YAPHANG 18
18
Abrahamno chwla bwsa rwnani kók rwmani
1Mamreni Uk buphangrok tong thani-o bo tong phuru Subraiyung bo bai nukjak kha, salni tung kukma jora-o aphuru bo bini rí nokni duglamo achugwi tongo. 2#Hib 13.2.Bo naisigwi naiwi nuk kha, bini bwskango chwlaktham borok bacha laijak. Bórokno nuk’-kheno bo rínokni duglamni nongkhorwi thángwi bórok bai malaina tháng kha tei ha-o bolokhógwi khulumui 3hai hwnwi sa kha, “Ani bugra, ano nwng khá phur khe, nini o selengno hai’-no lái ta tháng di. 4Norokni yakung yak sú rwna bagwi twi kisa tubu grana; norok o buphang saklomo bathak laisok gra di, 5nini selengni nogo yapri khiklai kha ba, ang norokni bagwi chámungbo kisa tubunai abo bai norok lama himnani phan man anw.” Hakhe bórok, “Nwng sama tẃi’-no khlai si di” hwnwi sa kha.
6Abraham doui rínok bisingo habwi kha tei Sarano hai hwnwi sa kha, “Nwng dodro yakaktham moida kaham naui sapigwi kisa auang snam gra di.” 7Hakhe Abraham doui musukrok ton thani tháng kha tei milik kuphung musuk bwsa masa romwi tubu-ui selengno rw phai kha; bo abono doui kwrak kha. 8Hakhe bo a muihan sóngjakno, doi bai dutno bórokno rw phai kha; hakhe bo bórok chá laiwi tong phuru buphang saklomo bórokni samo bachaui tong kha.
9Bórok bono hai hwnwi sẃng kha, “Nini nihik Sara le buko biyang?”
“Bo rínok bisingo se,” hwnwi bo sa kha.
10 #
Rum 9.9. Subraiyung hai hwnwi sa kha, “Ang nini thani sachlang jora-o sók phai phinai, nini nihik Sara chwla bwsa khoroksa mannai.”
Aphuru Sara rínokni duglamni ayang naro tong twtwi khnaui tongo. 11Aphuru Abraham bai Sara chakrajak tei Sarabo bini rí thakjak. 12#1Pi 3.6.Hakhe Sara saichung saichung mwnwiwi hai hwnwi sa kha, “Ang tabuk chakra súgwi tháng kha tei ani bwsaibo haino chakra wng kha, ang tei khá da khatung sino?”
13Subraiyung Abrahamno hai hwnwi sa kha, “Tamo Sara mwnwiwi ‘Ang tabuk aswk chakraui bwsa da manno kho, hwnwi sa?’ 14#Luk 1.37.Subraiyung khlaiwi man ya omo hai mungsa phano to de tong ba? chongjak jora’-ono ang nini thani phainai, sachlang jora-o khe Sara chwla bwsa khoroksa mannai.” 15Tamo khe Sara gosi li ya tei “Ang mwnwi ya ble” hwnwi sa kha, tamni hwn ba bo kirijak kha. Tamo khe bo hai hwnwi sa kha, “I’nhi nwng kubui’-no mwnwi kha.”
Abraham Sodomni bagwi koimani
16Hakhe a borokrok aroni lam rwui tháng lai kha tei bórok Sodom bwkhak nahar lai kha, phiya Abraham bórokno tunna bagwi bórok bai baksa tháng kha. 17Tei Subraiyung hai hwnwi sa kha, “Ang khlaina naiwi tongmano Abrahamno khogwi tonnai hai da? 18Bini bosongrok kotor wngnai tei dopha kwrak wngnai tei bini bising tẃi khe#18.18: bini bising tẃi ... dopharok: Ang nono hamari rwma hai hamari rw di hwnwi sanai. swngcharni bebak dopharokno ang hamari rwnai; 19I’nhi ang bono chong kha, bo bini bwsarokno tei bini bosongrokno ani kók nanani bagwi tei samung sói khlaina, bujsói tẃinano dagi rwna bagwi se ang chongo; bórok abo hai khe khlai khe Subraiyung Abraham khlaina hwnwi swmai tangma tẃi’-no bini bagwi khlainai.”
20Hakhe Subraiyung hai hwnwi sa kha, “Sodomni tei Gomorani bagwi belai’-no kók hamya tongo, bórokni sumsok belai’-no báng kha. 21Bórok bebakno da ang hwnma hai’-no khlai bai kha, ang thángwi naiwi sinai. Tei abo swk da abo swk ya, ang sinai.”
22Hakhe a borokrok aroni nongkhorwi Sodom bwkhak tháng lai kha; phiya Abraham khe Subraiyungni bwskango bachaui’-no tong kha. 23Hakhe Abraham samo thángwi hai hwnwi sa kha, “Nwng borok hamyarok bai baksa borok kahamroknobo de sokomornai? 24Rom di, kamiyungo khorokbachi borok kaham tongo; hakhe nwng aro tongnai a borok khorokbachirokni bagwi a kamiyungno narwk glak da? 25Nwng kubui’-no borok sutrangrokno borok hamyarok bai baksa le buthar glak. Borok kahamrokno borok hamyarok bai baksa khe le nwng nuk glak! O bebak hano buj thumnaisa sói khe’-no buj thum glak diba?”
26Hakhe Subraiyung hai hwnwi sa kha, “Tumungno Ang Sodomni kamiyungo khorokbachi borok kaham nuk khe, a borokni bagwi a bebak kamiyungno mwthangnai.”
27Abraham hai hwnwi sa phi kha, “Subrai ang sak baithangno ma sa phiro, nai di ang le mungsabu ya hadlwi tei thapla ja se. 28Rom di, borok khorokbachi kánani bagwi aro tei khorokba borok’-no ká ya wng khe le? nwng a khorokba kwrwi wngwi, khorokbachi ká súk yani bagwi bebak kamiyungno sokomornai hai da?”
Hakhe Kaitor hai hwnwi sa kha, “Aro borok khorokbrwichiba tong khe’-no ang sokomor glak.”
29Bo hai’-no hai hwnwi sa phi kha “Rom di aro borok khorokbrwichi simi borok kaham tong si-o.”
Hakhe Kaitor hai hwnwi sa kha, “Aro borok kaham khorokbrwichi tong khe’-no ang sokomor glak.”
30Hakhe bo hai hwnwi sa-u kha “Subraiyung ta joli ja di, ang ma sa phiro. Rom di aro borok kaham khorokthamchi tong kha ta.”
Kaitor hai hwnwi sa kha, “Ang aro borok khorokthamchi tong khe’-no abo hai khlai glak.”
31Bo hai hwnwi sa kha, “Subraiyung ang nono kók sa phir ja-o. Aro khoroknwichi’-no tong kha ta.”
Bo hai hwnwi sa kha, “Ang khoroknwichi borok kaham nuk khe’-no sokomor glak.”
32Hakhe bo hai hwnwi sa kha “Subraiyung ta joli ja di ang tei uáisa’-no sa phi si anw. Aro borok kaham khorokchi’-no tong kha ta?”
Bo hai hwnwi sa kha, “Aro khorokchi’-no borok kaham tong khe ang sokomor glak.” 33Abraham bai kók sa laiwi pái khe Subraiyung tháng kha; hakhe Abraham nogo kiphilwi phai kha.
اکنون انتخاب شده:
YAPHANG 18: KOKBSI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
YAPHANG 18
18
Abrahamno chwla bwsa rwnani kók rwmani
1Mamreni Uk buphangrok tong thani-o bo tong phuru Subraiyung bo bai nukjak kha, salni tung kukma jora-o aphuru bo bini rí nokni duglamo achugwi tongo. 2#Hib 13.2.Bo naisigwi naiwi nuk kha, bini bwskango chwlaktham borok bacha laijak. Bórokno nuk’-kheno bo rínokni duglamni nongkhorwi thángwi bórok bai malaina tháng kha tei ha-o bolokhógwi khulumui 3hai hwnwi sa kha, “Ani bugra, ano nwng khá phur khe, nini o selengno hai’-no lái ta tháng di. 4Norokni yakung yak sú rwna bagwi twi kisa tubu grana; norok o buphang saklomo bathak laisok gra di, 5nini selengni nogo yapri khiklai kha ba, ang norokni bagwi chámungbo kisa tubunai abo bai norok lama himnani phan man anw.” Hakhe bórok, “Nwng sama tẃi’-no khlai si di” hwnwi sa kha.
6Abraham doui rínok bisingo habwi kha tei Sarano hai hwnwi sa kha, “Nwng dodro yakaktham moida kaham naui sapigwi kisa auang snam gra di.” 7Hakhe Abraham doui musukrok ton thani tháng kha tei milik kuphung musuk bwsa masa romwi tubu-ui selengno rw phai kha; bo abono doui kwrak kha. 8Hakhe bo a muihan sóngjakno, doi bai dutno bórokno rw phai kha; hakhe bo bórok chá laiwi tong phuru buphang saklomo bórokni samo bachaui tong kha.
9Bórok bono hai hwnwi sẃng kha, “Nini nihik Sara le buko biyang?”
“Bo rínok bisingo se,” hwnwi bo sa kha.
10 #
Rum 9.9. Subraiyung hai hwnwi sa kha, “Ang nini thani sachlang jora-o sók phai phinai, nini nihik Sara chwla bwsa khoroksa mannai.”
Aphuru Sara rínokni duglamni ayang naro tong twtwi khnaui tongo. 11Aphuru Abraham bai Sara chakrajak tei Sarabo bini rí thakjak. 12#1Pi 3.6.Hakhe Sara saichung saichung mwnwiwi hai hwnwi sa kha, “Ang tabuk chakra súgwi tháng kha tei ani bwsaibo haino chakra wng kha, ang tei khá da khatung sino?”
13Subraiyung Abrahamno hai hwnwi sa kha, “Tamo Sara mwnwiwi ‘Ang tabuk aswk chakraui bwsa da manno kho, hwnwi sa?’ 14#Luk 1.37.Subraiyung khlaiwi man ya omo hai mungsa phano to de tong ba? chongjak jora’-ono ang nini thani phainai, sachlang jora-o khe Sara chwla bwsa khoroksa mannai.” 15Tamo khe Sara gosi li ya tei “Ang mwnwi ya ble” hwnwi sa kha, tamni hwn ba bo kirijak kha. Tamo khe bo hai hwnwi sa kha, “I’nhi nwng kubui’-no mwnwi kha.”
Abraham Sodomni bagwi koimani
16Hakhe a borokrok aroni lam rwui tháng lai kha tei bórok Sodom bwkhak nahar lai kha, phiya Abraham bórokno tunna bagwi bórok bai baksa tháng kha. 17Tei Subraiyung hai hwnwi sa kha, “Ang khlaina naiwi tongmano Abrahamno khogwi tonnai hai da? 18Bini bosongrok kotor wngnai tei dopha kwrak wngnai tei bini bising tẃi khe#18.18: bini bising tẃi ... dopharok: Ang nono hamari rwma hai hamari rw di hwnwi sanai. swngcharni bebak dopharokno ang hamari rwnai; 19I’nhi ang bono chong kha, bo bini bwsarokno tei bini bosongrokno ani kók nanani bagwi tei samung sói khlaina, bujsói tẃinano dagi rwna bagwi se ang chongo; bórok abo hai khe khlai khe Subraiyung Abraham khlaina hwnwi swmai tangma tẃi’-no bini bagwi khlainai.”
20Hakhe Subraiyung hai hwnwi sa kha, “Sodomni tei Gomorani bagwi belai’-no kók hamya tongo, bórokni sumsok belai’-no báng kha. 21Bórok bebakno da ang hwnma hai’-no khlai bai kha, ang thángwi naiwi sinai. Tei abo swk da abo swk ya, ang sinai.”
22Hakhe a borokrok aroni nongkhorwi Sodom bwkhak tháng lai kha; phiya Abraham khe Subraiyungni bwskango bachaui’-no tong kha. 23Hakhe Abraham samo thángwi hai hwnwi sa kha, “Nwng borok hamyarok bai baksa borok kahamroknobo de sokomornai? 24Rom di, kamiyungo khorokbachi borok kaham tongo; hakhe nwng aro tongnai a borok khorokbachirokni bagwi a kamiyungno narwk glak da? 25Nwng kubui’-no borok sutrangrokno borok hamyarok bai baksa le buthar glak. Borok kahamrokno borok hamyarok bai baksa khe le nwng nuk glak! O bebak hano buj thumnaisa sói khe’-no buj thum glak diba?”
26Hakhe Subraiyung hai hwnwi sa kha, “Tumungno Ang Sodomni kamiyungo khorokbachi borok kaham nuk khe, a borokni bagwi a bebak kamiyungno mwthangnai.”
27Abraham hai hwnwi sa phi kha, “Subrai ang sak baithangno ma sa phiro, nai di ang le mungsabu ya hadlwi tei thapla ja se. 28Rom di, borok khorokbachi kánani bagwi aro tei khorokba borok’-no ká ya wng khe le? nwng a khorokba kwrwi wngwi, khorokbachi ká súk yani bagwi bebak kamiyungno sokomornai hai da?”
Hakhe Kaitor hai hwnwi sa kha, “Aro borok khorokbrwichiba tong khe’-no ang sokomor glak.”
29Bo hai’-no hai hwnwi sa phi kha “Rom di aro borok khorokbrwichi simi borok kaham tong si-o.”
Hakhe Kaitor hai hwnwi sa kha, “Aro borok kaham khorokbrwichi tong khe’-no ang sokomor glak.”
30Hakhe bo hai hwnwi sa-u kha “Subraiyung ta joli ja di, ang ma sa phiro. Rom di aro borok kaham khorokthamchi tong kha ta.”
Kaitor hai hwnwi sa kha, “Ang aro borok khorokthamchi tong khe’-no abo hai khlai glak.”
31Bo hai hwnwi sa kha, “Subraiyung ang nono kók sa phir ja-o. Aro khoroknwichi’-no tong kha ta.”
Bo hai hwnwi sa kha, “Ang khoroknwichi borok kaham nuk khe’-no sokomor glak.”
32Hakhe bo hai hwnwi sa kha “Subraiyung ta joli ja di ang tei uáisa’-no sa phi si anw. Aro borok kaham khorokchi’-no tong kha ta?”
Bo hai hwnwi sa kha, “Aro khorokchi’-no borok kaham tong khe ang sokomor glak.” 33Abraham bai kók sa laiwi pái khe Subraiyung tháng kha; hakhe Abraham nogo kiphilwi phai kha.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.