Luka 9
9
Yesu Ooro Josiao mege Tomon kiwie Are
(Matayo 10.5-15; Marako 6.7-13)
1Yesu oko lwongo josiao mege tomon kiwie are dedede karacel, di en eko mino gi twer kede akarunikin me riamo jwogi dedede kede cango tuwo. 2Di do en eko oro gi pi ot tuco kop i kom Ajakanut ka Rubanga kede cango jotuwo. 3#Luka 10.4-11; Tice 13.51En eko waco ne gi be, “Kur imakunu gimoro ka itienu ot, kur imakunu ebela, amotoko ikapu, arabo cam moro, amotoko sente; doko ngatamoro kur mak esati ace. 4Kame kogamo wu i paco moro, bedunu iye tuno yai. 5Do karamoroni kalikame kogamo wu iye, kame itienu yai ki bomba nono, tetengunu adae ki tienu pi bedo bala ijura kame pido gi.”
6Josiao oko yai, kiko ot di kibeo i calo acelacel, di kitero Kop Aber kede di kicango jotuwo i kabedo dedede.
Erode Ototolun
(Matayo 14.1-12; Marako 6.14-29)
7 #
Matayo 16.14; Marako 8.28; Luka 9.19 Erode, kame bin obedo ngatel oko winyo kop i kom gikame oudo otimere dedede, di wie oko dubere, pien oudo doko jo mogo tie waco be Yokana Ngaibatis en kame bin koyaruno kikom jo oto; 8do mogo oudo waco be Elia en kame oneeno, kede icegun oudo waco be ngat acel kikom inabin kariki sek en kame oyaruno. 9Di Erode oko waco be, “Ango bin atieko mino kongolo ngut Yokana; do ngai bobo ine kame ango atie winyo di jo yamo kop i kome noni?” En eko donyo mono epone me nene.
Yesu Opito Jo Tutumia Kany
(Matayo 14.13-21; Marako 6.30-44; Yokana 6.1-14)
10Joor oko dwogo di kiko tatamo ne Yesu gi dedede kame gin kitimo. Yesu di do oko tero gi kargi ken gi i bomba kame kolwongo be Betesaida. 11Kakame jo ongeo kede be Yesu oudo tie ot Betesaida, gin kiko lube kuno, di en eko gamo gi, di eko donyo yamo ne gi kop i kom Ajakanut ka Rubanga, doko di ecango jo kame oudo tuwo.
12Kakame oudo piny do tie yuto kede, josiao mege tomon kiwie are oko bino bute di kiko waco ne be, “Peruno jo ot i calere kede i miere kiyapiyapi, me wek kitwer udo kabuto kede gimoro me acama, pien wan otienu kakoling.”
13Do Yesu oko waco ne gi be, “Wun miunu gi gimoro kicami.”
Di gin kiko dwoko ne be, “Wan otie kede mugati kany kede deknam are kenekene. Kwanyo ka imito be ooti owil ne jogi dedede cam.” 14Cuo kame bin tie kuno dedede oudo buco romo tutumia kany.
Di do Yesu oko waco ne josiao mege be, “Aso miunu jo bed piny i ikodeta me ot kany ot kany.”
15Di gin kiko timo kamanono, kiko mino jo dedede obedo piny. 16Yesu oko kwanyo mugati kany kede deknam are nogo, en eko neno malo, di eko pwono Rubanga, eko tuturo gi, di eko mino gi but josiao mege pi popoko ne ekodet me jo. 17Jo dedede oko cam di kiko yeng. Josiao oko coko cam kame oudo odong oko pongo ibukito tomon kiwie are.
Kop kame Petero Otuco i kom Yesu
(Matayo 16.13-19; Marako 8.27-29)
18Ceng moro acel di Yesu oudo tie ilega en kene, josiao mege da oudo tie kede kanono, en eko penyo gi be, “Kara ber jo waco be ango en ngai?”
19 #
Matayo 14.1-2; Marako 6.14-15; Luka 9.7-8 Gin kiko dwoko ne be, “Mogo waco be in en Yokana Ngaibatis, mogo be Elia, kede mogo waco be in ibedo ngat acel kikom inabin kasek kame nan oyaruno.”
20 #
Yokana 6.68-69
En eko penyo gi be, “Do wun iwacunu be ango en ngai?” Petero oko dwoko ne be, “In en Kirisito ka Rubanga.”
Yesu Owaco Kop kame mako Can kede To mere
(Matayo 16.20-28; Marako 8.30—9.1)
21Yesu oko ciko gi kitek be kur kiwac ne ngatamoro kop noni. 22En eko waco ne gi be, “Wot ka dano miero bei i can atot; di joadongo me piny, jodongo me josaseredoti kede jopwony me Iswil ko bino dage, di kiko neke da. Ingei ceng me adek, di oko bino yaruno en.”
23 #
Matayo 10.38; Luka 14.27 Kikano di do en eko waco ne gin dedede be, “Ka dano moro mito luba, poore kong en edagere kene, di eko riongo musalaba mere ceng dedede, di do en eko luba. 24#Matayo 10.39; Luka 17.33; Yokana 12.25Pien ngat kame mito lako kuo mere, ebino rwenye, do ngat kame rwenyo kuo mere pi bedo ngat kame luba, ebino lake. 25Kara bero nyo kame dano twero udo ka eudo gi dedede kame cunye mito i piny kan, do di eko kei kuo mere? 26Pien ngat kame nan lewic make i koma, kede pi kop na, Wot ka dano da lewic bino make i kome i kare kame ebino dwogo kede di etie i deyo mere, kede i deyo ka Papa mere, kede me imalaikan kacil. 27Ateteni ango awaco ne wu be, tie jo mogo kame nan tie kan, kalikame bino bilo to tuno di kineno Ajakanut ka Rubanga.”
Cal ka Yesu Olokere
(Matayo 17.1-8; Marako 9.2-8)
28 #
2 Petero 1.17-18
Di do oromo bala ceng kanyauni ingei en waco kope nogi, Yesu oko kwanyo Petero, kede Yokana, kede Yakobo, di kiko ot yito malo i wi moru pi lego. 29Kakame en oudo etie kede ilega, cal me nyime oko lokere. Di igoen mege oko doko tar liamaliam.
30Gin kiko neno cuo mogo are, Elia kede Musa di tie yamo kede Yesu. 31Gin bin kinyutere kede deyo, di kiyamo kede Yesu kop me to mere kame miero oudo ecobi i Yerusalem. 32Petero kede jowote oudo nino obwono, omio kiko nino. Do kakame kicei kede, kiko neno deyo ka Yesu, kede cuo are kame oudo tie cungo kede en. 33Esawa kame cuo nogo do oudo tie yai kede kibut Yesu, Petero oko waco ne Yesu be, “Adwong, eber pi wan bedo tie kan; wek do wan oger kimere adek kan, acel ne in, acel ne Musa, kede ace ne Elia.” Oudo Petero likame ngeo gikame etie waco.
34Di pwodi oudo etie yamo, edou oko bino di oko umo gi pukupuk; lworo oko mako josiao kakame oudo edou tie umo gi kede. 35#Isaya 42.1; Matayo 3.17; 12.18; Marako 1.11; Luka 3.22Dwan oko wok ki edou di waco be, “Man en Woda, mera kame ayero; winyenu!”
36Kakame do dwan otieko winyere kede, Yesu do oko dong kene. Josiao oko ling kede kop noni di likame kiko waco ne ngatamoro i kare nono gikame oudo kineno.
Yesu Ocango Awobi kame tie kede Tipo Arac
(Matayo 17.14-18; Marako 9.14-27)
37Oru mere, di Yesu otieko wok do piny ki wi moru nono karacel kede josiao mege nogo, en eko riamo kede ekodet adwong me jo. 38Icuo acel oko redo kitek i dier ekodet di ewaco be, “Apwony, akwai ipar pi woda, piento en ebedo atin na acel kenekene. 39Tipo arac make di ko donyo mine koko kitek, di ko rete piny, di ko mine edonyo akwekwetun di buo kuao ki doge. Tipo nono ko tieko teko ki kom atin di likame eko bunyo weke. 40Ango oudo akwao josiao ni be koto kiriame tenge, do likame kiko twero.”
41Yesu oko dwoko ne gi be, “Wun lwak koparao me i kare ni, jo kame li kede yei, miero abed kede wu pi kare kame rom amene di akanyakino kede wu?” En eko waco ne icuo nono be, “Kel wodi nono kan.”
42Do di pwodi awobi nono oudo tie bino, jwogi nono oko rete piny, di oko mine edonyo akwekwetun. Do Yesu oko coko tipo arac nono, di eko cango awobi nono, di do eko dwoke i cing papa mere. 43Jo dedede oko bedo kede ur atek i kom twer ka Rubanga.
Yesu Bobo Owaco Kop kame mako To mere
(Matayo 17.22-23; Marako 9.30-32)
Do di pwodi jo dedede oudo tie uro gi dedede kame Yesu otimo, en eko waco ne josiao mege be, 44“Miunu kope nogi dony i yitu, pien kobino mino Wot ka dano i cing jo.” 45Do josiao mege likame oko niang kop noni; pien oudo kokano dwong mere kibut gi tetekeny kur kingei; doko da lworo oudo omako gi penyo Yesu kop noni.
Ngai en kame Pire Dwong Kalamo?
(Matayo 18.1-5; Marako 9.33-37)
46 #
Luka 22.24
Piem oko cakere i dierediere me josiao pi mito ngeno ngai en kame pire dwong kalamo kikom gi. 47Kakame Yesu oniang kede gikame gin oudo kitie paro i cuny gi, en eko kwanyo atin atitidi, di eko mino ocungo i ngete. 48#Matayo 10.40; Luka 10.16; Yokana 13.20En eko waco ne gi be, “Ngat kame gamo atin atitidi kaman i nyinga, udo en egama; doko ngat kame gama, udo egamo ngat kame oora, pien ngat kalikame pire tek i diere wun dedede en kame pire dwong kalamo.”
Ngat kalikame Ngakwor Wu udo en Meru
(Marako 9.38-40)
49Yokana oko waco ne be, “Adwong, wan oko neno icuo moro da di tie riamo jwogi i nyingi, do wan oko genge, piento en oudo likame ebedo ngat acel kikom wan jo kame olubi.”
50Do Yesu oko dwoko ne gi be, “Kur igengenu, pien ngat kalikame ngakwor wu, udo en meru.”
Jo me Calo me Samaria Odagi Gamo Yesu
51Di do bin kare onoko me tere malo, Yesu oko do moko tam mere pi ot Yerusalem. 52En eko oro jo okato anyim. Jo nogo bin oko ot kiko donyo i calo moro me Samaria pi koto iiko ne Yesu gi dedede cuto. 53Do jo me kuno oko dagi game, pien oudo gin kitieko ngeno be Yesu oudo tie i yongayo mere me ot Yerusalem. 54#2 Abakai 1.9-16I kare kame josiao mege, Yakobo kede Yokana, oneno kede gi noni, kiko waco ne be, “Rwot, benyo, imito be olwong mac ki malo bin piny kan wang jo nogi?”
55Do Yesu oko lokere oko coko gi. (En ewaco be, “Wun likame ingeunu epone me Tipo kame itienu kede, pien Wot ka dano likame obino pi tieko kuo me jo, do pi lako gi.”) 56Di do Yesu karacel kede josiao mege oko ot i calo apat.
Jo kame Oudo Poore Lubo Yesu
(Matayo 8.19-22)
57Di do bin Yesu kede josiao mege tie ot, icuo moro oko waco ne be, “Ango abino lubi kabedo dedede kame in ibino ot iye.”
58Do Yesu oko waco ne be, “Ekwee tie kede bur me buto, winy me itela da tie kede ude gi, do Wot ka dano li kede kakame eromo pielo iye wie.”
59Doko en eko waco ne dano ocelu da be, “Luba.” Do icuo nono oko waco ne be, “Rwot, weka ber aoti ayik papa na.”
60Do Yesu oko dwoko ne be, “Wek jo oto en kame yik joe gi oto; do in ot itatamo kop i kom Ajakanut ka Rubanga.”
61 #
1 Abakai 19.20
Bobo ngat acel da oko waco ne be, “Ango ayaro lubi Rwot; do weka ber kong aoti amot jo me tura.”
62Yesu oko waco ne be, “Likame tie ngat kame mako kwerudiang di bobo engoloro cen, kame opoore pi donyo i Ajakanut ka Rubanga.”
اکنون انتخاب شده:
Luka 9: BILK13
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Baibuli I Leb Kumam © Bible Society of Uganda, 2013.
Luka 9
9
Yesu Ooro Josiao mege Tomon kiwie Are
(Matayo 10.5-15; Marako 6.7-13)
1Yesu oko lwongo josiao mege tomon kiwie are dedede karacel, di en eko mino gi twer kede akarunikin me riamo jwogi dedede kede cango tuwo. 2Di do en eko oro gi pi ot tuco kop i kom Ajakanut ka Rubanga kede cango jotuwo. 3#Luka 10.4-11; Tice 13.51En eko waco ne gi be, “Kur imakunu gimoro ka itienu ot, kur imakunu ebela, amotoko ikapu, arabo cam moro, amotoko sente; doko ngatamoro kur mak esati ace. 4Kame kogamo wu i paco moro, bedunu iye tuno yai. 5Do karamoroni kalikame kogamo wu iye, kame itienu yai ki bomba nono, tetengunu adae ki tienu pi bedo bala ijura kame pido gi.”
6Josiao oko yai, kiko ot di kibeo i calo acelacel, di kitero Kop Aber kede di kicango jotuwo i kabedo dedede.
Erode Ototolun
(Matayo 14.1-12; Marako 6.14-29)
7 #
Matayo 16.14; Marako 8.28; Luka 9.19 Erode, kame bin obedo ngatel oko winyo kop i kom gikame oudo otimere dedede, di wie oko dubere, pien oudo doko jo mogo tie waco be Yokana Ngaibatis en kame bin koyaruno kikom jo oto; 8do mogo oudo waco be Elia en kame oneeno, kede icegun oudo waco be ngat acel kikom inabin kariki sek en kame oyaruno. 9Di Erode oko waco be, “Ango bin atieko mino kongolo ngut Yokana; do ngai bobo ine kame ango atie winyo di jo yamo kop i kome noni?” En eko donyo mono epone me nene.
Yesu Opito Jo Tutumia Kany
(Matayo 14.13-21; Marako 6.30-44; Yokana 6.1-14)
10Joor oko dwogo di kiko tatamo ne Yesu gi dedede kame gin kitimo. Yesu di do oko tero gi kargi ken gi i bomba kame kolwongo be Betesaida. 11Kakame jo ongeo kede be Yesu oudo tie ot Betesaida, gin kiko lube kuno, di en eko gamo gi, di eko donyo yamo ne gi kop i kom Ajakanut ka Rubanga, doko di ecango jo kame oudo tuwo.
12Kakame oudo piny do tie yuto kede, josiao mege tomon kiwie are oko bino bute di kiko waco ne be, “Peruno jo ot i calere kede i miere kiyapiyapi, me wek kitwer udo kabuto kede gimoro me acama, pien wan otienu kakoling.”
13Do Yesu oko waco ne gi be, “Wun miunu gi gimoro kicami.”
Di gin kiko dwoko ne be, “Wan otie kede mugati kany kede deknam are kenekene. Kwanyo ka imito be ooti owil ne jogi dedede cam.” 14Cuo kame bin tie kuno dedede oudo buco romo tutumia kany.
Di do Yesu oko waco ne josiao mege be, “Aso miunu jo bed piny i ikodeta me ot kany ot kany.”
15Di gin kiko timo kamanono, kiko mino jo dedede obedo piny. 16Yesu oko kwanyo mugati kany kede deknam are nogo, en eko neno malo, di eko pwono Rubanga, eko tuturo gi, di eko mino gi but josiao mege pi popoko ne ekodet me jo. 17Jo dedede oko cam di kiko yeng. Josiao oko coko cam kame oudo odong oko pongo ibukito tomon kiwie are.
Kop kame Petero Otuco i kom Yesu
(Matayo 16.13-19; Marako 8.27-29)
18Ceng moro acel di Yesu oudo tie ilega en kene, josiao mege da oudo tie kede kanono, en eko penyo gi be, “Kara ber jo waco be ango en ngai?”
19 #
Matayo 14.1-2; Marako 6.14-15; Luka 9.7-8 Gin kiko dwoko ne be, “Mogo waco be in en Yokana Ngaibatis, mogo be Elia, kede mogo waco be in ibedo ngat acel kikom inabin kasek kame nan oyaruno.”
20 #
Yokana 6.68-69
En eko penyo gi be, “Do wun iwacunu be ango en ngai?” Petero oko dwoko ne be, “In en Kirisito ka Rubanga.”
Yesu Owaco Kop kame mako Can kede To mere
(Matayo 16.20-28; Marako 8.30—9.1)
21Yesu oko ciko gi kitek be kur kiwac ne ngatamoro kop noni. 22En eko waco ne gi be, “Wot ka dano miero bei i can atot; di joadongo me piny, jodongo me josaseredoti kede jopwony me Iswil ko bino dage, di kiko neke da. Ingei ceng me adek, di oko bino yaruno en.”
23 #
Matayo 10.38; Luka 14.27 Kikano di do en eko waco ne gin dedede be, “Ka dano moro mito luba, poore kong en edagere kene, di eko riongo musalaba mere ceng dedede, di do en eko luba. 24#Matayo 10.39; Luka 17.33; Yokana 12.25Pien ngat kame mito lako kuo mere, ebino rwenye, do ngat kame rwenyo kuo mere pi bedo ngat kame luba, ebino lake. 25Kara bero nyo kame dano twero udo ka eudo gi dedede kame cunye mito i piny kan, do di eko kei kuo mere? 26Pien ngat kame nan lewic make i koma, kede pi kop na, Wot ka dano da lewic bino make i kome i kare kame ebino dwogo kede di etie i deyo mere, kede i deyo ka Papa mere, kede me imalaikan kacil. 27Ateteni ango awaco ne wu be, tie jo mogo kame nan tie kan, kalikame bino bilo to tuno di kineno Ajakanut ka Rubanga.”
Cal ka Yesu Olokere
(Matayo 17.1-8; Marako 9.2-8)
28 #
2 Petero 1.17-18
Di do oromo bala ceng kanyauni ingei en waco kope nogi, Yesu oko kwanyo Petero, kede Yokana, kede Yakobo, di kiko ot yito malo i wi moru pi lego. 29Kakame en oudo etie kede ilega, cal me nyime oko lokere. Di igoen mege oko doko tar liamaliam.
30Gin kiko neno cuo mogo are, Elia kede Musa di tie yamo kede Yesu. 31Gin bin kinyutere kede deyo, di kiyamo kede Yesu kop me to mere kame miero oudo ecobi i Yerusalem. 32Petero kede jowote oudo nino obwono, omio kiko nino. Do kakame kicei kede, kiko neno deyo ka Yesu, kede cuo are kame oudo tie cungo kede en. 33Esawa kame cuo nogo do oudo tie yai kede kibut Yesu, Petero oko waco ne Yesu be, “Adwong, eber pi wan bedo tie kan; wek do wan oger kimere adek kan, acel ne in, acel ne Musa, kede ace ne Elia.” Oudo Petero likame ngeo gikame etie waco.
34Di pwodi oudo etie yamo, edou oko bino di oko umo gi pukupuk; lworo oko mako josiao kakame oudo edou tie umo gi kede. 35#Isaya 42.1; Matayo 3.17; 12.18; Marako 1.11; Luka 3.22Dwan oko wok ki edou di waco be, “Man en Woda, mera kame ayero; winyenu!”
36Kakame do dwan otieko winyere kede, Yesu do oko dong kene. Josiao oko ling kede kop noni di likame kiko waco ne ngatamoro i kare nono gikame oudo kineno.
Yesu Ocango Awobi kame tie kede Tipo Arac
(Matayo 17.14-18; Marako 9.14-27)
37Oru mere, di Yesu otieko wok do piny ki wi moru nono karacel kede josiao mege nogo, en eko riamo kede ekodet adwong me jo. 38Icuo acel oko redo kitek i dier ekodet di ewaco be, “Apwony, akwai ipar pi woda, piento en ebedo atin na acel kenekene. 39Tipo arac make di ko donyo mine koko kitek, di ko rete piny, di ko mine edonyo akwekwetun di buo kuao ki doge. Tipo nono ko tieko teko ki kom atin di likame eko bunyo weke. 40Ango oudo akwao josiao ni be koto kiriame tenge, do likame kiko twero.”
41Yesu oko dwoko ne gi be, “Wun lwak koparao me i kare ni, jo kame li kede yei, miero abed kede wu pi kare kame rom amene di akanyakino kede wu?” En eko waco ne icuo nono be, “Kel wodi nono kan.”
42Do di pwodi awobi nono oudo tie bino, jwogi nono oko rete piny, di oko mine edonyo akwekwetun. Do Yesu oko coko tipo arac nono, di eko cango awobi nono, di do eko dwoke i cing papa mere. 43Jo dedede oko bedo kede ur atek i kom twer ka Rubanga.
Yesu Bobo Owaco Kop kame mako To mere
(Matayo 17.22-23; Marako 9.30-32)
Do di pwodi jo dedede oudo tie uro gi dedede kame Yesu otimo, en eko waco ne josiao mege be, 44“Miunu kope nogi dony i yitu, pien kobino mino Wot ka dano i cing jo.” 45Do josiao mege likame oko niang kop noni; pien oudo kokano dwong mere kibut gi tetekeny kur kingei; doko da lworo oudo omako gi penyo Yesu kop noni.
Ngai en kame Pire Dwong Kalamo?
(Matayo 18.1-5; Marako 9.33-37)
46 #
Luka 22.24
Piem oko cakere i dierediere me josiao pi mito ngeno ngai en kame pire dwong kalamo kikom gi. 47Kakame Yesu oniang kede gikame gin oudo kitie paro i cuny gi, en eko kwanyo atin atitidi, di eko mino ocungo i ngete. 48#Matayo 10.40; Luka 10.16; Yokana 13.20En eko waco ne gi be, “Ngat kame gamo atin atitidi kaman i nyinga, udo en egama; doko ngat kame gama, udo egamo ngat kame oora, pien ngat kalikame pire tek i diere wun dedede en kame pire dwong kalamo.”
Ngat kalikame Ngakwor Wu udo en Meru
(Marako 9.38-40)
49Yokana oko waco ne be, “Adwong, wan oko neno icuo moro da di tie riamo jwogi i nyingi, do wan oko genge, piento en oudo likame ebedo ngat acel kikom wan jo kame olubi.”
50Do Yesu oko dwoko ne gi be, “Kur igengenu, pien ngat kalikame ngakwor wu, udo en meru.”
Jo me Calo me Samaria Odagi Gamo Yesu
51Di do bin kare onoko me tere malo, Yesu oko do moko tam mere pi ot Yerusalem. 52En eko oro jo okato anyim. Jo nogo bin oko ot kiko donyo i calo moro me Samaria pi koto iiko ne Yesu gi dedede cuto. 53Do jo me kuno oko dagi game, pien oudo gin kitieko ngeno be Yesu oudo tie i yongayo mere me ot Yerusalem. 54#2 Abakai 1.9-16I kare kame josiao mege, Yakobo kede Yokana, oneno kede gi noni, kiko waco ne be, “Rwot, benyo, imito be olwong mac ki malo bin piny kan wang jo nogi?”
55Do Yesu oko lokere oko coko gi. (En ewaco be, “Wun likame ingeunu epone me Tipo kame itienu kede, pien Wot ka dano likame obino pi tieko kuo me jo, do pi lako gi.”) 56Di do Yesu karacel kede josiao mege oko ot i calo apat.
Jo kame Oudo Poore Lubo Yesu
(Matayo 8.19-22)
57Di do bin Yesu kede josiao mege tie ot, icuo moro oko waco ne be, “Ango abino lubi kabedo dedede kame in ibino ot iye.”
58Do Yesu oko waco ne be, “Ekwee tie kede bur me buto, winy me itela da tie kede ude gi, do Wot ka dano li kede kakame eromo pielo iye wie.”
59Doko en eko waco ne dano ocelu da be, “Luba.” Do icuo nono oko waco ne be, “Rwot, weka ber aoti ayik papa na.”
60Do Yesu oko dwoko ne be, “Wek jo oto en kame yik joe gi oto; do in ot itatamo kop i kom Ajakanut ka Rubanga.”
61 #
1 Abakai 19.20
Bobo ngat acel da oko waco ne be, “Ango ayaro lubi Rwot; do weka ber kong aoti amot jo me tura.”
62Yesu oko waco ne be, “Likame tie ngat kame mako kwerudiang di bobo engoloro cen, kame opoore pi donyo i Ajakanut ka Rubanga.”
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Baibuli I Leb Kumam © Bible Society of Uganda, 2013.