Lukahtar 12
12
O manuš niči trubuj te avel bimohko, ni darano, ni džomba. Niči trubuj te brinisajvol. Katar o arakhipe. O ćhinavipe. O znako e djivesengo.
1Akana ćidinalje but milje manuša tha lije te uštaven jekh džene e averen. A vov maj anglal lijah te del vorba pire ama engje: Arakhen tumen katar o šuklo h̄umer e lilvarnengo, e rašajengo, savo si h̄oh̄amno.
2Kaj naj niso garudino, savo niči kam iklel makar ar po dikhipe, thaj khanči inaj ćerdino čojral, savo niči kam džanglinajvol thaj haćardol.
3Gova so vaćardem ando tunjariko, gova kam ašundol vi po dićhipe. A so dijen vorba čojral ando ćher, ande sovarde, gova kam vaćardinajvol vi pe ćhera, pe beranda upre.
4Pale phenav tumengje, mrne amalengje: Ma daran golendar save mudaren o telo, a niso aver našti tumee ćeren.
5A me kam mothovav tume, kahtar kam daran: Daran golehtar savo kana mudarela tumen, šaj čhudel tumen ande jag e bengjengji. A me pale phenav tumee: Arakhen tumen thaj daran gasave manušehtar.
6Zar niči bićindon pandž vrapcujra, sulumarke, pala duj dinajra? A ni jekhe lendar o Del niči bistarel.
7A tumende si gjindo vi o bal upre po šoro. Pala gova, ma daran, tumen sen maj lačhe e vrapcondar, katar e bute sulumarke.
8A me tume mothovav: Savo god pindžarela man angla e manuša, le kam pindžarel vi e manušehko čhavo angla e Devlehće angjelujra.
9A savo niči inćarel man ni pala sohte angla e manuša, gova niči kam pindžardinajvol angla e Devlehće angjelujra.
10Thaj kam mukel pe, kam jertisavol o doš svakone golehće, savo niči del vorba šukarimahći katar e manušehko čhavo, a gova savo akušel e Sumnale Duho, lehće inči kam muklinajvol khanči.
11A kana anena tumen ande khangjira thaj angla e krisa ili angla e šorutne, tumen te na daran golehtar, so kam tumen phenen thaj so kam den vorba.
12O Sumnalo Duho sikavela tumen, turvinjija tumen sar trubuj te den vorba.
13A varesavo manuš andar e ćidine džene phendah lehće: Sikamneja, mothov me phralehće te ulavel manca o barvalipe, o mangjin, e amare mule dadehko.
14A vov phendah lehće: Manušeja, ko dijah mae te avav krisi upral tumende tha te ulavav maškar tumende.
15A lengje phendah: Dikhen te arakhen tumen katar e bižaje manuša, katar e manuša e phangle vastengje, kaj o barvalipe niči mol gaći sar o džuvindipe, sar o trajipe.
16Thaj sikadah lengje vov jekh paramiči, dindo vorba agadija: Paša nesavo barvalo manuš bijandah e umal lačhe.
17Thaj an pehte vov gadija mothodah: So te ćerav, naj ma ande sohte te ćidav mo gjiv.
18Thaj dijah vorba: Ake, so kam me ćerav: Kam peravav, h̄aravav e gjivehći kaštuni, e žitnica, thaj kam ćerav jekh nevi maj bari, thaj gothe kam ćidav sa mrno gjiv thaj sa mrno barvalipe.
19Thaj kam mothovav mrne odjehće: Odjeja, si tut barvalipe pala but brša, ačhado e bućatar, pa h̄a thaj pi thaj veselisajvo.
20A o Del vaćardah lehće: Dileja, bigodjaćireja, naj san tuha, gale jraćako ćo odji kam lel pe tutar, a kahće kam ačhel athoska sa gova mangjin so tu therdan thaj ćidijan.
21Gadija kam avel golehće, savo therel pehće barvalipe, a paša o Del niči barvaljol, ačhel čor̄o.
22A pire amalengje phendah: Pala gova mothovav tume: Na brinisajvon tumare odjeha so kam h̄an, thaj na te mislisaren pe tumaro telo so kam len pe tumende te ujradon.
23O džipe, o džuvipe si bareder katar o h̄ape, a o telo maj baro e hujravimahtar.
24Dikhenta e garvanon, e kakarašken, von niči sijin o gjiv, ni ćiden le, len naj ni podrumo, ni hambari, a pale o Del parvarel len, čaljarel len, a tumen sen maj lačhe, maj feder gole čirikljendar.
25A savo si gova maškar tumende, savo pire godjaha šaj bajrola pala jekh jekhor̄i kuj maj baro nego so si.
26A kana našti ćeren ni gova so si maj ciknor̄o, maj h̄urdor̄o na h̄an tumen ni pala gova so si maj baro.
27Dikhenta sar bajron e luludja, von niči ćeren bući, niti katen. A me tumee mothovav kaj ni o Solomuno ande piro šukaripe niči hujradinaljah gaja sar fijesavo lendar.
28A kana o Del gadija hujravel e čar pe umal, savi kam oteharin čhudinajvol ande jag, zar vov tumen niči hujravela vi maj feder? Ej, tumen niči paćan but!
29A tumen te na mangen ni gova so kam čamben, ni gova so kam khapen, na brinisajvon.
30Kaj gova sa mangen vi e manuša pe agaja phuv, save niči džanen pala o Del, a tumaro dad džanel kaj gova tumee trubuj.
31Mangen thaj roden e Devlehko thagaripe thaj gova kam del pe tume.
32Ma daran, manušale, gava cîr̄ica kaj si tumen, gova kamlah tumaro dad te del tumee o thagaripe.
33Bićinen so si tumen thaj den ke čor̄e, suven tume traste save niči phujrona thaj ćeren tumen e kasa, e lovengji, savi nisar niči čučola po del, kaj o čor našti pašol dži late, a ni e ćermor̄e, našti h̄îvaren la.
34Gothe kaj si tumaro barvalipe, inća kam avel tumaro ilo.
35Nek aven tumare inje phangline e kuštikaha, a e memelja nek aven phabardine.
36Thaj sar e kandine manuša save ažućaren pire barvale te putaren lehće e udara, kana irija pe katar o abijav thaj kana čalavela pe lende.
37Bah̄tale kola kandine, kola bućarne, saven malavela o barvalo, sar arakhen lehko mangjin, lehko barvalipe, kana irisajvola. Čačimaha, me mothovav tumengje, vov kam zunavel pe baja, kam phandel pi kuštik, kam bešalel len te h̄an thaj kam thovel len kan.
38Thaj the irakhela gadija vi e dujtone vi e tritone bućarde sar arakhen lehko barvalipe, saor̄e kam aven bah̄talimahće.
39A tumen te džanen gava: Te džanela o ćherutno šoro kana kam avel o čor, o čorlogano, vov arakhela o ćher, a niči mukela le te h̄îvarel, phagjarel lehko ćher thaj te del andre.
40A vi tumen te aven lačharde, arakhavne, kaj kam avel e manušehko čhavo jekhe djivesehko kana tumen niči nadisajvona.
41A o Petre phendah lehće: Bareja, da li tu sikaveh ka paramiči korkor̄e amengje ili savor̄engje.
42A o Baro phendah: Savo si gova paćivalo bućarno, gova godjaver sluga, save o barvalo thodah upral pe pire čhavor̄e thaj ćherutne te ulavel lengje parvaripe kana len trubuj.
43Bah̄talo si ogova kandino, bućarno, save o barvalo, kana irija pe, arakhel kaj gadija ćerel.
44Čače mothovav tumee: Vov kam le thovel sar e šorune upral pe sa piro lačhipe.
45A te o bućarno vaćarela ande pehte agaja: Mrno barvalo kam ačhadol but po drom thaj niči kam avel sigo. Thaj te lela vov te marel e avere ćherutnen thaj te lela te h̄al thaj te matol.
46Lehko barvalo, o raj e bućarnehko kam avel, kana niko niči ažućarel le, niti khonik nadisaljah lehće. Vov kam dikhindo gova, ćhindjarel e bućarne donde, thaj kam ulavel lehko poćinipe maškar e bipaćamne.
47Gova bućarno savo džanel so kamel lehko barvalo, a savo niči laćhardinjaljah thaj savo niči ćerdah gadija sar o barvalo kamel, gova bućarno kam h̄al palme thaj daba lehtar.
48A gova savo niči džanel thaj ćerel vareso so inaj šukar, gova kam avel cîr̄a mardo. Savehte god del pe but, golehtar kam manglinajvol but, a golehtar savehte dijah pe maj but, kam mangljol maj but.
49Ake, avilem te čhudav e jag pe phuv, a sar me volija te phabol akanor̄a e phuv.
50A trubuj te me krsti ma, pa sar si mae phare dži kaj gova niči ćerdinajvol.
51Gîndin tumen, ićaren tumen kaj me avilem te anav lačhipe e phujvaće? Niči. Phenav tumee: Me avilem te anav čingar.
52Katar akana o ćher kam ulavel pe pe pandž džene, pe pandž riga. Trin džene kam vazdinajvon te h̄an pe dujenca, a duj džene kam h̄an pe e trinenca.
53Vazdinajvola o dad pe piro čhavo, a o čhavo pe po dad, e dej pe pi čhej, a e čhej pe pi dej, e sasuj pe pi bori, a e bori pe pi sokra, pe pi sasuj.
54Maj palal dijah vorba e dženengje: Kana dikhen kaj vazdel pe o kalipe katar koja rig kaj huljistah o kham, tumen kam phenen: Kam avel o bršind. Thaj o bršind avilah.
55A kana dikhen kaj phurdel e balval katar o jugo, tumen kam vaćaren kaj avela tatipe. Thaj maj palal avilah tatipe.
56Hoh̄avnale! Džanen te pindžaren o del thaj e phuv, a sar našti pindžaren agava so si akana, o akanutnipe.
57Sohtar tumen tumengje korkor̄e niči sudin čačikane.
58Kana tu džah ćire dušmanoha dži ko krisi, ko balamno, dikh te ćhinadoh leha e dromeha, te na igjarel tu ko krisi, te na o krisi del tu ke šingale, ke h̄arkumajra, te na čhuden tu gala ando phandipe.
59Phenav tuće: Okothar niči ikleha, dži kaj god niči poćineha ćire palutne lovor̄e.
اکنون انتخاب شده:
Lukahtar 12: GURB1938
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Englezongo thaj avere Themengo Biblijako Amalipe 1938.
Lukahtar 12
12
O manuš niči trubuj te avel bimohko, ni darano, ni džomba. Niči trubuj te brinisajvol. Katar o arakhipe. O ćhinavipe. O znako e djivesengo.
1Akana ćidinalje but milje manuša tha lije te uštaven jekh džene e averen. A vov maj anglal lijah te del vorba pire ama engje: Arakhen tumen katar o šuklo h̄umer e lilvarnengo, e rašajengo, savo si h̄oh̄amno.
2Kaj naj niso garudino, savo niči kam iklel makar ar po dikhipe, thaj khanči inaj ćerdino čojral, savo niči kam džanglinajvol thaj haćardol.
3Gova so vaćardem ando tunjariko, gova kam ašundol vi po dićhipe. A so dijen vorba čojral ando ćher, ande sovarde, gova kam vaćardinajvol vi pe ćhera, pe beranda upre.
4Pale phenav tumengje, mrne amalengje: Ma daran golendar save mudaren o telo, a niso aver našti tumee ćeren.
5A me kam mothovav tume, kahtar kam daran: Daran golehtar savo kana mudarela tumen, šaj čhudel tumen ande jag e bengjengji. A me pale phenav tumee: Arakhen tumen thaj daran gasave manušehtar.
6Zar niči bićindon pandž vrapcujra, sulumarke, pala duj dinajra? A ni jekhe lendar o Del niči bistarel.
7A tumende si gjindo vi o bal upre po šoro. Pala gova, ma daran, tumen sen maj lačhe e vrapcondar, katar e bute sulumarke.
8A me tume mothovav: Savo god pindžarela man angla e manuša, le kam pindžarel vi e manušehko čhavo angla e Devlehće angjelujra.
9A savo niči inćarel man ni pala sohte angla e manuša, gova niči kam pindžardinajvol angla e Devlehće angjelujra.
10Thaj kam mukel pe, kam jertisavol o doš svakone golehće, savo niči del vorba šukarimahći katar e manušehko čhavo, a gova savo akušel e Sumnale Duho, lehće inči kam muklinajvol khanči.
11A kana anena tumen ande khangjira thaj angla e krisa ili angla e šorutne, tumen te na daran golehtar, so kam tumen phenen thaj so kam den vorba.
12O Sumnalo Duho sikavela tumen, turvinjija tumen sar trubuj te den vorba.
13A varesavo manuš andar e ćidine džene phendah lehće: Sikamneja, mothov me phralehće te ulavel manca o barvalipe, o mangjin, e amare mule dadehko.
14A vov phendah lehće: Manušeja, ko dijah mae te avav krisi upral tumende tha te ulavav maškar tumende.
15A lengje phendah: Dikhen te arakhen tumen katar e bižaje manuša, katar e manuša e phangle vastengje, kaj o barvalipe niči mol gaći sar o džuvindipe, sar o trajipe.
16Thaj sikadah lengje vov jekh paramiči, dindo vorba agadija: Paša nesavo barvalo manuš bijandah e umal lačhe.
17Thaj an pehte vov gadija mothodah: So te ćerav, naj ma ande sohte te ćidav mo gjiv.
18Thaj dijah vorba: Ake, so kam me ćerav: Kam peravav, h̄aravav e gjivehći kaštuni, e žitnica, thaj kam ćerav jekh nevi maj bari, thaj gothe kam ćidav sa mrno gjiv thaj sa mrno barvalipe.
19Thaj kam mothovav mrne odjehće: Odjeja, si tut barvalipe pala but brša, ačhado e bućatar, pa h̄a thaj pi thaj veselisajvo.
20A o Del vaćardah lehće: Dileja, bigodjaćireja, naj san tuha, gale jraćako ćo odji kam lel pe tutar, a kahće kam ačhel athoska sa gova mangjin so tu therdan thaj ćidijan.
21Gadija kam avel golehće, savo therel pehće barvalipe, a paša o Del niči barvaljol, ačhel čor̄o.
22A pire amalengje phendah: Pala gova mothovav tume: Na brinisajvon tumare odjeha so kam h̄an, thaj na te mislisaren pe tumaro telo so kam len pe tumende te ujradon.
23O džipe, o džuvipe si bareder katar o h̄ape, a o telo maj baro e hujravimahtar.
24Dikhenta e garvanon, e kakarašken, von niči sijin o gjiv, ni ćiden le, len naj ni podrumo, ni hambari, a pale o Del parvarel len, čaljarel len, a tumen sen maj lačhe, maj feder gole čirikljendar.
25A savo si gova maškar tumende, savo pire godjaha šaj bajrola pala jekh jekhor̄i kuj maj baro nego so si.
26A kana našti ćeren ni gova so si maj ciknor̄o, maj h̄urdor̄o na h̄an tumen ni pala gova so si maj baro.
27Dikhenta sar bajron e luludja, von niči ćeren bući, niti katen. A me tumee mothovav kaj ni o Solomuno ande piro šukaripe niči hujradinaljah gaja sar fijesavo lendar.
28A kana o Del gadija hujravel e čar pe umal, savi kam oteharin čhudinajvol ande jag, zar vov tumen niči hujravela vi maj feder? Ej, tumen niči paćan but!
29A tumen te na mangen ni gova so kam čamben, ni gova so kam khapen, na brinisajvon.
30Kaj gova sa mangen vi e manuša pe agaja phuv, save niči džanen pala o Del, a tumaro dad džanel kaj gova tumee trubuj.
31Mangen thaj roden e Devlehko thagaripe thaj gova kam del pe tume.
32Ma daran, manušale, gava cîr̄ica kaj si tumen, gova kamlah tumaro dad te del tumee o thagaripe.
33Bićinen so si tumen thaj den ke čor̄e, suven tume traste save niči phujrona thaj ćeren tumen e kasa, e lovengji, savi nisar niči čučola po del, kaj o čor našti pašol dži late, a ni e ćermor̄e, našti h̄îvaren la.
34Gothe kaj si tumaro barvalipe, inća kam avel tumaro ilo.
35Nek aven tumare inje phangline e kuštikaha, a e memelja nek aven phabardine.
36Thaj sar e kandine manuša save ažućaren pire barvale te putaren lehće e udara, kana irija pe katar o abijav thaj kana čalavela pe lende.
37Bah̄tale kola kandine, kola bućarne, saven malavela o barvalo, sar arakhen lehko mangjin, lehko barvalipe, kana irisajvola. Čačimaha, me mothovav tumengje, vov kam zunavel pe baja, kam phandel pi kuštik, kam bešalel len te h̄an thaj kam thovel len kan.
38Thaj the irakhela gadija vi e dujtone vi e tritone bućarde sar arakhen lehko barvalipe, saor̄e kam aven bah̄talimahće.
39A tumen te džanen gava: Te džanela o ćherutno šoro kana kam avel o čor, o čorlogano, vov arakhela o ćher, a niči mukela le te h̄îvarel, phagjarel lehko ćher thaj te del andre.
40A vi tumen te aven lačharde, arakhavne, kaj kam avel e manušehko čhavo jekhe djivesehko kana tumen niči nadisajvona.
41A o Petre phendah lehće: Bareja, da li tu sikaveh ka paramiči korkor̄e amengje ili savor̄engje.
42A o Baro phendah: Savo si gova paćivalo bućarno, gova godjaver sluga, save o barvalo thodah upral pe pire čhavor̄e thaj ćherutne te ulavel lengje parvaripe kana len trubuj.
43Bah̄talo si ogova kandino, bućarno, save o barvalo, kana irija pe, arakhel kaj gadija ćerel.
44Čače mothovav tumee: Vov kam le thovel sar e šorune upral pe sa piro lačhipe.
45A te o bućarno vaćarela ande pehte agaja: Mrno barvalo kam ačhadol but po drom thaj niči kam avel sigo. Thaj te lela vov te marel e avere ćherutnen thaj te lela te h̄al thaj te matol.
46Lehko barvalo, o raj e bućarnehko kam avel, kana niko niči ažućarel le, niti khonik nadisaljah lehće. Vov kam dikhindo gova, ćhindjarel e bućarne donde, thaj kam ulavel lehko poćinipe maškar e bipaćamne.
47Gova bućarno savo džanel so kamel lehko barvalo, a savo niči laćhardinjaljah thaj savo niči ćerdah gadija sar o barvalo kamel, gova bućarno kam h̄al palme thaj daba lehtar.
48A gova savo niči džanel thaj ćerel vareso so inaj šukar, gova kam avel cîr̄a mardo. Savehte god del pe but, golehtar kam manglinajvol but, a golehtar savehte dijah pe maj but, kam mangljol maj but.
49Ake, avilem te čhudav e jag pe phuv, a sar me volija te phabol akanor̄a e phuv.
50A trubuj te me krsti ma, pa sar si mae phare dži kaj gova niči ćerdinajvol.
51Gîndin tumen, ićaren tumen kaj me avilem te anav lačhipe e phujvaće? Niči. Phenav tumee: Me avilem te anav čingar.
52Katar akana o ćher kam ulavel pe pe pandž džene, pe pandž riga. Trin džene kam vazdinajvon te h̄an pe dujenca, a duj džene kam h̄an pe e trinenca.
53Vazdinajvola o dad pe piro čhavo, a o čhavo pe po dad, e dej pe pi čhej, a e čhej pe pi dej, e sasuj pe pi bori, a e bori pe pi sokra, pe pi sasuj.
54Maj palal dijah vorba e dženengje: Kana dikhen kaj vazdel pe o kalipe katar koja rig kaj huljistah o kham, tumen kam phenen: Kam avel o bršind. Thaj o bršind avilah.
55A kana dikhen kaj phurdel e balval katar o jugo, tumen kam vaćaren kaj avela tatipe. Thaj maj palal avilah tatipe.
56Hoh̄avnale! Džanen te pindžaren o del thaj e phuv, a sar našti pindžaren agava so si akana, o akanutnipe.
57Sohtar tumen tumengje korkor̄e niči sudin čačikane.
58Kana tu džah ćire dušmanoha dži ko krisi, ko balamno, dikh te ćhinadoh leha e dromeha, te na igjarel tu ko krisi, te na o krisi del tu ke šingale, ke h̄arkumajra, te na čhuden tu gala ando phandipe.
59Phenav tuće: Okothar niči ikleha, dži kaj god niči poćineha ćire palutne lovor̄e.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Englezongo thaj avere Themengo Biblijako Amalipe 1938.