Lukə 16
16
Hɛn gɔw laaikɛ mun gbąnąą
1Jesus ə mo nwɔ kalan nɛai diɛ, yɛ diɛ: «Hɛn gɔw nąmu kɛnɛ̨ ta ə kɛ laa, ə nu ta həɠə, yɛ ɲɛ̨i kɛ nwɔ hɛn gɔwi ɓa. Hvóló ta, di pa diɛ mą: ‹Ə́ wɔ hɛn gɔw laaikɛ mun kaa ɉɛn gɔw hu kalai.› 2Ɉɛn gɔw nąmu ə nwɔ hɛn gɔw laaikɛ mun də li, yɛ mą: ‹Ŋą́ą́ mɛ̨nįɠaa mɛ̨n ə́ laa mɛ̨i, yii hvo lɛlɛ li, bələi hiɛ ə́ kaa goló kɛi la, pa ə́ gwɛlanmo kɛ. Mąąhɔlɔɓo, hvo kɛa pai lɛɛi a nwɔ́ hɛn gɔw laaikɛ mun.› 3Ɉɛn gɔw laaikɛ mun tii ə giliŋąhiɛ, yɛ diɛ: ‹Nwún nąmu kaa pai gɛ́ koló kulɔi ɲéi, a kɛ tii, lə ɓə gáá pai gɛi? Huwalawala hvo ɲéi və́ yɛa koló kɛ, ŋą kɛ nwɔ̨nɔ̨ gáá gɔ́nɔn vɛlii nuą diɛ, yili kaa pai kɛi mą́ą́ a nwumɛ̨ mɛ̨nį. 4Yii mąąnɛ̨ɛ̨ ŋį́ gɛ, əgɛ, da gúlɔ góló hu, nuą di di yee hee mú, ŋą́ą́ gɔlɔn.› 5Yili pulu, nuą kpɔ ɉɛn nąmui tii nwɔ kwələ ə kɛ diɛ, ɉɛn gɔw laaikɛ mun ə gəlee təli kpɔ tɛitɛi. Yɛ nu dɔlɔɔ ɓa: ‹Lə ɓə gwələ kaa yɛ́?› 6Yili yɛ mą: ‹Wulɔ yaliɠí nwun dɔ̨nɔ̨.› Ɉɛn gɔw laaikɛ mun yɛ mą: ‹Yii mąąnɛ̨ɛ̨ ə́ ɉala ya ɓaa: pow lɔɔli.› Ɉɛn gɔw laaikɛmun yɛ mą: ‹Ə́ wɔɔ hɛɓɛ́i ka, 'héé ə́ bɛ̨ɛ̨ pow lɔɔli ɉa-ɉa.› 7Yɛ dɔ̨nɔ̨ ɓa: ‹Yɛ́ kpɛli, lə ɓə gwələ kaa yɛ́?› Yili yɛ mą: ‹Mɔ̨nun mɔlɔ nwundɔ̨nɔ̨.› Ɉɛn gɔw laaikɛ mun tii yɛ mą: ‹Ə́ wɔɔ hɛɓɛ́i ka, 'héé, ə́ bɛ̨ɛ̨ pow mɛ̨ihaaɓa ɉa-ɉa.› 8Ɉɛn gɔw laaikɛ mun vuluɔ tii, nąmu ə mąątɛ̨nɛ̨ nwɔ gbąnąlaa túwɔ́ tii hu. Ɲɛnɛ̨ɛ̨ ŋɛ̨i hu nuą gbąnąąi di kee ni lɔwai mɛ̨nįɠaa kɛɛ hu, ə tɛɛ kɛɛ pono lonnii diɛ.»
9Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu. 10Nui a tələnmolaa kɛ mɛ̨nį logolo hu, a pɛli tələnmolaa kɛi mɛ̨nį kɛnɛ̨ hu. Nui a hulu kɛ mɛ̨nį logolo hu, a hulu kɛ lɔ nwɔ̨nɔ̨ gɛnɛ̨ hu. 11Akɛ ka hvo tələnmolaa kɛ li ɲɛnɛ̨ɛ̨ ŋɛ̨i hu hɛn gɔw hui, gbɛɛ ɓə a pɛli hɛn gɔw leelee kalihvaɓoi kaa? 12Akɛ ka hvo tələnmolaa kɛ li nu takpɛli nwɔ hɛn mɛ̨nį hu, gbɛɛ ɓə a pɛli ka wɛi tɛɛi ka pɔ?
13«Nu tɔ̨nɔ̨ hva pɛli tí nwun nąmu hveelɛ ɓa. A dɔ̨nɔ̨ wɛli la kɛ, ə dɔ̨nɔ̨ wɛli kpɛɛ mą. A gwəi kwələ dɔ̨nɔ̨ ɓa, ə dɔ̨nɔ̨ hulu. Ka hva pɛli tí Yálá ɓa, kaa nwɔ̨nɔ̨ tí hɛn gɔw ɓa.»
Jesus ə mɛ̨nį tamąą ɓo
(Matie 11.12-13; 5.31-32; Markə 10.11-12)
14Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ. 15Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.
16«Yii dɔ́n ɉɛɓɛ́ ə mąą mɛ̨nį ɓo, da yii Yálá kwəi mɛ̨nį hukulɔ nuą di mo, mąąwiɛi kɛ, ə lɛɛ la ɉu, ə həli la Ɉaan Baptistə hɔlɔɓo yələ ɓa. Ə həɠə Ɉaan Baptistə nwɔ yələi tii ɓa, ə həli la yiihu ɓa, Yálá-taa tɔɔlaa mąą wɛlɛɛ lɛlɛɛ laa aa həli. Ɛlɛɛ, nu kəlee kaa tɔɔi a nwąnąi, əgɛ, ə lɔ dɔɔlaai tii hu.
17«Yələkɔlɔn da lɔi da pɛli tɛɛi kpɔ a viikpɛɛ, kɛlaa, dɔ́n ɉɛɓɛ́ gɔw logolo tɔ̨nɔ̨ kpɛli hva ɉəɠə mą.
18«Hulɔnui lɔpee a nɛ̨ą kpɛ, ə pənə ə nɛ̨ɛ̨nu takpɛli həɠə, a kɛ tii, aa wɛli ɲɔ̨nwɔ̨ɔ̨ hon. Da nɛ̨ɛ̨nu kpɛ, nui nwɔ̨nɔ̨ a ɉəɠə a nɛ̨ą, a kɛ tii, aa wɛli ɲɔ̨nwɔ̨ɔ̨ hon.»
Hɛn gɔw nąmu ta da Lazarə di mąą mɛ̨nį
19«Hɛn gɔw nąmu kɛnɛ̨ ta ə kɛ laa, tɔɔ həɠəɠaa lɔ ɓə kɛ mą. Ə kɛ lɔ hɛli pu mɛ̨nį hu a yələ kəlee. 20Yeehvowolo mun da ə kɛ laa, diɛ kɛ naa ɓa: Lazarə; pala ɲɔ̨n ə kɛ mą, ə kɛ lɔ laani ɉɛn gɔw nąmui tii yəi bɛlɛ́ laaləi a yələ kəlee. 21Gɔ̨nɔ̨n gbəliɠaa tii kɛi lɛɛ, ya ɓə Lazarə ə kɛ bɔ yɛ mį́į́. Yili pulu, yilɛɠaa ɓə kɛi nwɔ palai ŋą kɔ́mɔ̨.
22«Ɲeehvowolo mun tii, ə haa. Malakaɠaa di ɉəɠə də li la Abrahamə ə kɛ laa. Ɉɛn gɔw nąmui tii yaa kpɛli ə haa, di noo. 23Ɉɛn gɔw nąmui tii, ə yɛɛ ŋąmuą taa, yɛ mɔ̨nɔ̨ mį́į́ kpɔ laa a mɔlɔɔ. Ə nwun muhəɠə, ə Abrahamə kaa Lazarə yɛ ɓo gwɛlɛ. 24Nąąlɔwai tii, ə nwoo tɛ kpɔ hɔ̨́ɔ̨́, yɛ mą: ‹Ną́n Abrahamə! Ɲɛ̨́i mąąwɛli kaa, Lazarə tɔɔ ə ɲee kpiɛ lɔ yalaɠi hu, ə vilɛn nɛ̨́n ŋą. Mąąhɔlɔɓo, gáá mɔ̨nɔ̨ mį́i kpɔ kɛnɛ̨ nwɔ̨n ŋɛ̨i hu ɓɛ.›
25«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́. 26Ə həɠə yili ɓa, ɓoloon gɛnɛ̨ kaa gwa kaani gu lɔwai, nui a kɛ bɔ ə həɠə ku pɔɔli, ə pa ka pɔɔli, pɛli mąą hvo ɉu. Ɛlɛɛ, nu ta hva pɛli həɠəi ka pɔɔli hvo pa ku pɔɔli ɓɛ.›
27«Ɉɛn gɔw nąmui tii yɛ mą: ‹Ną́n, gáá nɛ̨ɛ̨mąą hvəə yɛ́, gɛ́, ə́ Lazarə tɔɔ, ə li ku yəi bɛlɛ́n. 28Ną́n nonnii lɔɔli kaa laa, ə di kilaa pono, əgɛ, diɛ kpɛli di hvo pa pa mɔ̨nɔ̨ kɛnɛ̨i ŋɛ̨i hu ɓɛ.›
29«Abrahamə ə nwoo pulu pənə yɛ mą: ‹Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą hvaa woo pɛ̨ɛ̨ kaa laa di yəi; yɛ di kilaa pono, mąąnɛ̨ɛ̨ di di wəli tɔɔ nwoo ɓa!›
30«Ɉɛn gɔw nąmui tii yɛ mą: ‹Ną́n Abrahamə, yili hva pɛli. Kɛlaa, akɛ nu ta a həɠə ɓɛ ɲąmuątaa, ə li ə di kilaa pono, da pɛli di di túwɔ́ pələ mąąhvalin.›
31«Kɛlaa, Abrahamə ə mo mą, yɛ mą: ‹Akɛ, da wala di wəli tɔɔ Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą woo ɓa, di hvo pai di wəli tɔɔi di kilaa pono mɛ̨nį takpɛli ɓa, ə mą kɛ nu ta aa həɠə ɓɛ ɲąmuątaa aa li laa.›»
انتخاب شده:
Lukə 16: BKPG
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lukə 16
16
Hɛn gɔw laaikɛ mun gbąnąą
1Jesus ə mo nwɔ kalan nɛai diɛ, yɛ diɛ: «Hɛn gɔw nąmu kɛnɛ̨ ta ə kɛ laa, ə nu ta həɠə, yɛ ɲɛ̨i kɛ nwɔ hɛn gɔwi ɓa. Hvóló ta, di pa diɛ mą: ‹Ə́ wɔ hɛn gɔw laaikɛ mun kaa ɉɛn gɔw hu kalai.› 2Ɉɛn gɔw nąmu ə nwɔ hɛn gɔw laaikɛ mun də li, yɛ mą: ‹Ŋą́ą́ mɛ̨nįɠaa mɛ̨n ə́ laa mɛ̨i, yii hvo lɛlɛ li, bələi hiɛ ə́ kaa goló kɛi la, pa ə́ gwɛlanmo kɛ. Mąąhɔlɔɓo, hvo kɛa pai lɛɛi a nwɔ́ hɛn gɔw laaikɛ mun.› 3Ɉɛn gɔw laaikɛ mun tii ə giliŋąhiɛ, yɛ diɛ: ‹Nwún nąmu kaa pai gɛ́ koló kulɔi ɲéi, a kɛ tii, lə ɓə gáá pai gɛi? Huwalawala hvo ɲéi və́ yɛa koló kɛ, ŋą kɛ nwɔ̨nɔ̨ gáá gɔ́nɔn vɛlii nuą diɛ, yili kaa pai kɛi mą́ą́ a nwumɛ̨ mɛ̨nį. 4Yii mąąnɛ̨ɛ̨ ŋį́ gɛ, əgɛ, da gúlɔ góló hu, nuą di di yee hee mú, ŋą́ą́ gɔlɔn.› 5Yili pulu, nuą kpɔ ɉɛn nąmui tii nwɔ kwələ ə kɛ diɛ, ɉɛn gɔw laaikɛ mun ə gəlee təli kpɔ tɛitɛi. Yɛ nu dɔlɔɔ ɓa: ‹Lə ɓə gwələ kaa yɛ́?› 6Yili yɛ mą: ‹Wulɔ yaliɠí nwun dɔ̨nɔ̨.› Ɉɛn gɔw laaikɛ mun yɛ mą: ‹Yii mąąnɛ̨ɛ̨ ə́ ɉala ya ɓaa: pow lɔɔli.› Ɉɛn gɔw laaikɛmun yɛ mą: ‹Ə́ wɔɔ hɛɓɛ́i ka, 'héé ə́ bɛ̨ɛ̨ pow lɔɔli ɉa-ɉa.› 7Yɛ dɔ̨nɔ̨ ɓa: ‹Yɛ́ kpɛli, lə ɓə gwələ kaa yɛ́?› Yili yɛ mą: ‹Mɔ̨nun mɔlɔ nwundɔ̨nɔ̨.› Ɉɛn gɔw laaikɛ mun tii yɛ mą: ‹Ə́ wɔɔ hɛɓɛ́i ka, 'héé, ə́ bɛ̨ɛ̨ pow mɛ̨ihaaɓa ɉa-ɉa.› 8Ɉɛn gɔw laaikɛ mun vuluɔ tii, nąmu ə mąątɛ̨nɛ̨ nwɔ gbąnąlaa túwɔ́ tii hu. Ɲɛnɛ̨ɛ̨ ŋɛ̨i hu nuą gbąnąąi di kee ni lɔwai mɛ̨nįɠaa kɛɛ hu, ə tɛɛ kɛɛ pono lonnii diɛ.»
9Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu. 10Nui a tələnmolaa kɛ mɛ̨nį logolo hu, a pɛli tələnmolaa kɛi mɛ̨nį kɛnɛ̨ hu. Nui a hulu kɛ mɛ̨nį logolo hu, a hulu kɛ lɔ nwɔ̨nɔ̨ gɛnɛ̨ hu. 11Akɛ ka hvo tələnmolaa kɛ li ɲɛnɛ̨ɛ̨ ŋɛ̨i hu hɛn gɔw hui, gbɛɛ ɓə a pɛli hɛn gɔw leelee kalihvaɓoi kaa? 12Akɛ ka hvo tələnmolaa kɛ li nu takpɛli nwɔ hɛn mɛ̨nį hu, gbɛɛ ɓə a pɛli ka wɛi tɛɛi ka pɔ?
13«Nu tɔ̨nɔ̨ hva pɛli tí nwun nąmu hveelɛ ɓa. A dɔ̨nɔ̨ wɛli la kɛ, ə dɔ̨nɔ̨ wɛli kpɛɛ mą. A gwəi kwələ dɔ̨nɔ̨ ɓa, ə dɔ̨nɔ̨ hulu. Ka hva pɛli tí Yálá ɓa, kaa nwɔ̨nɔ̨ tí hɛn gɔw ɓa.»
Jesus ə mɛ̨nį tamąą ɓo
(Matie 11.12-13; 5.31-32; Markə 10.11-12)
14Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ. 15Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.
16«Yii dɔ́n ɉɛɓɛ́ ə mąą mɛ̨nį ɓo, da yii Yálá kwəi mɛ̨nį hukulɔ nuą di mo, mąąwiɛi kɛ, ə lɛɛ la ɉu, ə həli la Ɉaan Baptistə hɔlɔɓo yələ ɓa. Ə həɠə Ɉaan Baptistə nwɔ yələi tii ɓa, ə həli la yiihu ɓa, Yálá-taa tɔɔlaa mąą wɛlɛɛ lɛlɛɛ laa aa həli. Ɛlɛɛ, nu kəlee kaa tɔɔi a nwąnąi, əgɛ, ə lɔ dɔɔlaai tii hu.
17«Yələkɔlɔn da lɔi da pɛli tɛɛi kpɔ a viikpɛɛ, kɛlaa, dɔ́n ɉɛɓɛ́ gɔw logolo tɔ̨nɔ̨ kpɛli hva ɉəɠə mą.
18«Hulɔnui lɔpee a nɛ̨ą kpɛ, ə pənə ə nɛ̨ɛ̨nu takpɛli həɠə, a kɛ tii, aa wɛli ɲɔ̨nwɔ̨ɔ̨ hon. Da nɛ̨ɛ̨nu kpɛ, nui nwɔ̨nɔ̨ a ɉəɠə a nɛ̨ą, a kɛ tii, aa wɛli ɲɔ̨nwɔ̨ɔ̨ hon.»
Hɛn gɔw nąmu ta da Lazarə di mąą mɛ̨nį
19«Hɛn gɔw nąmu kɛnɛ̨ ta ə kɛ laa, tɔɔ həɠəɠaa lɔ ɓə kɛ mą. Ə kɛ lɔ hɛli pu mɛ̨nį hu a yələ kəlee. 20Yeehvowolo mun da ə kɛ laa, diɛ kɛ naa ɓa: Lazarə; pala ɲɔ̨n ə kɛ mą, ə kɛ lɔ laani ɉɛn gɔw nąmui tii yəi bɛlɛ́ laaləi a yələ kəlee. 21Gɔ̨nɔ̨n gbəliɠaa tii kɛi lɛɛ, ya ɓə Lazarə ə kɛ bɔ yɛ mį́į́. Yili pulu, yilɛɠaa ɓə kɛi nwɔ palai ŋą kɔ́mɔ̨.
22«Ɲeehvowolo mun tii, ə haa. Malakaɠaa di ɉəɠə də li la Abrahamə ə kɛ laa. Ɉɛn gɔw nąmui tii yaa kpɛli ə haa, di noo. 23Ɉɛn gɔw nąmui tii, ə yɛɛ ŋąmuą taa, yɛ mɔ̨nɔ̨ mį́į́ kpɔ laa a mɔlɔɔ. Ə nwun muhəɠə, ə Abrahamə kaa Lazarə yɛ ɓo gwɛlɛ. 24Nąąlɔwai tii, ə nwoo tɛ kpɔ hɔ̨́ɔ̨́, yɛ mą: ‹Ną́n Abrahamə! Ɲɛ̨́i mąąwɛli kaa, Lazarə tɔɔ ə ɲee kpiɛ lɔ yalaɠi hu, ə vilɛn nɛ̨́n ŋą. Mąąhɔlɔɓo, gáá mɔ̨nɔ̨ mį́i kpɔ kɛnɛ̨ nwɔ̨n ŋɛ̨i hu ɓɛ.›
25«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́. 26Ə həɠə yili ɓa, ɓoloon gɛnɛ̨ kaa gwa kaani gu lɔwai, nui a kɛ bɔ ə həɠə ku pɔɔli, ə pa ka pɔɔli, pɛli mąą hvo ɉu. Ɛlɛɛ, nu ta hva pɛli həɠəi ka pɔɔli hvo pa ku pɔɔli ɓɛ.›
27«Ɉɛn gɔw nąmui tii yɛ mą: ‹Ną́n, gáá nɛ̨ɛ̨mąą hvəə yɛ́, gɛ́, ə́ Lazarə tɔɔ, ə li ku yəi bɛlɛ́n. 28Ną́n nonnii lɔɔli kaa laa, ə di kilaa pono, əgɛ, diɛ kpɛli di hvo pa pa mɔ̨nɔ̨ kɛnɛ̨i ŋɛ̨i hu ɓɛ.›
29«Abrahamə ə nwoo pulu pənə yɛ mą: ‹Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą hvaa woo pɛ̨ɛ̨ kaa laa di yəi; yɛ di kilaa pono, mąąnɛ̨ɛ̨ di di wəli tɔɔ nwoo ɓa!›
30«Ɉɛn gɔw nąmui tii yɛ mą: ‹Ną́n Abrahamə, yili hva pɛli. Kɛlaa, akɛ nu ta a həɠə ɓɛ ɲąmuątaa, ə li ə di kilaa pono, da pɛli di di túwɔ́ pələ mąąhvalin.›
31«Kɛlaa, Abrahamə ə mo mą, yɛ mą: ‹Akɛ, da wala di wəli tɔɔ Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą woo ɓa, di hvo pai di wəli tɔɔi di kilaa pono mɛ̨nį takpɛli ɓa, ə mą kɛ nu ta aa həɠə ɓɛ ɲąmuątaa aa li laa.›»
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید