Luka 19
19
Yesu kede Sakayo
1Yesu oko donyo Jeriko di oudo etie beo abea ki kuno. 2Icuo moro oudo tie kuno kame nyinge Sakayo, kame oudo obedo ngadwong me jorar esolo, doko di ebaro. 3En eko mono epone me neno Yesu pi mito ngene, do likame eko twero, pien ekodet oudo dwong, aso di en oudo ebedo dano acecek. 4Di do Sakayo oko ringo anyim, di eko yito i wi cukamori, me wek etwer neno Yesu, pien Yesu oudo oyaro beo ki kanono. 5Kakame bin do Yesu otuno kede kanono, eko ngoloro malo di eko waco ne be, “Sakayo, wok piny awakawaka, pien ango tin ayaro bedo welo me turi.”
6Sakayo oko susunyo wok piny di cunye oko bedo yom pi gamo Yesu. 7Do kakame jo oneno kede kamano, kiko donyo ngunguro di kiwaco be, “Neni, kom eoto bedo welo me ngadubo.”
8Di Sakayo oko yai malo, di eko waco ne Rwot be, “Neningo, Rwot, ango ayaro mino dul me jame na but jocan; doko ka lem oudo arodo gi ka ngatamoro, ayaro cule kame rom kamanono tien ongwon.”
9Yesu oko waco ne be, “Alako tin do otieko bino i ot noni, pien eda ebedo akwar Aburaam. 10#Matayo 18.11Pien Wot ka dano obino pi mono kede pi lako jo korwenyo.”
Agole me Siringi Tutumia Tomon
(Matayo 25.14-30)
11Di oudo pwodi jo tie winyo kop nono, Yesu oko meede waco ne gi agole moro, pien oudo eyapuno do tuno Yerusalem, doko da pien jo oudo tamo be Ajakanut ka Rubanga do oudo iyapiyapi neeno. 12Aso, Yesu oko waco ne gi be, “Bin won ajakanut moro oyai di eko ot i piny abor pi kwere pi doko abaka, di do eko bino dwogo. 13En ber eko lwongo jotic mege tomon, di eko mino gi siringi tutumia tomon di ewaco negi be, ‘Timunu tic me cat kede sente gi tuno ango dwogo.’ 14Do jo me piny mere oudo dage, omio kiko oro jo olube pi ot waco be, ‘Wan likame omito be icuo ni pug wa.’
15“Do kakame edwogo kede ingei en camo ajakanut; en eko waco be lwong ne jotic mege kame ngoce epoko ne gi sente, me wek engei ameda kame kiudo ki tic me cat. 16Dano me agege obino bute di oko waco ne be, ‘Adwong, siringi ni tutumia acel nono okelo ameda me siringi tutumia tomon.’ 17Ngadwong mere oko waco ne be, ‘Itimo kiber, in ngatic aber! Aso, pi kite kame ibedo kede ngat kame genere kede gikame titidi, in ibino pugo bomban tomon.’ 18Dano me are da oko bino di eko waco be, ‘Adwong, siringi ni tutumia acel okelo ameda me siringi tutumia kany.’ 19Ngadwong mere oko waco ne be, ‘Ida ibino pugo bomban kany.’
20“Di bobo dano ace oko bino di oko waco be, ‘Adwong, sente ni ine; ango bin ako bone kede itambala di ako kane, 21pien ango oudo alwori, pien in ibedo dano kame ekite mere tek, in ikwanyo gi kalikame in iketo, doko ikao gi kalikame in icuo.’ 22Ngadwong mere oko waco ne be, ‘In ibedo ngatic arac! Ayaro tic kede kop kowok ki dogi me ngolo ni kop! Mam oudo ingeo be ango abedo dano kame ekite mere tek, akwanyo gi kalikame aketo, doko akao gi kalikame ango acuo? 23Pinyo bo komio in likame iko kano sente nango go i bangki, me wek koto nan adwogo ako gamo gi kede ameda moro?’
24“Di en eko waco ne jo kame oudo tie cungo kuno be, ‘Gamunu do sente go kibute ikounu mino ngat kame tie kede siringi tutumia tomon.’ 25(Di gin kiko waco ne be, ‘Adwong, do en etie kede siringi tutumia tomon!’) 26#Matayo 13.12; Marako 4.25; Luka 8.18‘Ango awaco ne wu be, ngat kame tie kede gimoro, kobino medo ne ace; do ngat kame li kede gimoro, akadi atitidi kame etie kede da, kobino kwanyo tenge kibute. 27Aso, do jokwor nango gi, kalikame oudo mito be ango apug gi, kelunu gi kan inekunu gi i nyima.’ ”
Yesu Odonyo Yerusalem bala Abaka
(Matayo 21.1-11; Marako 11.1-11; Yokana 12.12-19)
28Di bin Yesu otieko yamo kope nogi, en eko meede ot paka Yerusalem. 29Kakame enoko kede Betepage kede Betania, i moru me Olibeti, en eko cwano josiao mege are, 30di ewaco ne gi be, “Otunu i calo kame tie anyim ca, di itienu donyo iye, ibinunu udo atin me punda di kotweo, kalikame pwodi ngatamoro owanano; gonyenu di ikounu kele kan. 31Ka ngatamoro openyo wu be, ‘Pinyo komio itienu gonye?’, wacenu be, ‘Rwot en kame mite.’ ”
32Jo kame bin kocwao oko ot di kiko udo gi dedede di tie bala kite kame Yesu oudo owaco ne gi kede. 33Kakame bin josiao tie gonyo kede atin me punda, wone oko penyo gi be, “Pinyo komio wun itienu gonyo atin me punda no?”
34Gin kiko dwoko ne be, “Adwong en kame mite.” 35Di gin kiko kele but Yesu. Di do kiko donyo peto igoen gi ingei atin me punda nono, di kiko mino Yesu obedo iye. 36Kakame bin en etie ot kede, jo oko donyo peto igoen gi i yongayo.
37Di do bin eyapuno donyo Yerusalem, di etie i aserengete me moru me Olibeti, ekodet me josiao mege dedede oko cako kilel di kipako Rubanga kede dwan amalo, pi tice adongodongo me twer kame gin oudo kineno. 38#Sabuli 118.26Gin oudo kipake di kiwaco be, “Etie kede winyo abaka kame bino i nying Rwot! Mulem bed i malo kede deyo bed but Rubanga i malo twal.”
39Iparisayon mogo kame bin tie i dier ekodet oko waco ne be, “Apwony, wac ne josiao ni lingi.”
40En eko dwoko ne gi be, “Awaco ne wu be, ka jogi oling, kide bino donyo lelemo.”
Yesu Okok pi Yerusalem
41Kakame Yesu onoko kede bomba me Yerusalem di eko nene, en eko kok pire, 42di ewaco be, “Koto di oudo tin in ingeo gikame romo kelo ni mulem da! Do nataman kokano gi kibuti. 43Pien kare oyaro bino, kame jokwor ni bino gero kede apama di kiko luki kede, di kiko goloro in ki bad dedede. 44Gin kibino tyaikino in piny di kiko nyinyito jo ni dedede kame bedo kanono; doko likame kibino weko kidi moro di odokakin i wi kidi ocelu, pien in likame oudo ingeo esawa me alako ni.”
Yesu Ooto i Tempulo
(Matayo 21.12-17; Marako 11.15-19; Yokana 2.13-22)
45Di Yesu oko donyo i tempulo, eko cako riamo jo kame bin oudo tie cat kuno ooko, 46#Isaya 56.7; Yeremia 7.11di ewaco ne gi be, “Kowandiko i iwandik kacil be, ‘Oda bino bedo ot me ilega’; do wun itiekunu loke edoko kapwono me joyak.”
47 #
Luka 21.37
En oudo epwonyo i tempulo ceng dedede. Di jodongo me josaseredoti, jopwony me Iswil, kede joadongo me piny oko donyo mono epone me neke; 48do likame kiko karuno udo epone me timo, pien jo dedede oudo tie ciko yit gi pi winyo kop mere.
اکنون انتخاب شده:
Luka 19: BILK13
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Baibuli I Leb Kumam © Bible Society of Uganda, 2013.
Luka 19
19
Yesu kede Sakayo
1Yesu oko donyo Jeriko di oudo etie beo abea ki kuno. 2Icuo moro oudo tie kuno kame nyinge Sakayo, kame oudo obedo ngadwong me jorar esolo, doko di ebaro. 3En eko mono epone me neno Yesu pi mito ngene, do likame eko twero, pien ekodet oudo dwong, aso di en oudo ebedo dano acecek. 4Di do Sakayo oko ringo anyim, di eko yito i wi cukamori, me wek etwer neno Yesu, pien Yesu oudo oyaro beo ki kanono. 5Kakame bin do Yesu otuno kede kanono, eko ngoloro malo di eko waco ne be, “Sakayo, wok piny awakawaka, pien ango tin ayaro bedo welo me turi.”
6Sakayo oko susunyo wok piny di cunye oko bedo yom pi gamo Yesu. 7Do kakame jo oneno kede kamano, kiko donyo ngunguro di kiwaco be, “Neni, kom eoto bedo welo me ngadubo.”
8Di Sakayo oko yai malo, di eko waco ne Rwot be, “Neningo, Rwot, ango ayaro mino dul me jame na but jocan; doko ka lem oudo arodo gi ka ngatamoro, ayaro cule kame rom kamanono tien ongwon.”
9Yesu oko waco ne be, “Alako tin do otieko bino i ot noni, pien eda ebedo akwar Aburaam. 10#Matayo 18.11Pien Wot ka dano obino pi mono kede pi lako jo korwenyo.”
Agole me Siringi Tutumia Tomon
(Matayo 25.14-30)
11Di oudo pwodi jo tie winyo kop nono, Yesu oko meede waco ne gi agole moro, pien oudo eyapuno do tuno Yerusalem, doko da pien jo oudo tamo be Ajakanut ka Rubanga do oudo iyapiyapi neeno. 12Aso, Yesu oko waco ne gi be, “Bin won ajakanut moro oyai di eko ot i piny abor pi kwere pi doko abaka, di do eko bino dwogo. 13En ber eko lwongo jotic mege tomon, di eko mino gi siringi tutumia tomon di ewaco negi be, ‘Timunu tic me cat kede sente gi tuno ango dwogo.’ 14Do jo me piny mere oudo dage, omio kiko oro jo olube pi ot waco be, ‘Wan likame omito be icuo ni pug wa.’
15“Do kakame edwogo kede ingei en camo ajakanut; en eko waco be lwong ne jotic mege kame ngoce epoko ne gi sente, me wek engei ameda kame kiudo ki tic me cat. 16Dano me agege obino bute di oko waco ne be, ‘Adwong, siringi ni tutumia acel nono okelo ameda me siringi tutumia tomon.’ 17Ngadwong mere oko waco ne be, ‘Itimo kiber, in ngatic aber! Aso, pi kite kame ibedo kede ngat kame genere kede gikame titidi, in ibino pugo bomban tomon.’ 18Dano me are da oko bino di eko waco be, ‘Adwong, siringi ni tutumia acel okelo ameda me siringi tutumia kany.’ 19Ngadwong mere oko waco ne be, ‘Ida ibino pugo bomban kany.’
20“Di bobo dano ace oko bino di oko waco be, ‘Adwong, sente ni ine; ango bin ako bone kede itambala di ako kane, 21pien ango oudo alwori, pien in ibedo dano kame ekite mere tek, in ikwanyo gi kalikame in iketo, doko ikao gi kalikame in icuo.’ 22Ngadwong mere oko waco ne be, ‘In ibedo ngatic arac! Ayaro tic kede kop kowok ki dogi me ngolo ni kop! Mam oudo ingeo be ango abedo dano kame ekite mere tek, akwanyo gi kalikame aketo, doko akao gi kalikame ango acuo? 23Pinyo bo komio in likame iko kano sente nango go i bangki, me wek koto nan adwogo ako gamo gi kede ameda moro?’
24“Di en eko waco ne jo kame oudo tie cungo kuno be, ‘Gamunu do sente go kibute ikounu mino ngat kame tie kede siringi tutumia tomon.’ 25(Di gin kiko waco ne be, ‘Adwong, do en etie kede siringi tutumia tomon!’) 26#Matayo 13.12; Marako 4.25; Luka 8.18‘Ango awaco ne wu be, ngat kame tie kede gimoro, kobino medo ne ace; do ngat kame li kede gimoro, akadi atitidi kame etie kede da, kobino kwanyo tenge kibute. 27Aso, do jokwor nango gi, kalikame oudo mito be ango apug gi, kelunu gi kan inekunu gi i nyima.’ ”
Yesu Odonyo Yerusalem bala Abaka
(Matayo 21.1-11; Marako 11.1-11; Yokana 12.12-19)
28Di bin Yesu otieko yamo kope nogi, en eko meede ot paka Yerusalem. 29Kakame enoko kede Betepage kede Betania, i moru me Olibeti, en eko cwano josiao mege are, 30di ewaco ne gi be, “Otunu i calo kame tie anyim ca, di itienu donyo iye, ibinunu udo atin me punda di kotweo, kalikame pwodi ngatamoro owanano; gonyenu di ikounu kele kan. 31Ka ngatamoro openyo wu be, ‘Pinyo komio itienu gonye?’, wacenu be, ‘Rwot en kame mite.’ ”
32Jo kame bin kocwao oko ot di kiko udo gi dedede di tie bala kite kame Yesu oudo owaco ne gi kede. 33Kakame bin josiao tie gonyo kede atin me punda, wone oko penyo gi be, “Pinyo komio wun itienu gonyo atin me punda no?”
34Gin kiko dwoko ne be, “Adwong en kame mite.” 35Di gin kiko kele but Yesu. Di do kiko donyo peto igoen gi ingei atin me punda nono, di kiko mino Yesu obedo iye. 36Kakame bin en etie ot kede, jo oko donyo peto igoen gi i yongayo.
37Di do bin eyapuno donyo Yerusalem, di etie i aserengete me moru me Olibeti, ekodet me josiao mege dedede oko cako kilel di kipako Rubanga kede dwan amalo, pi tice adongodongo me twer kame gin oudo kineno. 38#Sabuli 118.26Gin oudo kipake di kiwaco be, “Etie kede winyo abaka kame bino i nying Rwot! Mulem bed i malo kede deyo bed but Rubanga i malo twal.”
39Iparisayon mogo kame bin tie i dier ekodet oko waco ne be, “Apwony, wac ne josiao ni lingi.”
40En eko dwoko ne gi be, “Awaco ne wu be, ka jogi oling, kide bino donyo lelemo.”
Yesu Okok pi Yerusalem
41Kakame Yesu onoko kede bomba me Yerusalem di eko nene, en eko kok pire, 42di ewaco be, “Koto di oudo tin in ingeo gikame romo kelo ni mulem da! Do nataman kokano gi kibuti. 43Pien kare oyaro bino, kame jokwor ni bino gero kede apama di kiko luki kede, di kiko goloro in ki bad dedede. 44Gin kibino tyaikino in piny di kiko nyinyito jo ni dedede kame bedo kanono; doko likame kibino weko kidi moro di odokakin i wi kidi ocelu, pien in likame oudo ingeo esawa me alako ni.”
Yesu Ooto i Tempulo
(Matayo 21.12-17; Marako 11.15-19; Yokana 2.13-22)
45Di Yesu oko donyo i tempulo, eko cako riamo jo kame bin oudo tie cat kuno ooko, 46#Isaya 56.7; Yeremia 7.11di ewaco ne gi be, “Kowandiko i iwandik kacil be, ‘Oda bino bedo ot me ilega’; do wun itiekunu loke edoko kapwono me joyak.”
47 #
Luka 21.37
En oudo epwonyo i tempulo ceng dedede. Di jodongo me josaseredoti, jopwony me Iswil, kede joadongo me piny oko donyo mono epone me neke; 48do likame kiko karuno udo epone me timo, pien jo dedede oudo tie ciko yit gi pi winyo kop mere.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Baibuli I Leb Kumam © Bible Society of Uganda, 2013.