Genesis 11
11
1Iyan tagna-tagnaꞌ paꞌ, paribasa it esa-esay puꞌun it taw, esa-esa paꞌ gasiꞌ i ampang. 2Ta it magpanlekep na ngayti sirat banwa, naꞌlay na sirat kayaꞌmat it panaw nga ayun duꞌut lebatan, nakaparag na sirat malayaw nga daranasan duꞌun it pagpangaranat Sinar. Pagkaparag nira, duꞌun nay tiyaꞌidan nira.
3Iyan nakatiꞌen-tiꞌen na sira duꞌun, nagꞌupa-upakaten sira. Maat nira, “Esa-esa ga, muwat tamit dakel nga dakel nga padseneng lugtaꞌ, lugtaꞌ ngayang magkabwat tang dakut. Pakaꞌyawun tami nga banar isaꞌun demsen nga demsen.” Piyadsen na ngayti nira nga lugtaꞌ i ganti nirat batu nga ipagbuwat-buwat it balay. Piyulitan nirat alkitran#11:3 Alkitran ngaytu, madesen, temed magkatunaw in maꞌinit. Demsen siꞌ in mabaꞌaw. Ituy pagbuwateng ispaltu, nga ipagpagayen it mga karsadaꞌ kayti. isaꞌun magdeke-deketen. 4Pagkamuya nirat magkabwat sirat iting mga bagay, namagꞌupa-upakaten siꞌ sira. “Esa-esa ga,” maat nira, “magbuwat tamit magayeng lansangan baw patindeg tamit balay nga ega basta-basta i kaꞌabwat nga kaꞌbut duꞌut langit i alibubungan ya, isaꞌun matanug tami baw ega na matariwanak situt sinirungat langit.”
5Temed nanlampud i AMPUꞌANG DIYUS nga subuk nanleteg it lansangan baw pagpaꞌabwatayen ngayting balay nga pagbuwaten nira. 6Pagkalteg ya, maat ya, “Mga taw ngaytu, magkakayaan niray itung kabubwalan#11:6 Kabubwalan ngaytu nga paꞌaaten, magpanadili sira, nga sadili nirang kaꞌirgan i ipagpadaꞌeg kat nakem nira, ega kaꞌirgan it Ampuꞌang Diyus. Ega gasiꞌ ipagpataꞌas nira i Ampuꞌang Diyus, in daꞌga sadili nira. Baw subuk pagpasngelan nira i sekat it Ampuꞌang Diyus it kanira nga lemkep it kababanwaan situt sinirungat langit, isaꞌun magtaawan nay muꞌsang banwa (kapitulu 9:1). nira sabap esa-esay ampang nira baw urunyun sirang muꞌsa. Ta, it atkayan, daꞌga subraꞌ na sikaytu i makayaan nira nga kabubwalan, nga ega na mapaaran sira it kumpur kubwaten nira? 7Magayen aduꞌunun ta na sira ka belag-belagen i ampang nira, isaꞌun daꞌsira na magsepse-sepsepen it pagꞌaaten.”
8Egay beken, tiyariwanak nat AMPUꞌANG DIYUS i mga taw, nga garing duꞌun ilingkep na sirat muꞌsang banwa. Aypaꞌ ka natananan na niray pagbuwaten nira ngayting lansangan baw abwatay ngayting balay. 9Aypaꞌ sikaytiꞌen, piyangaranan it Babel i iting rugar, nga ireg sugiden, nalibegan. Ka sikayti biyelag-belag it AMPUꞌANG DIYUS i ampang it taw, baw duꞌun kayti i giyaringan it nagbelag-belagen na gasiꞌ i taw ka ilingkep nat muꞌsang banwa.
Napanaw na na Tare, ikawalung tungtung-inapuꞌ ni Sem
27May esang taw nga pagpangaranat ki Tare. Anak ni Tare ngaytu, si Abram, sumunud si Nacor bawnga si Haran. Manganak si Haran, lalaki. Pangaranan, si Lot. 28Ega piyaꞌlay si Haran, ka natay kanya it egen pay amaꞌ ya nga si Tare. Piyatayan ya, siyakitan ya naga nga rugar nga Ur, nga sakep it Caldea. 29Kana Abram, duwa ni Nacor, nagsigpangasawa na. Mangasawa si Abram it kanya, pagpangaranat ki Sarai. Ngaran it ki Nacor nga asawa, si Milca nga esang kamanaken ya,#11:29 Iyan amulaꞌ pay banwa, it ega paꞌ dadaklan i taw, ega pay panyaꞌ u sumbang. Magkapagꞌasawa i maski ega nagꞌugaling taw. ka amaꞌ ni Milca si Haran. May esa pang anak ni Haran, ngaran ya si Isca, nga sulsug ni Milca. 30Si Sarai ngayti, ega magpanganak, aypaꞌ egay kanyang aꞌanak.
31Ta, miyabut nga nagpaꞌugad si Tare, taban yat nagpaꞌugad i anak ya nga si Abram baw apuꞌ ya nga si Lot, nga yay esang anak ni Haran, pati miyagad ya nga si Sarai nga asawa ngayti ni Abram. Nagliꞌid na sira duꞌut Ur ngayti nga sakep it Caldea ka iyan sana i paꞌugadan nira, banwa nga Canaan. Temed ega naga nakalangbus ka pagkaꞌbut nira duꞌut lansangan nga pagpangaranat Haran, duꞌun nay tiyaꞌidan nira. 32Duꞌun nat Haran ngayti i piyatayan ni Tare, magꞌidad na kanyat duwang gatus baw limang taꞌun.
Piyapaꞌugad it AMPUꞌANG DIYUS si Abram baw binggayan it ega basta-bastang sanggup
[Mga 1907 B.C.]
اکنون انتخاب شده:
Genesis 11: TBWONT
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 1992, Wycliffe Bible Translators, Inc. All rights reserved.
Genesis 11
11
1Iyan tagna-tagnaꞌ paꞌ, paribasa it esa-esay puꞌun it taw, esa-esa paꞌ gasiꞌ i ampang. 2Ta it magpanlekep na ngayti sirat banwa, naꞌlay na sirat kayaꞌmat it panaw nga ayun duꞌut lebatan, nakaparag na sirat malayaw nga daranasan duꞌun it pagpangaranat Sinar. Pagkaparag nira, duꞌun nay tiyaꞌidan nira.
3Iyan nakatiꞌen-tiꞌen na sira duꞌun, nagꞌupa-upakaten sira. Maat nira, “Esa-esa ga, muwat tamit dakel nga dakel nga padseneng lugtaꞌ, lugtaꞌ ngayang magkabwat tang dakut. Pakaꞌyawun tami nga banar isaꞌun demsen nga demsen.” Piyadsen na ngayti nira nga lugtaꞌ i ganti nirat batu nga ipagbuwat-buwat it balay. Piyulitan nirat alkitran#11:3 Alkitran ngaytu, madesen, temed magkatunaw in maꞌinit. Demsen siꞌ in mabaꞌaw. Ituy pagbuwateng ispaltu, nga ipagpagayen it mga karsadaꞌ kayti. isaꞌun magdeke-deketen. 4Pagkamuya nirat magkabwat sirat iting mga bagay, namagꞌupa-upakaten siꞌ sira. “Esa-esa ga,” maat nira, “magbuwat tamit magayeng lansangan baw patindeg tamit balay nga ega basta-basta i kaꞌabwat nga kaꞌbut duꞌut langit i alibubungan ya, isaꞌun matanug tami baw ega na matariwanak situt sinirungat langit.”
5Temed nanlampud i AMPUꞌANG DIYUS nga subuk nanleteg it lansangan baw pagpaꞌabwatayen ngayting balay nga pagbuwaten nira. 6Pagkalteg ya, maat ya, “Mga taw ngaytu, magkakayaan niray itung kabubwalan#11:6 Kabubwalan ngaytu nga paꞌaaten, magpanadili sira, nga sadili nirang kaꞌirgan i ipagpadaꞌeg kat nakem nira, ega kaꞌirgan it Ampuꞌang Diyus. Ega gasiꞌ ipagpataꞌas nira i Ampuꞌang Diyus, in daꞌga sadili nira. Baw subuk pagpasngelan nira i sekat it Ampuꞌang Diyus it kanira nga lemkep it kababanwaan situt sinirungat langit, isaꞌun magtaawan nay muꞌsang banwa (kapitulu 9:1). nira sabap esa-esay ampang nira baw urunyun sirang muꞌsa. Ta, it atkayan, daꞌga subraꞌ na sikaytu i makayaan nira nga kabubwalan, nga ega na mapaaran sira it kumpur kubwaten nira? 7Magayen aduꞌunun ta na sira ka belag-belagen i ampang nira, isaꞌun daꞌsira na magsepse-sepsepen it pagꞌaaten.”
8Egay beken, tiyariwanak nat AMPUꞌANG DIYUS i mga taw, nga garing duꞌun ilingkep na sirat muꞌsang banwa. Aypaꞌ ka natananan na niray pagbuwaten nira ngayting lansangan baw abwatay ngayting balay. 9Aypaꞌ sikaytiꞌen, piyangaranan it Babel i iting rugar, nga ireg sugiden, nalibegan. Ka sikayti biyelag-belag it AMPUꞌANG DIYUS i ampang it taw, baw duꞌun kayti i giyaringan it nagbelag-belagen na gasiꞌ i taw ka ilingkep nat muꞌsang banwa.
Napanaw na na Tare, ikawalung tungtung-inapuꞌ ni Sem
27May esang taw nga pagpangaranat ki Tare. Anak ni Tare ngaytu, si Abram, sumunud si Nacor bawnga si Haran. Manganak si Haran, lalaki. Pangaranan, si Lot. 28Ega piyaꞌlay si Haran, ka natay kanya it egen pay amaꞌ ya nga si Tare. Piyatayan ya, siyakitan ya naga nga rugar nga Ur, nga sakep it Caldea. 29Kana Abram, duwa ni Nacor, nagsigpangasawa na. Mangasawa si Abram it kanya, pagpangaranat ki Sarai. Ngaran it ki Nacor nga asawa, si Milca nga esang kamanaken ya,#11:29 Iyan amulaꞌ pay banwa, it ega paꞌ dadaklan i taw, ega pay panyaꞌ u sumbang. Magkapagꞌasawa i maski ega nagꞌugaling taw. ka amaꞌ ni Milca si Haran. May esa pang anak ni Haran, ngaran ya si Isca, nga sulsug ni Milca. 30Si Sarai ngayti, ega magpanganak, aypaꞌ egay kanyang aꞌanak.
31Ta, miyabut nga nagpaꞌugad si Tare, taban yat nagpaꞌugad i anak ya nga si Abram baw apuꞌ ya nga si Lot, nga yay esang anak ni Haran, pati miyagad ya nga si Sarai nga asawa ngayti ni Abram. Nagliꞌid na sira duꞌut Ur ngayti nga sakep it Caldea ka iyan sana i paꞌugadan nira, banwa nga Canaan. Temed ega naga nakalangbus ka pagkaꞌbut nira duꞌut lansangan nga pagpangaranat Haran, duꞌun nay tiyaꞌidan nira. 32Duꞌun nat Haran ngayti i piyatayan ni Tare, magꞌidad na kanyat duwang gatus baw limang taꞌun.
Piyapaꞌugad it AMPUꞌANG DIYUS si Abram baw binggayan it ega basta-bastang sanggup
[Mga 1907 B.C.]
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 1992, Wycliffe Bible Translators, Inc. All rights reserved.