Yauhas 14
14
Yexus Yog Txojkev Mus Cuag Leejtxiv
1Yexus hais rau Nws cov thwjtim hais tias, “Nej tsis txhob poobsiab. Ciali ntseeg#14:1: Ciali ntseeg; lossis Nej ciali ntseeg. Vajtswv thiab ntseeg Kuv. 2Hauv Kuv Txiv lub tsev muaj ntau chav; Kuv tabtom yuav mus tu chaw tos nej. Yog tsis muaj li ntawd, Kuv yeej yuav tsis qhia li no rau nej.#14:2: Hauv Kuv Txiv … tsis qhia li no rau nej; lossis Hauv Kuv Txiv lub tsev muaj ntau chav; yog tsis muaj li ntawd, uacas Kuv yuav lam qhia rau nej hais tias Kuv tabtom yuav mus tu chaw rau nej? 3Thaum uas Kuv tu tau chaw rau nej lawm, Kuv yuav rovqab los thiab tos nej mus nrog Kuv nyob, kom Kuv nyob qhovtwg nej thiaj yuav tau nyob qhov ntawd. 4Qhov chaw uas Kuv yuav mus, nej twb paub kev mus lawm.”
5Thaumas hais rau Yexus tias, “Tus Tswv, peb tsis paub xyov Koj yuav mus qhovtwg; yogli ntawd, peb yuav ua licas paub kev mus?”
6Yexus teb tias, “Kuv yog txojkev, yog qhov tseeb, thiab yog txojsia. Tsis muaj leejtwg mus cuag tau Leejtxiv, tsuas yog los ntawm Kuv mus xwb thiaj tau. 7Nimno nej twb paub Kuv lawm, nej yeej yuav paub#14:7: Nimno nej twb paub kuv … nej yeej yuav paub; tej phau ntawv qub uas xuas tes sau, muaj Yog nej twb paub kuv … nej yeej paub. Kuv Txiv thiab, txij no mus nej twb paub Nws thiab nej twb pom Nws lawm.”
8Filiv hais rau Yexus tias, “Tus Tswv, thov Koj ua kom peb pom Leejtxiv, kom peb thiaj yuav txaussiab.”
9Yexus teb tias, “Filiv 'e, Kuv twb nrog nej nyob ntev tas npaum no lawm, koj tseem tsis tau paub Kuv thiab lov? Tus uas pom Kuv, tus ntawd twb pom Leejtxiv lawm. Uacas koj tseem yuav hais tias, ‘Thov Koj ua kom peb pom Leejtxiv’ thiab? 10Filiv, koj tsis ntseeg tias, Kuv nyob hauv Leejtxiv thiab Leejtxiv nyob hauv Kuv no lov?” Yexus hais rau Nws cov thwjtim tias, “Tej lus uas Kuv qhia rau nej no tsis yog Kuv tej lus, tiamsis yog Leejtxiv tus uas nyob rau hauv Kuv, Nws ua Nws tes haujlwm xwb. 11Nej ciali ntseeg qhov uas Kuv hais tias Kuv nyob hauv Leejtxiv thiab Leejtxiv nyob hauv Kuv. Txawm yog nej tsis ntseeg qhov Kuv hais los nej yuavtsum ntseeg tej haujlwm uas Kuv ua.
12“Kuv qhia tseeb rau nej hais tias, tus uas ntseeg Kuv, tus ntawd yuav ua tej haujlwm uas Kuv ua. Tsis tas li ntawd xwb, nws tseem yuav ua loj dua tej uas Kuv ua thiab, rauqhov Kuv tabtom yuav mus cuag Leejtxiv. 13Thiab yog nej tuav Kuv lub npe thov ib yam dabtsi Kuv yuav muab yam ntawd rau nej, kom Leejtub thiaj yuav ua rau Leejtxiv tau ntsejmuag. 14Yog nej tuav Kuv#14:14: Tej phau ntawv qub uas xuas tes sau, tsis muaj Kuv. lub npe thov kom Kuv ua ib yam dabtsi, Kuv yuav ua yam ntawd rau nej.
Yuav Txib Vaj Ntsujplig Tus Dawbhuv Los
15“Yog nej hlub Kuv, nej yeej yuav ua rawsli Kuv tej lus qhia. 16Kuv yuav thov Leejtxiv, thiab nws yuav txib dua tus Pab los, uas yuav nrog nej nyob mus ibtxhis. 17Nws yog Vaj Ntsujplig, Nws yuav qhia qhov tseeb txog Vajtswv rau nej. Neeg ntiajteb yuav lees txais tsis tau Nws, rauqhov lawv tsis pom Nws lossis tsis paub Nws. Tiamsis nej paub Nws, rauqhov Nws nrog nej nyob thiab Nws nyob#14:17: nws nyob; tej phau ntawv qub uas xuas tes sau, muaj yuav nyob. hauv nej.
18“Kuv yuav tsis tso nej nyob ua ntsoj ua ntsuag; Kuv yuav rov los cuag nej. 19Tshuav tsis ntev neeg ntiajteb yuav tsis pom Kuv lawm, tiamsis nej tseem yuav pom Kuv. Vim Kuv muaj txojsia nyob, nej yuav muaj txojsia nyob thiab. 20Thaum txog hnub ntawd, nej yuav paub tias Kuv nyob hauv Leejtxiv, nej nyob hauv Kuv, thiab Kuv nyob hauv nej.
21“Tus uas lees yuav Kuv tej lus qhia thiab ua rawsli tej lus ntawd, tus ntawd yog tus uas hlub Kuv. Tus uas hlub Kuv, Kuv Txiv yuav hlub tus ntawd; Kuv yuav hlub nws thiab yuav qhia Kuv tuskheej rau nws.”
22Yudas (tsis yog tus Yudas Ixakali-aus) hais tias, “Tus Tswv, ua licas Koj thiaj yuav nthuav Koj qhia rau peb paub xwb, es ho tsis nthuav qhia rau neeg ntiajteb?”
23Yexus teb Yudas hais tias, “Tus uas hlub Kuv yeej yuav ua rawsli Kuv tej lus qhia. Kuv Txiv yuav hlub tus ntawd, Kuv Txiv thiab Kuv yuav los cuag nws thiab nrog nws nyob. 24Tus uas tsis hlub Kuv yeej tsis ua rawsli Kuv tej lus qhia. Tej lus uas nej hnov ntawd tsis yog Kuv li lus, tiamsis yog Leejtxiv tus uas txib Kuv los li lus.
25“Nimno Kuv tseem nrog nej nyob, Kuv thiaj qhia tej no rau nej. 26Tus Pab uas yog Vaj Ntsujplig tus Dawbhuv, uas Leejtxiv yuav txib los hauv Kuv lub npe los, nws yuav qhia txhua yam rau nej thiab ua rau nej nco txhua yam uas Kuv tau qhia rau nej lawm.
27“Kev nyabxeeb yog yam uas Kuv tseg cia rau nej; txoj kev nyabxeeb uas Kuv muab rau nej no yog Kuv li. Kuv muab rau nej zoo tsis thooj li neeg ntiajteb muab. Nej tsis txhob poobsiab thiab tsis txhob ntshai. 28Nej twb hnov Kuv hais rau nej tias, ‘Kuv yuav mus, tiamsis Kuv yuav rovqab los cuag nej.’ Yog nej hlub Kuv, nej yeej yuav zoosiab hais tias Kuv rov mus cuag Leejtxiv; rauqhov Nws muaj hwjchim loj dua Kuv. 29Nimno Kuv qhia tej no rau nej uantej uas txhua yam yuav tshwmsim, kom thaum tej no tshwmsim lawm, nej thiaj yuav ntseeg Kuv. 30Kuv yuav nrog nej tham ntev tsis tau, rauqhov tus uas kav lub ntiajteb tabtom los lawm. Nws tsis muaj hwjchim tshaj Kuv, 31tiamsis neeg ntiajteb yuavtsum paub tias Kuv hlub Leejtxiv; vimli ntawd, Kuv thiaj ua txhua yam rawsli Leejtxiv hais kom Kuv ua.
“Ciali sawv peb mus.
اکنون انتخاب شده:
Yauhas 14: MWW2022
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2022 United Bible Societies. All rights reserved.
Yauhas 14
14
Yexus Yog Txojkev Mus Cuag Leejtxiv
1Yexus hais rau Nws cov thwjtim hais tias, “Nej tsis txhob poobsiab. Ciali ntseeg#14:1: Ciali ntseeg; lossis Nej ciali ntseeg. Vajtswv thiab ntseeg Kuv. 2Hauv Kuv Txiv lub tsev muaj ntau chav; Kuv tabtom yuav mus tu chaw tos nej. Yog tsis muaj li ntawd, Kuv yeej yuav tsis qhia li no rau nej.#14:2: Hauv Kuv Txiv … tsis qhia li no rau nej; lossis Hauv Kuv Txiv lub tsev muaj ntau chav; yog tsis muaj li ntawd, uacas Kuv yuav lam qhia rau nej hais tias Kuv tabtom yuav mus tu chaw rau nej? 3Thaum uas Kuv tu tau chaw rau nej lawm, Kuv yuav rovqab los thiab tos nej mus nrog Kuv nyob, kom Kuv nyob qhovtwg nej thiaj yuav tau nyob qhov ntawd. 4Qhov chaw uas Kuv yuav mus, nej twb paub kev mus lawm.”
5Thaumas hais rau Yexus tias, “Tus Tswv, peb tsis paub xyov Koj yuav mus qhovtwg; yogli ntawd, peb yuav ua licas paub kev mus?”
6Yexus teb tias, “Kuv yog txojkev, yog qhov tseeb, thiab yog txojsia. Tsis muaj leejtwg mus cuag tau Leejtxiv, tsuas yog los ntawm Kuv mus xwb thiaj tau. 7Nimno nej twb paub Kuv lawm, nej yeej yuav paub#14:7: Nimno nej twb paub kuv … nej yeej yuav paub; tej phau ntawv qub uas xuas tes sau, muaj Yog nej twb paub kuv … nej yeej paub. Kuv Txiv thiab, txij no mus nej twb paub Nws thiab nej twb pom Nws lawm.”
8Filiv hais rau Yexus tias, “Tus Tswv, thov Koj ua kom peb pom Leejtxiv, kom peb thiaj yuav txaussiab.”
9Yexus teb tias, “Filiv 'e, Kuv twb nrog nej nyob ntev tas npaum no lawm, koj tseem tsis tau paub Kuv thiab lov? Tus uas pom Kuv, tus ntawd twb pom Leejtxiv lawm. Uacas koj tseem yuav hais tias, ‘Thov Koj ua kom peb pom Leejtxiv’ thiab? 10Filiv, koj tsis ntseeg tias, Kuv nyob hauv Leejtxiv thiab Leejtxiv nyob hauv Kuv no lov?” Yexus hais rau Nws cov thwjtim tias, “Tej lus uas Kuv qhia rau nej no tsis yog Kuv tej lus, tiamsis yog Leejtxiv tus uas nyob rau hauv Kuv, Nws ua Nws tes haujlwm xwb. 11Nej ciali ntseeg qhov uas Kuv hais tias Kuv nyob hauv Leejtxiv thiab Leejtxiv nyob hauv Kuv. Txawm yog nej tsis ntseeg qhov Kuv hais los nej yuavtsum ntseeg tej haujlwm uas Kuv ua.
12“Kuv qhia tseeb rau nej hais tias, tus uas ntseeg Kuv, tus ntawd yuav ua tej haujlwm uas Kuv ua. Tsis tas li ntawd xwb, nws tseem yuav ua loj dua tej uas Kuv ua thiab, rauqhov Kuv tabtom yuav mus cuag Leejtxiv. 13Thiab yog nej tuav Kuv lub npe thov ib yam dabtsi Kuv yuav muab yam ntawd rau nej, kom Leejtub thiaj yuav ua rau Leejtxiv tau ntsejmuag. 14Yog nej tuav Kuv#14:14: Tej phau ntawv qub uas xuas tes sau, tsis muaj Kuv. lub npe thov kom Kuv ua ib yam dabtsi, Kuv yuav ua yam ntawd rau nej.
Yuav Txib Vaj Ntsujplig Tus Dawbhuv Los
15“Yog nej hlub Kuv, nej yeej yuav ua rawsli Kuv tej lus qhia. 16Kuv yuav thov Leejtxiv, thiab nws yuav txib dua tus Pab los, uas yuav nrog nej nyob mus ibtxhis. 17Nws yog Vaj Ntsujplig, Nws yuav qhia qhov tseeb txog Vajtswv rau nej. Neeg ntiajteb yuav lees txais tsis tau Nws, rauqhov lawv tsis pom Nws lossis tsis paub Nws. Tiamsis nej paub Nws, rauqhov Nws nrog nej nyob thiab Nws nyob#14:17: nws nyob; tej phau ntawv qub uas xuas tes sau, muaj yuav nyob. hauv nej.
18“Kuv yuav tsis tso nej nyob ua ntsoj ua ntsuag; Kuv yuav rov los cuag nej. 19Tshuav tsis ntev neeg ntiajteb yuav tsis pom Kuv lawm, tiamsis nej tseem yuav pom Kuv. Vim Kuv muaj txojsia nyob, nej yuav muaj txojsia nyob thiab. 20Thaum txog hnub ntawd, nej yuav paub tias Kuv nyob hauv Leejtxiv, nej nyob hauv Kuv, thiab Kuv nyob hauv nej.
21“Tus uas lees yuav Kuv tej lus qhia thiab ua rawsli tej lus ntawd, tus ntawd yog tus uas hlub Kuv. Tus uas hlub Kuv, Kuv Txiv yuav hlub tus ntawd; Kuv yuav hlub nws thiab yuav qhia Kuv tuskheej rau nws.”
22Yudas (tsis yog tus Yudas Ixakali-aus) hais tias, “Tus Tswv, ua licas Koj thiaj yuav nthuav Koj qhia rau peb paub xwb, es ho tsis nthuav qhia rau neeg ntiajteb?”
23Yexus teb Yudas hais tias, “Tus uas hlub Kuv yeej yuav ua rawsli Kuv tej lus qhia. Kuv Txiv yuav hlub tus ntawd, Kuv Txiv thiab Kuv yuav los cuag nws thiab nrog nws nyob. 24Tus uas tsis hlub Kuv yeej tsis ua rawsli Kuv tej lus qhia. Tej lus uas nej hnov ntawd tsis yog Kuv li lus, tiamsis yog Leejtxiv tus uas txib Kuv los li lus.
25“Nimno Kuv tseem nrog nej nyob, Kuv thiaj qhia tej no rau nej. 26Tus Pab uas yog Vaj Ntsujplig tus Dawbhuv, uas Leejtxiv yuav txib los hauv Kuv lub npe los, nws yuav qhia txhua yam rau nej thiab ua rau nej nco txhua yam uas Kuv tau qhia rau nej lawm.
27“Kev nyabxeeb yog yam uas Kuv tseg cia rau nej; txoj kev nyabxeeb uas Kuv muab rau nej no yog Kuv li. Kuv muab rau nej zoo tsis thooj li neeg ntiajteb muab. Nej tsis txhob poobsiab thiab tsis txhob ntshai. 28Nej twb hnov Kuv hais rau nej tias, ‘Kuv yuav mus, tiamsis Kuv yuav rovqab los cuag nej.’ Yog nej hlub Kuv, nej yeej yuav zoosiab hais tias Kuv rov mus cuag Leejtxiv; rauqhov Nws muaj hwjchim loj dua Kuv. 29Nimno Kuv qhia tej no rau nej uantej uas txhua yam yuav tshwmsim, kom thaum tej no tshwmsim lawm, nej thiaj yuav ntseeg Kuv. 30Kuv yuav nrog nej tham ntev tsis tau, rauqhov tus uas kav lub ntiajteb tabtom los lawm. Nws tsis muaj hwjchim tshaj Kuv, 31tiamsis neeg ntiajteb yuavtsum paub tias Kuv hlub Leejtxiv; vimli ntawd, Kuv thiaj ua txhua yam rawsli Leejtxiv hais kom Kuv ua.
“Ciali sawv peb mus.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2022 United Bible Societies. All rights reserved.