ᓭᐣᐟ ᓬᐅᐠ 11
11
1ᑭ ᐊᔨᑭᐣ ᒫᑲ, ᐃᑕ ᒣᑳᐧᐨ ᐁ ᐊᔭᒥᐦᐋᐟ, ᐃᐢᐱ ᐁ ᐳᓂᑖᐟ, ᐯᔭᐠ ᐅ ᑭᐢᑭᓄᐦᐊᒪᐋᐧᑲᓇ ᑭ ᐃᑎᐠ, ᑳ ᑎᐯᔨᐦᒋᑫᔭᐣ, ᑭᐢᑭᓄᐦᐊᒫᐃᐧᓈᐣ ᑭᑕ ᐃᓯ ᐊᔭᒥᐦᐋᔮᕽ, ᑖᐱᐢᑯᐨ ᒑᐣ ᑳ ᑭ ᐃᓯ ᑭᐢᑭᓄᐦᐊᒪᐋᐧᐟ ᐅ ᑭᐢᑭᓄᐦᐊᒪᐋᐧᑲᓇ. 2ᐁᑯᓯ ᑭ ᐃᑌᐤ, ᐁᔭᒥᐋᔦᑯ, ᐃᑌᐧᐠ ᓄᑖᐃᐧᓈᐣ, ᑭᐦᒋ ᑭᓯᑯᕽ ᐁᔮᔭᐣ. ᑭᑕ ᐃᐧ ᑭᑲᑌᔨᑖᑲᐧᐣ ᑭ ᐃᐧᔪᐃᐧᐣ, ᑭᐟ ᐅᑌᓇᐃᐧᐃᐧᐣ ᑭᑕ ᐃᐧ ᐅᑎᐦᒋᐸᔨᐤ, ᐁ ᐃᑌᔨᑕᒪᐣ ᑭᑕ ᐃᐧ ᑐᒋᑳᑌᐤ ᐊᐢᑭᕽ ᑳ ᐃᓯ ᐊᔮᐠ ᑭᐦᒋ ᑭᓯᑯᕽ. 3ᒥᔨᓈᐣ ᑕᐦᑐ ᑭᓯᑳᐤ ᑫ ᐅᐦᒋ ᐱᒫᑎᓯᔭᕽ. 4ᒥᓇ ᐳᓀᔨᑕᒪᐃᐧᓈᐣ ᓂ ᒪᒋᐃᑎᐃᐧᓂᓈᓇ ᑳ ᐃᓯ ᐳᓀᔨᑕᒪᐊᐧᑭᒋᐠ ᐊᓂᑭ ᑳ ᒪᓯᓇᐦᐊᒪᑯᔭᑯᐠ. ᒥᓇ ᐁᑳᐃᐧᔭ ᐃᑐᐦᑕᐦᐃᓈᐣ ᑯᑌᔨᑐᐃᐧᓂᕽ ᒫᑲ ᒥᑖᑫᐧᓇᒪᐃᐧᓈᐣ ᒪᒋ ᑫᑲᐧᐩ.
5ᐁᑯᓯ ᑭ ᐃᑌᐤ, ᑖᓈᓇ ᑭᔭᐋᐧᐤ ᑳ ᐃᑕᓯᔦᐠ ᑫ ᐅᑐᑌᒥᐟ, ᐁᑯᓯ ᑫ ᓈᑖᑫᐧ ᐁ ᐊᐱᑖ ᑎᐱᐢᑳᔨᐠ, ᒥᓇ ᑫ ᐃᑖᑫᐧ, ᓂᑐᑌᒼ, ᐊᐃᐧᐃᐣ ᓂᐢᑐ ᐱᐢᐁᐧ ᐊᔭᑯᓈᐊᐧᐠ; 6ᒋᑫᒫ ᐯᔭᐠ ᓂᑐᑌᒼ ᓄᑎᐦᑎᐠ ᐁ ᐱᒥᐱᒋᐟ, ᐁᑯᓯ ᓇᒪ ᑫᑲᐧᐩ ᓂᐟ ᐋᔮᐣ ᑭᑕ ᐊᓴᒪᐠ: 7ᐁᑯᓯ ᐃᐧᔮᓇ ᐱᑐᑲᒥᐠ ᐅᐦᒋ ᑭᑕ ᓇᐢᑫᐧᐊᐧᓯᑖᐤ ᒥᓇ ᑭᑕ ᐃᑌᐧᐤ, ᐁᑳᐃᐧᔭ ᒥᑯᐢᑳᒋᒥᐣ? ᐃᐢᑲᐧᑌᒼ ᓵᓴᐩ ᑭᐸᐦᐃᑳᑌᐤ, ᐁᑯᓯ ᓂᐟ ᐊᐋᐧᓯᒥᓴᐠ ᓵᓴᐩ ᑭ ᑲᐃᐧᓯᒧᐊᐧᐠ, ᓇᒪᐃᐧᔭ ᓂ ᑲ ᑭ ᐊᐧᓂᐢᑳᐣ ᑭᑕ ᒥᔨᑖᐣ: 8ᑭᐟ ᐃᑎᓈᐋᐧᐤ, ᐊᑕ ᐁᑳ ᐃᐧ ᐊᐧᓂᐢᑳᒋ ᑭᑕ ᒥᔭᐟ ᐅᑐᑌᒥᑐᐃᐧᐣ ᐅᐦᒋ, ᐁᔨᐁᐧᕽ ᐁᑳ ᐳᓀᐧᐁᐧᒥᑯᒋ, ᑭᑕ ᐊᐧᓂᐢᑳᐤ ᒥᓇ ᑭᑕ ᒥᔦᐤ ᑕᐦᑐ ᐁ ᓇᑕᐁᐧᔨᒫᔨᐟ. 9ᐁᑯᓯ ᒫᑲ ᑭᐟ ᐃᑎᓈᐋᐧᐤ, ᓇᑐᑕᒫᐠ, ᐁᑯᓯ ᑭ ᑲ ᒥᔨᑲᐃᐧᓈᐋᐧᐤ; ᓇᓈᑐᓂᑫᐠ, ᐁᑯᓯ ᑭ ᑲ ᒥᐢᑫᓈᐋᐧᐤ; ᐸᑲᒪᐊᒧᐠ ᐃᐢᑲᐧᑌᒼ, ᐁᑯᓯ ᑭ ᑲ ᔪᑌᓇᒫᑲᐃᐧᓈᐋᐧᐤ. 10ᐃᐧᔭ ᑕᐦᑐ ᐊᐃᐧᔭᐠ ᑳ ᓇᑐᑕᒫᑫᐟ, ᑭᑕ ᒥᔮᐤ; ᒥᓇ ᐊᓇ ᑳ ᓇᑐᓇᕽ ᒥᐢᑲᒼ: ᒥᓇ ᐊᓇ ᑳ ᐸᑲᒪᐊᕽ ᐃᐢᑳᐧᑌᒼ ᑭᑕ ᔪᑌᓇᒪᐋᐧᐤ. 11ᒥᓇ ᑖᓈᓇ ᑭᔭᐋᐧᐤ ᑳ ᐅᑯᓯᓯᐟ ᓇᑐᑕᒪᑯᒋ ᐱᐢᐁᐧᑲᓯᑲᓈ, ᐊᓯᓂᐊ ᒋ ᑭᑕ ᒥᔦᐤ? ᐊᐁᐧᑳ ᑭᐢᐱᐣ ᑭᓄᓭᐊᐧ ᓂᑐᑕᒫᑯᒋ ᑭᓀᐱᑲᐧ ᒋ ᑭᑕ ᒥᔦᐤ? 12ᐊᐁᐧᑳ ᑭᐢᐱᐣ ᐋᐧᐃᐧ ᓇᑐᑕᒫᑯᒋ ᐅᒋᓱᐁᐧᐊᐧ ᒋ ᑭᑕ ᒥᔦᐤ? 13ᑭᐢᐱᐣ ᒫᑲ ᑭᔭᐋᐧᐤ, ᐁ ᓇᔦᑕᐋᐧᑎᓯᔦᐠ ᑭ ᑭᐢᑫᔨᑌᓈᐋᐧᐤ ᑭᑕ ᒥᔮᔦᑲᐧᐤ ᒥᔪ ᒣᑭᐃᐧᓇ ᑭᐟ ᐊᐋᐧᓯᒥᓯᐋᐧᐊᐧᐠ, ᑖᓂᔨᑯᕽ ᐊᐊᐧᓯᒣ ᑯᑕᐃᐧᐋᐧ ᑭᐦᒋ ᑭᓯᑯᕽ ᑳ ᐊᔮᐟ ᑫ ᒥᔮᐟ ᑳ ᑲᓈᑎᓯᔨᐟ ᐊᐦᒑᐦᑲᐧ ᐊᓂᐦᐃ ᑳ ᓇᑐᑕᒫᑯᐟ.
14ᐁᑯᓯ ᑭ ᐊᐧᔭᐃᐧᐁᐧᐱᓀᐤ ᒪᒋ ᐊᐦᒑᐦᑲᐧ, ᐁᑳ ᐁ ᑭ ᓂᑕᐁᐧᔨᐟ. ᐁᑯᓯ ᑭ ᐃᐢᐸᔨᐤ, ᐃᐢᐱ ᒪᒋ ᐊᐦᒑᕽ ᑳ ᐊᐧᔭᐃᐧᐟ: ᐁᑳ ᑳ ᓂᑕᐁᐧᐟ ᓈᐯᐤ ᑭ ᐱᑭᐢᑫᐧᐤ; ᐊᔨᓯᔨᓂᐊᐧᐠ ᒫᑲ ᑭ ᒫᒪᐢᑳᑕᒪᐧᐠ. 15#ᒫᐟᔪ 9:34; 10:25ᒫᑲ ᐊᑎᐦᐟ ᑭ ᐃᑌᐧᐊᐧᐠ, ᐊᐧᔭᐃᐧᐁᐧᐱᓀᐤ ᒪᒋ ᐊᐦᒑᐦᑲᐧ ᐱᐁᓬᓯᐸᑊ ᐅᐦᒋ ᑳ ᑎᐯᔨᒪᔨᐟ ᒪᒋ ᐊᐦᒑᐦᑲᐧ. 16#ᒫᐟᔪ 12:38; 16:1; ᒫᕒᐠ 8:11ᑯᑕᑲᐠ ᒫᑲ, ᐁ ᑯᑌᔨᒫᒋᐠ, ᑭ ᓇᑕᐁᐧᔨᑕᒪᐧᐠ ᑭᐢᑭᓇᐊᐧᒋ ᐃᓯᐦᒋᑫᐃᐧᐣ ᑭᐦᒋ ᑭᓯᑯᕽ ᐅᐦᒋ. 17ᐃᐧᔭ ᒫᑲ, ᐁ ᑭᐢᑫᔨᑕᕽ ᐁ ᐃᓯ ᒪᒥᑐᓀᔨᑕᒥᔨᐟ, ᑭ ᐃᑌᐤ, ᑳ ᐃᑕᑎᕽ ᐅᑌᓇᐃᐧᐃᐧᐣ ᑳ ᓇᓈᓂᐢᒋᐃᑐᒪᑲᕽ ᓂᓯᐊᐧᓈᑕᐣ; ᒥᓇ ᐋᐧᐢᑲᐃᑲᐣ ᑳ ᓇᓈᓂᐢᒋᐃᑐᒪᑲᕽ ᐸᐦᑭᐦᑎᐣ. 18ᒥᓇ ᑭᐢᐱᐣ ᓭᑕᐣ ᐱᑯᓂᓱᒋ, ᑖᓂᓯ ᑫ ᐃᓯ ᓂᐸᐃᐧᒪᑲᓂᔨᐟ ᐅᐟ ᐅᑌᓇᐃᐧᐃᐧᐣ? ᒋᑫᒫ ᐁ ᐃᑌᐧᔦᐠ ᐊᐧᔭᐃᐧᐁᐧᐱᓀᐤ ᒪᒋ ᐊᐦᒑᐦᑲᐧ ᐱᐁᓬᓯᐸᑊ ᐅᐦᒋ. 19ᑭᐢᐱᐣ ᒫᑲ ᓂᔭ ᐱᐁᓬᓯᐸᑊ ᐅᐦᒋ ᓂ ᐊᐧᔭᐃᐧᐁᐧᐱᓈᐊᐧᐠ ᒪᒋ ᐊᐦᒑᐦᑲᐧᐠ, ᐊᐁᐧᓂᐦᐃ ᐅᐦᒋ ᑭᑯᓯᓯᐊᐧᐊᐧᐠ ᑳ ᐊᐧᔭᐃᐧᐁᐧᐱᓈᒋᐠ? ᐁᐊᐧᑯ ᐅᐦᒋ ᑭ ᑲ ᐅᔭᓱᐋᐧᑎᑯᐋᐧᐊᐧᐠ. 20ᒫᑲ ᑭᐢᐱᐣ ᓂᔭ ᑭᓭᒪᓂᑐ ᐅᒋᐦᒋ ᐅᐦᒋ ᓂ ᐊᐧᔭᐃᐧᐁᐧᐱᓈᐊᐧᐠ ᒪᒋ ᐊᐦᒑᐦᑲᐧᐠ, ᐁᑯᓭᓵᓂ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᐁᐧᑎᑎᑯᔦᐠ. 21ᒣᑳᐧᐨ ᐁ ᒪᐢᑲᐃᐧᓯᐟ ᓈᐯᐤ, ᒥᑐᓂ, ᐁ ᓂᒫᐢᑫᐧᐟ ᑲᓇᐁᐧᔨᐦᑕᐦᑭ ᐃᐧᑭ, ᐅᐟ ᐊᔮᐃᐧᓇ ᐯᔭᑕᐠ ᐊᔮᔨᐊᐧ: 22ᒫᑲ ᐃᐢᐱ ᓇᐊᐧᐨ ᐁ ᒪᐢᑲᐃᐧᓯᔨᐟ ᐃᐢᐱᐨ ᐃᐧᔭ ᐅᑎᐦᑎᑯᒋ, ᒥᓇ ᓵᑯᒋᐃᑯᒋ, ᒪᐢᑲᒥᐠ ᑲᐦᑭᔭᐤ ᐅ ᓂᒫᐢᑫᐧᐃᐧᐣ ᑳ ᑭ ᐊᐢᐯᔨᒧᑐᑕᕽ, ᐁᑯᓯ ᓇᓈᓂᐢᒋᑖᔨᐊᐧ ᐁ ᒪᓂᐊᐧᑖᑎᑯᐟ. 23#ᒫᕒᐠ 9:40ᐊᓇ ᐁᑳ ᑳ ᐃᐧᒉᐃᐧᐟ ᓂ ᓇᑳᐢᑲᐠ; ᐁᑯᓯ ᐊᓇ ᐁᑳ ᑳ ᐃᐧᒋ ᒫᐊᐧᒋᒋᑫᒥᐟ ᐅᓴᐢᐁᐧᐁᐧᐱᓂᑫᐤ. 24ᐃᐢᐱ ᐁᑳ ᑲ ᐯᑭᓯᐟ ᐊᐦᒑᕽ ᓀᑲᑖᒋ ᐊᔨᓯᔨᓂᐊᐧ, ᐸᐸᒧᑌᐤ ᐸᐢᑌᐊᐧᔨᕽ, ᐁᓇᓈᑐᓇᕽ ᐊᔦᐧᐱᐃᐧᐣ; ᐁᑯᓯ ᐁᑳ ᐁ ᒥᐢᑲᕽ, ᐃᑌᐧᐤ, ᓂᑭᕽ ᓂ ᑲ ᐃᓯ ᑭᐋᐧᐣ ᐃᑕ ᑳ ᑭ ᐯ ᐅᐦᒋ ᐊᐧᔭᐃᐧᔮᐣ. 25ᐁᑯᓯ ᐃᐢᐱ ᐁ ᑕᑯᓯᕽ, ᒥᐢᑲᒼ ᐁ ᑭ ᐁᐧᐸᐃᑫᐃᐧᐠ ᒥᓇ ᐁ ᐊᐧᐁᐧᓯᒋᑳᑌᔨᐠ. 26ᐁᑲᐧ ᓇᑕᐃᐧ ᐅᑎᓇᒫᓱ ᑌᐸᑯᑊ ᑯᑕᑲ ᐊᐦᒑᐦᑲᐧ, ᐊᐊᐧᓯᒣ ᐁ ᒪᒑᔨᐃᐧᔨᐟ ᐃᐢᐱᐨ ᐃᐧᔭ, ᐁᑯᓯ ᐱᐦᑐᑫᐊᐧᐠ, ᒥᓇ ᐊᔮᐊᐧᐠ ᐁᑯᑕ, ᐁᑯᓯ ᐃᐢᑳᐧᔮᓂᕽ ᑳ ᐃᓯ ᐊᔮᐟ ᐁᐊᐧᑳᐧᓇ ᓈᐯᐤ, ᐊᐊᐧᓯᒣ ᒪᔨ ᐊᔮᐤ ᐃᐢᐱ ᓂᐢᑕᒼ.
27ᑭ ᐊᔨᑭᐣ ᒫᑲ ᐃᐢᐱ ᐅᒪ ᑳ ᐊᔨᑌᐧᐟ, ᐯᔭᐠ ᐃᐢᑫᐧᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᐅᐦᒋ ᑭ ᐱᑭᐢᑫᐧᐤ ᐁ ᐃᑎᑯᐟ, ᑭᐦᒋ ᓴᐁᐧᔨᑖᑯᓯᐤ ᐊᓇ ᑳ ᑭ ᓂᐦᑖᐃᐧᑭᐃᐢᐠ ᒥᓇ ᐊᓇ ᑳ ᑭ ᓄᔨᐢᐠ. 28ᒫᑲ ᑭ ᐃᑌᐧᐤ ᐁᐦᐊ, ᓇᐊᐧᐨ ᒫᑲ ᓴᐁᐧᔨᑖᑯᓯᐊᐧᐠ ᐊᓂᑭ ᑳ ᓇᑐᑕᑭᐠ ᑭᓭᒪᓂᑐ ᐅᐟ ᐊᔭᒥᐃᐧᐣ ᐁᑯᓯ ᑳ ᑲᓇᐁᐧᔨᐦᑕᐦᑭᐠ.
29 #
ᒫᐟᔪ 16:4; ᒫᕒᐠ 8:12 ᐁᑯᓯ ᐃᐢᐱ ᐊᔨᓯᔨᓂᐊᐧ ᑳ ᒫᐊᐦᒋᐃᑐᔨᐟ, ᑭ ᒫᒋ ᐃᑌᐤ, ᐅᑭ ᑳ ᐋᓂᐢᑫ ᐱᒫᑎᓯᒋᐠ ᓇᔦᑕᐊᐧᑎᓯᐊᐧᐠ: ᓇᑐᐢᑲᒪᐧᐠ ᑭᐢᑭᓇᐊᐧᒋ ᐃᓯᐦᒋᑫᐃᐧᐣ, ᒫᑲ ᓇᒪᐃᐧᔭ ᑭᐢᑭᓇᐊᐧᒋ ᐃᓯᐦᒋᑫᐃᐧᐣ ᑭᑕ ᒥᔮᐊᐧᐠ, ᐱᑯ ᐊᓂᒪ ᐅ ᑭᐢᑭᓇᐊᐧᒋ ᐃᓯᐦᒋᑫᐃᐧᐣ ᒎᓇ. 30#ᒎᓇ 3:4ᒋᑫᒫ ᒣᐧᐦᒋ ᒎᓇ ᑳ ᑭ ᐃᓯ ᑭᐢᑭᓇᐋᐧᑌᔨᒥᑯᐟ ᓂᓂᐸ ᐊᔨᓯᔨᓂᐊᐧ, ᐁᑯᓯ ᐃᐧᐢᑕ ᐃᔨᓂᐃᐧᑯᓯᓵᐣ ᑫ ᑐᑕᐋᐧᐟ ᐅᐦᐃ ᐊᓄᐦᐨ ᑳ ᐱᒫᑎᓯᔨᐟ. 31#1 ᑭᐦᒋ ᐅᑭᒫᐊᐧᐠ 10:1-10; 2 ᐊᑭᓀ ᐋᒋᒧᐃᐧᓇ 9:1-12ᑭᐦᒋ ᐅᑭᒫᐢᑫᐧᐤ ᓵᐊᐧᓄᑖᕽ ᐅᐦᒋ ᑭᑕ ᐊᐧᓂᐢᑳᐤ ᐅᔭᓱᐁᐧᐃᐧ ᑭᓯᑳᑭ ᐊᓯᒋ ᐅᑭ ᐊᔨᓯᔨᓂᐊᐧᐠ, ᑭᑕ ᓇᓂᐳᒫᐟ: ᐃᐧᔭ ᐋᐧᔭᐁᐧᐢᑲᒥᐠ ᐁ ᑭ ᐅᐦᑐᑌᐟ ᑭᑕ ᐯᐦᑕᕽ ᐅᐟ ᐃᔨᓂᓯᐃᐧᓂᔨᐤ ᓵᓬᐅᒪᓇ; ᒋᐢᐟ ᒫᑲ, ᐊᐊᐧᓯᒣ ᐁ ᑭᐦᒑᔨᐃᐧᐟ ᐃᐢᐱᐦᐨ ᓵᓬᐅᒪᐣ ᐅᑕ ᐊᔮᐤ. 32#ᒎᓇ 3:5ᐊᔨᓯᔨᓂᐊᐧᐠ ᓂᓂᐱ ᐅᐦᒋ ᑭᑕ ᐃᐧᒋ ᐊᐧᓂᐢᑳᒣᐊᐧᐠ ᐅᐦᐃ ᐊᔨᓯᔨᓂᐊᐧ ᐅᔭᓱᐁᐧᐃᐧ ᑭᓯᑳᑭ, ᒥᓇ ᑭᑕ ᓇᓂᐳᒣᐊᐧᐠ: ᐃᐧᔭ ᐁ ᑭ ᑫᐧᐢᑳᑎᓯᒋᐠ ᐅ ᑲᑫᐢᑫᐧᐃᐧᓂᔨᐤ ᐅᐦᒋ ᒎᓇ; ᒋᐢᐟ ᒫᑲ, ᐊᐊᐧᓯᒣ ᐁ ᑭᐦᒑᔨᐃᐧᐟ ᐃᐢᐱᐦᐨ ᒎᓇ ᐅᑕ ᐊᔮᐤ.
33 #
ᒫᐟᔪ 5:15; ᒫᕒᐠ 4:21; ᓬᐅᐠ 8:16 ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ, ᐃᐢᐱ ᑳ ᓴᐢᑲᐊᑭ ᐋᐧᓴᐢᑯᑌᓂᑲᐣ, ᐋᐧᑎᑲᓂᕽ, ᐊᐦᐳ ᓯᐸ ᒪᑲᑯᕽ ᐊᐢᑖᐤ, ᒫᑲ ᐋᐧᓴᐢᑯᑌᓂᑲᓈᑎᑯᕽ, ᐊᓂᑭ ᑳ ᐱᐦᑐᑫᒋᐠ ᑭᑕ ᐋᐧᐸᐦᑕᐦᑭᐠ ᐋᐧᐢᑌᐤ. 34ᑭᐢᑭᓯᐠ ᑳ ᐅᐦᒋ ᐋᐧᐢᑌᐃᐧᓂᐊᐧᕽ ᑭᔭᐤ, ᑭᐢᐱᐣ ᒫᑲ ᑭᐢᑭᓯᐠ ᐯᔭᑫᐧᔨᒧᒪᑲᑭ, ᒥᓯᐁᐧ ᑭᔭᐃᐧᕽ ᓴᑲᐢᑭᓀᐤ ᐋᐧᐢᑌᐤ; ᒫᑲ ᐃᐢᐱ ᑭᐢᑭᓯᐠ ᓀᔦᑖᐊᐧᑭ, ᑭᔭᐤ ᓵᑲᐢᑭᓀᐤ ᐊᐧᓂᑎᐱᐢᑭᓯᐃᐧᐣ. 35ᐊᔮᑲᐧᒥᓯ ᒫᑲ ᐊᓂᒪ ᐋᐧᐢᑌᐤ ᑳ ᑭᑭᐢᑳᑯᔭᐣ ᐁᑳ ᑭᑕ ᐊᐧᓂᑎᐱᐢᑳᐠ. 36ᐁᐊᐧᑯᒋ ᒫᑲ ᑭᐢᐱᐣ ᒥᓯᐁᐧ ᑭᔭᐤ ᓵᑲᐢᑭᓀᑭ ᐋᐧᐢᑌᐤ, ᐁᑳ ᓈᓂᑕᐤ ᐁ ᐊᐧᓂᑎᐱᐢᑭᓈᑲᐧᕽ, ᑲᐦᑭᔭᐤ ᒥᑐᓂ ᑭᑕ ᐋᐧᐢᑌᐤ, ᑖᐱᐢᑯᐨ ᐋᐧᓴᐢᑯᑌᓂᑲᐣ ᑭᑭᕽ ᑳ ᐃᓯ ᐋᐧᓴᐢᑯᑌᓇᒫᑯᔭᐣ.
37ᒣᑳᐧᐨ ᒫᑲ ᐅᒪ ᐁ ᐱᑭᐢᑫᐧᐟ, ᐯᔭᐠ ᐸᕒᐊᓯᐊᐧ ᑭ ᑲᑫᐧᒋᒥᐠ ᑭᑕ ᐃᐧᒋᒥᒋᓱᒫᐟ: ᐁᑯᓯ ᑭ ᐱᐦᑐᑫᐤ, ᒥᓇ ᐁ ᑭ ᓇᐦᐊᐱᐟ ᑭᑕ ᒥᒋᓱᐟ. 38ᐃᐢᐱ ᒫᑲ ᐊᓇ ᐸᕒᐊᓯ ᐃᔮᐸᑕᕽ, ᑭ ᒫᒪᐢᑳᑕᒼ ᐁᑳ ᐁ ᑭ ᑳᓯᒋᐦᒉᔨᐟ ᐁ ᒪᐧᔦ ᒥᒋᓱᔨᐟ: 39ᐁᑯᓯ ᑳ ᑎᐯᔨᐦᒋᑫᐟ ᑭ ᐃᑌᐤ, ᑭᔭᐋᐧᐤ ᐸᕒᐊᓯᐊᐧ ᑭ ᑲᓯᔮᐱᐢᑲᐁᐧᓈᐋᐧᐤ ᒥᓂᑲᐧᑲᓂᐢ ᒥᓇ ᐅᔮᑲᐣ ᐊᐧᔭᐃᐧᑎᒫᔨᕽ; ᒫᑲ ᐃᐧᔭ ᐱᒑᔨᕽ ᑭ ᓵᑲᐢᑭᓈᓈᐋᐧᐤ ᒪᐢᑲᑌᐧᐃᐧᐣ ᒥᓇ ᒪᒑᑎᓯᐃᐧᐣ. 40ᑲᑫᐹᑎᓴᐠ, ᓇᒪ ᒋ ᐊᓇ ᑳ ᑭ ᐅᓯᑖᐟ ᐊᐧᔭᐃᐧᑎᒫᔨᕽ, ᑭ ᐅᓯᑖᐤ ᐊᓯᒋ ᐱᒑᔨᕽ ᐊᓂᒪ ᑳ ᐊᔭᐠ. 41ᒫᑲ ᔮᔭᐤ ᒣᑭᐠ ᒣᑭᐃᐧᓇ ᐊᓂᐦᐃ ᐅᐦᒋ ᐱᒑᔨᕽ ᑳ ᐊᔮᑭ; ᐁᑯᓯ ᒫᑎᑲ ᑲᐦᑭᔭᐤ ᑫᑲᐧᔭ ᐯᑲᓇᐧ ᑭᔭᐋᐧᐤ ᐅᐦᒋ. 42#ᓬᐃᐱᑎᑲᐢ 27:30ᒫᑲ ᑭ ᑲᑲᐧᑕᑭᓯᓈᐋᐧᐤ ᑭᔭᐋᐧᐤ ᐸᕒᐊᓯᐊᐧᐠ ᒋᑫᒫ ᑭ ᐸᑭᑎᓈᓱᓈᐋᐧᐤ, ᐯᔭᐠ ᐁ ᑭ ᒥᑖᑕᑐᑖᕽ ᒥᐣᐟ ᒥᓇ ᕒᐅ ᒥᓇ ᑲᐦᑭᔭᐤ ᑭᐢᑎᑳᓂᓴ, ᐁᑯᓯ ᐃᐧᔭ ᐁᑳ ᐁ ᓈᑲᑐᑫᔦᐠ ᐅᔭᓱᐁᐧᐃᐧᐣ ᒥᓇ ᐅ ᓵᑭᐦᐃᐁᐧᐃᐧᐣ ᑭᓭᒪᓂᑐ: ᒫᑲ ᐅᐦᐃ ᑭᑕ ᑭ ᑐᑕᒣᐠ ᒥᓇ ᐊᓂᒪ ᑯᑕᐠ ᓇᒪᐃᐧᔭ ᑭᑕ ᐁᑳ ᐃᑐᑕᒣᐠ. 43ᑭ ᑲᑳᐧᑕᑭᓯᓈᐋᐧᐤ ᒫᑲ ᑭᔭᐋᐧᐤ ᐹᕒᐊᓯᐊᐧᐠ! ᒋᑫᒫ ᑭ ᓵᑭᐦᑖᓈᐋᐧᐤ ᐁ ᓂᑳᓇᐢᑌᑭ ᐊᐱᐃᐧᓇ ᐊᔭᒥᐦᐁᐃᐧᑲᒥᑯᕽ, ᒥᓇ ᐊᑕᒥᐢᑳᑐᐃᐧᓇ ᐊᑖᑐᐃᐧᓂᕽ. 44ᑭ ᑲᑳᐧᑕᑭᓯᓈᐋᐧᐤ, ᒋᑫᒫ ᑖᐱᐢᑯᐨ ᔨᑲᐧᐦᐊᐢᑳᓇ ᐁᑳ ᑳ ᓄᑲᐧᑭ ᑭᐟ ᐃᑌᔨᑖᑯᓯᓈᐋᐧᐤ, ᐁᑯᓯ ᐊᔨᓯᔨᓂᐊᐧᐠ ᐋᑕ ᑕᑯᐦᐨ ᐯᒧᑌᑖᐧᐃᐧ ᓇᒪᐃᐧᔭ ᑭᐢᑫᔨᑕᒪᐧᐠ.
45ᐯᔭᐠ ᒫᑲ ᐅᔭᓱᐁᐧᐃᐧᔨᓂᐊᐧ ᑭ ᓇᐢᑫᐧᐊᐧᓯᒥᐠ ᐅᒥᓯ ᐁ ᐃᑎᑯᐟ, ᐅᑭᐢᑭᓄᐦᐊᒫᑫᐤ ᐅᒪ ᑳ ᐃᑌᐧᔭᐣ, ᓂᐢᑕᓈᐣ ᑭᐟ ᐋᓀᐧᔨᒥᓈᐣ. 46ᐁᑯᓯ ᒫᑲ ᑭ ᐃᑌᐧᐤ, ᑭ ᑲᑲᐧᑕᑭᓯᓈᐋᐧᐤ ᑭᐢᑕᐋᐧᐤ ᐅᔭᓱᐁᐧᐃᐧᔨᓂᑎᐠ; ᒋᑫᒫ ᑭ ᓇᔭᑕᐋᐋᐧᐊᐧᐠ ᐊᔨᓯᔨᓂᐊᐧᐠ ᓇᔭᒋᑳᓇ ᐁ ᐋᔨᒪᑭ ᑭᑕ ᓇᔭᑕᒥᕽ, ᒫᑲ ᑭᔭᐋᐧᐤ ᓇᒪᐊᐧᐊᐧᐨ ᑲᓇᑫ ᐯᔭᐠ ᑭᒋᐦᒋᐋᐧᐤ ᑯᐦᒋ ᓵᒥᓀᓈᐋᐧᐤ ᐊᓂᐦᐃ ᓇᔭᒋᑲᓇ. 47ᑭ ᑲᑳᐧᑕᑭᓯᓈᐋᐧᐤ! ᒋᑫᒫ ᑯᓯᑖᐋᐧᓈᐋᐧᐤ ᐅ ᓇᐃᓂᑯᐃᐧᑲᒥᑯᐋᐧᐊᐧ ᐅᑭᐢᑭᐁᐧᐦᐃᑫᐊᐧᐠ ᑯᑕᐃᐧᐋᐧᐊᐧᐠ ᒫᑲ ᐁ ᑭ ᓂᐸᐦᐋᒋᐠ. 48ᑖᐯᐧ ᐊᓂ ᑭᐟ ᐋᒋᒥᓱᓈᐋᐧᐤ ᐁ ᓇᐢᑯᑕᒣᐧᐠ ᐅᐟ ᐃᑐᑕᒧᐃᐧᓂᐋᐧᐊᐧ ᑯᑖᐃᐧᐋᐧᐊᐧᐠ: ᐃᐧᔭ ᑖᐯᐧ ᐁ ᑭ ᓂᐸᐦᐋᒋᐠ, ᐁᑯᓯ ᒫᑲ ᑭᔭᐋᐧᐤ ᐁ ᐅᓯᑖᐋᐧᔦᐠ ᐅ ᓇᐃᓂᑯᐃᐧᑲᒥᑯᐊᐧᐊᐧ. 49ᐁᐊᐧᑯ ᒫᑲ ᒥᓇ ᐅᐦᒋ ᑳ ᐃᑌᐧᒪᑲᓂᔨᐠ ᐅᐟ ᐃᔨᓂᓯᐃᐧᐣ ᑭᓭᒪᓂᑐ, ᓂ ᑳ ᐃᓯᑎᓴᐦᐊᒪᐋᐧᐊᐧᐠ ᐅᑭᐢᑭᐁᐧᐦᐃᑫᐊᐧ ᒥᓇ ᐃᓯᑎᓴᐋᐧᑲᓇ: ᐁᑯᓯ ᐊᑎᐦᐟ ᑭᑕ ᓂᐸᐁᐊᐧᐠ ᒥᓇ ᑭᑕ ᑲᑲᐧᑕᑭᐁᐊᐧᐠ: 50ᐅ ᒥᐦᑯᐋᐧᐤ ᑲᐦᑭᔭᐤ ᐅᑭᐢᑭᐁᐧᐦᐃᑫᐊᐧᐠ, ᐊᓂᒪ ᑳ ᑭ ᓯᑭᓂᑳᑌᐠ ᐊᐢᐱᐣ ᑳ ᑭᐢᑕᐢᑌᐠ ᐊᐢᑭ, ᑭᑕ ᓇᑕᐁᐧᔨᑕᒫᒋᐠ ᐅᑭ ᐊᓄᐦᐨ ᑳ ᐱᒫᑎᓯᒋᐠ; 51#ᒉᓂᓯᐢ 4:8; 2 ᐊᑭᓀ ᐋᒋᒧᐃᐧᓇ 24:20,21ᐅᒥᕽ ᐅᐦᒋ ᐁᐱᓬ ᐱᔨᐢ ᐅᒥᕽ ᓵᑲᕒᐋᔭᐢ, ᐊᓇ ᑳ ᑭ ᓂᐱᐟ ᑕᐢᑕᐊᐧᔨᕽ ᐸᑭᑎᓈᓱᐃᐧᓈᐱᐢᑯᕽ ᒥᓇ ᐊᔭᒥᐦᐁᐃᐧᑲᒥᑯᕽ; ᑖᐯᐧ ᑭᐟ ᐃᑎᓈᐋᐧᐤ, ᑭᑕ ᓇᑕᐁᐧᔨᑕᒪᐋᐧᐊᐧᐠ ᐅᑭ ᐊᔨᓯᔨᓂᐊᐧᐠ, 52ᑭ ᑲᑲᐧᑕᑭᓯᓈᐋᐧᐤ ᑭᔭᐋᐧᐤ ᐅᔭᓱᐁᐧᐃᐧᔨᓂᑎᐠ: ᒋᑫᒫ ᑭ ᑭ ᐅᑎᓀᓈᐋᐧᐤ ᑭᐢᑫᔨᑕᒧᐃᐧ ᐊᐱᑕᑲᐃᑲᐣ: ᓇᒪᐃᐧᔭ ᑭᔭᐋᐧᐤ ᑭ ᐱᑐᑳᓈᐋᐧᐤ, ᐁᑯᓯ ᐊᓂᑭ ᑳ ᐃᐧ ᐱᐦᑐᑫᒋᐠ ᑭ ᑭᐱᐢᑲᐋᐧᐋᐧᐊᐧᐠ.
53ᐃᐢᐱ ᒫᑲ ᐁᑯᑕ ᑳ ᐯ ᐅᐦᒋ ᐊᐧᔭᐃᐧᐟ ᒪᓯᓇᐦᐃᑫᐃᐧᔨᓂᐊᐧ ᐊᓯᒋ ᐹᕒᐊᓯᐊᐧ ᓇᐢᐱᐨ ᒥᐢᑕᐦᐃ ᑭ ᓯᑭᐢᑲᐠ, ᐁ ᐋᔮᓯᑌᒥᑯᐟ, ᒥᐦᒉᐟ ᑫᑲᐧᔭ ᑭᑕ ᑕᓯᑕᒪᐋᐧᐟ. 54ᐁ ᐊᐢᐊᐧᐅᑯᐟ, ᐁ ᐃᐧ ᑲᑫᐧ ᑳᒋᑎᓇᒥᔨᐟ ᑫᑲᐧᐩ ᐅᑐᓂᕽ ᐅᐦᒋ.
اکنون انتخاب شده:
ᓭᐣᐟ ᓬᐅᐠ 11: KKMs
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This Bible text is a corrected edition of the 1908 Western Cree Bible; it is in the public domain.
ᓭᐣᐟ ᓬᐅᐠ 11
11
1ᑭ ᐊᔨᑭᐣ ᒫᑲ, ᐃᑕ ᒣᑳᐧᐨ ᐁ ᐊᔭᒥᐦᐋᐟ, ᐃᐢᐱ ᐁ ᐳᓂᑖᐟ, ᐯᔭᐠ ᐅ ᑭᐢᑭᓄᐦᐊᒪᐋᐧᑲᓇ ᑭ ᐃᑎᐠ, ᑳ ᑎᐯᔨᐦᒋᑫᔭᐣ, ᑭᐢᑭᓄᐦᐊᒫᐃᐧᓈᐣ ᑭᑕ ᐃᓯ ᐊᔭᒥᐦᐋᔮᕽ, ᑖᐱᐢᑯᐨ ᒑᐣ ᑳ ᑭ ᐃᓯ ᑭᐢᑭᓄᐦᐊᒪᐋᐧᐟ ᐅ ᑭᐢᑭᓄᐦᐊᒪᐋᐧᑲᓇ. 2ᐁᑯᓯ ᑭ ᐃᑌᐤ, ᐁᔭᒥᐋᔦᑯ, ᐃᑌᐧᐠ ᓄᑖᐃᐧᓈᐣ, ᑭᐦᒋ ᑭᓯᑯᕽ ᐁᔮᔭᐣ. ᑭᑕ ᐃᐧ ᑭᑲᑌᔨᑖᑲᐧᐣ ᑭ ᐃᐧᔪᐃᐧᐣ, ᑭᐟ ᐅᑌᓇᐃᐧᐃᐧᐣ ᑭᑕ ᐃᐧ ᐅᑎᐦᒋᐸᔨᐤ, ᐁ ᐃᑌᔨᑕᒪᐣ ᑭᑕ ᐃᐧ ᑐᒋᑳᑌᐤ ᐊᐢᑭᕽ ᑳ ᐃᓯ ᐊᔮᐠ ᑭᐦᒋ ᑭᓯᑯᕽ. 3ᒥᔨᓈᐣ ᑕᐦᑐ ᑭᓯᑳᐤ ᑫ ᐅᐦᒋ ᐱᒫᑎᓯᔭᕽ. 4ᒥᓇ ᐳᓀᔨᑕᒪᐃᐧᓈᐣ ᓂ ᒪᒋᐃᑎᐃᐧᓂᓈᓇ ᑳ ᐃᓯ ᐳᓀᔨᑕᒪᐊᐧᑭᒋᐠ ᐊᓂᑭ ᑳ ᒪᓯᓇᐦᐊᒪᑯᔭᑯᐠ. ᒥᓇ ᐁᑳᐃᐧᔭ ᐃᑐᐦᑕᐦᐃᓈᐣ ᑯᑌᔨᑐᐃᐧᓂᕽ ᒫᑲ ᒥᑖᑫᐧᓇᒪᐃᐧᓈᐣ ᒪᒋ ᑫᑲᐧᐩ.
5ᐁᑯᓯ ᑭ ᐃᑌᐤ, ᑖᓈᓇ ᑭᔭᐋᐧᐤ ᑳ ᐃᑕᓯᔦᐠ ᑫ ᐅᑐᑌᒥᐟ, ᐁᑯᓯ ᑫ ᓈᑖᑫᐧ ᐁ ᐊᐱᑖ ᑎᐱᐢᑳᔨᐠ, ᒥᓇ ᑫ ᐃᑖᑫᐧ, ᓂᑐᑌᒼ, ᐊᐃᐧᐃᐣ ᓂᐢᑐ ᐱᐢᐁᐧ ᐊᔭᑯᓈᐊᐧᐠ; 6ᒋᑫᒫ ᐯᔭᐠ ᓂᑐᑌᒼ ᓄᑎᐦᑎᐠ ᐁ ᐱᒥᐱᒋᐟ, ᐁᑯᓯ ᓇᒪ ᑫᑲᐧᐩ ᓂᐟ ᐋᔮᐣ ᑭᑕ ᐊᓴᒪᐠ: 7ᐁᑯᓯ ᐃᐧᔮᓇ ᐱᑐᑲᒥᐠ ᐅᐦᒋ ᑭᑕ ᓇᐢᑫᐧᐊᐧᓯᑖᐤ ᒥᓇ ᑭᑕ ᐃᑌᐧᐤ, ᐁᑳᐃᐧᔭ ᒥᑯᐢᑳᒋᒥᐣ? ᐃᐢᑲᐧᑌᒼ ᓵᓴᐩ ᑭᐸᐦᐃᑳᑌᐤ, ᐁᑯᓯ ᓂᐟ ᐊᐋᐧᓯᒥᓴᐠ ᓵᓴᐩ ᑭ ᑲᐃᐧᓯᒧᐊᐧᐠ, ᓇᒪᐃᐧᔭ ᓂ ᑲ ᑭ ᐊᐧᓂᐢᑳᐣ ᑭᑕ ᒥᔨᑖᐣ: 8ᑭᐟ ᐃᑎᓈᐋᐧᐤ, ᐊᑕ ᐁᑳ ᐃᐧ ᐊᐧᓂᐢᑳᒋ ᑭᑕ ᒥᔭᐟ ᐅᑐᑌᒥᑐᐃᐧᐣ ᐅᐦᒋ, ᐁᔨᐁᐧᕽ ᐁᑳ ᐳᓀᐧᐁᐧᒥᑯᒋ, ᑭᑕ ᐊᐧᓂᐢᑳᐤ ᒥᓇ ᑭᑕ ᒥᔦᐤ ᑕᐦᑐ ᐁ ᓇᑕᐁᐧᔨᒫᔨᐟ. 9ᐁᑯᓯ ᒫᑲ ᑭᐟ ᐃᑎᓈᐋᐧᐤ, ᓇᑐᑕᒫᐠ, ᐁᑯᓯ ᑭ ᑲ ᒥᔨᑲᐃᐧᓈᐋᐧᐤ; ᓇᓈᑐᓂᑫᐠ, ᐁᑯᓯ ᑭ ᑲ ᒥᐢᑫᓈᐋᐧᐤ; ᐸᑲᒪᐊᒧᐠ ᐃᐢᑲᐧᑌᒼ, ᐁᑯᓯ ᑭ ᑲ ᔪᑌᓇᒫᑲᐃᐧᓈᐋᐧᐤ. 10ᐃᐧᔭ ᑕᐦᑐ ᐊᐃᐧᔭᐠ ᑳ ᓇᑐᑕᒫᑫᐟ, ᑭᑕ ᒥᔮᐤ; ᒥᓇ ᐊᓇ ᑳ ᓇᑐᓇᕽ ᒥᐢᑲᒼ: ᒥᓇ ᐊᓇ ᑳ ᐸᑲᒪᐊᕽ ᐃᐢᑳᐧᑌᒼ ᑭᑕ ᔪᑌᓇᒪᐋᐧᐤ. 11ᒥᓇ ᑖᓈᓇ ᑭᔭᐋᐧᐤ ᑳ ᐅᑯᓯᓯᐟ ᓇᑐᑕᒪᑯᒋ ᐱᐢᐁᐧᑲᓯᑲᓈ, ᐊᓯᓂᐊ ᒋ ᑭᑕ ᒥᔦᐤ? ᐊᐁᐧᑳ ᑭᐢᐱᐣ ᑭᓄᓭᐊᐧ ᓂᑐᑕᒫᑯᒋ ᑭᓀᐱᑲᐧ ᒋ ᑭᑕ ᒥᔦᐤ? 12ᐊᐁᐧᑳ ᑭᐢᐱᐣ ᐋᐧᐃᐧ ᓇᑐᑕᒫᑯᒋ ᐅᒋᓱᐁᐧᐊᐧ ᒋ ᑭᑕ ᒥᔦᐤ? 13ᑭᐢᐱᐣ ᒫᑲ ᑭᔭᐋᐧᐤ, ᐁ ᓇᔦᑕᐋᐧᑎᓯᔦᐠ ᑭ ᑭᐢᑫᔨᑌᓈᐋᐧᐤ ᑭᑕ ᒥᔮᔦᑲᐧᐤ ᒥᔪ ᒣᑭᐃᐧᓇ ᑭᐟ ᐊᐋᐧᓯᒥᓯᐋᐧᐊᐧᐠ, ᑖᓂᔨᑯᕽ ᐊᐊᐧᓯᒣ ᑯᑕᐃᐧᐋᐧ ᑭᐦᒋ ᑭᓯᑯᕽ ᑳ ᐊᔮᐟ ᑫ ᒥᔮᐟ ᑳ ᑲᓈᑎᓯᔨᐟ ᐊᐦᒑᐦᑲᐧ ᐊᓂᐦᐃ ᑳ ᓇᑐᑕᒫᑯᐟ.
14ᐁᑯᓯ ᑭ ᐊᐧᔭᐃᐧᐁᐧᐱᓀᐤ ᒪᒋ ᐊᐦᒑᐦᑲᐧ, ᐁᑳ ᐁ ᑭ ᓂᑕᐁᐧᔨᐟ. ᐁᑯᓯ ᑭ ᐃᐢᐸᔨᐤ, ᐃᐢᐱ ᒪᒋ ᐊᐦᒑᕽ ᑳ ᐊᐧᔭᐃᐧᐟ: ᐁᑳ ᑳ ᓂᑕᐁᐧᐟ ᓈᐯᐤ ᑭ ᐱᑭᐢᑫᐧᐤ; ᐊᔨᓯᔨᓂᐊᐧᐠ ᒫᑲ ᑭ ᒫᒪᐢᑳᑕᒪᐧᐠ. 15#ᒫᐟᔪ 9:34; 10:25ᒫᑲ ᐊᑎᐦᐟ ᑭ ᐃᑌᐧᐊᐧᐠ, ᐊᐧᔭᐃᐧᐁᐧᐱᓀᐤ ᒪᒋ ᐊᐦᒑᐦᑲᐧ ᐱᐁᓬᓯᐸᑊ ᐅᐦᒋ ᑳ ᑎᐯᔨᒪᔨᐟ ᒪᒋ ᐊᐦᒑᐦᑲᐧ. 16#ᒫᐟᔪ 12:38; 16:1; ᒫᕒᐠ 8:11ᑯᑕᑲᐠ ᒫᑲ, ᐁ ᑯᑌᔨᒫᒋᐠ, ᑭ ᓇᑕᐁᐧᔨᑕᒪᐧᐠ ᑭᐢᑭᓇᐊᐧᒋ ᐃᓯᐦᒋᑫᐃᐧᐣ ᑭᐦᒋ ᑭᓯᑯᕽ ᐅᐦᒋ. 17ᐃᐧᔭ ᒫᑲ, ᐁ ᑭᐢᑫᔨᑕᕽ ᐁ ᐃᓯ ᒪᒥᑐᓀᔨᑕᒥᔨᐟ, ᑭ ᐃᑌᐤ, ᑳ ᐃᑕᑎᕽ ᐅᑌᓇᐃᐧᐃᐧᐣ ᑳ ᓇᓈᓂᐢᒋᐃᑐᒪᑲᕽ ᓂᓯᐊᐧᓈᑕᐣ; ᒥᓇ ᐋᐧᐢᑲᐃᑲᐣ ᑳ ᓇᓈᓂᐢᒋᐃᑐᒪᑲᕽ ᐸᐦᑭᐦᑎᐣ. 18ᒥᓇ ᑭᐢᐱᐣ ᓭᑕᐣ ᐱᑯᓂᓱᒋ, ᑖᓂᓯ ᑫ ᐃᓯ ᓂᐸᐃᐧᒪᑲᓂᔨᐟ ᐅᐟ ᐅᑌᓇᐃᐧᐃᐧᐣ? ᒋᑫᒫ ᐁ ᐃᑌᐧᔦᐠ ᐊᐧᔭᐃᐧᐁᐧᐱᓀᐤ ᒪᒋ ᐊᐦᒑᐦᑲᐧ ᐱᐁᓬᓯᐸᑊ ᐅᐦᒋ. 19ᑭᐢᐱᐣ ᒫᑲ ᓂᔭ ᐱᐁᓬᓯᐸᑊ ᐅᐦᒋ ᓂ ᐊᐧᔭᐃᐧᐁᐧᐱᓈᐊᐧᐠ ᒪᒋ ᐊᐦᒑᐦᑲᐧᐠ, ᐊᐁᐧᓂᐦᐃ ᐅᐦᒋ ᑭᑯᓯᓯᐊᐧᐊᐧᐠ ᑳ ᐊᐧᔭᐃᐧᐁᐧᐱᓈᒋᐠ? ᐁᐊᐧᑯ ᐅᐦᒋ ᑭ ᑲ ᐅᔭᓱᐋᐧᑎᑯᐋᐧᐊᐧᐠ. 20ᒫᑲ ᑭᐢᐱᐣ ᓂᔭ ᑭᓭᒪᓂᑐ ᐅᒋᐦᒋ ᐅᐦᒋ ᓂ ᐊᐧᔭᐃᐧᐁᐧᐱᓈᐊᐧᐠ ᒪᒋ ᐊᐦᒑᐦᑲᐧᐠ, ᐁᑯᓭᓵᓂ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᐁᐧᑎᑎᑯᔦᐠ. 21ᒣᑳᐧᐨ ᐁ ᒪᐢᑲᐃᐧᓯᐟ ᓈᐯᐤ, ᒥᑐᓂ, ᐁ ᓂᒫᐢᑫᐧᐟ ᑲᓇᐁᐧᔨᐦᑕᐦᑭ ᐃᐧᑭ, ᐅᐟ ᐊᔮᐃᐧᓇ ᐯᔭᑕᐠ ᐊᔮᔨᐊᐧ: 22ᒫᑲ ᐃᐢᐱ ᓇᐊᐧᐨ ᐁ ᒪᐢᑲᐃᐧᓯᔨᐟ ᐃᐢᐱᐨ ᐃᐧᔭ ᐅᑎᐦᑎᑯᒋ, ᒥᓇ ᓵᑯᒋᐃᑯᒋ, ᒪᐢᑲᒥᐠ ᑲᐦᑭᔭᐤ ᐅ ᓂᒫᐢᑫᐧᐃᐧᐣ ᑳ ᑭ ᐊᐢᐯᔨᒧᑐᑕᕽ, ᐁᑯᓯ ᓇᓈᓂᐢᒋᑖᔨᐊᐧ ᐁ ᒪᓂᐊᐧᑖᑎᑯᐟ. 23#ᒫᕒᐠ 9:40ᐊᓇ ᐁᑳ ᑳ ᐃᐧᒉᐃᐧᐟ ᓂ ᓇᑳᐢᑲᐠ; ᐁᑯᓯ ᐊᓇ ᐁᑳ ᑳ ᐃᐧᒋ ᒫᐊᐧᒋᒋᑫᒥᐟ ᐅᓴᐢᐁᐧᐁᐧᐱᓂᑫᐤ. 24ᐃᐢᐱ ᐁᑳ ᑲ ᐯᑭᓯᐟ ᐊᐦᒑᕽ ᓀᑲᑖᒋ ᐊᔨᓯᔨᓂᐊᐧ, ᐸᐸᒧᑌᐤ ᐸᐢᑌᐊᐧᔨᕽ, ᐁᓇᓈᑐᓇᕽ ᐊᔦᐧᐱᐃᐧᐣ; ᐁᑯᓯ ᐁᑳ ᐁ ᒥᐢᑲᕽ, ᐃᑌᐧᐤ, ᓂᑭᕽ ᓂ ᑲ ᐃᓯ ᑭᐋᐧᐣ ᐃᑕ ᑳ ᑭ ᐯ ᐅᐦᒋ ᐊᐧᔭᐃᐧᔮᐣ. 25ᐁᑯᓯ ᐃᐢᐱ ᐁ ᑕᑯᓯᕽ, ᒥᐢᑲᒼ ᐁ ᑭ ᐁᐧᐸᐃᑫᐃᐧᐠ ᒥᓇ ᐁ ᐊᐧᐁᐧᓯᒋᑳᑌᔨᐠ. 26ᐁᑲᐧ ᓇᑕᐃᐧ ᐅᑎᓇᒫᓱ ᑌᐸᑯᑊ ᑯᑕᑲ ᐊᐦᒑᐦᑲᐧ, ᐊᐊᐧᓯᒣ ᐁ ᒪᒑᔨᐃᐧᔨᐟ ᐃᐢᐱᐨ ᐃᐧᔭ, ᐁᑯᓯ ᐱᐦᑐᑫᐊᐧᐠ, ᒥᓇ ᐊᔮᐊᐧᐠ ᐁᑯᑕ, ᐁᑯᓯ ᐃᐢᑳᐧᔮᓂᕽ ᑳ ᐃᓯ ᐊᔮᐟ ᐁᐊᐧᑳᐧᓇ ᓈᐯᐤ, ᐊᐊᐧᓯᒣ ᒪᔨ ᐊᔮᐤ ᐃᐢᐱ ᓂᐢᑕᒼ.
27ᑭ ᐊᔨᑭᐣ ᒫᑲ ᐃᐢᐱ ᐅᒪ ᑳ ᐊᔨᑌᐧᐟ, ᐯᔭᐠ ᐃᐢᑫᐧᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᐅᐦᒋ ᑭ ᐱᑭᐢᑫᐧᐤ ᐁ ᐃᑎᑯᐟ, ᑭᐦᒋ ᓴᐁᐧᔨᑖᑯᓯᐤ ᐊᓇ ᑳ ᑭ ᓂᐦᑖᐃᐧᑭᐃᐢᐠ ᒥᓇ ᐊᓇ ᑳ ᑭ ᓄᔨᐢᐠ. 28ᒫᑲ ᑭ ᐃᑌᐧᐤ ᐁᐦᐊ, ᓇᐊᐧᐨ ᒫᑲ ᓴᐁᐧᔨᑖᑯᓯᐊᐧᐠ ᐊᓂᑭ ᑳ ᓇᑐᑕᑭᐠ ᑭᓭᒪᓂᑐ ᐅᐟ ᐊᔭᒥᐃᐧᐣ ᐁᑯᓯ ᑳ ᑲᓇᐁᐧᔨᐦᑕᐦᑭᐠ.
29 #
ᒫᐟᔪ 16:4; ᒫᕒᐠ 8:12 ᐁᑯᓯ ᐃᐢᐱ ᐊᔨᓯᔨᓂᐊᐧ ᑳ ᒫᐊᐦᒋᐃᑐᔨᐟ, ᑭ ᒫᒋ ᐃᑌᐤ, ᐅᑭ ᑳ ᐋᓂᐢᑫ ᐱᒫᑎᓯᒋᐠ ᓇᔦᑕᐊᐧᑎᓯᐊᐧᐠ: ᓇᑐᐢᑲᒪᐧᐠ ᑭᐢᑭᓇᐊᐧᒋ ᐃᓯᐦᒋᑫᐃᐧᐣ, ᒫᑲ ᓇᒪᐃᐧᔭ ᑭᐢᑭᓇᐊᐧᒋ ᐃᓯᐦᒋᑫᐃᐧᐣ ᑭᑕ ᒥᔮᐊᐧᐠ, ᐱᑯ ᐊᓂᒪ ᐅ ᑭᐢᑭᓇᐊᐧᒋ ᐃᓯᐦᒋᑫᐃᐧᐣ ᒎᓇ. 30#ᒎᓇ 3:4ᒋᑫᒫ ᒣᐧᐦᒋ ᒎᓇ ᑳ ᑭ ᐃᓯ ᑭᐢᑭᓇᐋᐧᑌᔨᒥᑯᐟ ᓂᓂᐸ ᐊᔨᓯᔨᓂᐊᐧ, ᐁᑯᓯ ᐃᐧᐢᑕ ᐃᔨᓂᐃᐧᑯᓯᓵᐣ ᑫ ᑐᑕᐋᐧᐟ ᐅᐦᐃ ᐊᓄᐦᐨ ᑳ ᐱᒫᑎᓯᔨᐟ. 31#1 ᑭᐦᒋ ᐅᑭᒫᐊᐧᐠ 10:1-10; 2 ᐊᑭᓀ ᐋᒋᒧᐃᐧᓇ 9:1-12ᑭᐦᒋ ᐅᑭᒫᐢᑫᐧᐤ ᓵᐊᐧᓄᑖᕽ ᐅᐦᒋ ᑭᑕ ᐊᐧᓂᐢᑳᐤ ᐅᔭᓱᐁᐧᐃᐧ ᑭᓯᑳᑭ ᐊᓯᒋ ᐅᑭ ᐊᔨᓯᔨᓂᐊᐧᐠ, ᑭᑕ ᓇᓂᐳᒫᐟ: ᐃᐧᔭ ᐋᐧᔭᐁᐧᐢᑲᒥᐠ ᐁ ᑭ ᐅᐦᑐᑌᐟ ᑭᑕ ᐯᐦᑕᕽ ᐅᐟ ᐃᔨᓂᓯᐃᐧᓂᔨᐤ ᓵᓬᐅᒪᓇ; ᒋᐢᐟ ᒫᑲ, ᐊᐊᐧᓯᒣ ᐁ ᑭᐦᒑᔨᐃᐧᐟ ᐃᐢᐱᐦᐨ ᓵᓬᐅᒪᐣ ᐅᑕ ᐊᔮᐤ. 32#ᒎᓇ 3:5ᐊᔨᓯᔨᓂᐊᐧᐠ ᓂᓂᐱ ᐅᐦᒋ ᑭᑕ ᐃᐧᒋ ᐊᐧᓂᐢᑳᒣᐊᐧᐠ ᐅᐦᐃ ᐊᔨᓯᔨᓂᐊᐧ ᐅᔭᓱᐁᐧᐃᐧ ᑭᓯᑳᑭ, ᒥᓇ ᑭᑕ ᓇᓂᐳᒣᐊᐧᐠ: ᐃᐧᔭ ᐁ ᑭ ᑫᐧᐢᑳᑎᓯᒋᐠ ᐅ ᑲᑫᐢᑫᐧᐃᐧᓂᔨᐤ ᐅᐦᒋ ᒎᓇ; ᒋᐢᐟ ᒫᑲ, ᐊᐊᐧᓯᒣ ᐁ ᑭᐦᒑᔨᐃᐧᐟ ᐃᐢᐱᐦᐨ ᒎᓇ ᐅᑕ ᐊᔮᐤ.
33 #
ᒫᐟᔪ 5:15; ᒫᕒᐠ 4:21; ᓬᐅᐠ 8:16 ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ, ᐃᐢᐱ ᑳ ᓴᐢᑲᐊᑭ ᐋᐧᓴᐢᑯᑌᓂᑲᐣ, ᐋᐧᑎᑲᓂᕽ, ᐊᐦᐳ ᓯᐸ ᒪᑲᑯᕽ ᐊᐢᑖᐤ, ᒫᑲ ᐋᐧᓴᐢᑯᑌᓂᑲᓈᑎᑯᕽ, ᐊᓂᑭ ᑳ ᐱᐦᑐᑫᒋᐠ ᑭᑕ ᐋᐧᐸᐦᑕᐦᑭᐠ ᐋᐧᐢᑌᐤ. 34ᑭᐢᑭᓯᐠ ᑳ ᐅᐦᒋ ᐋᐧᐢᑌᐃᐧᓂᐊᐧᕽ ᑭᔭᐤ, ᑭᐢᐱᐣ ᒫᑲ ᑭᐢᑭᓯᐠ ᐯᔭᑫᐧᔨᒧᒪᑲᑭ, ᒥᓯᐁᐧ ᑭᔭᐃᐧᕽ ᓴᑲᐢᑭᓀᐤ ᐋᐧᐢᑌᐤ; ᒫᑲ ᐃᐢᐱ ᑭᐢᑭᓯᐠ ᓀᔦᑖᐊᐧᑭ, ᑭᔭᐤ ᓵᑲᐢᑭᓀᐤ ᐊᐧᓂᑎᐱᐢᑭᓯᐃᐧᐣ. 35ᐊᔮᑲᐧᒥᓯ ᒫᑲ ᐊᓂᒪ ᐋᐧᐢᑌᐤ ᑳ ᑭᑭᐢᑳᑯᔭᐣ ᐁᑳ ᑭᑕ ᐊᐧᓂᑎᐱᐢᑳᐠ. 36ᐁᐊᐧᑯᒋ ᒫᑲ ᑭᐢᐱᐣ ᒥᓯᐁᐧ ᑭᔭᐤ ᓵᑲᐢᑭᓀᑭ ᐋᐧᐢᑌᐤ, ᐁᑳ ᓈᓂᑕᐤ ᐁ ᐊᐧᓂᑎᐱᐢᑭᓈᑲᐧᕽ, ᑲᐦᑭᔭᐤ ᒥᑐᓂ ᑭᑕ ᐋᐧᐢᑌᐤ, ᑖᐱᐢᑯᐨ ᐋᐧᓴᐢᑯᑌᓂᑲᐣ ᑭᑭᕽ ᑳ ᐃᓯ ᐋᐧᓴᐢᑯᑌᓇᒫᑯᔭᐣ.
37ᒣᑳᐧᐨ ᒫᑲ ᐅᒪ ᐁ ᐱᑭᐢᑫᐧᐟ, ᐯᔭᐠ ᐸᕒᐊᓯᐊᐧ ᑭ ᑲᑫᐧᒋᒥᐠ ᑭᑕ ᐃᐧᒋᒥᒋᓱᒫᐟ: ᐁᑯᓯ ᑭ ᐱᐦᑐᑫᐤ, ᒥᓇ ᐁ ᑭ ᓇᐦᐊᐱᐟ ᑭᑕ ᒥᒋᓱᐟ. 38ᐃᐢᐱ ᒫᑲ ᐊᓇ ᐸᕒᐊᓯ ᐃᔮᐸᑕᕽ, ᑭ ᒫᒪᐢᑳᑕᒼ ᐁᑳ ᐁ ᑭ ᑳᓯᒋᐦᒉᔨᐟ ᐁ ᒪᐧᔦ ᒥᒋᓱᔨᐟ: 39ᐁᑯᓯ ᑳ ᑎᐯᔨᐦᒋᑫᐟ ᑭ ᐃᑌᐤ, ᑭᔭᐋᐧᐤ ᐸᕒᐊᓯᐊᐧ ᑭ ᑲᓯᔮᐱᐢᑲᐁᐧᓈᐋᐧᐤ ᒥᓂᑲᐧᑲᓂᐢ ᒥᓇ ᐅᔮᑲᐣ ᐊᐧᔭᐃᐧᑎᒫᔨᕽ; ᒫᑲ ᐃᐧᔭ ᐱᒑᔨᕽ ᑭ ᓵᑲᐢᑭᓈᓈᐋᐧᐤ ᒪᐢᑲᑌᐧᐃᐧᐣ ᒥᓇ ᒪᒑᑎᓯᐃᐧᐣ. 40ᑲᑫᐹᑎᓴᐠ, ᓇᒪ ᒋ ᐊᓇ ᑳ ᑭ ᐅᓯᑖᐟ ᐊᐧᔭᐃᐧᑎᒫᔨᕽ, ᑭ ᐅᓯᑖᐤ ᐊᓯᒋ ᐱᒑᔨᕽ ᐊᓂᒪ ᑳ ᐊᔭᐠ. 41ᒫᑲ ᔮᔭᐤ ᒣᑭᐠ ᒣᑭᐃᐧᓇ ᐊᓂᐦᐃ ᐅᐦᒋ ᐱᒑᔨᕽ ᑳ ᐊᔮᑭ; ᐁᑯᓯ ᒫᑎᑲ ᑲᐦᑭᔭᐤ ᑫᑲᐧᔭ ᐯᑲᓇᐧ ᑭᔭᐋᐧᐤ ᐅᐦᒋ. 42#ᓬᐃᐱᑎᑲᐢ 27:30ᒫᑲ ᑭ ᑲᑲᐧᑕᑭᓯᓈᐋᐧᐤ ᑭᔭᐋᐧᐤ ᐸᕒᐊᓯᐊᐧᐠ ᒋᑫᒫ ᑭ ᐸᑭᑎᓈᓱᓈᐋᐧᐤ, ᐯᔭᐠ ᐁ ᑭ ᒥᑖᑕᑐᑖᕽ ᒥᐣᐟ ᒥᓇ ᕒᐅ ᒥᓇ ᑲᐦᑭᔭᐤ ᑭᐢᑎᑳᓂᓴ, ᐁᑯᓯ ᐃᐧᔭ ᐁᑳ ᐁ ᓈᑲᑐᑫᔦᐠ ᐅᔭᓱᐁᐧᐃᐧᐣ ᒥᓇ ᐅ ᓵᑭᐦᐃᐁᐧᐃᐧᐣ ᑭᓭᒪᓂᑐ: ᒫᑲ ᐅᐦᐃ ᑭᑕ ᑭ ᑐᑕᒣᐠ ᒥᓇ ᐊᓂᒪ ᑯᑕᐠ ᓇᒪᐃᐧᔭ ᑭᑕ ᐁᑳ ᐃᑐᑕᒣᐠ. 43ᑭ ᑲᑳᐧᑕᑭᓯᓈᐋᐧᐤ ᒫᑲ ᑭᔭᐋᐧᐤ ᐹᕒᐊᓯᐊᐧᐠ! ᒋᑫᒫ ᑭ ᓵᑭᐦᑖᓈᐋᐧᐤ ᐁ ᓂᑳᓇᐢᑌᑭ ᐊᐱᐃᐧᓇ ᐊᔭᒥᐦᐁᐃᐧᑲᒥᑯᕽ, ᒥᓇ ᐊᑕᒥᐢᑳᑐᐃᐧᓇ ᐊᑖᑐᐃᐧᓂᕽ. 44ᑭ ᑲᑳᐧᑕᑭᓯᓈᐋᐧᐤ, ᒋᑫᒫ ᑖᐱᐢᑯᐨ ᔨᑲᐧᐦᐊᐢᑳᓇ ᐁᑳ ᑳ ᓄᑲᐧᑭ ᑭᐟ ᐃᑌᔨᑖᑯᓯᓈᐋᐧᐤ, ᐁᑯᓯ ᐊᔨᓯᔨᓂᐊᐧᐠ ᐋᑕ ᑕᑯᐦᐨ ᐯᒧᑌᑖᐧᐃᐧ ᓇᒪᐃᐧᔭ ᑭᐢᑫᔨᑕᒪᐧᐠ.
45ᐯᔭᐠ ᒫᑲ ᐅᔭᓱᐁᐧᐃᐧᔨᓂᐊᐧ ᑭ ᓇᐢᑫᐧᐊᐧᓯᒥᐠ ᐅᒥᓯ ᐁ ᐃᑎᑯᐟ, ᐅᑭᐢᑭᓄᐦᐊᒫᑫᐤ ᐅᒪ ᑳ ᐃᑌᐧᔭᐣ, ᓂᐢᑕᓈᐣ ᑭᐟ ᐋᓀᐧᔨᒥᓈᐣ. 46ᐁᑯᓯ ᒫᑲ ᑭ ᐃᑌᐧᐤ, ᑭ ᑲᑲᐧᑕᑭᓯᓈᐋᐧᐤ ᑭᐢᑕᐋᐧᐤ ᐅᔭᓱᐁᐧᐃᐧᔨᓂᑎᐠ; ᒋᑫᒫ ᑭ ᓇᔭᑕᐋᐋᐧᐊᐧᐠ ᐊᔨᓯᔨᓂᐊᐧᐠ ᓇᔭᒋᑳᓇ ᐁ ᐋᔨᒪᑭ ᑭᑕ ᓇᔭᑕᒥᕽ, ᒫᑲ ᑭᔭᐋᐧᐤ ᓇᒪᐊᐧᐊᐧᐨ ᑲᓇᑫ ᐯᔭᐠ ᑭᒋᐦᒋᐋᐧᐤ ᑯᐦᒋ ᓵᒥᓀᓈᐋᐧᐤ ᐊᓂᐦᐃ ᓇᔭᒋᑲᓇ. 47ᑭ ᑲᑳᐧᑕᑭᓯᓈᐋᐧᐤ! ᒋᑫᒫ ᑯᓯᑖᐋᐧᓈᐋᐧᐤ ᐅ ᓇᐃᓂᑯᐃᐧᑲᒥᑯᐋᐧᐊᐧ ᐅᑭᐢᑭᐁᐧᐦᐃᑫᐊᐧᐠ ᑯᑕᐃᐧᐋᐧᐊᐧᐠ ᒫᑲ ᐁ ᑭ ᓂᐸᐦᐋᒋᐠ. 48ᑖᐯᐧ ᐊᓂ ᑭᐟ ᐋᒋᒥᓱᓈᐋᐧᐤ ᐁ ᓇᐢᑯᑕᒣᐧᐠ ᐅᐟ ᐃᑐᑕᒧᐃᐧᓂᐋᐧᐊᐧ ᑯᑖᐃᐧᐋᐧᐊᐧᐠ: ᐃᐧᔭ ᑖᐯᐧ ᐁ ᑭ ᓂᐸᐦᐋᒋᐠ, ᐁᑯᓯ ᒫᑲ ᑭᔭᐋᐧᐤ ᐁ ᐅᓯᑖᐋᐧᔦᐠ ᐅ ᓇᐃᓂᑯᐃᐧᑲᒥᑯᐊᐧᐊᐧ. 49ᐁᐊᐧᑯ ᒫᑲ ᒥᓇ ᐅᐦᒋ ᑳ ᐃᑌᐧᒪᑲᓂᔨᐠ ᐅᐟ ᐃᔨᓂᓯᐃᐧᐣ ᑭᓭᒪᓂᑐ, ᓂ ᑳ ᐃᓯᑎᓴᐦᐊᒪᐋᐧᐊᐧᐠ ᐅᑭᐢᑭᐁᐧᐦᐃᑫᐊᐧ ᒥᓇ ᐃᓯᑎᓴᐋᐧᑲᓇ: ᐁᑯᓯ ᐊᑎᐦᐟ ᑭᑕ ᓂᐸᐁᐊᐧᐠ ᒥᓇ ᑭᑕ ᑲᑲᐧᑕᑭᐁᐊᐧᐠ: 50ᐅ ᒥᐦᑯᐋᐧᐤ ᑲᐦᑭᔭᐤ ᐅᑭᐢᑭᐁᐧᐦᐃᑫᐊᐧᐠ, ᐊᓂᒪ ᑳ ᑭ ᓯᑭᓂᑳᑌᐠ ᐊᐢᐱᐣ ᑳ ᑭᐢᑕᐢᑌᐠ ᐊᐢᑭ, ᑭᑕ ᓇᑕᐁᐧᔨᑕᒫᒋᐠ ᐅᑭ ᐊᓄᐦᐨ ᑳ ᐱᒫᑎᓯᒋᐠ; 51#ᒉᓂᓯᐢ 4:8; 2 ᐊᑭᓀ ᐋᒋᒧᐃᐧᓇ 24:20,21ᐅᒥᕽ ᐅᐦᒋ ᐁᐱᓬ ᐱᔨᐢ ᐅᒥᕽ ᓵᑲᕒᐋᔭᐢ, ᐊᓇ ᑳ ᑭ ᓂᐱᐟ ᑕᐢᑕᐊᐧᔨᕽ ᐸᑭᑎᓈᓱᐃᐧᓈᐱᐢᑯᕽ ᒥᓇ ᐊᔭᒥᐦᐁᐃᐧᑲᒥᑯᕽ; ᑖᐯᐧ ᑭᐟ ᐃᑎᓈᐋᐧᐤ, ᑭᑕ ᓇᑕᐁᐧᔨᑕᒪᐋᐧᐊᐧᐠ ᐅᑭ ᐊᔨᓯᔨᓂᐊᐧᐠ, 52ᑭ ᑲᑲᐧᑕᑭᓯᓈᐋᐧᐤ ᑭᔭᐋᐧᐤ ᐅᔭᓱᐁᐧᐃᐧᔨᓂᑎᐠ: ᒋᑫᒫ ᑭ ᑭ ᐅᑎᓀᓈᐋᐧᐤ ᑭᐢᑫᔨᑕᒧᐃᐧ ᐊᐱᑕᑲᐃᑲᐣ: ᓇᒪᐃᐧᔭ ᑭᔭᐋᐧᐤ ᑭ ᐱᑐᑳᓈᐋᐧᐤ, ᐁᑯᓯ ᐊᓂᑭ ᑳ ᐃᐧ ᐱᐦᑐᑫᒋᐠ ᑭ ᑭᐱᐢᑲᐋᐧᐋᐧᐊᐧᐠ.
53ᐃᐢᐱ ᒫᑲ ᐁᑯᑕ ᑳ ᐯ ᐅᐦᒋ ᐊᐧᔭᐃᐧᐟ ᒪᓯᓇᐦᐃᑫᐃᐧᔨᓂᐊᐧ ᐊᓯᒋ ᐹᕒᐊᓯᐊᐧ ᓇᐢᐱᐨ ᒥᐢᑕᐦᐃ ᑭ ᓯᑭᐢᑲᐠ, ᐁ ᐋᔮᓯᑌᒥᑯᐟ, ᒥᐦᒉᐟ ᑫᑲᐧᔭ ᑭᑕ ᑕᓯᑕᒪᐋᐧᐟ. 54ᐁ ᐊᐢᐊᐧᐅᑯᐟ, ᐁ ᐃᐧ ᑲᑫᐧ ᑳᒋᑎᓇᒥᔨᐟ ᑫᑲᐧᐩ ᐅᑐᓂᕽ ᐅᐦᒋ.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This Bible text is a corrected edition of the 1908 Western Cree Bible; it is in the public domain.