ᓭᐣᐟ ᒑᐣ 6
6
1ᑳ ᐳᓂᐸᔨᑭ ᐅᐦᐃ ᒋᓴᐢ ᑭ ᐋᓱᐊᐧᐊᒼ ᑲᓬᐊᓬᐃ ᓵᑲᐦᐃᑲᐣ ᐁᐊᐧᑲᐧᓂᒪ ᑕᐃᐱᕒᐃᔭᐢ ᓵᑲᐦᐃᑲᐣ. 2ᑭᐦᒋ ᒥᐦᒉᐟ ᒫᑲ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᑭ ᐱᒥᑎᓴᐦᐅᐠ, ᒋᑫᒫ ᐁ ᑭ ᐋᐧᐸᐦᑕᒥᔨᐟ ᐅ ᒪᒫᑖᐃᐧ ᐃᓯᐦᒋᑫᐃᐧᓇ ᑳ ᑭ ᐊᔨᑐᑕᒪᐋᐧᐟ ᑳ ᐋᑯᓯᔨᐟ. 3ᒋᓴᐢ ᒫᑲ ᑭ ᐋᒪᒋᐁᐧᐤ ᐊᐧᒋᕽ, ᐁᑯᑕ ᐁ ᑭ ᐃᐧᑕᐱᒫᐟ ᐅ ᑭᐢᑭᓄᐦᐊᒪᐋᐧᑲᓇ. 4ᐅ ᒪᔮᐢᑯᑖᑐ ᐃᐧᐦᑯᐦᑐᐃᐧᓂᐋᐧᐤ ᒫᑲ ᒍᐊᐧᐠ, ᓵᓴᐩ ᑫᑳᐟ ᐆᑎᒋᐸᔨᔨᐤ.
5ᒋᓴᐢ ᒫᑲ ᐁ ᐊᔨᑖᐱᐟ, ᐁᑯᓯ ᐁ ᐋᐧᐹᒫᐟ ᐁ ᐯ ᑭᐦᒋ ᒥᐦᒉᑎᔨᐟ ᐁ ᓈᑎᑯᐟ, ᐅᒥᓯ ᐃᑌᐤ ᐱᓬᐃᐸ, ᑖᓂᑌ ᑫ ᐅᐦᒋ ᐊᑖᐃᐧᔭᕽ ᐸᑫᐧᓯᑲᐣ, ᑭᑕ ᒥᒋᓱᒋᐠ ᐅᑭ? 6ᐅᒪ ᒫᑲ ᑭ ᐃᑌᐧᐤ ᐁ ᐃᐧ ᑯᒋᐋᐟ; ᒋᑫᒫ ᐃᐧᔭ ᑭ ᑭᐢᑫᔨᑕᒼ ᐋᐧ ᐃᓯᐦᒋᑫᐟ. 7ᐱᓬᐃᑊ ᑭ ᓇᐢᑫᐧᐊᐧᓯᒣᐤ, ᓂᓵᐧᐤ ᒥᑖᑕᐦᑐᒥᑕᓇᐤ ᓱᓂᔮᓴᐠ ᐃᔨᑯᕽ ᐸᑫᐧᓯᑲᐣ ᓇᒪᐃᐧᔭ ᑭᑕ ᑌᐱᐸᔨᐃᑲᐧᐠ, ᐊᑕ ᒥᓴᐋᐧᐨ ᐊᐦᐊᐱᓯᐢ ᐱᑯ ᐅᑎᓈᒋᐠ. 8ᐯᔭᐠ ᐅ ᑭᐢᑭᓄᐦᐊᒪᐋᐧᑲᓇ, ᐋᐣᑕᕒᐅᐊᐧ, ᓵᐃᒪᐣ ᐱᑕᕒ ᐅᒋᐋᐧᒪ, ᐅᒥᓯ ᐃᑎᐠ, 9ᐊᔮᐤ ᐅᑕ ᐅᐢᑭᓂᑭᐤ, ᐁ ᐊᔮᐋᐧᐟ ᓂᔮᓇᐣ ᐃᐢᑫᐧᓯᓯᑲᓂ ᐸᑫᐧᓯᑲᓇ ᒥᓇ ᓂᓱ ᑭᓄᓭᐊᐧ; ᑫᑲᐧᐩ ᒫᑲ ᐃᐧᔭ ᐁᐊᐧᑯ ᐅᑭ ᑳ ᐃᓯ ᒥᐦᒉᑎᒋᐠ? 10ᒋᓴᐢ ᒫᑲ ᐅᒥᓯ ᑭ ᐃᑌᐤ, ᓇᐦᐊᐱᐃᑯᐠ ᐊᔨᓯᔨᓂᐊᐧᐠ. ᑭ ᒪᐢᑯᓯᐢᑳᐤ ᒫᑲ ᐁᑯᑕ. ᑭ ᓇᐦᐊᐱᐊᐧᐠ ᒫᑲ ᐊᔨᓯᔨᓂᐊᐧᐠ, ᓈᐣᑕᐤ ᓂᔮᓇᓈᐧᐤ ᑭᐦᒋ ᒥᑖᑕᐦᑐᒥᑕᓇᐤ ᐁ ᑭ ᐃᐦᑕᓯᒋᐠ. 11ᒋᓴᐢ ᒫᑲ ᑭ ᐅᑎᓀᐤ ᐸᑫᐧᓯᑲᓇ; ᐃᐢᐱ ᒫᑲ ᑳ ᓇᓈᐢᑯᒧᐟ, ᑭ ᒫᑎᓇᒪᐁᐧᐤ ᐊᓂᐦᐃ ᑳ ᑭ ᓇᐦᐊᐱᔨᐟ; ᒥᓇ ᑭᓄᓭᐊᐧ ᐃᔨᑯᕽ ᐁ ᓇᑕᐁᐧᔨᒫᒋᐠ. 12ᐃᐢᐱ ᒫᑲ ᑳ ᑭᐢᐳᒋᐠ, ᐅᒥᓯ ᑭ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᒫᐊᐧᓴᑯᓇᒧᐠ ᐃᐢᑲᐧᒋᑲᓇ ᑳ ᐊᐢᑌᑭ, ᐁᑳ ᑫᑲᐧᐩ ᑭᑕ ᐊᐧᓂᑖᕽ. 13ᑭ ᒫᐊᐧᓴᑯᓇᒪᐧᐠ ᒫᑲ, ᐁᑯᓯ ᒥᑖᑕᐦᐟ ᓂᓱᓵᑊ ᐃᐧᑯᐱᐊᐧᑕ ᑭ ᓵᑲᐢᑭᓇᑖᐊᐧᐠ ᐃᔨᑯᕽ ᐁ ᑭ ᐃᐢᑲᐧᒫᒋᐠ ᓂᔮᓇᐣ ᐃᐢᑫᐧᓯᓯᑳᓂ ᐸᑫᐧᓯᑲᓇ ᑳ ᑭ ᐃᐢᑯᒫᒋᐠ ᐊᓂᑭ ᑳ ᑭ ᒥᒋᓱᒋᐠ. 14ᐅᑭ ᒫᑲ ᐊᔨᓯᔨᓂᐊᐧᐠ, ᐃᐢᐱ ᑳ ᐋᐧᐸᐦᑕᐦᑭᐠ ᒪᒫᑖᐃᐧ ᐃᓯᐦᒋᑫᐃᐧᐣ ᒋᓴᐢ ᑳ ᑭ ᑐᑕᒥᔨ, ᑭ ᐃᑌᐧᐊᐧᐠ, ᐁᐊᐧᑯ ᐊᐊᐧ ᑖᐯᐧ ᐅᑭᐢᑭᐁᐧᐦᐃᑫᐤ ᑳ ᑭ ᐃᐧ ᐯ ᐃᑐᐦᑌᐟ ᐅᑕ ᐊᐢᑭᕽ.
15ᒋᓴᐢ ᒫᑲ ᐁ ᐋᐧᐸᐦᑕᕽ ᑫᒋᑲ ᐁ ᐃᐧ ᐯ ᐅᑎᓂᑯᐟ ᑭᑕ ᑭᐦᒋ ᐅᑭᒪᑳᑎᑯᐟ ᑳᐃᐧ ᑭ ᐃᑐᐦᑌᐤ ᒥᓇ ᐊᐧᒋᕽ ᐁ ᐯᔭᑯᐟ. 16ᐃᐢᐱ ᒫᑲ ᐁᑎ ᐅᑖᑯᓯᐠ, ᐅ ᑭᐢᑭᓄᐦᐊᒪᐋᐧᑲᓇ ᑭ ᒪᑖᐃᐧᓯᔨᐊᐧ ᓵᑲᐦᐃᑲᓂᕽ. 17ᑭ ᐳᓯᐊᐧᐠ ᒫᑲ ᒋᒫᓂᕽ, ᐁ ᑭ ᐊᑎ ᐃᓯ ᐊᓱᐊᐧᐊᑭᐠ ᑫᐸᕒᓀᐊᒥᕽ ᐃᑌᑫ. ᓵᓴᐩ ᒫᑲ ᐁ ᐊᐧᓂᑎᐱᐢᑳᔨᐠ ᓇᒣᐢᑲᐧ ᒫᑲ ᐅᑎᐦᑎᑲᐧᐠ ᒋᓴᓴ. 18ᑭ ᐊᑎ ᒫᒪᑳᐊᐣ ᒫᑲ ᓵᑲᐦᐃᑲᐣ ᐁ ᐃᐢᐱᒋ ᒥᐢᑕᐦᐃ ᔪᑎᕽ 19ᐃᐢᐱ ᒫᑲ ᓈᓂᑕᐤ ᓂᓯᑕᓇᐤ ᓂᔮᓇᓄᓵᑊ ᐊᐦᐳ ᓂᐢᑐᒥᑕᓇᐤ ᑕᐦᑐ ᑎᐹᐹᐣ ᑳ ᐊᑎ ᐱᒥᐢᑳᒋᐠ, ᑭ ᐊᐧᐸᒣᐊᐧᐠ ᒋᓴᓴ ᐁ ᐱᒧᐦᑌᔨᐟ ᓵᑲᐦᐃᑲᓂᕽ ᐁ ᐯ ᓇᑕᒥᔨᐟ ᒋᒫᓂᔨᐤ: ᐁᑯᓯ ᑭ ᓭᑭᓯᐊᐧᐠ. 20ᒫᑲ ᐅᒥᓯ ᐃᑌᐤ, ᓂᔭ ᐅᒪ; ᐁᑳᐃᐧᔭ ᓭᑭᓯᐠ. 21ᓭᒫᐠ ᒫᑲ ᑭ ᐳᓯᐁᐊᐧᐠ; ᐁᑯᓯ ᑭᔨᐸ ᒋᒪᐣ ᑭ ᑕᑯᐸᔨᐤ ᐃᑌ ᑳ ᐃᐧ ᐃᓯᒋᒣᒋᐠ.
22ᐁ ᐊᑎ ᐋᐧᐸᕽ ᒫᑲ, ᐃᐢᐱ ᐊᔨᓯᔨᓂᐊᐧᐠ ᐊᑳᒥᕽ ᑳ ᐊᔮᒋᐠ ᑳ ᐋᐧᐸᐦᑕᐦᑭᐠ ᐁᑳ ᑯᑕᐠ ᒋᒫᓂᔨᐤ ᐁᑯᑕ ᐁ ᐊᔮᔨᐠ, ᐱᑯ ᐯᔭᐠ ᐃᑕ ᐅ ᑭᐢᑭᓄᐦᐊᒪᐋᐧᑲᓇ ᑳ ᑭ ᐳᓯᔨᐟ, ᐁᑳ ᒥᓇ ᒋᓴᐢ ᐁ ᑭ ᒋᒫᐟ ᐅ ᑭᐢᑭᓄᐦᐊᒪᐋᐧᑲᓇ, ᐱᑯ ᐅ ᑭᐢᑭᓄᐦᐊᒫᐊᐧᑳᓇ ᓂᓯᑫ ᐁ ᑭ ᓯᐯᐧᒋᒣᔨᐟ; 23(ᐋᑕᐃᐧᔭ ᒫᑲ ᑯᑕᑲ ᒋᒪᓇ ᑭ ᐯ ᐅᐦᒋᐸᔨᐊᐧ ᑖᐃᐱᕒᐃᔭᓯᕽ, ᒋᑭ ᐃᑕ ᑳ ᑭ ᒧᐋᐧᒋᐠ ᐸᑫᐧᓯᑲᓇ, ᑳ ᓇᓇᐢᑯᒧᐟ ᑳ ᑎᐯᔨᐦᒋᑫᐟ:) 24ᐃᐢᐱ ᒫᑲ ᐊᔨᓯᔨᓂᐊᐧᐠ ᑳ ᐋᐧᐸᐦᑕᐦᑭᐠ ᐁᑳ ᐁᑯᑕ ᐁ ᐊᔮᔨᐟ ᒋᓴᓴ, ᒥᓇ ᐅ ᑭᐢᑭᓄᐦᐊᒪᐋᐧᑲᓂᔨᐊᐧ, ᐃᐧᐢᑕᐋᐧᐤ ᑭ ᐳᓯᐊᐧᐠ ᒋᒫᓂᓯᕽ, ᐁ ᑭ ᐯ ᐃᓯᒋᒣᒋᐠ ᑫᐸᕒᓀᐊᒥᕽ, ᐁ ᐯ ᓇᑐᓇᐋᐧᒋᐠ ᒋᓴᓴ.
25ᐃᐢᐱ ᒫᑲ ᑳ ᒥᐢᑲᐋᐧᒋᐠ ᐊᑲᒥᕽ ᓵᑲᐦᐃᑲᓂᕽ, ᐅᒥᓯ ᑭ ᐃᑌᐊᐧᐠ, ᕒᐊᐸᐩ, ᑕᓂᐢᐱ ᑳ ᐯ ᐃᑐᑌᔭᐣ ᐅᑕ? 26ᒋᓴᐢ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᓇᒪᐃᐧᔭ ᑭ ᓇᓈᑐᓇᐃᐧᓈᐋᐧᐤ ᐁ ᑭ ᐋᐧᐸᐦᑕᒣᐠ ᒪᒪᐦᑖᐃᐧ ᐃᓯᐦᒋᑫᐃᐧᓇ, ᒫᑲ ᐱᑯ ᐁ ᑭ ᒧᐋᐧᔦᐠ ᐸᑫᐧᓯᑲᐣ, ᒥᓇ ᐁ ᑭ ᑭᐢᐳᔦᐠ. 27ᐁᑳᐃᐧᔭ ᐊᑐᐢᑲᑕᒧᐠ ᒥᒋᐃᐧᐣ ᑳ ᓂᓯᐊᐧᓈᑕᕽ, ᒫᑲ ᐊᓂᒪ ᒥᒋᐃᐧᐣ ᑫ ᐃᐦᑕᑲᐧᕽ ᑳᑭᑫ ᐱᒫᑎᓯᐃᐧᓂᕽ, ᑫ ᒥᔨᑯᔦᐠ ᐃᔨᓂᐃᐧᑯᓯᓵᐣ, ᐁᐊᐧᑯᓂ ᑭᓭᒪᓂᑐ ᐁᐧᔪᑖᐃᐧᕽ ᑳ ᑭ ᑭᐢᑭᓇᐊᐧᒋᐋᐟ. 28ᐅᒥᓯ ᒫᑲ ᑭ ᐃᑌᐊᐧᐠ, ᑫᑲᐧᐩ ᑫ ᑐᑕᒫᕽ ᑭᑕ ᐊᑐᐢᑳᑕᒫᕽ ᑭᓭᒪᓂᑐ ᐅᐟ ᐊᑐᐢᑫᐃᐧᓇ? 29ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᐁᐊᐧᑯ ᐅᒪ ᐅᐟ ᐊᑐᐢᑫᐃᐧᐣ ᑭᓭᒪᓂᑐ, ᑭᑕ ᑖᐯᐧᑕᐋᐧᔦᐠ ᐊᓂᐦᐃ ᑳ ᑭ ᐯ ᐃᓯᑎᓴᐋᐧᐟ.
30ᐁᐊᐧᑯ ᒫᑲ ᐅᐦᒋ ᑭ ᐃᑌᐊᐧᐠ, ᑫᑲᐧᐩ ᐁᑐᑕᒪᐣ ᐁ ᑭᐢᑭᓇᐊᐧᑌᔨᑖᑲᐧᕽ, ᑭᑕ ᐋᐧᐸᐦᑕᒫᕽ, ᑭᑕ ᑖᐯᐧᑖᑖᕽ ᒪᑳ? ᑖᓂᓯ ᐁᓯ ᐊᑐᐢᑫᔭᐣ? 31#ᐁᐠᓴᑕᐢ 16:4,15; ᓂᑲᒧᓇ 78:24ᓄᐦᑕᐃᐧᓈᓇᐠ ᑭ ᒧᐁᐧᐊᐧᐠ ᒫᓇᐊᐧ ᐱᑲᐧᑕᐢᑲᒥᑳᕽ; ᑳ ᐃᑕᓯᓇᐦᐃᑳᑌᐠ, ᑭ ᒥᔦᐤ ᐸᑫᐧᓯᑲᓇ ᑭᐦᒋ ᑭᓯᑯᕽ ᐅᐦᒋ ᑭᑕ ᒧᐊᐧᔨᐟ. 32ᐅᒥᓯ ᒫᑲ ᒋᓴᐢ ᑭ ᐃᑌᐤ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᓇᒪᐃᐧᔭ ᒧᓯᐢ ᑳ ᑭ ᒥᔨᑯᔦᐠ ᑭᐦᒋ ᑭᓯᑯᕽ ᐅᐦᒋ ᐸᑫᐧᓯᑲᓇ; ᓄᑖᐃᐧ ᒫᑲ ᑳ ᒥᔨᑯᔦᐠ ᑖᐯᐧ ᐸᑫᐧᓯᑲᓇ ᑭᐦᒋ ᑭᓯᑯᕽ ᐅᐦᒋ. 33ᐁᐊᐧᑯ ᑭᓭᒪᓂᑐᐃᐧ ᐸᑫᐧᓯᑲᐣ ᑭᐦᒋ ᑭᓯᑯᕽ ᑳ ᐯ ᐅᐦᒋ ᔮᓯᐟ, ᒥᓇ ᑳ ᒣᑭᐟ ᐱᒫᑎᓯᐃᐧᐣ ᐊᐢᑭᕽ. 34ᐅᒥᓯ ᒫᑲ ᑭ ᐃᑌᐊᐧᐠ, ᑌᐯᔨᐦᒋᑫᔭᐣ, ᑕᐦᑭ ᒪᒥᔨᓈᐣ ᐊᐊᐧ ᐸᑫᐧᓯᑲᐣ. 35ᒋᓴᐢ ᒫᑲ ᐅᒥᓯ ᑭ ᐃᑌᐤ, ᓂᔭ ᓂ ᐱᒫᑎᓯᐃᐧ ᐸᑫᐧᓯᑲᓂᐃᐧᐣ: ᐊᓇ ᒫᑲ ᑳ ᐯ ᓇᓯᐟ ᓇᒪᐃᐧᑳᐨ ᑭᑕ ᓄᑌᑲᑌᐤ; ᒥᓇ ᑳ ᑖᐯᐧᔦᔨᒥᐟ ᓇᒪᐃᐧᑳᐨ ᑭᑕ ᓄᑌᔮᐸᑫᐧᐤ. 36ᒫᑲ ᑭ ᑭ ᐃᑎᑎᓈᐋᐧᐤ, ᐊᑕ ᐁ ᑭ ᐋᐧᐸᒥᔦᐠ ᐁᔨᐁᐧᕽ ᐁᑳ ᒫᑲ ᐁ ᑖᐯᐧᑕᒣᐠ. 37ᑲᐦᑭᔭᐤ ᐊᓂᐦᐃ ᑳ ᒥᔨᐟ ᐁᐧᔪᑖᐃᐧᕽ ᓂ ᑳ ᓈᑎᑲᐧᐠ; ᐊᓇ ᒫᑲ ᑳ ᐯ ᓈᓯᐟ ᓇᒪᐃᐧᔭ ᓂ ᑳ ᐊᐧᔭᐃᐧᐁᐧᐱᓈᐤ. 38ᑭᐦᒋ ᑭᓯᑯᕽ ᓂ ᑭ ᐯ ᐅᐦᒋ ᔭᓯᐣ, ᓇᒪᐃᐧᔭ ᓂᔭ ᐁ ᐃᑌᔨᑕᒫᐣ ᑭᑕ ᐃᓯᐦᒋᑫᔮᐣ, ᒫᑲ ᐅᐟ ᐃᑌᔨᑕᒧᐃᐧᐣ ᑳ ᐯ ᐃᓯᑎᓴᐦᐅᐟ. 39ᐁᐊᐧᑯ ᐅᒪ ᐅᐟ ᐃᑌᔨᑕᒧᐃᐧᐣ ᐁᐧᔪᑖᐃᐧᕽ ᑳ ᐯ ᐃᓯᑎᓴᐦᐅᐟ, ᑲᐦᑭᔭᐤ ᑕᐦᑐ ᑳ ᒥᔨᐟ ᐁᑳ ᑫᑲᐧᐩ ᑭᑕ ᐊᐧᓂᑖᔮᐣ, ᒫᑲ ᑲᐃᐧ ᑭᑕ ᐊᐧᓂᐢᑳᓇᒫᐣ ᐃᐢᑲᐧᔮᐨ ᑭᓯᑳᑭ. 40ᐁᐊᐧᑯ ᐅᒪ ᐅᐟ ᐃᑌᔨᑕᒧᐃᐧᐣ ᐊᓇ ᑳ ᐯ ᐃᓯᑎᓴᐦᐅᐟ, ᑕᐦᑐ ᐊᐃᐧᔭᐠ ᐃᐧᔭᐸᒫᐟ ᐅᑯᓯᓯᒫᐊᐧ, ᑳ ᑖᐯᐧᔦᔨᒫᐟ ᒫᑲ, ᑭᑕ ᐊᔮᐟ ᑲᑭᑫ ᐱᒫᑎᓯᐃᐧᐣ; ᓂ ᑳ ᐊᐧᓂᐢᑳᓈᐤ ᒫᑲ ᐃᐢᑲᐧᔮᐨ ᑭᓯᑳᑭ.
41ᒍᐊᐧᐠ ᒫᑲ ᑭ ᐋᓀᐧᔨᒣᐊᐧᐠ, ᒋᑫᒫ ᐁ ᑭ ᐃᑌᐧᔨᐟ, ᓂᔭ ᐸᑫᐧᓯᑲᐣ ᑳ ᐅᐦᒋᐟ ᑭᐦᒋ ᑭᓯᑯᕽ. 42ᐅᒥᓯ ᒫᑲ ᑭ ᐃᑌᐧᐊᐧᐠ, ᓇᒪ ᒋ ᐁᐊᐧᑯ ᐊᐊᐧ ᒋᓴᐢ, ᐅᑯᓯᓴ ᒍᓯᑊ, ᐅᑖᐃᐧᔭ ᒥᓇ ᐅᑳᐃᐧᔭ ᑳ ᑭᐢᑭᔨᒥᒫᔭᕽ? ᑖᓀᑭ ᒫᑲ ᑳ ᐅᐦᒋ ᐃᑌᐧᐟ, ᑭᐦᒋ ᑭᓯᑯᕽ ᓂ ᑭ ᐯ ᐅᐦᒋ ᔮᓯᐣ? 43ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᐁᑳᐃᐧᔭ ᑕᓯ ᓇᔦᑖᐃᐧ ᐃᑌᐧᐠ. 44ᓇᒪ ᐊᐃᐧᔭᐠ ᓂ ᑲ ᑭ ᐯ ᓈᑎᐠ, ᑭᐢᐱᐣ ᐁᑳ ᐁᐧᔪᑖᐃᐧᕽ ᑳ ᐯ ᐃᓯᑎᓴᐦᐅᐟ ᐅᑎᓈᒋ; ᓂ ᑳ ᐊᐧᓂᐢᑳᓈᐤ ᒫᑲ ᐃᐢᑳᐧᔮᐨ ᑭᓯᑳᑭ. 45#ᐊᐩᓵᔭ 54:13ᐅᒥᓯ ᐃᑕᓯᓇᐃᑲᑌᐤ ᑭᐢᑭᐁᐧᐦᐃᑫᐃᐧᓂᕽ ᑲᐦᑭᔭᐤ ᑭᓭᒪᓂᑐᐊᐧ ᑭᑕ ᑭᐢᑭᓄᐦᐊᒫᑲᐧᐠ. ᑕᐦᑐ ᒫᑲ ᑳ ᐯᑕᐊᐧᒋᐠ, ᒥᓇ ᑳ ᑭᐢᑭᓄᐦᐊᒫᑯᒋᐠ ᐁᐧᔪᑖᐃᐧᕽ, ᓂ ᐯ ᓇᑎᑲᐧᐠ. 46ᓇᒪᐃᐧᔭ ᐃᐧᔭ ᐊᐃᐧᔭᐠ ᐁ ᑭ ᐋᐧᐸᒫᐟ ᐁᐧᔪᑖᐃᐧᕽ, ᐊᓇ ᐱᑯ ᑭᓭᒪᓂᑐᕽ ᑳ ᐅᐦᒋᐟ, ᐁᐊᐧᑯ ᑭ ᐋᐧᐸᒣᐤ ᐁᐧᔪᑖᐃᐧᕽ.
47ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐊᓇ ᑳ ᑖᐯᐧᔦᔨᒥᐟ ᐊᔮᐤ ᑲᑭᑫ ᐱᒫᑎᓯᐃᐧᐣ. 48ᓂᔭ ᐊᓇ ᐱᒫᑎᓯᐃᐧ ᐸᑫᐧᓯᑲᐣ. 49ᑯᑕᐃᐧᐋᐧᐊᐧᐠ ᐅ ᑭ ᒧᐊᐧᑕᐋᐧᐤ ᒫᓇᐊᐧ ᐱᑲᐧᑕᐢᑭᕽ, ᑭ ᓂᐱᐊᐧᐠ ᒫᑲ. 50ᐁᐊᐧᑯ ᐊᐊᐧ ᐸᑫᐧᓯᑲᐣ ᑭᐦᒋ ᑭᓯᑯᕽ ᑳ ᐯ ᐅᐦᒋ ᔮᓯᐟ, ᐊᓇ ᒫᑲ ᐊᔨᓯᔨᓂᐤ ᑫ ᒧᐋᐧᐟ, ᐁᑳ ᑭᑕ ᓂᐱᐟ. 51ᓂᔭ ᐁᐊᐧᑯ ᐱᒫᑎᓯᐃᐧ ᐸᐦᑫᐧᓯᑲᐣ, ᑭᐦᒋ ᑭᓯᑯᕽ ᑳ ᐯ ᐅᐦᒋᐸᔨᐟ; ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᒧᐋᐧᒋ ᐅᐦᐃ ᐸᑫᐧᓯᑲᓇ, ᑲᑭᑫ ᑭᑕ ᐱᒫᑎᓯᐤ; ᐸᑫᐧᓯᑲᐣ ᑫ ᒣᑭᔮᐣ ᐁᐊᐧᑲᐧᓂᒪ ᓂ ᐃᐧᔮᐢ, ᑫ ᒣᑭᔮᐣ ᑭᑕ ᐱᒪᒋᐊᑭᐠ ᐊᐢᑭᕽ ᑳ ᐊᔮᒋᐠ.
52ᒍᐊᐧᐠ ᒫᑲ ᑭ ᑭᐦᒋ ᐊᔭᓯᑌᑐᐊᐧᐠ, ᐅᒥᓯ ᐁ ᐃᑌᐧᒋᐠ, ᑖᓂᓯ ᐊᐊᐧ ᐊᔨᓯᔨᓂᐤ ᑫ ᐃᓯ ᑲᐢᑭᑖᐟ ᑭᑕ ᒥᔨᑯᔭᕽ ᐅ ᐃᐧᔮᐢ ᑭᑕ ᒥᒋᐋᐧᔭᕽ? 53ᒋᓴᐢ ᒫᑲ ᐅᒥᓯ ᑭ ᐃᑌᐤ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᑭᐢᐱᐣ ᐁᑳ ᒥᒋᔦᑯ ᐅ ᐃᐧᔮᐢ ᐃᔨᓂᐃᐧᑯᓯᓵᐣ, ᒥᓇ ᒥᓂᑫᐧᔦᑯ ᐅ ᒥᐦᑯ, ᓇᒪᐃᐧᔭ ᑭ ᑭᑭᐢᑳᑯᓈᐋᐧᐤ ᐱᒫᑎᓯᐃᐧᐣ. 54ᐊᓇ ᑳ ᒥᒋᐟ ᓂ ᐃᐧᔮᐢ, ᒥᓇ ᑳ ᒥᓂᑫᐧᐟ ᓂ ᒥᐦᑯ, ᐊᔮᐤ ᑲᑭᑫ ᐱᒫᑎᓯᐃᐧᐣ; ᓂ ᑳ ᐊᐧᓂᐢᑳᓈᐤ ᒫᑲ ᐃᐢᑳᐧᔮᐨ ᑭᓯᑳᑭ. 55ᒋᑫᒫ ᓂ ᐃᐧᔮᐢ, ᐁᐊᐧᑯ ᑖᐯᐧ ᒥᒋᐃᐧᐣ, ᒥᓇ ᓂ ᒥᐦᑯ ᐁᐊᐧᑯ ᑖᐯᐧ ᒥᓂᑫᐧᐃᐧᐣ. 56ᐊᓇ ᑳ ᒥᒋᐟ ᓂ ᐃᐧᔮᐢ, ᒥᓇ ᑳ ᒥᓂᑫᐧᐟ ᓂ ᒥᐦᑯ, ᓂ ᑭᑭᐢᑳᐠ, ᓂᐢᑕ ᒫᑲ ᓂ ᑭᑭᐢᑲᐋᐧᐤ. 57ᑳ ᐃᓯ ᐱᒫᑎᓯᐟ ᐁᐧᔪᑖᐃᐧᕽ ᑳ ᐯ ᐃᓯᑎᓴᐦᐅᐟ, ᒥᓇ ᐁ ᐅᐦᒋ ᐱᒫᑎᓯᔮᐣ ᐁᐧᔪᑖᐃᐧᕽ; ᐁᑯᓯ ᒣᐧᐦᒋ ᐊᓇ ᑳ ᒧᐃᐧᐟ, ᓂᔭ ᑭᑕ ᐅᐦᒋ ᐱᒫᑎᓯᐤ. 58ᐁᐊᐧᑯ ᐊᐊᐧ ᐸᑫᐧᓯᑲᐣ ᑭᐦᒋ ᑭᓯᑯᕽ ᑳ ᐯ ᐅᐦᒋ ᔮᓯᐟ; ᓇᒪᐃᐧᔭ ᑖᐱᐢᑯᐨ ᑯᑖᐃᐧᐋᐧᐊᐧᐠ ᑳ ᑭ ᐃᓯ ᒧᐋᐧᒋᐠ ᒫᓇᐊᐧ, ᐁ ᑭ ᓂᐱᒋᐠ ᒫᑲ; ᐊᓇ ᑳ ᒧᐋᐧᐟ ᐅᐦᐃ ᐸᑫᐧᓯᑲᓇ ᑲᑭᑫ ᑭᑕ ᐱᒫᑎᓯᐤ. 59ᐁᐊᐧᑲᐧᓂ ᐅᐦᐃ ᑳ ᑭ ᐊᔨᑌᐧᐟ ᐊᔭᒥᐦᐁᐃᐧᑲᒥᑯᕽ, ᒣᑳᐧᐨ ᐁ ᑭᐢᑭᓄᐦᐊᒫᑫᐟ ᑫᐸᕒᓀᐊᒥᕽ.
60ᒥᐦᒉᐟ ᒫᑲ ᐅ ᑭᐢᑭᓄᐦᐊᒪᐋᐧᑲᓇ, ᐃᐢᐱ ᑳ ᐯᑕᒥᔨᐟ ᐅᒪ, ᐅᒥᓯ ᑭ ᐃᑌᐧᔨᐊᐧ, ᐋᔨᒪᐣ ᐅᒪ ᐃᑌᐧᐃᐧᐣ; ᐊᐁᐧᓇ ᑫ ᑭ ᓇᑐᑕᕽ? 61ᒫᑲ ᒋᓴᐢ ᐃᐧᔭ ᐁ ᑭᐢᑫᔨᑕᕽ ᐅ ᑭᐢᑭᓄᐦᐊᒪᐋᐧᑲᓇ ᐁ ᓇᔦᑖᐃᐧ ᐱᑭᐢᑳᐧᑕᒥᔨᐟ ᐅᒪ ᑭ ᐃᑌᐤ, ᑭ ᓇᔦᑖᐁᐧᔨᑕᒥᐃᑯᓈᐋᐧᐤ ᒋ ᐅᒪ? 62ᑖᓂᓯ ᒫᑲ ᑭᐢᐱᐣ ᐋᐧᐸᒫᔦᐠ ᐃᔨᓂᐃᐧᑯᓯᓵᐣ ᐁ ᐃᓯ ᐅᐱᐢᑳᐟ ᐃᑌ ᑲᔭᑌ ᑳ ᑭ ᐊᔮᐟ? 63ᐊᐦᒑᕽ ᑳ ᐱᒫᑎᓯᐢᑳᑫᐟ; ᐃᐧᔮᐢ ᓇᒪᐃᐧᔭ ᓈᓂᑕᐤ ᐃᑖᐸᒋᐃᐁᐧᐤ; ᐃᑌᐧᐃᐧᓇ ᑳ ᑭ ᐊᔨᑎᑕᑯᐠ, ᐊᐦᒑᐦᑯᐊᓇᐧ, ᒥᓇ ᐱᒫᑎᓯᐃᐧᓇᐊᐧᓇᐧ. 64ᒫᑲ ᐊᑎᐦᐟ ᑭᔭᐋᐧᐤ ᓇᒪᐃᐧᔭ ᑭ ᑖᐯᐧᑌᓈᐋᐧᐤ. ᒋᑫᒫ ᒋᓴᐢ ᒥᒋᒪᐨ ᐅᐦᒋ ᑭ ᑭᐢᑫᔨᒣᐤ ᐊᓂᐦᐃ ᐁᑳ ᑳ ᑖᐯᐧᑕᒥᔨᐟ, ᒥᓇ ᐊᓂᐦᐃ ᑫ ᒥᓯᒥᑯᐟ. 65ᐅᒥᓯ ᒫᑲ ᑭ ᐃᑌᐤ, ᐁᐊᐧᑯ ᐅᒪ ᑳ ᐅᐦᒋ ᐃᑎᑕᑯᐠ, ᓇᒪ ᐊᐃᐧᔭᐠ ᓂ ᑳ ᑭ ᐯ ᓈᑎᐠ, ᑭᐢᐱᐣ ᐁᑳ ᒥᔨᑯᒋ ᓄᑖᐃᐧᔭ.
66ᐁᑯᐢᐱ ᒫᑲ ᐅᐦᒋ ᒥᐦᒉᐟ ᐅ ᑭᐢᑭᓄᐦᐊᒪᐋᐧᑲᓇ ᑭ ᑭᐁᐧᔨᐊᐧ, ᓇᒪᐃᐧᑳᐨ ᒫᑲ ᒥᓇ ᑭ ᐃᐧᒉᐃᐧᐠ. 67ᒋᓴᐢ ᒫᑲ ᐅᒥᓯ ᑭ ᐃᑌᐤ ᒥᑖᑕᐟ ᓂᓱᓵᑊ ᑳ ᐃᐦᑕᓯᔨᐟ, ᑭᐢᑕᐋᐧᐤ ᒋ ᑭ ᑳ ᓯᐯᐧᐦᑖᓈᐋᐧᐤ? 68#ᒫᐟᔪ 16:16; ᒫᕒᐠ 8:29; ᓬᐅᐠ 9:20ᓴᐃᒪᐣ ᐱᑕᕒ ᒫᑲ ᑭ ᓇᐢᑫᐧᐊᐧᓯᒣᐤ, ᑌᐯᔨᐦᒋᑫᔭᐣ, ᐊᐁᐧᓇ ᓂ ᑲ ᓈᑖᑖᐣ? ᑭᔭ ᑭᐟ ᐊᔭᐣ ᑲᑭᑫ ᐱᒫᑎᓯᐃᐧᓂ ᐃᑌᐧᐃᐧᓇ. 69ᐁᑯᓯ ᓂ ᑭ ᑖᐯᐧᑌᓈᐣ ᒥᓇ ᓂ ᑭᐢᑫᔨᑌᓈᐣ ᑭᔭ ᐁᐊᐧᑯ ᐅ ᑲᓈᑎᓯᒪ ᑭᓭᒪᓂᑐ. 70ᒋᓴᐢ ᑭ ᓇᐢᑫᐧᐊᐧᓯᒣᐤ, ᓇᒪ ᒋ ᑭ ᑭ ᐊᐧᐁᐧᔦᔨᒥᑎᓈᐋᐧᐤ ᑭᔭᐋᐧᐤ ᒥᑖᑕᐦᐟ ᓂᓱᓵᑊ, ᐯᔭᐠ ᒫᑲ ᑳ ᐃᑕᓯᔦᐠ ᒪᒑᔨᐃᐧᐤ? 71ᐁᐊᐧᑯᓂ ᒍᑕᐢ ᐃᐢᑲᕒᐃᔭᑕ ᑳ ᑭ ᐃᑖᐟ, ᐅᑯᓯᓴ ᓴᐃᒪᐣ; ᒋᑫᒫ ᐁᐊᐧᑯᓂ ᑫ ᒥᓯᒥᑯᐟ, ᐁᐊᐧᑯ ᐯᔭᐠ ᒥᑖᑕᐦᐟ ᓂᓱᓵᑊ ᑳ ᐃᐦᑕᓯᒋᐠ.
اکنون انتخاب شده:
ᓭᐣᐟ ᒑᐣ 6: KKMs
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This Bible text is a corrected edition of the 1908 Western Cree Bible; it is in the public domain.
ᓭᐣᐟ ᒑᐣ 6
6
1ᑳ ᐳᓂᐸᔨᑭ ᐅᐦᐃ ᒋᓴᐢ ᑭ ᐋᓱᐊᐧᐊᒼ ᑲᓬᐊᓬᐃ ᓵᑲᐦᐃᑲᐣ ᐁᐊᐧᑲᐧᓂᒪ ᑕᐃᐱᕒᐃᔭᐢ ᓵᑲᐦᐃᑲᐣ. 2ᑭᐦᒋ ᒥᐦᒉᐟ ᒫᑲ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᑭ ᐱᒥᑎᓴᐦᐅᐠ, ᒋᑫᒫ ᐁ ᑭ ᐋᐧᐸᐦᑕᒥᔨᐟ ᐅ ᒪᒫᑖᐃᐧ ᐃᓯᐦᒋᑫᐃᐧᓇ ᑳ ᑭ ᐊᔨᑐᑕᒪᐋᐧᐟ ᑳ ᐋᑯᓯᔨᐟ. 3ᒋᓴᐢ ᒫᑲ ᑭ ᐋᒪᒋᐁᐧᐤ ᐊᐧᒋᕽ, ᐁᑯᑕ ᐁ ᑭ ᐃᐧᑕᐱᒫᐟ ᐅ ᑭᐢᑭᓄᐦᐊᒪᐋᐧᑲᓇ. 4ᐅ ᒪᔮᐢᑯᑖᑐ ᐃᐧᐦᑯᐦᑐᐃᐧᓂᐋᐧᐤ ᒫᑲ ᒍᐊᐧᐠ, ᓵᓴᐩ ᑫᑳᐟ ᐆᑎᒋᐸᔨᔨᐤ.
5ᒋᓴᐢ ᒫᑲ ᐁ ᐊᔨᑖᐱᐟ, ᐁᑯᓯ ᐁ ᐋᐧᐹᒫᐟ ᐁ ᐯ ᑭᐦᒋ ᒥᐦᒉᑎᔨᐟ ᐁ ᓈᑎᑯᐟ, ᐅᒥᓯ ᐃᑌᐤ ᐱᓬᐃᐸ, ᑖᓂᑌ ᑫ ᐅᐦᒋ ᐊᑖᐃᐧᔭᕽ ᐸᑫᐧᓯᑲᐣ, ᑭᑕ ᒥᒋᓱᒋᐠ ᐅᑭ? 6ᐅᒪ ᒫᑲ ᑭ ᐃᑌᐧᐤ ᐁ ᐃᐧ ᑯᒋᐋᐟ; ᒋᑫᒫ ᐃᐧᔭ ᑭ ᑭᐢᑫᔨᑕᒼ ᐋᐧ ᐃᓯᐦᒋᑫᐟ. 7ᐱᓬᐃᑊ ᑭ ᓇᐢᑫᐧᐊᐧᓯᒣᐤ, ᓂᓵᐧᐤ ᒥᑖᑕᐦᑐᒥᑕᓇᐤ ᓱᓂᔮᓴᐠ ᐃᔨᑯᕽ ᐸᑫᐧᓯᑲᐣ ᓇᒪᐃᐧᔭ ᑭᑕ ᑌᐱᐸᔨᐃᑲᐧᐠ, ᐊᑕ ᒥᓴᐋᐧᐨ ᐊᐦᐊᐱᓯᐢ ᐱᑯ ᐅᑎᓈᒋᐠ. 8ᐯᔭᐠ ᐅ ᑭᐢᑭᓄᐦᐊᒪᐋᐧᑲᓇ, ᐋᐣᑕᕒᐅᐊᐧ, ᓵᐃᒪᐣ ᐱᑕᕒ ᐅᒋᐋᐧᒪ, ᐅᒥᓯ ᐃᑎᐠ, 9ᐊᔮᐤ ᐅᑕ ᐅᐢᑭᓂᑭᐤ, ᐁ ᐊᔮᐋᐧᐟ ᓂᔮᓇᐣ ᐃᐢᑫᐧᓯᓯᑲᓂ ᐸᑫᐧᓯᑲᓇ ᒥᓇ ᓂᓱ ᑭᓄᓭᐊᐧ; ᑫᑲᐧᐩ ᒫᑲ ᐃᐧᔭ ᐁᐊᐧᑯ ᐅᑭ ᑳ ᐃᓯ ᒥᐦᒉᑎᒋᐠ? 10ᒋᓴᐢ ᒫᑲ ᐅᒥᓯ ᑭ ᐃᑌᐤ, ᓇᐦᐊᐱᐃᑯᐠ ᐊᔨᓯᔨᓂᐊᐧᐠ. ᑭ ᒪᐢᑯᓯᐢᑳᐤ ᒫᑲ ᐁᑯᑕ. ᑭ ᓇᐦᐊᐱᐊᐧᐠ ᒫᑲ ᐊᔨᓯᔨᓂᐊᐧᐠ, ᓈᐣᑕᐤ ᓂᔮᓇᓈᐧᐤ ᑭᐦᒋ ᒥᑖᑕᐦᑐᒥᑕᓇᐤ ᐁ ᑭ ᐃᐦᑕᓯᒋᐠ. 11ᒋᓴᐢ ᒫᑲ ᑭ ᐅᑎᓀᐤ ᐸᑫᐧᓯᑲᓇ; ᐃᐢᐱ ᒫᑲ ᑳ ᓇᓈᐢᑯᒧᐟ, ᑭ ᒫᑎᓇᒪᐁᐧᐤ ᐊᓂᐦᐃ ᑳ ᑭ ᓇᐦᐊᐱᔨᐟ; ᒥᓇ ᑭᓄᓭᐊᐧ ᐃᔨᑯᕽ ᐁ ᓇᑕᐁᐧᔨᒫᒋᐠ. 12ᐃᐢᐱ ᒫᑲ ᑳ ᑭᐢᐳᒋᐠ, ᐅᒥᓯ ᑭ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᒫᐊᐧᓴᑯᓇᒧᐠ ᐃᐢᑲᐧᒋᑲᓇ ᑳ ᐊᐢᑌᑭ, ᐁᑳ ᑫᑲᐧᐩ ᑭᑕ ᐊᐧᓂᑖᕽ. 13ᑭ ᒫᐊᐧᓴᑯᓇᒪᐧᐠ ᒫᑲ, ᐁᑯᓯ ᒥᑖᑕᐦᐟ ᓂᓱᓵᑊ ᐃᐧᑯᐱᐊᐧᑕ ᑭ ᓵᑲᐢᑭᓇᑖᐊᐧᐠ ᐃᔨᑯᕽ ᐁ ᑭ ᐃᐢᑲᐧᒫᒋᐠ ᓂᔮᓇᐣ ᐃᐢᑫᐧᓯᓯᑳᓂ ᐸᑫᐧᓯᑲᓇ ᑳ ᑭ ᐃᐢᑯᒫᒋᐠ ᐊᓂᑭ ᑳ ᑭ ᒥᒋᓱᒋᐠ. 14ᐅᑭ ᒫᑲ ᐊᔨᓯᔨᓂᐊᐧᐠ, ᐃᐢᐱ ᑳ ᐋᐧᐸᐦᑕᐦᑭᐠ ᒪᒫᑖᐃᐧ ᐃᓯᐦᒋᑫᐃᐧᐣ ᒋᓴᐢ ᑳ ᑭ ᑐᑕᒥᔨ, ᑭ ᐃᑌᐧᐊᐧᐠ, ᐁᐊᐧᑯ ᐊᐊᐧ ᑖᐯᐧ ᐅᑭᐢᑭᐁᐧᐦᐃᑫᐤ ᑳ ᑭ ᐃᐧ ᐯ ᐃᑐᐦᑌᐟ ᐅᑕ ᐊᐢᑭᕽ.
15ᒋᓴᐢ ᒫᑲ ᐁ ᐋᐧᐸᐦᑕᕽ ᑫᒋᑲ ᐁ ᐃᐧ ᐯ ᐅᑎᓂᑯᐟ ᑭᑕ ᑭᐦᒋ ᐅᑭᒪᑳᑎᑯᐟ ᑳᐃᐧ ᑭ ᐃᑐᐦᑌᐤ ᒥᓇ ᐊᐧᒋᕽ ᐁ ᐯᔭᑯᐟ. 16ᐃᐢᐱ ᒫᑲ ᐁᑎ ᐅᑖᑯᓯᐠ, ᐅ ᑭᐢᑭᓄᐦᐊᒪᐋᐧᑲᓇ ᑭ ᒪᑖᐃᐧᓯᔨᐊᐧ ᓵᑲᐦᐃᑲᓂᕽ. 17ᑭ ᐳᓯᐊᐧᐠ ᒫᑲ ᒋᒫᓂᕽ, ᐁ ᑭ ᐊᑎ ᐃᓯ ᐊᓱᐊᐧᐊᑭᐠ ᑫᐸᕒᓀᐊᒥᕽ ᐃᑌᑫ. ᓵᓴᐩ ᒫᑲ ᐁ ᐊᐧᓂᑎᐱᐢᑳᔨᐠ ᓇᒣᐢᑲᐧ ᒫᑲ ᐅᑎᐦᑎᑲᐧᐠ ᒋᓴᓴ. 18ᑭ ᐊᑎ ᒫᒪᑳᐊᐣ ᒫᑲ ᓵᑲᐦᐃᑲᐣ ᐁ ᐃᐢᐱᒋ ᒥᐢᑕᐦᐃ ᔪᑎᕽ 19ᐃᐢᐱ ᒫᑲ ᓈᓂᑕᐤ ᓂᓯᑕᓇᐤ ᓂᔮᓇᓄᓵᑊ ᐊᐦᐳ ᓂᐢᑐᒥᑕᓇᐤ ᑕᐦᑐ ᑎᐹᐹᐣ ᑳ ᐊᑎ ᐱᒥᐢᑳᒋᐠ, ᑭ ᐊᐧᐸᒣᐊᐧᐠ ᒋᓴᓴ ᐁ ᐱᒧᐦᑌᔨᐟ ᓵᑲᐦᐃᑲᓂᕽ ᐁ ᐯ ᓇᑕᒥᔨᐟ ᒋᒫᓂᔨᐤ: ᐁᑯᓯ ᑭ ᓭᑭᓯᐊᐧᐠ. 20ᒫᑲ ᐅᒥᓯ ᐃᑌᐤ, ᓂᔭ ᐅᒪ; ᐁᑳᐃᐧᔭ ᓭᑭᓯᐠ. 21ᓭᒫᐠ ᒫᑲ ᑭ ᐳᓯᐁᐊᐧᐠ; ᐁᑯᓯ ᑭᔨᐸ ᒋᒪᐣ ᑭ ᑕᑯᐸᔨᐤ ᐃᑌ ᑳ ᐃᐧ ᐃᓯᒋᒣᒋᐠ.
22ᐁ ᐊᑎ ᐋᐧᐸᕽ ᒫᑲ, ᐃᐢᐱ ᐊᔨᓯᔨᓂᐊᐧᐠ ᐊᑳᒥᕽ ᑳ ᐊᔮᒋᐠ ᑳ ᐋᐧᐸᐦᑕᐦᑭᐠ ᐁᑳ ᑯᑕᐠ ᒋᒫᓂᔨᐤ ᐁᑯᑕ ᐁ ᐊᔮᔨᐠ, ᐱᑯ ᐯᔭᐠ ᐃᑕ ᐅ ᑭᐢᑭᓄᐦᐊᒪᐋᐧᑲᓇ ᑳ ᑭ ᐳᓯᔨᐟ, ᐁᑳ ᒥᓇ ᒋᓴᐢ ᐁ ᑭ ᒋᒫᐟ ᐅ ᑭᐢᑭᓄᐦᐊᒪᐋᐧᑲᓇ, ᐱᑯ ᐅ ᑭᐢᑭᓄᐦᐊᒫᐊᐧᑳᓇ ᓂᓯᑫ ᐁ ᑭ ᓯᐯᐧᒋᒣᔨᐟ; 23(ᐋᑕᐃᐧᔭ ᒫᑲ ᑯᑕᑲ ᒋᒪᓇ ᑭ ᐯ ᐅᐦᒋᐸᔨᐊᐧ ᑖᐃᐱᕒᐃᔭᓯᕽ, ᒋᑭ ᐃᑕ ᑳ ᑭ ᒧᐋᐧᒋᐠ ᐸᑫᐧᓯᑲᓇ, ᑳ ᓇᓇᐢᑯᒧᐟ ᑳ ᑎᐯᔨᐦᒋᑫᐟ:) 24ᐃᐢᐱ ᒫᑲ ᐊᔨᓯᔨᓂᐊᐧᐠ ᑳ ᐋᐧᐸᐦᑕᐦᑭᐠ ᐁᑳ ᐁᑯᑕ ᐁ ᐊᔮᔨᐟ ᒋᓴᓴ, ᒥᓇ ᐅ ᑭᐢᑭᓄᐦᐊᒪᐋᐧᑲᓂᔨᐊᐧ, ᐃᐧᐢᑕᐋᐧᐤ ᑭ ᐳᓯᐊᐧᐠ ᒋᒫᓂᓯᕽ, ᐁ ᑭ ᐯ ᐃᓯᒋᒣᒋᐠ ᑫᐸᕒᓀᐊᒥᕽ, ᐁ ᐯ ᓇᑐᓇᐋᐧᒋᐠ ᒋᓴᓴ.
25ᐃᐢᐱ ᒫᑲ ᑳ ᒥᐢᑲᐋᐧᒋᐠ ᐊᑲᒥᕽ ᓵᑲᐦᐃᑲᓂᕽ, ᐅᒥᓯ ᑭ ᐃᑌᐊᐧᐠ, ᕒᐊᐸᐩ, ᑕᓂᐢᐱ ᑳ ᐯ ᐃᑐᑌᔭᐣ ᐅᑕ? 26ᒋᓴᐢ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᓇᒪᐃᐧᔭ ᑭ ᓇᓈᑐᓇᐃᐧᓈᐋᐧᐤ ᐁ ᑭ ᐋᐧᐸᐦᑕᒣᐠ ᒪᒪᐦᑖᐃᐧ ᐃᓯᐦᒋᑫᐃᐧᓇ, ᒫᑲ ᐱᑯ ᐁ ᑭ ᒧᐋᐧᔦᐠ ᐸᑫᐧᓯᑲᐣ, ᒥᓇ ᐁ ᑭ ᑭᐢᐳᔦᐠ. 27ᐁᑳᐃᐧᔭ ᐊᑐᐢᑲᑕᒧᐠ ᒥᒋᐃᐧᐣ ᑳ ᓂᓯᐊᐧᓈᑕᕽ, ᒫᑲ ᐊᓂᒪ ᒥᒋᐃᐧᐣ ᑫ ᐃᐦᑕᑲᐧᕽ ᑳᑭᑫ ᐱᒫᑎᓯᐃᐧᓂᕽ, ᑫ ᒥᔨᑯᔦᐠ ᐃᔨᓂᐃᐧᑯᓯᓵᐣ, ᐁᐊᐧᑯᓂ ᑭᓭᒪᓂᑐ ᐁᐧᔪᑖᐃᐧᕽ ᑳ ᑭ ᑭᐢᑭᓇᐊᐧᒋᐋᐟ. 28ᐅᒥᓯ ᒫᑲ ᑭ ᐃᑌᐊᐧᐠ, ᑫᑲᐧᐩ ᑫ ᑐᑕᒫᕽ ᑭᑕ ᐊᑐᐢᑳᑕᒫᕽ ᑭᓭᒪᓂᑐ ᐅᐟ ᐊᑐᐢᑫᐃᐧᓇ? 29ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᐁᐊᐧᑯ ᐅᒪ ᐅᐟ ᐊᑐᐢᑫᐃᐧᐣ ᑭᓭᒪᓂᑐ, ᑭᑕ ᑖᐯᐧᑕᐋᐧᔦᐠ ᐊᓂᐦᐃ ᑳ ᑭ ᐯ ᐃᓯᑎᓴᐋᐧᐟ.
30ᐁᐊᐧᑯ ᒫᑲ ᐅᐦᒋ ᑭ ᐃᑌᐊᐧᐠ, ᑫᑲᐧᐩ ᐁᑐᑕᒪᐣ ᐁ ᑭᐢᑭᓇᐊᐧᑌᔨᑖᑲᐧᕽ, ᑭᑕ ᐋᐧᐸᐦᑕᒫᕽ, ᑭᑕ ᑖᐯᐧᑖᑖᕽ ᒪᑳ? ᑖᓂᓯ ᐁᓯ ᐊᑐᐢᑫᔭᐣ? 31#ᐁᐠᓴᑕᐢ 16:4,15; ᓂᑲᒧᓇ 78:24ᓄᐦᑕᐃᐧᓈᓇᐠ ᑭ ᒧᐁᐧᐊᐧᐠ ᒫᓇᐊᐧ ᐱᑲᐧᑕᐢᑲᒥᑳᕽ; ᑳ ᐃᑕᓯᓇᐦᐃᑳᑌᐠ, ᑭ ᒥᔦᐤ ᐸᑫᐧᓯᑲᓇ ᑭᐦᒋ ᑭᓯᑯᕽ ᐅᐦᒋ ᑭᑕ ᒧᐊᐧᔨᐟ. 32ᐅᒥᓯ ᒫᑲ ᒋᓴᐢ ᑭ ᐃᑌᐤ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᓇᒪᐃᐧᔭ ᒧᓯᐢ ᑳ ᑭ ᒥᔨᑯᔦᐠ ᑭᐦᒋ ᑭᓯᑯᕽ ᐅᐦᒋ ᐸᑫᐧᓯᑲᓇ; ᓄᑖᐃᐧ ᒫᑲ ᑳ ᒥᔨᑯᔦᐠ ᑖᐯᐧ ᐸᑫᐧᓯᑲᓇ ᑭᐦᒋ ᑭᓯᑯᕽ ᐅᐦᒋ. 33ᐁᐊᐧᑯ ᑭᓭᒪᓂᑐᐃᐧ ᐸᑫᐧᓯᑲᐣ ᑭᐦᒋ ᑭᓯᑯᕽ ᑳ ᐯ ᐅᐦᒋ ᔮᓯᐟ, ᒥᓇ ᑳ ᒣᑭᐟ ᐱᒫᑎᓯᐃᐧᐣ ᐊᐢᑭᕽ. 34ᐅᒥᓯ ᒫᑲ ᑭ ᐃᑌᐊᐧᐠ, ᑌᐯᔨᐦᒋᑫᔭᐣ, ᑕᐦᑭ ᒪᒥᔨᓈᐣ ᐊᐊᐧ ᐸᑫᐧᓯᑲᐣ. 35ᒋᓴᐢ ᒫᑲ ᐅᒥᓯ ᑭ ᐃᑌᐤ, ᓂᔭ ᓂ ᐱᒫᑎᓯᐃᐧ ᐸᑫᐧᓯᑲᓂᐃᐧᐣ: ᐊᓇ ᒫᑲ ᑳ ᐯ ᓇᓯᐟ ᓇᒪᐃᐧᑳᐨ ᑭᑕ ᓄᑌᑲᑌᐤ; ᒥᓇ ᑳ ᑖᐯᐧᔦᔨᒥᐟ ᓇᒪᐃᐧᑳᐨ ᑭᑕ ᓄᑌᔮᐸᑫᐧᐤ. 36ᒫᑲ ᑭ ᑭ ᐃᑎᑎᓈᐋᐧᐤ, ᐊᑕ ᐁ ᑭ ᐋᐧᐸᒥᔦᐠ ᐁᔨᐁᐧᕽ ᐁᑳ ᒫᑲ ᐁ ᑖᐯᐧᑕᒣᐠ. 37ᑲᐦᑭᔭᐤ ᐊᓂᐦᐃ ᑳ ᒥᔨᐟ ᐁᐧᔪᑖᐃᐧᕽ ᓂ ᑳ ᓈᑎᑲᐧᐠ; ᐊᓇ ᒫᑲ ᑳ ᐯ ᓈᓯᐟ ᓇᒪᐃᐧᔭ ᓂ ᑳ ᐊᐧᔭᐃᐧᐁᐧᐱᓈᐤ. 38ᑭᐦᒋ ᑭᓯᑯᕽ ᓂ ᑭ ᐯ ᐅᐦᒋ ᔭᓯᐣ, ᓇᒪᐃᐧᔭ ᓂᔭ ᐁ ᐃᑌᔨᑕᒫᐣ ᑭᑕ ᐃᓯᐦᒋᑫᔮᐣ, ᒫᑲ ᐅᐟ ᐃᑌᔨᑕᒧᐃᐧᐣ ᑳ ᐯ ᐃᓯᑎᓴᐦᐅᐟ. 39ᐁᐊᐧᑯ ᐅᒪ ᐅᐟ ᐃᑌᔨᑕᒧᐃᐧᐣ ᐁᐧᔪᑖᐃᐧᕽ ᑳ ᐯ ᐃᓯᑎᓴᐦᐅᐟ, ᑲᐦᑭᔭᐤ ᑕᐦᑐ ᑳ ᒥᔨᐟ ᐁᑳ ᑫᑲᐧᐩ ᑭᑕ ᐊᐧᓂᑖᔮᐣ, ᒫᑲ ᑲᐃᐧ ᑭᑕ ᐊᐧᓂᐢᑳᓇᒫᐣ ᐃᐢᑲᐧᔮᐨ ᑭᓯᑳᑭ. 40ᐁᐊᐧᑯ ᐅᒪ ᐅᐟ ᐃᑌᔨᑕᒧᐃᐧᐣ ᐊᓇ ᑳ ᐯ ᐃᓯᑎᓴᐦᐅᐟ, ᑕᐦᑐ ᐊᐃᐧᔭᐠ ᐃᐧᔭᐸᒫᐟ ᐅᑯᓯᓯᒫᐊᐧ, ᑳ ᑖᐯᐧᔦᔨᒫᐟ ᒫᑲ, ᑭᑕ ᐊᔮᐟ ᑲᑭᑫ ᐱᒫᑎᓯᐃᐧᐣ; ᓂ ᑳ ᐊᐧᓂᐢᑳᓈᐤ ᒫᑲ ᐃᐢᑲᐧᔮᐨ ᑭᓯᑳᑭ.
41ᒍᐊᐧᐠ ᒫᑲ ᑭ ᐋᓀᐧᔨᒣᐊᐧᐠ, ᒋᑫᒫ ᐁ ᑭ ᐃᑌᐧᔨᐟ, ᓂᔭ ᐸᑫᐧᓯᑲᐣ ᑳ ᐅᐦᒋᐟ ᑭᐦᒋ ᑭᓯᑯᕽ. 42ᐅᒥᓯ ᒫᑲ ᑭ ᐃᑌᐧᐊᐧᐠ, ᓇᒪ ᒋ ᐁᐊᐧᑯ ᐊᐊᐧ ᒋᓴᐢ, ᐅᑯᓯᓴ ᒍᓯᑊ, ᐅᑖᐃᐧᔭ ᒥᓇ ᐅᑳᐃᐧᔭ ᑳ ᑭᐢᑭᔨᒥᒫᔭᕽ? ᑖᓀᑭ ᒫᑲ ᑳ ᐅᐦᒋ ᐃᑌᐧᐟ, ᑭᐦᒋ ᑭᓯᑯᕽ ᓂ ᑭ ᐯ ᐅᐦᒋ ᔮᓯᐣ? 43ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᐁᑳᐃᐧᔭ ᑕᓯ ᓇᔦᑖᐃᐧ ᐃᑌᐧᐠ. 44ᓇᒪ ᐊᐃᐧᔭᐠ ᓂ ᑲ ᑭ ᐯ ᓈᑎᐠ, ᑭᐢᐱᐣ ᐁᑳ ᐁᐧᔪᑖᐃᐧᕽ ᑳ ᐯ ᐃᓯᑎᓴᐦᐅᐟ ᐅᑎᓈᒋ; ᓂ ᑳ ᐊᐧᓂᐢᑳᓈᐤ ᒫᑲ ᐃᐢᑳᐧᔮᐨ ᑭᓯᑳᑭ. 45#ᐊᐩᓵᔭ 54:13ᐅᒥᓯ ᐃᑕᓯᓇᐃᑲᑌᐤ ᑭᐢᑭᐁᐧᐦᐃᑫᐃᐧᓂᕽ ᑲᐦᑭᔭᐤ ᑭᓭᒪᓂᑐᐊᐧ ᑭᑕ ᑭᐢᑭᓄᐦᐊᒫᑲᐧᐠ. ᑕᐦᑐ ᒫᑲ ᑳ ᐯᑕᐊᐧᒋᐠ, ᒥᓇ ᑳ ᑭᐢᑭᓄᐦᐊᒫᑯᒋᐠ ᐁᐧᔪᑖᐃᐧᕽ, ᓂ ᐯ ᓇᑎᑲᐧᐠ. 46ᓇᒪᐃᐧᔭ ᐃᐧᔭ ᐊᐃᐧᔭᐠ ᐁ ᑭ ᐋᐧᐸᒫᐟ ᐁᐧᔪᑖᐃᐧᕽ, ᐊᓇ ᐱᑯ ᑭᓭᒪᓂᑐᕽ ᑳ ᐅᐦᒋᐟ, ᐁᐊᐧᑯ ᑭ ᐋᐧᐸᒣᐤ ᐁᐧᔪᑖᐃᐧᕽ.
47ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐊᓇ ᑳ ᑖᐯᐧᔦᔨᒥᐟ ᐊᔮᐤ ᑲᑭᑫ ᐱᒫᑎᓯᐃᐧᐣ. 48ᓂᔭ ᐊᓇ ᐱᒫᑎᓯᐃᐧ ᐸᑫᐧᓯᑲᐣ. 49ᑯᑕᐃᐧᐋᐧᐊᐧᐠ ᐅ ᑭ ᒧᐊᐧᑕᐋᐧᐤ ᒫᓇᐊᐧ ᐱᑲᐧᑕᐢᑭᕽ, ᑭ ᓂᐱᐊᐧᐠ ᒫᑲ. 50ᐁᐊᐧᑯ ᐊᐊᐧ ᐸᑫᐧᓯᑲᐣ ᑭᐦᒋ ᑭᓯᑯᕽ ᑳ ᐯ ᐅᐦᒋ ᔮᓯᐟ, ᐊᓇ ᒫᑲ ᐊᔨᓯᔨᓂᐤ ᑫ ᒧᐋᐧᐟ, ᐁᑳ ᑭᑕ ᓂᐱᐟ. 51ᓂᔭ ᐁᐊᐧᑯ ᐱᒫᑎᓯᐃᐧ ᐸᐦᑫᐧᓯᑲᐣ, ᑭᐦᒋ ᑭᓯᑯᕽ ᑳ ᐯ ᐅᐦᒋᐸᔨᐟ; ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᒧᐋᐧᒋ ᐅᐦᐃ ᐸᑫᐧᓯᑲᓇ, ᑲᑭᑫ ᑭᑕ ᐱᒫᑎᓯᐤ; ᐸᑫᐧᓯᑲᐣ ᑫ ᒣᑭᔮᐣ ᐁᐊᐧᑲᐧᓂᒪ ᓂ ᐃᐧᔮᐢ, ᑫ ᒣᑭᔮᐣ ᑭᑕ ᐱᒪᒋᐊᑭᐠ ᐊᐢᑭᕽ ᑳ ᐊᔮᒋᐠ.
52ᒍᐊᐧᐠ ᒫᑲ ᑭ ᑭᐦᒋ ᐊᔭᓯᑌᑐᐊᐧᐠ, ᐅᒥᓯ ᐁ ᐃᑌᐧᒋᐠ, ᑖᓂᓯ ᐊᐊᐧ ᐊᔨᓯᔨᓂᐤ ᑫ ᐃᓯ ᑲᐢᑭᑖᐟ ᑭᑕ ᒥᔨᑯᔭᕽ ᐅ ᐃᐧᔮᐢ ᑭᑕ ᒥᒋᐋᐧᔭᕽ? 53ᒋᓴᐢ ᒫᑲ ᐅᒥᓯ ᑭ ᐃᑌᐤ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᑭᐢᐱᐣ ᐁᑳ ᒥᒋᔦᑯ ᐅ ᐃᐧᔮᐢ ᐃᔨᓂᐃᐧᑯᓯᓵᐣ, ᒥᓇ ᒥᓂᑫᐧᔦᑯ ᐅ ᒥᐦᑯ, ᓇᒪᐃᐧᔭ ᑭ ᑭᑭᐢᑳᑯᓈᐋᐧᐤ ᐱᒫᑎᓯᐃᐧᐣ. 54ᐊᓇ ᑳ ᒥᒋᐟ ᓂ ᐃᐧᔮᐢ, ᒥᓇ ᑳ ᒥᓂᑫᐧᐟ ᓂ ᒥᐦᑯ, ᐊᔮᐤ ᑲᑭᑫ ᐱᒫᑎᓯᐃᐧᐣ; ᓂ ᑳ ᐊᐧᓂᐢᑳᓈᐤ ᒫᑲ ᐃᐢᑳᐧᔮᐨ ᑭᓯᑳᑭ. 55ᒋᑫᒫ ᓂ ᐃᐧᔮᐢ, ᐁᐊᐧᑯ ᑖᐯᐧ ᒥᒋᐃᐧᐣ, ᒥᓇ ᓂ ᒥᐦᑯ ᐁᐊᐧᑯ ᑖᐯᐧ ᒥᓂᑫᐧᐃᐧᐣ. 56ᐊᓇ ᑳ ᒥᒋᐟ ᓂ ᐃᐧᔮᐢ, ᒥᓇ ᑳ ᒥᓂᑫᐧᐟ ᓂ ᒥᐦᑯ, ᓂ ᑭᑭᐢᑳᐠ, ᓂᐢᑕ ᒫᑲ ᓂ ᑭᑭᐢᑲᐋᐧᐤ. 57ᑳ ᐃᓯ ᐱᒫᑎᓯᐟ ᐁᐧᔪᑖᐃᐧᕽ ᑳ ᐯ ᐃᓯᑎᓴᐦᐅᐟ, ᒥᓇ ᐁ ᐅᐦᒋ ᐱᒫᑎᓯᔮᐣ ᐁᐧᔪᑖᐃᐧᕽ; ᐁᑯᓯ ᒣᐧᐦᒋ ᐊᓇ ᑳ ᒧᐃᐧᐟ, ᓂᔭ ᑭᑕ ᐅᐦᒋ ᐱᒫᑎᓯᐤ. 58ᐁᐊᐧᑯ ᐊᐊᐧ ᐸᑫᐧᓯᑲᐣ ᑭᐦᒋ ᑭᓯᑯᕽ ᑳ ᐯ ᐅᐦᒋ ᔮᓯᐟ; ᓇᒪᐃᐧᔭ ᑖᐱᐢᑯᐨ ᑯᑖᐃᐧᐋᐧᐊᐧᐠ ᑳ ᑭ ᐃᓯ ᒧᐋᐧᒋᐠ ᒫᓇᐊᐧ, ᐁ ᑭ ᓂᐱᒋᐠ ᒫᑲ; ᐊᓇ ᑳ ᒧᐋᐧᐟ ᐅᐦᐃ ᐸᑫᐧᓯᑲᓇ ᑲᑭᑫ ᑭᑕ ᐱᒫᑎᓯᐤ. 59ᐁᐊᐧᑲᐧᓂ ᐅᐦᐃ ᑳ ᑭ ᐊᔨᑌᐧᐟ ᐊᔭᒥᐦᐁᐃᐧᑲᒥᑯᕽ, ᒣᑳᐧᐨ ᐁ ᑭᐢᑭᓄᐦᐊᒫᑫᐟ ᑫᐸᕒᓀᐊᒥᕽ.
60ᒥᐦᒉᐟ ᒫᑲ ᐅ ᑭᐢᑭᓄᐦᐊᒪᐋᐧᑲᓇ, ᐃᐢᐱ ᑳ ᐯᑕᒥᔨᐟ ᐅᒪ, ᐅᒥᓯ ᑭ ᐃᑌᐧᔨᐊᐧ, ᐋᔨᒪᐣ ᐅᒪ ᐃᑌᐧᐃᐧᐣ; ᐊᐁᐧᓇ ᑫ ᑭ ᓇᑐᑕᕽ? 61ᒫᑲ ᒋᓴᐢ ᐃᐧᔭ ᐁ ᑭᐢᑫᔨᑕᕽ ᐅ ᑭᐢᑭᓄᐦᐊᒪᐋᐧᑲᓇ ᐁ ᓇᔦᑖᐃᐧ ᐱᑭᐢᑳᐧᑕᒥᔨᐟ ᐅᒪ ᑭ ᐃᑌᐤ, ᑭ ᓇᔦᑖᐁᐧᔨᑕᒥᐃᑯᓈᐋᐧᐤ ᒋ ᐅᒪ? 62ᑖᓂᓯ ᒫᑲ ᑭᐢᐱᐣ ᐋᐧᐸᒫᔦᐠ ᐃᔨᓂᐃᐧᑯᓯᓵᐣ ᐁ ᐃᓯ ᐅᐱᐢᑳᐟ ᐃᑌ ᑲᔭᑌ ᑳ ᑭ ᐊᔮᐟ? 63ᐊᐦᒑᕽ ᑳ ᐱᒫᑎᓯᐢᑳᑫᐟ; ᐃᐧᔮᐢ ᓇᒪᐃᐧᔭ ᓈᓂᑕᐤ ᐃᑖᐸᒋᐃᐁᐧᐤ; ᐃᑌᐧᐃᐧᓇ ᑳ ᑭ ᐊᔨᑎᑕᑯᐠ, ᐊᐦᒑᐦᑯᐊᓇᐧ, ᒥᓇ ᐱᒫᑎᓯᐃᐧᓇᐊᐧᓇᐧ. 64ᒫᑲ ᐊᑎᐦᐟ ᑭᔭᐋᐧᐤ ᓇᒪᐃᐧᔭ ᑭ ᑖᐯᐧᑌᓈᐋᐧᐤ. ᒋᑫᒫ ᒋᓴᐢ ᒥᒋᒪᐨ ᐅᐦᒋ ᑭ ᑭᐢᑫᔨᒣᐤ ᐊᓂᐦᐃ ᐁᑳ ᑳ ᑖᐯᐧᑕᒥᔨᐟ, ᒥᓇ ᐊᓂᐦᐃ ᑫ ᒥᓯᒥᑯᐟ. 65ᐅᒥᓯ ᒫᑲ ᑭ ᐃᑌᐤ, ᐁᐊᐧᑯ ᐅᒪ ᑳ ᐅᐦᒋ ᐃᑎᑕᑯᐠ, ᓇᒪ ᐊᐃᐧᔭᐠ ᓂ ᑳ ᑭ ᐯ ᓈᑎᐠ, ᑭᐢᐱᐣ ᐁᑳ ᒥᔨᑯᒋ ᓄᑖᐃᐧᔭ.
66ᐁᑯᐢᐱ ᒫᑲ ᐅᐦᒋ ᒥᐦᒉᐟ ᐅ ᑭᐢᑭᓄᐦᐊᒪᐋᐧᑲᓇ ᑭ ᑭᐁᐧᔨᐊᐧ, ᓇᒪᐃᐧᑳᐨ ᒫᑲ ᒥᓇ ᑭ ᐃᐧᒉᐃᐧᐠ. 67ᒋᓴᐢ ᒫᑲ ᐅᒥᓯ ᑭ ᐃᑌᐤ ᒥᑖᑕᐟ ᓂᓱᓵᑊ ᑳ ᐃᐦᑕᓯᔨᐟ, ᑭᐢᑕᐋᐧᐤ ᒋ ᑭ ᑳ ᓯᐯᐧᐦᑖᓈᐋᐧᐤ? 68#ᒫᐟᔪ 16:16; ᒫᕒᐠ 8:29; ᓬᐅᐠ 9:20ᓴᐃᒪᐣ ᐱᑕᕒ ᒫᑲ ᑭ ᓇᐢᑫᐧᐊᐧᓯᒣᐤ, ᑌᐯᔨᐦᒋᑫᔭᐣ, ᐊᐁᐧᓇ ᓂ ᑲ ᓈᑖᑖᐣ? ᑭᔭ ᑭᐟ ᐊᔭᐣ ᑲᑭᑫ ᐱᒫᑎᓯᐃᐧᓂ ᐃᑌᐧᐃᐧᓇ. 69ᐁᑯᓯ ᓂ ᑭ ᑖᐯᐧᑌᓈᐣ ᒥᓇ ᓂ ᑭᐢᑫᔨᑌᓈᐣ ᑭᔭ ᐁᐊᐧᑯ ᐅ ᑲᓈᑎᓯᒪ ᑭᓭᒪᓂᑐ. 70ᒋᓴᐢ ᑭ ᓇᐢᑫᐧᐊᐧᓯᒣᐤ, ᓇᒪ ᒋ ᑭ ᑭ ᐊᐧᐁᐧᔦᔨᒥᑎᓈᐋᐧᐤ ᑭᔭᐋᐧᐤ ᒥᑖᑕᐦᐟ ᓂᓱᓵᑊ, ᐯᔭᐠ ᒫᑲ ᑳ ᐃᑕᓯᔦᐠ ᒪᒑᔨᐃᐧᐤ? 71ᐁᐊᐧᑯᓂ ᒍᑕᐢ ᐃᐢᑲᕒᐃᔭᑕ ᑳ ᑭ ᐃᑖᐟ, ᐅᑯᓯᓴ ᓴᐃᒪᐣ; ᒋᑫᒫ ᐁᐊᐧᑯᓂ ᑫ ᒥᓯᒥᑯᐟ, ᐁᐊᐧᑯ ᐯᔭᐠ ᒥᑖᑕᐦᐟ ᓂᓱᓵᑊ ᑳ ᐃᐦᑕᓯᒋᐠ.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This Bible text is a corrected edition of the 1908 Western Cree Bible; it is in the public domain.