Joyn 12
12
Mèli zùʼ Yesò a Betanì
(Mat 26.6-13; Mak 14.3-9)
1A nfàŋ to mətsi ntʉfə a ndiʼ mətsi mə məzaʼsə zìtə̀, Yesò ə dyʉ̀ a Betanì, a diʼ ntə̀ʼ və Lazalùs yi a ghə̀ lusə fa pfʉ li. 2Və na pfwo ghayn əfo ə zhɨvə a Yesò, Matà ə gə̀tə̀. Və sə zhɨ̀, Lazalùs ə be zhɨ̀. 3Mèli lyɨ̀ ndyʉ̀ nə̀ məzhiʼ məlemtəmə mu və shɨtə nə̀ nkàyntə̀ nat, a diʼ no məzhiʼ mə jùŋə mə, mə lèmtə bòŋ no alə̀, əko yi to no nànto ə zùʼ aghʉ Yesò ə zhès nə̀ nyɨŋsə kətʉ wen. Ando ghə̀ zuʼ lì, kəlèmtə̀ kikə ə chiʼ ngə̀ŋ no tsèm. 4Ndzɨ̀mtə̀ əbam Yesò ə tsen kwen a və toŋtə la Judà Iskalìyòt, a diʼ wen yi a ghə̀ ndiʼ ə na ə baʼlə Yesò, ə kəŋkə̀ ə gàʼa la, 5“Və tə zizi və baʼlə məzhiʼ na mèyn a əko, to kədə̀ŋ, ə ku əko na yi a viʼi kəfem.” 6Ghə̀ nko gàʼ ali byìʼàndo ghə̀ kusə shinsə a viʼi kəfem. A ndiʼ byìʼàndo ghə̀ ndi tsoŋ, a wʉ̀ wen wʉ̀ kəmbò kə ko, ghə̀ nshisə ko fa tsu gyamtə əwenə wen tsu.
7Ghə̀ gaʼa ali, Yesò ə gàʼ la, “Ghə̀ŋ moʼtə wùwì na ghèn fu,” ə be gàʼ la, “Ghə̀ tə ə ghʉ̀ məzhiʼ na mèyn lə zùʼ mo a kətsi yi a və bvɨmə mo tsu. 8Viʼi kəfem na ndiʼ to diʼ a ghə̀ŋ a ntìntìn, ali ma ko diʼ ə faŋ to vəghəŋ amuʼ.”
Və baʼtə̀ ə zhwi Lazalùs
9Viʼi Jus ə zhʉ̀ li, to kədə̀ŋ la ghə̀ diʼ a Betanì, ə lù dyʉ̀ tsu ə yenə wen, ə be ə yen Lazalùs a ghə̀ lusə fa pfʉ li. 10Tʉtʉ vəpfèm və ngə̀ŋ Nyìngòŋ yen ali ə sə be baʼtə̀ ə zhwi Lazalùs, 11byìʼàndo viʼi Jus no vəghoʼo ə nsə nyɨŋ dyʉ̀ to fa bàm Yesò, byɨmə a wen byìʼì kənyʉ̀ ki a ghə̀ nè a Lazalùs.
Yesò kwen a Jelusalèm to nə̀ Fòyn
(Mat 21.1-11; Mak 11.1-11; Luk 19.28-40)
12Əchʉʼ ə ne layn, ənòyn ə viʼi vyi a və vi ə zhɨ̀ kəzhɨ kə məzaʼsə ə zhʉ la Yesò ne vi a Jelusalèm, 13ə kwaʼtə zaŋ ə fʉ̀ dyʉ̀ nə̀ wenə və a wen nə̀ ji, zɨ̀mə gàʼa dyʉ̀ la, “Òsanà! mbwaʼmə ə diʼ a wìʼ yi a ghə̀ vi a əzhiʼ Bobo. Nyìngòŋ ə bwàʼsə Fòyn viʼi Islel!”
14Yesò ə nkəŋ wàyn jàkas kuʼ a yi a kwi ə sə vi, a diʼ to kənyʉ̀ ki a və nyòʼ a Ŋwàʼlə̀ Nyìngòŋ la:
15“kə ghə̀ŋ fwàyn a viʼi ntə̀ʼ Zayòn.
Fòyn yi a ghə̀ vi,
jèʼe a kwi wàyn ə jàkas.”
16A ndiʼ ando nyʉ̀ a venə nfʉ, ndzɨ̀mtə̀sə bàm Yesò sə yenə ko andiʼ la və kɨ. Ghə̀ lu lù fa pfʉ, ə bwenə dyʉ̀ akəshi kə kùʼsə wen, vəwenə mu kwoʼtə la à diʼi nyʉ̀ mu və ə nyoʼo kumə wen no tsèm, viʼi be nè to li a wen.
17A ndiʼ ali, mu nòynə ə viʼi vyi a və ndiʼ wenə vəwenə faŋ li sə shə̀ʼtə̀ dyʉ̀ a viʼi la ghə̀ tə dyʉ̀ dzàŋ Lazalùs achʉ̀ əsè, ghə̀ lù fa pfʉ. 18Viʼi və ghoʼo və fʉ̀ ə yen wen byìʼàndo vəwenə ə zhʉ̀ la à lə kənyʉ̀ kə kaynəkə kì a ghə̀ nè. 19Viʼi Falàsi ə sə gàʼa to a vəwenə a ntìntìn la, “Kə le diʼi la kənyʉ̀ kətsen ko be diʼ vəghəŋ nè. Yen to ando mbyi ə tsèm sə dyʉ̀ to fa wen abàm a!”
Yesò ə shə̀ʼtə̀ la və a zhwi yì
20Viʼi vətsenvə vi a nko diʼ viʼi Jus mbe ku a Jelusalèm ə kuʼsə Nyìngòŋ a kəshi kə kəzhɨ ki, 21vəwenə dyʉ̀ yen Filib, a diʼ wù ə ntə̀ʼ ə tsen a Galìlì və toŋtə la Bèsaydà, ə sensə wen ə gàʼ la, “Tikəbəŋ, yès əkòŋ ə yen Yesò.”
22Filib ə dyʉ̀ shə̀ʼtə̀ a Andɨ̀lò, wenə wen ə dyʉ̀ shə̀ʼtə̀ a Yesò. 23Yesò ə gàʼ a vəwenə la, “Əzhʉ kʉʼʉ li luwen la Nyìngòŋ ə kuʼsə kwoŋ ə Wàyn Wìʼ akàŋ. 24Ma gaʼa a ghə̀ŋ to no nəmwèʼè la, və sətsen faŋ ke mòʼ ashɨ ə ngwaʼ a nse, a ghə̀ faŋ to a ngwaʼ. Alì, mu və mòʼ, a ghə̀ pfʉ̀ ə mu kumə ashi asaŋ nò ghoʼo. 25A kòŋ no ndo ə tsi a mbyi ashə, a ghə̀ pfʉ, a ə baynə no ndò ə ntsi a mbyi ashə, a ghə̀ lù kiʼi ə ntsìnə̀ yì a ghə̀ ko lu mè. 26No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”
Yesò ə gàʼ kumə əpfʉ ə wen
27Yesò ə be mu gàʼ la, “Luwen diʼ alə̀ kwoʼtə ə ghomə ku ngəʼ a mò no nànto, ma ko kɨ la ma gaʼa la gho lo, la, ‘Tìʼ ghom, kə wù a byɨmə ngəʼ na ghèn vi a mò mu?’ Nò tèbe ali, mà tə vi a nse ə yenə ngəʼ na ghèn. 28Diʼi kədyòʼ ə kyəkə a viʼi a Tìʼ!”
To alə, gɨ̀ ə fʉ̀ fa kàŋ ə gàʼ la, “Mà sə diʼ mù ma diʼi li, diʼ ə be a diʼ ə kwʉ̀ʼsə.”
29Tənòyn tə viʼi titə a tə ndiʼ tsu ə zhʉ̀ ghɨ ayi, vətsevə sə gàʼa la à dèmkə̀ əkaŋ, vətsevə gàʼa la à gàʼa Ntsɨŋ ngə̀ŋ Nyìngòŋ.
30Alì, Yesò ə gàʼ a vəwenə la, “Gɨ̀ ghèn ko gàʼa ə gyamtə mo, ghə̀ gàʼa ə gyamtə ghə̀ŋ. 31Əzhʉ kwʉʼ li Nyìngòŋ be byɨbsə viʼi mbyi byìʼì mbyɨsə vəwenə be dzɨ̀mə̀ shisə fòyn mbi luwen. 32A ne ndi a zhʉ a ve ne lùsə mo fa nse, mà dzàŋ no viʼi vətsèm, və vi a mò.” 33Ghə̀ gàʼa alə̀, əshəʼtə nki pfʉ a ghə̀ diʼ ne pfʉ.
34Viʼi na vyi ə bèm la, “Əsoʼ ə vəghəŋ ziʼi la Klistò diʼ ə tsì ə faŋ, wù jeʼ ale ə gàʼa la, və diʼ ə lùsə Wàyn Wìʼ a? Wàyn Wìʼ na ghèn diʼ no ndò?”
35Yesò ə mu gàʼ a vəwenə la, “Ghə̀ŋ na bo kiʼi əbayn to a fəshinə fə zhʉ̀ alə. Ghə̀ŋ ə jèʼè, shì ə bo baynə, kə kəbəŋ kə fenəkə na tyin ghə̀ŋ. Wìʼ ə jèʼe a kəbəŋ kə fenəkə, ko ghə̀ lu yenə la ghə̀ dyʉ̀ fè lo? 36Ghə̀ŋ byɨmə əbayn, ghə̀ bo diʼ a ghə̀ŋ a ntìntìn ndiʼ ghə̀ŋ ndiʼ vunə əbayn.”
Vəjew tyen la və ko byɨmə Yesò
Yesò ə gàʼa nyʉ̀ venə alə ə nyɨŋ dyʉ̀ lyòmtə̀. 37Yesò ə nè no tèbe nyʉ̀ ə kaynəvə venə no ətsèm lə, vəwenə be tyenə to tyenə la və ko byɨmə a wen. 38Kə nfʉ alə ndiʼ ntɨm ə Nyìngòŋ yì a nshə̀ʼtə̀ Isayà nshə̀ʼtə̀ kwʉʼ:
“Bobo, à byɨmə ndò ntɨm ə yes a?
A yèn ndò kədyòʼ kə Bobo a?”
39Vəwenə ə faŋ kò və lə byɨmə a ji a Isayà ə ngaʼa la:
40“Nyìngòŋ ə nè li, vəwenə nfyɨf
ə be ntosə tətyɨm tə vəwenə,
ndiʼ vəwenə ki tèbe ki ko və lu yenə,
kwòʼtə̀ tèbe kənyʉ̀, ko andiʼ la və kɨ;
byìʼàndo vəwenə sətsen ə yenə be kɨ nyʉ̀ a və bwensə ə vi
a Nyìngòŋ ghə̀ chʉʼ vəwenə.”
41Isayà ngaʼa nyʉ̀ venə kumə Yesò byìʼàndo ghə̀ sə diʼ mù ghə̀ yenli kədyoʼkə wen.
42Nò tèbe ali, viʼi vətsevə nə̀ viʼi Jus vətsevə və ə byɨmə li a Yesò, to kədə̀ŋ, ali ko və lù fʉ̀ a ndayn byìʼàndo vəwenə ə mfwàynə̀ la və fʉ, viʼi Falàsi a dzɨ̀m vəwenə fa ngə̀ŋ ntsentə. 43Vəwenə ə kòŋ la viʼi mbwomsə vəwenə chò la a mbwomsə Nyìngòŋ.
Yesò ə gàʼ la və lu soʼo viʼi chò fa wen a gàʼ
44Yesò be gàʼ no a gɨ to la, “A byɨmə no ndo a mò, mù ghə̀ byɨmə li a wìʼ yi a ghə̀ tɨmə mo. 45A yen te ndò yen mo, mu ghə̀ yen li wìʼ ə yi a ghə̀ tɨmə mo. 46Mà vi a mbyi to nə̀ əbayn ndiʼ wìʼ faŋ kò ghə̀ lə be ndiʼ a kəbəŋ kə fenəkə, mu ghə̀ byɨmə li a mò. 47A zhʉ̀ no ndo zhʉ gàʼà ə ghomə ə faŋ ke nè ando mà gàʼa, ko ma lu soʼo wen byìʼàndo ma ko vi a mbyi ə soʼo viʼi, mà boŋsə vi la və bwòŋ. 48A tyen te ndo tyen mo nə̀ gàʼ ə ghomə, nyʉ̀ vyi a mà gàʼa lù soʼo wen a kətsi kə ə bàm. 49Ma ko gaʼa nyʉ̀ fa mo ə ngə̀ŋ. A ntɨm Tìʼ ə tɨm mo la mà gàʼ, ə shə̀ʼtə̀ ji yi a zizi mà gàʼ fa tsu. 50Ma kɨli la kənyʉ̀ kì a Tiʼi ghom gàʼ ə nè la viʼi kiʼi ntsìnə̀ yì a ghə̀ ko lu mè. Ma gàʼa no ghò, a diʼ tò kikə a Tìʼ ghom gàʼ la mà gàʼ.”
انتخاب شده:
Joyn 12: bbkDBLnt
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Joyn 12
12
Mèli zùʼ Yesò a Betanì
(Mat 26.6-13; Mak 14.3-9)
1A nfàŋ to mətsi ntʉfə a ndiʼ mətsi mə məzaʼsə zìtə̀, Yesò ə dyʉ̀ a Betanì, a diʼ ntə̀ʼ və Lazalùs yi a ghə̀ lusə fa pfʉ li. 2Və na pfwo ghayn əfo ə zhɨvə a Yesò, Matà ə gə̀tə̀. Və sə zhɨ̀, Lazalùs ə be zhɨ̀. 3Mèli lyɨ̀ ndyʉ̀ nə̀ məzhiʼ məlemtəmə mu və shɨtə nə̀ nkàyntə̀ nat, a diʼ no məzhiʼ mə jùŋə mə, mə lèmtə bòŋ no alə̀, əko yi to no nànto ə zùʼ aghʉ Yesò ə zhès nə̀ nyɨŋsə kətʉ wen. Ando ghə̀ zuʼ lì, kəlèmtə̀ kikə ə chiʼ ngə̀ŋ no tsèm. 4Ndzɨ̀mtə̀ əbam Yesò ə tsen kwen a və toŋtə la Judà Iskalìyòt, a diʼ wen yi a ghə̀ ndiʼ ə na ə baʼlə Yesò, ə kəŋkə̀ ə gàʼa la, 5“Və tə zizi və baʼlə məzhiʼ na mèyn a əko, to kədə̀ŋ, ə ku əko na yi a viʼi kəfem.” 6Ghə̀ nko gàʼ ali byìʼàndo ghə̀ kusə shinsə a viʼi kəfem. A ndiʼ byìʼàndo ghə̀ ndi tsoŋ, a wʉ̀ wen wʉ̀ kəmbò kə ko, ghə̀ nshisə ko fa tsu gyamtə əwenə wen tsu.
7Ghə̀ gaʼa ali, Yesò ə gàʼ la, “Ghə̀ŋ moʼtə wùwì na ghèn fu,” ə be gàʼ la, “Ghə̀ tə ə ghʉ̀ məzhiʼ na mèyn lə zùʼ mo a kətsi yi a və bvɨmə mo tsu. 8Viʼi kəfem na ndiʼ to diʼ a ghə̀ŋ a ntìntìn, ali ma ko diʼ ə faŋ to vəghəŋ amuʼ.”
Və baʼtə̀ ə zhwi Lazalùs
9Viʼi Jus ə zhʉ̀ li, to kədə̀ŋ la ghə̀ diʼ a Betanì, ə lù dyʉ̀ tsu ə yenə wen, ə be ə yen Lazalùs a ghə̀ lusə fa pfʉ li. 10Tʉtʉ vəpfèm və ngə̀ŋ Nyìngòŋ yen ali ə sə be baʼtə̀ ə zhwi Lazalùs, 11byìʼàndo viʼi Jus no vəghoʼo ə nsə nyɨŋ dyʉ̀ to fa bàm Yesò, byɨmə a wen byìʼì kənyʉ̀ ki a ghə̀ nè a Lazalùs.
Yesò kwen a Jelusalèm to nə̀ Fòyn
(Mat 21.1-11; Mak 11.1-11; Luk 19.28-40)
12Əchʉʼ ə ne layn, ənòyn ə viʼi vyi a və vi ə zhɨ̀ kəzhɨ kə məzaʼsə ə zhʉ la Yesò ne vi a Jelusalèm, 13ə kwaʼtə zaŋ ə fʉ̀ dyʉ̀ nə̀ wenə və a wen nə̀ ji, zɨ̀mə gàʼa dyʉ̀ la, “Òsanà! mbwaʼmə ə diʼ a wìʼ yi a ghə̀ vi a əzhiʼ Bobo. Nyìngòŋ ə bwàʼsə Fòyn viʼi Islel!”
14Yesò ə nkəŋ wàyn jàkas kuʼ a yi a kwi ə sə vi, a diʼ to kənyʉ̀ ki a və nyòʼ a Ŋwàʼlə̀ Nyìngòŋ la:
15“kə ghə̀ŋ fwàyn a viʼi ntə̀ʼ Zayòn.
Fòyn yi a ghə̀ vi,
jèʼe a kwi wàyn ə jàkas.”
16A ndiʼ ando nyʉ̀ a venə nfʉ, ndzɨ̀mtə̀sə bàm Yesò sə yenə ko andiʼ la və kɨ. Ghə̀ lu lù fa pfʉ, ə bwenə dyʉ̀ akəshi kə kùʼsə wen, vəwenə mu kwoʼtə la à diʼi nyʉ̀ mu və ə nyoʼo kumə wen no tsèm, viʼi be nè to li a wen.
17A ndiʼ ali, mu nòynə ə viʼi vyi a və ndiʼ wenə vəwenə faŋ li sə shə̀ʼtə̀ dyʉ̀ a viʼi la ghə̀ tə dyʉ̀ dzàŋ Lazalùs achʉ̀ əsè, ghə̀ lù fa pfʉ. 18Viʼi və ghoʼo və fʉ̀ ə yen wen byìʼàndo vəwenə ə zhʉ̀ la à lə kənyʉ̀ kə kaynəkə kì a ghə̀ nè. 19Viʼi Falàsi ə sə gàʼa to a vəwenə a ntìntìn la, “Kə le diʼi la kənyʉ̀ kətsen ko be diʼ vəghəŋ nè. Yen to ando mbyi ə tsèm sə dyʉ̀ to fa wen abàm a!”
Yesò ə shə̀ʼtə̀ la və a zhwi yì
20Viʼi vətsenvə vi a nko diʼ viʼi Jus mbe ku a Jelusalèm ə kuʼsə Nyìngòŋ a kəshi kə kəzhɨ ki, 21vəwenə dyʉ̀ yen Filib, a diʼ wù ə ntə̀ʼ ə tsen a Galìlì və toŋtə la Bèsaydà, ə sensə wen ə gàʼ la, “Tikəbəŋ, yès əkòŋ ə yen Yesò.”
22Filib ə dyʉ̀ shə̀ʼtə̀ a Andɨ̀lò, wenə wen ə dyʉ̀ shə̀ʼtə̀ a Yesò. 23Yesò ə gàʼ a vəwenə la, “Əzhʉ kʉʼʉ li luwen la Nyìngòŋ ə kuʼsə kwoŋ ə Wàyn Wìʼ akàŋ. 24Ma gaʼa a ghə̀ŋ to no nəmwèʼè la, və sətsen faŋ ke mòʼ ashɨ ə ngwaʼ a nse, a ghə̀ faŋ to a ngwaʼ. Alì, mu və mòʼ, a ghə̀ pfʉ̀ ə mu kumə ashi asaŋ nò ghoʼo. 25A kòŋ no ndo ə tsi a mbyi ashə, a ghə̀ pfʉ, a ə baynə no ndò ə ntsi a mbyi ashə, a ghə̀ lù kiʼi ə ntsìnə̀ yì a ghə̀ ko lu mè. 26No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”
Yesò ə gàʼ kumə əpfʉ ə wen
27Yesò ə be mu gàʼ la, “Luwen diʼ alə̀ kwoʼtə ə ghomə ku ngəʼ a mò no nànto, ma ko kɨ la ma gaʼa la gho lo, la, ‘Tìʼ ghom, kə wù a byɨmə ngəʼ na ghèn vi a mò mu?’ Nò tèbe ali, mà tə vi a nse ə yenə ngəʼ na ghèn. 28Diʼi kədyòʼ ə kyəkə a viʼi a Tìʼ!”
To alə, gɨ̀ ə fʉ̀ fa kàŋ ə gàʼ la, “Mà sə diʼ mù ma diʼi li, diʼ ə be a diʼ ə kwʉ̀ʼsə.”
29Tənòyn tə viʼi titə a tə ndiʼ tsu ə zhʉ̀ ghɨ ayi, vətsevə sə gàʼa la à dèmkə̀ əkaŋ, vətsevə gàʼa la à gàʼa Ntsɨŋ ngə̀ŋ Nyìngòŋ.
30Alì, Yesò ə gàʼ a vəwenə la, “Gɨ̀ ghèn ko gàʼa ə gyamtə mo, ghə̀ gàʼa ə gyamtə ghə̀ŋ. 31Əzhʉ kwʉʼ li Nyìngòŋ be byɨbsə viʼi mbyi byìʼì mbyɨsə vəwenə be dzɨ̀mə̀ shisə fòyn mbi luwen. 32A ne ndi a zhʉ a ve ne lùsə mo fa nse, mà dzàŋ no viʼi vətsèm, və vi a mò.” 33Ghə̀ gàʼa alə̀, əshəʼtə nki pfʉ a ghə̀ diʼ ne pfʉ.
34Viʼi na vyi ə bèm la, “Əsoʼ ə vəghəŋ ziʼi la Klistò diʼ ə tsì ə faŋ, wù jeʼ ale ə gàʼa la, və diʼ ə lùsə Wàyn Wìʼ a? Wàyn Wìʼ na ghèn diʼ no ndò?”
35Yesò ə mu gàʼ a vəwenə la, “Ghə̀ŋ na bo kiʼi əbayn to a fəshinə fə zhʉ̀ alə. Ghə̀ŋ ə jèʼè, shì ə bo baynə, kə kəbəŋ kə fenəkə na tyin ghə̀ŋ. Wìʼ ə jèʼe a kəbəŋ kə fenəkə, ko ghə̀ lu yenə la ghə̀ dyʉ̀ fè lo? 36Ghə̀ŋ byɨmə əbayn, ghə̀ bo diʼ a ghə̀ŋ a ntìntìn ndiʼ ghə̀ŋ ndiʼ vunə əbayn.”
Vəjew tyen la və ko byɨmə Yesò
Yesò ə gàʼa nyʉ̀ venə alə ə nyɨŋ dyʉ̀ lyòmtə̀. 37Yesò ə nè no tèbe nyʉ̀ ə kaynəvə venə no ətsèm lə, vəwenə be tyenə to tyenə la və ko byɨmə a wen. 38Kə nfʉ alə ndiʼ ntɨm ə Nyìngòŋ yì a nshə̀ʼtə̀ Isayà nshə̀ʼtə̀ kwʉʼ:
“Bobo, à byɨmə ndò ntɨm ə yes a?
A yèn ndò kədyòʼ kə Bobo a?”
39Vəwenə ə faŋ kò və lə byɨmə a ji a Isayà ə ngaʼa la:
40“Nyìngòŋ ə nè li, vəwenə nfyɨf
ə be ntosə tətyɨm tə vəwenə,
ndiʼ vəwenə ki tèbe ki ko və lu yenə,
kwòʼtə̀ tèbe kənyʉ̀, ko andiʼ la və kɨ;
byìʼàndo vəwenə sətsen ə yenə be kɨ nyʉ̀ a və bwensə ə vi
a Nyìngòŋ ghə̀ chʉʼ vəwenə.”
41Isayà ngaʼa nyʉ̀ venə kumə Yesò byìʼàndo ghə̀ sə diʼ mù ghə̀ yenli kədyoʼkə wen.
42Nò tèbe ali, viʼi vətsevə nə̀ viʼi Jus vətsevə və ə byɨmə li a Yesò, to kədə̀ŋ, ali ko və lù fʉ̀ a ndayn byìʼàndo vəwenə ə mfwàynə̀ la və fʉ, viʼi Falàsi a dzɨ̀m vəwenə fa ngə̀ŋ ntsentə. 43Vəwenə ə kòŋ la viʼi mbwomsə vəwenə chò la a mbwomsə Nyìngòŋ.
Yesò ə gàʼ la və lu soʼo viʼi chò fa wen a gàʼ
44Yesò be gàʼ no a gɨ to la, “A byɨmə no ndo a mò, mù ghə̀ byɨmə li a wìʼ yi a ghə̀ tɨmə mo. 45A yen te ndò yen mo, mu ghə̀ yen li wìʼ ə yi a ghə̀ tɨmə mo. 46Mà vi a mbyi to nə̀ əbayn ndiʼ wìʼ faŋ kò ghə̀ lə be ndiʼ a kəbəŋ kə fenəkə, mu ghə̀ byɨmə li a mò. 47A zhʉ̀ no ndo zhʉ gàʼà ə ghomə ə faŋ ke nè ando mà gàʼa, ko ma lu soʼo wen byìʼàndo ma ko vi a mbyi ə soʼo viʼi, mà boŋsə vi la və bwòŋ. 48A tyen te ndo tyen mo nə̀ gàʼ ə ghomə, nyʉ̀ vyi a mà gàʼa lù soʼo wen a kətsi kə ə bàm. 49Ma ko gaʼa nyʉ̀ fa mo ə ngə̀ŋ. A ntɨm Tìʼ ə tɨm mo la mà gàʼ, ə shə̀ʼtə̀ ji yi a zizi mà gàʼ fa tsu. 50Ma kɨli la kənyʉ̀ kì a Tiʼi ghom gàʼ ə nè la viʼi kiʼi ntsìnə̀ yì a ghə̀ ko lu mè. Ma gàʼa no ghò, a diʼ tò kikə a Tìʼ ghom gàʼ la mà gàʼ.”
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید