئصره‌یئم بو نسئللرئن آتاسی ائدی: لودلولار، آناملی‌لر، لِهابلی‌لار، نَفتوخلولار، 14پَتروسلولار، فئلئسطلی‌لرئن اَجدادی اولان کَسلوخلولار، هم ده کَفتورلولار.
15کَنَعانین نسئللری بونلاردیر: ائلک اوغلو صئدون، خِت، 16هم ده یِبوسلولار، اِمورلولار، گئرگاشلی‌لار، 17خئولی‌لر، آرقلی‌لار، سئنلی‌لر، 18اَروادلی‌لار، سِمارلی‌لار و حاماتلی‌لار. سونرالار کَنَعان طایفالاری اطراف یرلره یاییلدی. 19کَنَعانلی‌لارین اراضئسی صئدوندان گِرارا طرف غزّه‌یه قدر، سودوما، گومورایا، اَدمایا، سِبویئمه طرف لاشایا قدر اوزانیردی. 20بونلار خام اوغوللاریدیر کی، اؤز اؤلکه‌لرئنده و مئلّتلرئنئن آراسیندا طایفالارینا و دئللرئنه گؤره آیریلدیلار.
21و ساما دا کی، عِبِرئن بوتون اوغوللارینین اجدادی و یافِتئن بؤیوک قارداشی ائدی، اوغوللار اولدو. 22سامین اوغوللاری: عِیلام، آشور، اَرفَکشَد، لود و اَرام. 23اَرامین اوغوللاری: عوص، خول، گِطِر و مَش. 24اَرفَکشَددَن شِلَخ اولدو، شِلَخدن عِبِر اولدو. 25عِبِرئن ائکی اوغلو اولدو: بئرئنئن آدی پِلِگ #10:25 «پِلِگ» - عئبرانی دئلئنده یعنی«بؤلونمه» ائدی، چونکی اونون دؤورانیندا یر اوزو بؤلوندو. قارداشینین آدی یوقتان ائدی. 26یوقتاندان اَلموداد، شِلِف، خَضَرماوِت، یِرَخ، 27حادورام، اوزال، دئقلا، 28اوبال، اَبئمائل، شِبا، 29اوفئر، خَوئلا و یوباب اولدو؛ بونلارین هامیسی یوقتانین اوغوللاری ائدی. 30اونلار شرق سمتئنده، مِشادان سِفارا طرف یرلشن داغلیق بؤلگه‌ده مسکن سالمیشدیلار. 31بونلار سام اوغوللاری ائدئلر کی، اؤز اؤلکه‌لرئنده و مئلّتلری آراسیندا طایفالارینا و دئللرئنه گؤره آیریلمیشدیلار.
32اؤز مئلّتلری آراسیندا نسئللرئنه گؤره نوح اوغوللارینین طایفالاری بونلاردیر. بؤیوک سلدن سونرا بونلاردان یِر اوزونه مئلّتلر بؤلوندولر.
اکنون انتخاب شده:
یارادیلیش 10: موقدس کتاب
های‌لایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Elam Ministries 2013. All rights reserved.