Joyn 18
18
Və ghaʼ Yesò
(Mat 26.47-56; Mak 14.43-50; Luk 22.47-53)
1Yesò ə jɨ̀mə̀ li mwetə wenə ndzɨ̀mtə̀sə bàm ə wensə lù ə dyàŋ kəbuʼlə a Kidɨ̀lòyn, ə dyʉ̀ kwen a ə sɨm ə Olìf tsenə ghə̀. 2A ndiʼ ali, Judàs yi a ghə̀ baʼlə Yesò ə kɨ kəshi na kì byìʼì ando Yesò wenə ndzɨ̀mtə̀sə bàm wensə ə zaŋsə dyʉ̀ tsu. 3Judàs mu lyɨ ə nòyn vəsugyèʼ benə viʼi vətsenvə a və nshyèʼè a ngə̀ŋ Nyìngòŋ, mu à tɨm tʉtʉ vəpfèm və̀ ngə̀ŋ Nyìngòŋ nə̀ viʼi Falàsi. Vəwenə ə vi ali, kiʼi əfo ghòŋ nə̀ nkàʼtə̀ nə̀ vəlamə. 4A ndiʼ ali, Yesò ə nkɨ no tèbe ghò a ghə̀ ndiʼ ə fʉ̀ a wen. Ghə̀ fʉ̀tə̀ vi ə bèm a vəwenə la, vəwenə kəŋ ndò lo.
5Vəwenə bwensə la, “Yès ə kəŋ wàyn wù Nazalèt ghèn a və toŋtə la Yesò lə.”
Yesò ə gàʼ la, “A diʼ mò lə.”
Ghə̀ gàʼa ali, Judàs yi a ghə̀ baʼlə wen ə ti to ə tsu wenə viʼi a vyi. 6A ndiʼ ando Yesò gàʼa li la, “A diʼi mò lə,” vəwenə bwensə kòtə̀ dyʉ̀ nə bamə ə fəŋkə a nse. 7Ghə̀ be bèm a vəwenə la, “Ghə̀ŋ kəŋ ndò lo?”
Vəwenə be bwensə la, “Yès ə kəŋ wàyn ə wù Nazalèt ghèn a və toŋtə la Yesò lə.”
8Yesò ə be gàʼ la, “Ma gaʼa li a ghə̀ŋ la à diʼ mò lə̀. Ghə̀ŋ kəŋ mò, ghə̀ŋ moʼtə dzɨ̀mtə̀ shom sensə lù.” 9Ghə̀ ngaʼa alə ndi kənyʉ̀ kì a ghə̀ ngàʼa a Tìʼ wen kwʉʼ la, “Nò wìʼ ko lè fa ntìntìn viʼi vyi a wù kù a mò.”
10A ndiʼ ali Saymun Bità ə kiʼi nyì, ghə̀ ntsuʼ ə koʼ tyin kətiʼitiʼi kə kwoŋ ə toghə wù ə shwèʼè ngə̀ŋ Nyìngòŋ ə ŋaŋtə, a əzhiʼ ə wù ə shwèʼè ayi ə diʼ Malikùs. 11Yesò ə gàʼ a Bità la, “Bwensə wè nyì ə wù a yi kwʉ. Wù kwòʼə la ma ko kòŋ ə yenə ngəʼ a ji yi a Tìʼ ghom ghʉ̀ la mà yen fa tsù mu?”
Və ghaʼ dyʉ̀ nə̀ Yesò a Anàs
12Vəsugyèʼ nə̀ kətʉ kə vəwenə, boʼsə nə̀ viʼi Jus vyi a və ntsɨŋ ngə̀ŋ Nyìngòŋ ə ghoʼo ə ghaʼ Yesò ə kwiʼ wen, 13ə lyɨ̀ dyʉ̀ nə̀ wen a Anàs ambì, a diʼ tìʼ wì Kàyafàs a ghə̀ ndiʼ pfèm ngə̀ŋ Nyìngòŋ ə ŋaŋtə a ngwʉ̀ʼ na yi. 14Kàyafàs na ghèn ndiʼ wen yi a ghə̀ tyɨftə viʼi Jus la kə bòŋ la wìʼ ə mùʼ pfʉ akəshi viʼi və tsèm.
Bità ə mo Yesò
(Mat 26.69-70; Mak 14.66-68; Luk 22.55-57)
15Və ghaʼ Yesò ali, ə sə dyʉ̀, Saymun Bità ə sə dyʉ̀ fa wen abàm wenə dzɨ̀mtə̀ bàm ə Yesò ə tsen. Ndzɨ̀mtə̀ əbàm ə Yesò na yì ə dyʉ̀ li kwen wenə Yesò a kəbəŋ kə ngə̀ŋ Nyìngòŋ ə ŋaŋtə byìʼàndo pfèm ayi ə kɨli wen, 16ali Bità ə tɨmə to kəbəŋ. Ndzɨ̀mtə̀ əbam Yesò yì a pfèm ngə̀ŋ Nyìngòŋ ə kɨ lì ə bwenə fʉ ə dyʉ̀ achʉ̀ kəbəŋ, ə sensə wàyn wùwì yi a ghə̀ shwèʼè tsu azhʉ̀ na yi, ə lyɨ̀ Bità kwen nə̀ wen. 17Və sə kwen ali, wàyn wùwì na yì ə bèm a Bità la, “A wù diʼ alə̀ diʼ ə dzɨ̀mtə̀ əbam wìʼ na ghèn ə tsen?”
Bità ə tensə ə gàʼ la, “Ma ko diʼ dzɨ̀mtə̀ əbàm wen.”
18A ndiʼ ali, mu viʼi və nshyèʼ pfem ngə̀ŋ Nyìngòŋ ə ŋaŋtə, boʼsə nə̀ vəsugyèʼ ə shɨtə zhiʼ ando shi nzhʉ̀, Bità ə be boŋ dyʉ̀ tɨmə wenə vəwenə, ə sə zostə̀.
Pfèm ngə̀ŋ Nyìngòŋ ə ŋaŋtə ə bèmtə̀ nyʉ̀ a Yesò
(Mat 26.59-66; Mak 14.55-64; Luk 22.66-71)
19A ndiʼ ali mu pfèm ngə̀ŋ Nyìngòŋ ə ŋaŋtə sə bèmtə̀ nyʉ̀ a Yesò kumə ndzɨ̀mtə̀sə bàm wen, nə̀ əziʼi ə wenə. 20Yesò ə bwensə gàʼ la, “Mà tə gaʼa fa kəghaf no a viʼi və tsèm, ziʼi a loʼ ntsèntə̀ tèbè a ngə̀ŋ Nyìngòŋ ə ghoʼo, a diʼ shi, a viʼi Jus vi tsèntə̀ tsu. Ma ko tɨmə nyoʼtə nyoʼtə gàʼa kənyʉ̀. 21Wù bèmtə̀ no nyʉ̀ venə a mò byìʼì ghò? Wu bèmtə̀ a viʼi vyi a və tə ə zhʉtə gàʼà ə ghomə. Vəwenə ə kɨ nyʉ̀ vyi a mà tə ngàʼà.”
22Ando Yesò ə ngàʼa vì alə, sugyèʼ tsen ghòm kəvu a wen a kə̀ʼ ə bèm a wen la, “Wù dìʼ ale ə gaʼa a pfem ngə̀ŋ Nyìngòŋ ə ŋaŋtə alə a?”
23Yesò ə bwensə gàʼ la, “Ma ndiʼ mù ma gaʼa li nshwè, wù shə̀ʼtə̀ kənyʉ̀ kəbyɨkə kì a mà gàʼa, a ndiʼ la mà gàʼa kənyʉ̀ kə nəmwèʼè, wù shə̀ʼtə̀ la wù ghòm mo a gho lo?”
24Anàs ə tɨm Yesò azhʉ̀ na ghèn a Kàyafàs, ə pfèm ngə̀ŋ Nyìngòŋ ə ŋaŋtə, Yesò ə bo diʼ to a mpfʉ̀sə.
Bità ə be mo Yesò
(Mat 26.71-75; Mak 14.69-72; Luk 22.58-62)
25Bità bo ti zostə̀ zhiʼ, və be bèm a wen la, “A wù diʼ alə̀ diʼ ndzɨ̀mtə̀ əbam ə wìʼ na ghèn ə tsen?”
Bità ə tensə ə gàʼ la, “Ma ko diʼ ndzɨ̀mtə̀ əbam ə wen.”
26Wu ə shwèʼè ə pfèm ngə̀ŋ Nyìngòŋ ə ŋaŋtə ə tsen, a diʼ wìʼ fa viʼi vyi a Bità nkoʼ tyin kətiʼitiʼi kə wen li ə bèm a wen la, “Ma ko tə yen wù vye wen a sɨm ə Olìf?”
27Bità ə be tensə to tensə. To alə, nkə̀ʼ toŋ.
Və dyʉ̀ nə̀ Yesò a Balèt
(Mat 27.1-2, 11-14; Mak 15.1-5; Luk 23.1-5)
28Və ə bviʼkə̀ ə lyɨ̀ Yesò fa kəbəŋ ə Kàyafàs, ə dyʉ̀ nə̀ wen a ntuʼ ə wìʼ yi a fòyn Lum ə ntsuʼ ə ghʉ la ghə̀ nsoʼo ashə loʼ na yi. Viʼi Jus dyʉ̀ zàʼa tsu, ə nyɨŋ la vəwenə ko kwen a ntuʼ byìʼàndo vəwenə ə kəŋ ə ndiʼ nə̀ laynə fa a ji a ntsìnə̀ əloʼ vəwenə ndi vəwenə kɨ ə zhɨ̀ kəzhɨkə məzaʼsə. 29Balèt ə fʉ vi ə bèm a vəwenə la, “Ghə̀ŋ gàʼa la wìʼ ghèn byɨbsə gho a?”
30Vəwenə bwensə to la, “Ghə̀ tə̀ faŋ kə byɨbsə kənyʉ̀ mu yès ko ə lyɨ̀ vi nə̀ wen a wù.”
31Balèt ə gàʼ a vəwenə la, “Ghə̀ŋ lyɨ̀ li wen ə soʼ to ghə̀ŋ ando əsoʼ loʼ ghə̀ŋ diʼi.”
Viʼi Jus na vi ə tensə ə gàʼ a wen la, “Yesə ko kiʼi kədyòʼ ə zhwi wìʼ.” 32Vəwenə ə gàʼ alə ə lwinsə kənyʉ̀ ki a Yesò ngàʼa kumə nki pfʉ yì a ghə̀ ndiʼ lù pfʉ̀.
33Balèt ə bwensə kwen a ntuʼ ə dzàŋ Yesò ə bèm a wen la, “Wù diʼ fòyn a viʼi Jus?”
34Yesò ə bwensə ə bèm a wen la, “Wù bèmə to no fa wù ngeŋ mu, wù bèmə to ando viʼi shə̀ʼtə̀ nyʉ̀ a wù kumə mò lo?”
35Balèt ə bèm a wen la, “Wù kwòʼə la ma diʼ to wù ə Jus mu. A vi nə̀ viʼi vyə nə̀ vəpfèm və ngə̀ŋ Nyìngòŋ ə vi nə̀ wù a mò. Wù ə byɨbsə ghò?”
36Yesò ə gàʼ la, “Ma ko soʼo ə fòyn ə ghomə a mbyi ashə̀. Abwen ali, viʼi shyèʼ ə mò soynə ə tàmtə la kə viʼi Jus ə ghaʼ mo. Ma soʼo fòyn ə ghomə fa akəshi kə kədyàŋ.”
37Balèt ə bèm a wen la, “wù mu diʼ fòyn?”
Yesò ə bwensə ə gàʼ la, “Wù gàʼa to no nəmwèʼè la ma diʼ fòyn. Və mbwi mo a fòyn, ma vi a mbyi a fòyn ə shə̀ʼtə̀ kənyʉ̀ ki a kə diʼ nəmwèʼè. Nò ndo yi a ghə̀ gàʼà nəmwèʼè ə zhʉ gɨ ghom.”
38Balèt ə bèm a wen la, “Nəmwèʼè ghèn diʼ la gho?”
Balèt ə ku ji la və zhwi Yesò
(Mat 27.15-31; Mak 15.6-20; Luk 23.13-25)
Ando ghə̀ bèm li, ə be bwenə fʉ dyʉ̀ a kəbəŋ ə gàʼ a viʼi Jus vyi la, “Ma ko yen to kənyʉ̀ kə tsen a və zizi və ghaʼ wen fa tsu, 39ali kɨ la, à vi zàʼa azhʉ̀ məzaʼsə alə̀, ghə̀ŋ shə̀ʼtə̀ wìʼ, ma shisə fa nfɨŋ. Mà wʉ̀sə fòyn viʼi Jus a ghə̀ŋ luwen?”
40Vəwenə zɨmə gàʼ to la, “Jòʼ, kə wù a shisə wen! boŋsə shisə Bàlabàs a yes!” A ndiʼ ali Bàlabàs diʼ tsòŋ.
اکنون انتخاب شده:
Joyn 18: bbkDBLnt
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Joyn 18
18
Və ghaʼ Yesò
(Mat 26.47-56; Mak 14.43-50; Luk 22.47-53)
1Yesò ə jɨ̀mə̀ li mwetə wenə ndzɨ̀mtə̀sə bàm ə wensə lù ə dyàŋ kəbuʼlə a Kidɨ̀lòyn, ə dyʉ̀ kwen a ə sɨm ə Olìf tsenə ghə̀. 2A ndiʼ ali, Judàs yi a ghə̀ baʼlə Yesò ə kɨ kəshi na kì byìʼì ando Yesò wenə ndzɨ̀mtə̀sə bàm wensə ə zaŋsə dyʉ̀ tsu. 3Judàs mu lyɨ ə nòyn vəsugyèʼ benə viʼi vətsenvə a və nshyèʼè a ngə̀ŋ Nyìngòŋ, mu à tɨm tʉtʉ vəpfèm və̀ ngə̀ŋ Nyìngòŋ nə̀ viʼi Falàsi. Vəwenə ə vi ali, kiʼi əfo ghòŋ nə̀ nkàʼtə̀ nə̀ vəlamə. 4A ndiʼ ali, Yesò ə nkɨ no tèbe ghò a ghə̀ ndiʼ ə fʉ̀ a wen. Ghə̀ fʉ̀tə̀ vi ə bèm a vəwenə la, vəwenə kəŋ ndò lo.
5Vəwenə bwensə la, “Yès ə kəŋ wàyn wù Nazalèt ghèn a və toŋtə la Yesò lə.”
Yesò ə gàʼ la, “A diʼ mò lə.”
Ghə̀ gàʼa ali, Judàs yi a ghə̀ baʼlə wen ə ti to ə tsu wenə viʼi a vyi. 6A ndiʼ ando Yesò gàʼa li la, “A diʼi mò lə,” vəwenə bwensə kòtə̀ dyʉ̀ nə bamə ə fəŋkə a nse. 7Ghə̀ be bèm a vəwenə la, “Ghə̀ŋ kəŋ ndò lo?”
Vəwenə be bwensə la, “Yès ə kəŋ wàyn ə wù Nazalèt ghèn a və toŋtə la Yesò lə.”
8Yesò ə be gàʼ la, “Ma gaʼa li a ghə̀ŋ la à diʼ mò lə̀. Ghə̀ŋ kəŋ mò, ghə̀ŋ moʼtə dzɨ̀mtə̀ shom sensə lù.” 9Ghə̀ ngaʼa alə ndi kənyʉ̀ kì a ghə̀ ngàʼa a Tìʼ wen kwʉʼ la, “Nò wìʼ ko lè fa ntìntìn viʼi vyi a wù kù a mò.”
10A ndiʼ ali Saymun Bità ə kiʼi nyì, ghə̀ ntsuʼ ə koʼ tyin kətiʼitiʼi kə kwoŋ ə toghə wù ə shwèʼè ngə̀ŋ Nyìngòŋ ə ŋaŋtə, a əzhiʼ ə wù ə shwèʼè ayi ə diʼ Malikùs. 11Yesò ə gàʼ a Bità la, “Bwensə wè nyì ə wù a yi kwʉ. Wù kwòʼə la ma ko kòŋ ə yenə ngəʼ a ji yi a Tìʼ ghom ghʉ̀ la mà yen fa tsù mu?”
Və ghaʼ dyʉ̀ nə̀ Yesò a Anàs
12Vəsugyèʼ nə̀ kətʉ kə vəwenə, boʼsə nə̀ viʼi Jus vyi a və ntsɨŋ ngə̀ŋ Nyìngòŋ ə ghoʼo ə ghaʼ Yesò ə kwiʼ wen, 13ə lyɨ̀ dyʉ̀ nə̀ wen a Anàs ambì, a diʼ tìʼ wì Kàyafàs a ghə̀ ndiʼ pfèm ngə̀ŋ Nyìngòŋ ə ŋaŋtə a ngwʉ̀ʼ na yi. 14Kàyafàs na ghèn ndiʼ wen yi a ghə̀ tyɨftə viʼi Jus la kə bòŋ la wìʼ ə mùʼ pfʉ akəshi viʼi və tsèm.
Bità ə mo Yesò
(Mat 26.69-70; Mak 14.66-68; Luk 22.55-57)
15Və ghaʼ Yesò ali, ə sə dyʉ̀, Saymun Bità ə sə dyʉ̀ fa wen abàm wenə dzɨ̀mtə̀ bàm ə Yesò ə tsen. Ndzɨ̀mtə̀ əbàm ə Yesò na yì ə dyʉ̀ li kwen wenə Yesò a kəbəŋ kə ngə̀ŋ Nyìngòŋ ə ŋaŋtə byìʼàndo pfèm ayi ə kɨli wen, 16ali Bità ə tɨmə to kəbəŋ. Ndzɨ̀mtə̀ əbam Yesò yì a pfèm ngə̀ŋ Nyìngòŋ ə kɨ lì ə bwenə fʉ ə dyʉ̀ achʉ̀ kəbəŋ, ə sensə wàyn wùwì yi a ghə̀ shwèʼè tsu azhʉ̀ na yi, ə lyɨ̀ Bità kwen nə̀ wen. 17Və sə kwen ali, wàyn wùwì na yì ə bèm a Bità la, “A wù diʼ alə̀ diʼ ə dzɨ̀mtə̀ əbam wìʼ na ghèn ə tsen?”
Bità ə tensə ə gàʼ la, “Ma ko diʼ dzɨ̀mtə̀ əbàm wen.”
18A ndiʼ ali, mu viʼi və nshyèʼ pfem ngə̀ŋ Nyìngòŋ ə ŋaŋtə, boʼsə nə̀ vəsugyèʼ ə shɨtə zhiʼ ando shi nzhʉ̀, Bità ə be boŋ dyʉ̀ tɨmə wenə vəwenə, ə sə zostə̀.
Pfèm ngə̀ŋ Nyìngòŋ ə ŋaŋtə ə bèmtə̀ nyʉ̀ a Yesò
(Mat 26.59-66; Mak 14.55-64; Luk 22.66-71)
19A ndiʼ ali mu pfèm ngə̀ŋ Nyìngòŋ ə ŋaŋtə sə bèmtə̀ nyʉ̀ a Yesò kumə ndzɨ̀mtə̀sə bàm wen, nə̀ əziʼi ə wenə. 20Yesò ə bwensə gàʼ la, “Mà tə gaʼa fa kəghaf no a viʼi və tsèm, ziʼi a loʼ ntsèntə̀ tèbè a ngə̀ŋ Nyìngòŋ ə ghoʼo, a diʼ shi, a viʼi Jus vi tsèntə̀ tsu. Ma ko tɨmə nyoʼtə nyoʼtə gàʼa kənyʉ̀. 21Wù bèmtə̀ no nyʉ̀ venə a mò byìʼì ghò? Wu bèmtə̀ a viʼi vyi a və tə ə zhʉtə gàʼà ə ghomə. Vəwenə ə kɨ nyʉ̀ vyi a mà tə ngàʼà.”
22Ando Yesò ə ngàʼa vì alə, sugyèʼ tsen ghòm kəvu a wen a kə̀ʼ ə bèm a wen la, “Wù dìʼ ale ə gaʼa a pfem ngə̀ŋ Nyìngòŋ ə ŋaŋtə alə a?”
23Yesò ə bwensə gàʼ la, “Ma ndiʼ mù ma gaʼa li nshwè, wù shə̀ʼtə̀ kənyʉ̀ kəbyɨkə kì a mà gàʼa, a ndiʼ la mà gàʼa kənyʉ̀ kə nəmwèʼè, wù shə̀ʼtə̀ la wù ghòm mo a gho lo?”
24Anàs ə tɨm Yesò azhʉ̀ na ghèn a Kàyafàs, ə pfèm ngə̀ŋ Nyìngòŋ ə ŋaŋtə, Yesò ə bo diʼ to a mpfʉ̀sə.
Bità ə be mo Yesò
(Mat 26.71-75; Mak 14.69-72; Luk 22.58-62)
25Bità bo ti zostə̀ zhiʼ, və be bèm a wen la, “A wù diʼ alə̀ diʼ ndzɨ̀mtə̀ əbam ə wìʼ na ghèn ə tsen?”
Bità ə tensə ə gàʼ la, “Ma ko diʼ ndzɨ̀mtə̀ əbam ə wen.”
26Wu ə shwèʼè ə pfèm ngə̀ŋ Nyìngòŋ ə ŋaŋtə ə tsen, a diʼ wìʼ fa viʼi vyi a Bità nkoʼ tyin kətiʼitiʼi kə wen li ə bèm a wen la, “Ma ko tə yen wù vye wen a sɨm ə Olìf?”
27Bità ə be tensə to tensə. To alə, nkə̀ʼ toŋ.
Və dyʉ̀ nə̀ Yesò a Balèt
(Mat 27.1-2, 11-14; Mak 15.1-5; Luk 23.1-5)
28Və ə bviʼkə̀ ə lyɨ̀ Yesò fa kəbəŋ ə Kàyafàs, ə dyʉ̀ nə̀ wen a ntuʼ ə wìʼ yi a fòyn Lum ə ntsuʼ ə ghʉ la ghə̀ nsoʼo ashə loʼ na yi. Viʼi Jus dyʉ̀ zàʼa tsu, ə nyɨŋ la vəwenə ko kwen a ntuʼ byìʼàndo vəwenə ə kəŋ ə ndiʼ nə̀ laynə fa a ji a ntsìnə̀ əloʼ vəwenə ndi vəwenə kɨ ə zhɨ̀ kəzhɨkə məzaʼsə. 29Balèt ə fʉ vi ə bèm a vəwenə la, “Ghə̀ŋ gàʼa la wìʼ ghèn byɨbsə gho a?”
30Vəwenə bwensə to la, “Ghə̀ tə̀ faŋ kə byɨbsə kənyʉ̀ mu yès ko ə lyɨ̀ vi nə̀ wen a wù.”
31Balèt ə gàʼ a vəwenə la, “Ghə̀ŋ lyɨ̀ li wen ə soʼ to ghə̀ŋ ando əsoʼ loʼ ghə̀ŋ diʼi.”
Viʼi Jus na vi ə tensə ə gàʼ a wen la, “Yesə ko kiʼi kədyòʼ ə zhwi wìʼ.” 32Vəwenə ə gàʼ alə ə lwinsə kənyʉ̀ ki a Yesò ngàʼa kumə nki pfʉ yì a ghə̀ ndiʼ lù pfʉ̀.
33Balèt ə bwensə kwen a ntuʼ ə dzàŋ Yesò ə bèm a wen la, “Wù diʼ fòyn a viʼi Jus?”
34Yesò ə bwensə ə bèm a wen la, “Wù bèmə to no fa wù ngeŋ mu, wù bèmə to ando viʼi shə̀ʼtə̀ nyʉ̀ a wù kumə mò lo?”
35Balèt ə bèm a wen la, “Wù kwòʼə la ma diʼ to wù ə Jus mu. A vi nə̀ viʼi vyə nə̀ vəpfèm və ngə̀ŋ Nyìngòŋ ə vi nə̀ wù a mò. Wù ə byɨbsə ghò?”
36Yesò ə gàʼ la, “Ma ko soʼo ə fòyn ə ghomə a mbyi ashə̀. Abwen ali, viʼi shyèʼ ə mò soynə ə tàmtə la kə viʼi Jus ə ghaʼ mo. Ma soʼo fòyn ə ghomə fa akəshi kə kədyàŋ.”
37Balèt ə bèm a wen la, “wù mu diʼ fòyn?”
Yesò ə bwensə ə gàʼ la, “Wù gàʼa to no nəmwèʼè la ma diʼ fòyn. Və mbwi mo a fòyn, ma vi a mbyi a fòyn ə shə̀ʼtə̀ kənyʉ̀ ki a kə diʼ nəmwèʼè. Nò ndo yi a ghə̀ gàʼà nəmwèʼè ə zhʉ gɨ ghom.”
38Balèt ə bèm a wen la, “Nəmwèʼè ghèn diʼ la gho?”
Balèt ə ku ji la və zhwi Yesò
(Mat 27.15-31; Mak 15.6-20; Luk 23.13-25)
Ando ghə̀ bèm li, ə be bwenə fʉ dyʉ̀ a kəbəŋ ə gàʼ a viʼi Jus vyi la, “Ma ko yen to kənyʉ̀ kə tsen a və zizi və ghaʼ wen fa tsu, 39ali kɨ la, à vi zàʼa azhʉ̀ məzaʼsə alə̀, ghə̀ŋ shə̀ʼtə̀ wìʼ, ma shisə fa nfɨŋ. Mà wʉ̀sə fòyn viʼi Jus a ghə̀ŋ luwen?”
40Vəwenə zɨmə gàʼ to la, “Jòʼ, kə wù a shisə wen! boŋsə shisə Bàlabàs a yes!” A ndiʼ ali Bàlabàs diʼ tsòŋ.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید