ᓭᐣᐟ ᓬᐅᐠ 8
8
1ᐁᑯᓯ ᐃᐧᐸᐨ ᑭ ᐊᑎ ᐅᑎᐦᒋᐸᔨᐤ, ᐁ ᑭ ᐸᐸᒧᑌᐟ ᐅᑌᓈᕽ ᒥᓇ ᑭᐢᑕᐱᓈᓂᕽ, ᐁ ᑲᑫᐢᑫᐧᐟ ᒥᓇ ᐁ ᐊᐧᐸᑎᐃᐁᐧᐟ ᐁ ᐃᓯ ᒥᔪ ᐊᑐᑖᑲᐧᓂᔨᐠ ᐅᐟ ᐅᑌᓇᐃᐧᐃᐧᓂᔨᐤ ᑭᓭᒪᓂᑐᐊᐧ, ᒥᓇ ᐊᓂᐦᐃ ᒥᑖᑕᐟ ᓂᓱᓵᑊ ᐁ ᑭ ᐃᐧᒉᐃᐧᑯᐟ. 2#ᒫᐟᔪ 27:55,56; ᒫᕒᐠ 15:40,41; ᓬᐅᐠ 23:49ᐋᑎᐦᐟ ᒫᑲ ᐃᐢᑫᐧᐊᐧᐠ ᐁ ᑭ ᐃᔨᓂᑲᐃᐦᒋᐠ ᒪᒋ ᐊᐦᒑᐦᑲᐧ ᐅᐦᒋ ᒥᓇ ᐋᑯᓯᐃᐧᓇ, ᒣᕒᐃ ᒪᐠᑕᓬᐃᐣ ᑳ ᑭ ᐃᓯᔨᐦᑳᑎᐟ, ᐃᐧᔭ ᐅᐦᒋ ᑌᐸᑰᑊ ᒪᒋ ᐊᐦᒑᐦᑲᐧ ᑳ ᑭ ᐊᐧᔭᐃᐧᔨᐟ. 3ᒥᓇ ᒍᐋᓇ ᐃᐧᐊᐧ ᑯᓴ, ᐁᕒᐊᐟ ᐅᐟ ᐊᑐᐢᑫᔮᑲᓇ, ᒥᓇ ᓱᓴᓇ ᐊᓯᒋ ᒥᐦᒉᐟ ᑯᑕᑲᐠ ᑳ ᐸᒥᐦᐋᒋᐠ ᐃᐧᔭᐋᐧᐤ ᐅᐦᒋ ᑫᑲᐧᐩ ᐁ ᐊᔮᒋᐠ.
4ᐁᑯᓯ ᐃᐢᐱ ᒥᓴᐦᒋ ᐊᔨᓯᔨᓂᐊᐧ ᑳ ᒫᐊᐧᓴᑯᔨᐟ ᒥᓇ ᑳ ᐯ ᐅᑎᐦᑎᑯᐟ ᑳ ᐃᑕᑎᓂᔨᐠ ᐅᑌᓇᐤ ᐅᐦᒋ, ᑭ ᑭᑐᑌᐤ ᐋᐁᐧᒋᑲᐣ ᐁ ᐋᐸᒋᑖᐟ. 5ᑭᐢᑎᑫᐃᐧᔨᓂᐤ ᑭ ᓇᑕᐃᐧ ᑭᐢᑎᑲᑕᒼ ᐅ ᑭᐢᑎᑲᓂᓴ, ᐁᑯᓯ ᐁ ᐊᑎ ᑭᐢᑎᑫᐟ, ᐊᑎᐦᐟ ᓯᓱᓀ ᒣᐢᑲᓇᕽ ᑭ ᐸᑭᑎᓂᔨᐊᐧ, ᐁᑯᓯ ᑭ ᑕᑯᐢᑲᒋᑳᑌᐊᐧ ᒥᓇ ᐱᔦᓯᓴᐠ ᐃᐢᐱᒥᕽ ᑳ ᐊᔮᒋᐠ ᑭ ᑭᑖᐊᐧᐠ. 6ᒥᓇ ᑯᑕᑲ ᑭ ᐸᑭᑎᓇᐧ ᐊᓯᓂᕽ, ᐁᑯᓯ ᒪᔭᐤ ᐁ ᐅᐱᑭᕽ, ᑭ ᓂᐳᐃᐧᑲᑌᐤ ᐃᐧᔭ ᐁᑳ ᐁ ᑭ ᒥᔨᒪᐊᐧᒑᐠ. 7ᒥᓇ ᑯᑕᑲ ᑭ ᐸᑭᑎᓇᐧ ᐅᑳᐃᐧᒥᓇᑲᓯᐢᑳᕽ, ᐁᑯᓯ ᐅᑳᐃᐧᒥᓇᑲᓯᔭ ᑭ ᐊᓯᒋ ᐅᐱᑭᐊᐧ, ᐁ ᑭ ᑭᐱᐢᑲᒧᒪᑲᑭ ᒫᑲ. 8ᑯᑕᑲ ᒫᑲ ᑭ ᐸᑭᑎᓇᐧ ᐃᑕ ᐁ ᒥᔮᐧᓯᐠ ᐊᐢᑭ, ᒥᓇ ᐁ ᑭ ᓂᐦᑖᐃᐧᑭᑭ ᐁ ᑭ ᔭᐦᑭ ᒥᓂᓯᐊᐧᑭ ᒥᑖᑕᐦᑐᒥᑕᓇᐤ ᐃᔨᑯᕽ. ᐅᐦᐃ ᑳ ᐃᑌᐧᐟ, ᑭ ᑌᐯᐧᐤ, ᐊᓇ ᑳ ᐅᑕᐊᐧᑳᐟ ᑭᑕ ᐯᐦᑕᕽ ᑭᔮᒼ ᑭᑕ ᐯᑕᒼ.
9ᐁᑯᓯ ᐅ ᑭᐢᑭᓄᐦᐊᒪᐋᐧᑲᓇ ᑭ ᑲᑫᐧᒋᒥᐠ ᐁ ᐃᑌᐧᔨᐟ, ᑫᑲᐧᐩ ᐅᒪ ᐋᐁᐧᒋᑲᐣ? 10#ᐊᐩᓵᔭ 6:9ᑭ ᐃᑌᐧᐤ ᒫᑲ, ᑭᔭᐋᐧᐤ ᑭ ᒥᔨᑲᐃᐧᓈᐋᐧᐤ ᑭᑕ ᑭᐢᑫᔨᑕᒣᐠ ᐁ ᐃᓯ ᒫᒪᐢᑳᑌᔨᑖᑲᐧᕽ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ: ᒫᑲ ᐃᐧᔭ ᑯᑕᑲᐠ ᐋᐁᐧᒋᑲᓂᕽ, ᐁ ᐃᑖᐱᒋᐠ ᐊᑕ, ᐁᑳ ᑭᑕ ᐋᐧᐸᐦᑕᐦᑭᐠ, ᒥᓇ ᐊᑕ ᐁ ᐅ ᐯᑕᒧᐃᐧᓂᒋᐠ ᐁᑳ ᑭᑕ ᓂᓯᑐᐦᑕᐦᑭᐠ.
11ᐁᑲᐧ ᒫᑲ ᐁᐊᐧᑯᒪ ᐋᐁᐧᒋᑲᐣ, ᑭᐢᑎᑳᓂᓴ ᐁᐊᐧᑯ ᐅᐟ ᐊᔭᒥᐃᐧᐣ ᑭᓭᒪᓂᑐ. 12ᐁᑯᓯ ᐊᓂᐦᐃ ᓯᓱᓀ ᒣᐢᑲᓇᕽ ᐁᐊᐧᑲᐧᓂᐠ ᑳ ᑭ ᐯᐦᑕᐦᑭᐠ; ᐁᑯᓯ ᐯ ᐃᑐᐦᑌᐤ ᒪᒑᔭ, ᒥᓇ ᓯᐯᐧᑕᑖᐤ ᐊᔭᒥᐃᐧᐣ ᐅᑌᐃᐋᐧᕽ ᐅᐦᒋ, ᐁᑳ ᑭᑕ ᑖᐯᐧᑕᐦᑭᐠ ᒥᓇ ᑭᑕ ᐱᒫᑎᓯᒋᐠ. 13ᐁᑯᓯ ᐊᓂᑭ ᐊᓯᓂᕽ ᐁᐊᐧᑲᐧᓂᐠ, ᐃᐢᐱ ᑳ ᐯᑕᑲᐧᐃᐧ, ᐅᑎᓇᒪᐧᐠ ᐊᔭᒥᐃᐧᐣ ᒥᔭᐋᐧᑕᒧᐃᐧᓂᕽ; ᒫᑲ ᐁᑳ ᐁ ᑭ ᐅᒉᐱᑭᐃᐧᒋᐠ, ᐁᐊᐧᑲᐧᓂᐠ ᐊᒋᔭᐤ ᑖᐯᐧᑕᒪᐧᐠ, ᒫᑲ ᑯᑌᔨᒥᑯᐃᐧᐣ ᐁᐧᑎᑎᑯᑖᐧᐃᐧ ᐸᐦᑭᓯᓇᐧᐠ. 14ᐁᑯᓯ ᐊᓂᐦᐃ ᐅᑲᐃᐧᒥᓇᑲᓯᐢᑳᕽ ᑳ ᑭ ᐸᑭᑎᑭ, ᐁᐊᐧᑲᐧᓂᐠ ᐊᓂᑭ ᑳ ᐯᐦᑕᐦᑭᐠ, ᐁᑯᓯ ᐁᑎ ᓯᐯᐧᑌᑖᐧᐃᐧ ᑭᐱᐢᑲᒧᒪᑲᓂᔨᐤ ᒥᑯᐢᑳᑌᔨᑕᒧᐃᐧᓇ ᐊᓯᒋ ᐁᐧᔪᑎᓯᐃᐧᓇ ᒥᓇ ᐅᒪ ᐱᒫᑎᓯᐃᐧᐣ ᑳ ᐃᓯ ᒥᐁᐧᔨᑕᒥᐃᐁᐧᐠ, ᐁᑯᓯ ᓇᒪᐃᐧᔭ ᑫᑲᐧᐩ ᐁ ᒥᔮᐧᓯᐠ ᐁᑯᑕ ᐅᐦᒋ ᐅᐱᑭᐣ. 15ᒫᑲ ᐊᓂᒪ ᐁ ᒥᔮᐧᓯ ᐊᐢᑭᕽ ᑳ ᐸᑭᑎᑭ, ᐁᐊᐧᑲᐧᓂᐠ ᐊᓂᑭ ᑖᐯᐧ ᒥᓇ ᒥᔪ ᒥᑌᐃᕽ ᐁ ᐯᐦᑕᐦᑭᐠ ᐊᔭᒥᐃᐧᐣ ᐋᔨᒋ ᒥᒋᒥᓇᒪᐧᐠ, ᒥᓇ ᐅᐱᑭᑖᐊᐧᐠ ᒥᓂᓴ ᓴᓯᐯᔨᑕᒧᐃᐧᓂᕽ.
16 #
ᒫᐟᔪ 5:15; ᓬᐅᐠ 11:33 ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ, ᐃᐢᐱ ᑳ ᓴᐢᑲᐊᑭ ᐊᐧᓴᐢᑯᑌᓂᑲᐣ, ᐊᑲᐧᓇᐦᐊᒼ ᐊᓯᐊᐧᒋᑲᐣ ᐅᐦᒋ, ᐊᐁᐧᑳ ᓯᐸ ᓂᐯᐃᐧᓂᕽ ᐊᐢᑖᐤ; ᒫᑲ ᐋᐧᓴᐢᑯᑌᓂᑲᓈᐱᐢᑯᕽ ᐊᐢᑖᐤ, ᐊᓂᑭ ᑳ ᐱᐦᑐᑫᒋᐠ ᑭᑕ ᑭ ᐋᐧᐸᐦᑕᐦᑭᐠ ᐁ ᐊᐧᐢᑌᔨᐠ. 17#ᒫᐟᔪ 10:26; ᓬᐅᐠ 12:2ᒋᑫᒫ ᓇᒪ ᑫᑲᐧᐩ ᑳᒋᑳᑌᐤ, ᐁᑳ ᑭᑕ ᑭᐢᑫᔨᑖᑯᑖᕽ; ᒥᓇ ᓇᒪ ᑫᑲᐧᐩ ᑭᒧᒋ ᐊᔮᐤ, ᐁᑳ ᑭᑕ ᑭᐢᑫᔨᒋᑳᑌᐠ ᐊᐦᐳ ᑭᑕ ᐸᔭᑌᓈᑲᐧᕽ. 18#ᒫᐟᔪ 25:29; ᓬᐅᐠ 19:26ᐊᔭᑲᐧᒥᓯᐠ ᒫᑲ ᑖᓂᓯ ᐁ ᐃᓯ ᓇᑐᑕᒣᐠ: ᐃᐧᔭ ᐊᓇ ᑳ ᐊᔭᐟ, ᑭᑕ ᒥᔮᐤ; ᒫᑲ ᐊᓇ ᐁᑳ ᑳ ᐊᔮᐟ, ᑭᑕ ᒪᐢᑲᒪᐤ ᐊᓂᒪ ᓂᐟ ᐊᔮᐣ ᑳ ᐃᑌᔨᑕᕽ.
19ᐁᑯᐢᐱ ᒫᑲ ᑭ ᐅᑎᐦᑎᐠ ᐅᑳᐃᐧᔭ ᐊᓯᒋ ᐅᒋᐋᐧᒪ, ᒫᑲ ᓇᒪᐃᐧᔭ ᑭ ᑲᐢᑭᑕᔨᐊᐧ ᑭᑕ ᐅᑎᐦᑎᑯᐟ, ᐅᓵᒼ ᐁ ᓯᑎᐢᑯᑕᑐᐃᐧᐟ. 20ᐁᑯᓯ ᑭ ᐃᐧᐦᑕᒪᐋᐧᐤ, ᑭ ᑳᐃᐧ ᐊᓯᒋ ᑭᒋᐋᐧᒪᐠ ᓂᐸᐃᐧᐊᐧᐠ ᐊᐧᔭᐃᐧᑎᒥᕽ, ᐁ ᐃᐧ ᐋᐧᐸᒥᐢᑭᐠ. 21ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᓂᑳᐃᐧ ᒥᓇ ᓂᒋᐋᐧᒪᐠ ᐁᐊᐧᑲᐧᓂᐠ ᐅᑭ ᑳ ᐯᐦᑕᐦᑭᐠ ᐅᐟ ᐊᔭᒥᐃᐧᓂᔨᐤ ᑭᓭᒪᓂᑐᐊᐧ ᒥᓇ ᑳ ᐃᑐᑕᐦᑭᐠ.
22ᑭ ᐊᔨᑭᐣ ᒫᑲ ᓂᑯᑖᐧ ᐁ ᑭᓯᑳᐠ, ᑭ ᐳᓯᐤ ᒋᒫᓂᕽ, ᐃᐧᔭ ᐊᓯᒋ ᐅ ᑭᐢᑭᓄᐦᐊᒪᐋᐧᑲᓇ; ᐁᑯᓯ ᑭ ᐃᑌᐤ, ᐋᓱᐊᐊᑖᐠ ᓵᑲᐦᐃᑲᐣ; ᐁᑯᓯ ᒫᑲ ᑭ ᓂᒥᑖᐊᐧᐊᒪᐧᐠ. 23ᒫᑲ ᒣᑳᐧᐨ ᐁ ᐱᒫᓯᒋᐠ, ᑭ ᐊᑎ ᓂᐹᐤ, ᐁᑯᓯ ᑭ ᐸᑲᒥᐸᔨᐤ ᐁ ᑯᐢᑖᒥᑲᐧᕽ ᐁ ᔪᑎᕽ ᓵᑲᐦᐃᑲᓂᕽ; ᑭ ᐊᑎ ᓵᑲᐢᑭᓀᐸᔨᐤ ᒫᑲ ᓂᐱ, ᐁᑯᓯ ᑭ ᑲᑫᐧᐢᐸᓈᒋ ᐊᔮᐊᐧᐠ. 24ᑭ ᐯ ᓈᑌᐊᐧᐠ ᒫᑲ ᐁ ᑭ ᑯᐢᑯᓈᒋᐠ, ᐁ ᐃᑌᐧᒋᐠ, ᐅᑭᐢᑭᓄᐦᐊᒫᑫᐤ, ᐅᑭᐢᑭᓄᐦᐊᒫᑫᐤ, ᑭ ᓂᓯᐊᐧᓈᑎᓯᓈᓇᐤ. ᐁᑯᓯ ᑭ ᑯᐢᑯᐢᑳᐤ, ᐁ ᑭ ᑭᑐᑕᕽ ᒫᑲ ᐁ ᔪᑎᓂᔨᐠ, ᒥᓇ ᑳ ᐃᓯ ᑯᐢᑕᒥᑲᐧᕽ ᓂᐱ: ᐁᑯᓯ ᑭ ᑭᐱᒋᐸᔨᐊᐧ ᒥᓇ ᑭ ᐊᔮᐧᐢᑎᐣ. 25ᐁᑯᓯ ᑭ ᐃᑌᐤ, ᑖᓂᐁᐧ ᑭ ᑖᐯᐧᔦᔨᑕᒧᐃᐧᓂᐋᐧᐤ? ᐁ ᓭᑭᓯᒋᐠ ᒫᑲ ᑭ ᒫᒪᐢᑳᑕᒪᐧᐠ, ᐁ ᐃᑎᑐᒋᐠ, ᑫᑯ ᐊᔨᓯᔨᓂᐤ ᐊᐊᐧ? ᒋᑫᒫ ᐅᔭᓱᐋᐧᑕᒼ ᐊᐦᐳ ᔪᑎᓇᐧ ᒥᓇ ᓂᐱ, ᐁᑯᓯ ᓇᓇᐃᑕᐠ:
26ᑭ ᑕᑯᓯᓇᐧᐠ ᒫᑲ ᐅᐟ ᐊᐢᑭᔨᕽ ᑫᕒᐊᓯᓇ, ᐊᐊᐧᓯᑌ ᑳᓬᐊᓬᐃᕽ ᑳ ᑭ ᐃᑕᑯᐠ. 27ᐁᑯᓯ ᐃᐢᐱ ᑳ ᑲᐹᐟ ᑭ ᓇᑭᐢᑳᐠ ᐯᔭᐠ ᓈᐯᐊᐧ ᐅᑌᓈᕽ ᐅᐦᒋ, ᐁ ᑭ ᐊᔮᐋᐧᔨᐠ ᒪᒋ ᐊᐦᒑᐦᑲᐧ, ᑲᔮᐢ ᐅᐦᒋ ᐁᑳ ᐁ ᑭᑭᐢᑲᕽ ᐊᔪᐃᐧᓂᓴ, ᒥᓇ ᐁᑳ ᐁ ᐊᔮᐟ ᐋᐧᐢᑲᐃᑲᓂᕽ, ᒫᑲ ᓇᐦᐃᓂᑐᐃᐧᑲᒥᑯᕽ. 28ᐁᑯᓯ ᐃᐢᐱ ᒋᓴᓴ ᐃᐧᔮᐸᒫᐟ, ᑭ ᒪᐃᐧᒧᑫᐤ, ᒥᓇ ᐁ ᑭ ᐸᐦᑭᓯᕽ ᐅᐟ ᐃᑕᐢᑕᒥᐃᐧᓂᔨᐠ, ᓱᑭ ᒫᑲ ᐁ ᐯᐦᑖᑯᓯᐟ, ᑭ ᐃᑌᐧᐤ, ᑫᑲᐧᐩ ᓂᔭ ᑫᓇᐋᐧᐸᒥᑯᔮᐣ ᑭᔭ ᐅᐦᒋ ᒋᓴᐢ ᑭᔭ ᑳ ᐅᑯᓯᓯᒥᐢᐠ ᒫᐊᐧᒋ ᑳ ᑭᒑᔨᐃᐧᐟ ᑭᓭᒪᓂᑐ? ᑭ ᒪᐃᐧᒧᐢᑖᑎᐣ ᐁᑳ ᑭᑕ ᑲᑲᐧᑕᑭᐃᔭᐣ. 29ᒋᑫᒫ ᑭ ᐃᑕᓱᐋᐧᑌᐤ ᒪᒋ ᐊᐦᒑᐦᑲᐧ ᑭᑕ ᐊᐧᔭᐃᐧᔨᐟ ᐊᓂᐦᐃ ᓈᐯᐊᐧ ᐅᐦᒋ. ᐊᔨᐢ ᒥᐦᒉᑖᐧᐤ ᑭ ᐅᑎᑎᓂᐠ, ᐁᑯᓯ ᐁ ᑲᓇᐁᐧᔨᒥᐟ ᐁᒪᒪᒋᑲᐧᐱᑎᐟ ᐱᐊᐧᐱᐢᑲᐧ ᒥᓇ ᒪᒫᒋᑲᐧᐱᐢᑲᐃᑲᓇ ᐅᐦᒋ; ᑭ ᐸᐸᐢᑭᐱᑕᒼ ᒫᑲ ᑕᑯᐱᒋᑲᓇ, ᐁᑯᓯ ᒪᒋ ᐊᐦᒑᐦᑲᐧ ᐱᑲᐧᑕᐢᑭᕽ ᑭ ᐃᑎᓴᐦᐅᐠ. 30ᐁᑯᓯ ᒋᓴᐢ ᑭ ᑲᑫᐧᒋᒣᐤ, ᑖᓂᓯ ᐁᓯᔨᑳᓱᔭᐣ? ᐁᑯᓯ ᑭ ᐃᑌᐤ, ᓬᐃᒐᐣ; ᐃᐧᔭ ᒥᐦᒉᐟ ᒪᒋ ᐊᐦᒑᐦᑲᐧ ᐁ ᑭᑭᐢᑳᑯᐟ. 31ᑭ ᑳᑭᓯᒧᑐᑖᐠ ᒫᑲ ᐁᑳ ᑭᑕ ᐃᑕᓱᐋᐧᑖᐟ ᑎᒥᕽ ᑭᑕ ᐃᑐᐦᑌᔨᐟ. 32ᐁᑯᑕ ᒫᑲ ᐅᐟ ᐊᔭᑖᐋᐧᐤ ᒥᐦᒉᐟ ᑯᐦᑯᓴᐠ ᐊᐧᒋᕽ ᐁ ᒪᒥᒋᓱᒋᐠ; ᑭ ᑳᑭᓯᒧᑐᑖᐠ ᒫᑲ ᑭᑕ ᐸᑭᑎᓇᒪᐊᐧᐟ ᑭᑕ ᐱᒋᔭᐁᐧᐢᑲᐊᐧᔨᐟ, ᐁᑯᓯ ᑭ ᐸᑭᑎᓇᒪᐁᐧᐤ. 33ᐁᑯᓯ ᒪᒋ ᐊᐦᒑᐦᑲᐧᐠ ᑭ ᓇᑲᑌᐊᐧᐠ ᐊᓂᐦᐃ ᓈᐯᐊᐧ, ᐁᑯᓯ ᐁ ᑭ ᐱᒋᔭᐁᐧᐢᑲᐋᐧᒋᐠ ᑯᐦᑯᓴ: ᑲᐦᑭᔭᐤ ᒫᑲ ᐁ ᐊᓭᔭᑎᒋᐠ ᑯᐦᑯᓴᐠ ᑭ ᓂᑕᒋᐁᐧᐸᑖᐊᐧᐠ ᐃᑕ ᐁ ᑭᐢᑲᑎᓈᔨᐟ ᓵᑲᐦᐃᑲᓂᕽ ᐃᓯ, ᐁᑯᓯ ᐁ ᑭ ᓂᐢᑖᐸᐁᐧᒋᐠ. 34ᐃᐢᐱ ᒫᑲ ᐊᓂᑭ ᑳ ᐊᓴᒫᒋᐠ ᑳ ᐋᐧᐸᐦᑕᐦᑭᐠ ᑖᓂᓯ ᐁ ᐃᐢᐸᔨᔨᐠ, ᑭ ᑕᐸᓯᐊᐧᐠ, ᐁᑯᓯ ᐁ ᑭ ᐋᑐᑕᑭᐠ ᐅᑌᓈᕽ ᒥᓇ ᐁᑯᑕ ᐊᐢᑭᕽ. 35ᐁᑯᓯ ᑭ ᓇᑕᐃᐧ ᐋᐧᐸᐦᑕᒪᐧᐠ ᑖᓂᓯ ᑳ ᐃᐢᐸᔨᔨᐠ; ᑭ ᐯ ᐅᑎᑌᐊᐧᐠ ᒫᑲ ᒋᓴᓴ, ᐁ ᑭ ᒥᐢᑲᐋᐧᒋᐠ ᒫᑲ ᓈᐯᐊᐧ, ᒪᒋ ᐊᐦᒑᐦᑲᐧ ᑳ ᑭ ᑭᑭᐢᑳᑯᔨᐟ, ᐁ ᑭᑲᔪᐃᐧᓂᓭᔨᐟ ᒥᓇ ᑲᐧᔭᐢᐠ ᐁ ᐃᓯ ᒫᒥᑐᓀᔨᑕᒥᔨᐟ, ᐁ ᐊᐱᔨᐟ ᐅᓯᑎᔨᕽ ᒋᓴᓴ: ᑭ ᓭᑭᓯᐊᐧᐠ ᒫᑲ. 36ᐊᓂᑭ ᒥᓇ ᑳ ᑭ ᐋᐧᐸᐦᑕᐦᑭᐠ, ᑭ ᐃᐧᐦᑕᒪᐁᐧᐊᐧᐠ ᑖᓂᓯ ᐊᓂᐦᐃ ᑳ ᑭ ᑭᑭᐢᑳᑯᔨᐟ ᒪᒋ ᐊᐦᒑᐦᑲᐧ, ᑳ ᐃᓯ ᒥᔪ ᐋᔭᔨᐟ.
37ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᐊᔮᒋᐠ ᐊᐧᐢᑲ ᐊᔨᕽ ᐅᐟ ᐊᐢᑭᐋᐧᐤ ᑫᕒᐊᓯᓇᐠ, ᑭ ᑲᑫᐧᒋᒣᐊᐧᐠ ᑭᑕ ᓇᑲᑖᐟ ᒋᑫᒫ ᑭᐦᒋ ᓭᑭᓯᐃᐧᐣ ᑭ ᒥᒋᒥᓂᑲᐧᐠ: ᐁᑯᓯ ᒫᑲ ᑭ ᐳᓯᐤ ᒋᒫᓂᕽ, ᑲᐃᐧ ᐁ ᑭ ᑭᐁᐧᐅᐟ. 38ᒫᑲ ᐊᓇ ᓈᐯᐤ ᒪᒋ ᐊᐦᒑᐦᑲᐧ ᑳ ᑭ ᐅᐦᒋ ᐊᐧᔭᐃᐧᔨᐟ. ᑭ ᓇᑐᑕᒫᐠ ᑭᑕ ᐃᐧᒉᐃᐧᑯᐟ: ᒫᑲ ᒋᓴᐢ ᑭ ᓯᐯᐧᑎᓴᐁᐧᐤ, ᐁ ᐃᑕᐟ, 39ᑭᑭᕽ ᐃᓯ ᑭᐁᐧ, ᐁᑯᓯ ᑭᐢᑫᔨᑖᑯᑖ ᑖᓂᔨᑯᕽ ᑭᐦᒋ ᑫᑲᐧᔭ ᑭᓭᒪᓂᑐ ᐁ ᑭ ᑐᑕᒫᐢᐠ. ᑭ ᓯᐯᐧᑌᐤ ᒫᑲ, ᒥᓇ ᐁ ᑭ ᐋᑐᑕᕽ ᒥᓯᐁᐧ ᐅᑌᓇᕽ ᑕᓂᔨᑯᕽ ᑭᐦᒋ ᑫᑲᐧᔭ ᐁ ᑭ ᑐᑕᒫᑯᐟ ᒋᓴᓴ. 40ᐁᑯᓯ ᒋᓴᐢ ᐁ ᑭ ᑭᐁᐧᐟ, ᐊᔨᓯᔨᓂᐊᐧ ᒋᑫᔨᑕᒧᐃᐧᓂᕽ ᑭ ᐅᑎᓂᐠ; ᐃᐧᔭ ᑲᐦᑭᔭᐤ ᐁ ᑭ ᐯᐃᑯᐟ.
41ᒫᑎᑲ ᒫᑲ, ᑭ ᐯ ᐃᑐᐦᑌᐤ ᓈᐯᐤ ᒉᕒᐊᐢ ᐁ ᐃᓯᔨᐦᑳᓱᐟ, ᐁ ᐅᔭᓱᐁᐧᐃᐧᑭᒫᐃᐧᐟ ᐊᔭᒥᐦᐁᐃᐧᑲᒥᑯᕽ: ᐁ ᑭ ᐸᐦᑭᓯᕽ ᒫᑲ ᒋᓴᓴ ᐅᓯᑎᔨᕽ, ᐁ ᒪᐃᐧᒧᐢᑕᐊᐧᐟ ᑭᑕ ᐯ ᐱᐦᑐᑫᔨᐟ ᐅ ᐋᐧᐢᑳᐦᐃᑲᓂᕽ; 42ᒋᑫᒫ ᑭ ᐯᔭᑯᔨᐊᐧ ᐱᑯ ᐅᑖᓂᓴ, ᓈᓂᑕᐤ ᒥᑖᑕᐟ ᓂᓱᓵᑊ ᐊᐢᑭ ᐁ ᐃᐢᐱᑎᓯᔨᐟ, ᐁᑯᓯ ᑭ ᐱᒥᓯᓂᔨᐊᐧ ᐁ ᐋᒋᐢᑕᐃᐧᓯᔨᐟ, ᒫᑲ ᐁ ᐊᑎ ᐃᑐᑎᐟ ᐊᔨᓯᓂᐊᐧ ᑭ ᓴᓯᑎᐢᑳᐠ.
43ᐯᔭᐠ ᐃᐢᑫᐧᐤ ᒫᑲ ᐁ ᑭ ᐅᐦᒋᑲᐊᐧᓂᔨᐠ ᒥᐦᑯ ᒥᑖᑕᐦᐟ ᓂᓱᓴᑊ ᐊᐢᑭ, ᐁ ᑭ ᒣᐢᑎᓇᕽ ᑲᐦᑭᔭᐤ ᑫᑲᐧᐩ ᑳ ᑭ ᐊᔮᐟ ᐁ ᓇᓇᑕᐃᐧᐃᑯᐟ ᒪᐢᑭᑭᐃᐧᔨᓂᐊᐧ, ᐁᑳ ᒫᑲ ᐁ ᑭ ᐃᔨᓂᑲᐃᐦᐟ, 44ᐅᐢᐱᐢᑲᐧᓂᔨᕽ ᐅᐦᒋ, ᑭ ᐯ ᓵᒥᓇᒣᐧᐤ ᐅᐟ ᐊᑯᐅᐃᐧᓂᔨᐤ: ᐁᑯᓯ ᓭᒫᐠ ᑳ ᐃᓯ ᐅᐦᒋᑲᐊᐧᓂᔨᐠ ᐅ ᒥᐦᑯ ᑭ ᑭᐱᒋᐸᔨᔨᐤ. 45ᒋᓴᐢ ᒫᑲ ᑭ ᐃᑌᐧᐤ, ᐊᐁᐧᓇ ᑳ ᓵᒥᓂᐟ? ᐁᑯᓯ ᐃᐢᐱ ᑲᐦᑭᔭᐤ ᑳ ᐊᓀᐧᑕᒥᔨᐟ, ᐱᑕᕒ ᐊᓯᒋ ᑲᐦᑭᔭᐤ ᑳ ᐃᐧᒉᑯᐟ ᑭ ᐃᑌᐊᐧᐠ, ᐅᑭᐢᑭᓄᐦᐊᒫᑫᐤ, ᑳ ᐅᓵᒣᔭᑎᒋᐠ ᐊᔨᓯᔨᓂᐊᐧᐠ ᑭ ᐱᐢᑎᐢᑳᑲᐧᐠ ᒥᓇ ᑭ ᒫᑯᐢᑳᑲᐧᐠ. 46ᒫᑲ ᒋᓴᐢ ᑭ ᐃᑌᐧᐤ, ᐊᐃᐧᔭᐠ ᓂ ᑭ ᓵᒥᓂᐠ; ᒋᑫᒫ ᓂ ᓂᓯᑕᐁᐧᔨᑌᐣ ᒪᐢᑲᐃᐧᓯᐃᐧᐣ ᐁ ᓯᐯᐧᐸᔨᐠ ᓂᔭ ᐅᐦᒋ. 47ᐁᑯᓯ ᒫᑲ ᐃᐢᐱ ᐃᐢᑫᐧᐤ ᐃᐧᔮᐸᐦᑕᕽ ᐁᑳ ᐁ ᑭ ᑳᓱᐟ, ᑭ ᐯ ᓈᑌᐤ ᐁ ᓇᓇᒥᐸᔨᐟ, ᐁ ᑭ ᐸᐦᑭᓯᕽ ᐅᐟ ᐃᑖᐢᑕᒥᐃᐧᓂᔨᕽ ᒥᓇ ᐁ ᑭ ᐃᐧᐦᑕᒪᐋᐧᐟ ᑫᑲᐧᐩ ᐅᐦᒋ ᐊᓂᒪ ᑳ ᑭ ᓵᒥᓈᐟ, ᐁ ᐃᐧᐦᑕᕽ ᑲᐦᑭᔭᐤ ᐁ ᑲᓇᐋᐧᐸᒥᑯᐟ ᐊᔨᓯᔨᓂᐊᐧ ᒥᓇ ᑖᓂᓯ ᐁ ᑭ ᐃᓯ ᓭᒫᐠ ᒥᔪ ᐊᔭᐟ. 48ᐁᑯᓯ ᒫᑲ ᑭ ᐃᑌᐤ, ᓂᑕᓂᐢ, ᑭ ᑖᐯᐧᔦᔨᑕᒧᐃᐧᐣ ᑭ ᑭ ᐃᔨᓂᑲᐃᑯᐣ ᐯᔭᑕᑫᔨᒧᐃᐧᓂᕽ ᓯᐯᐧᐦᑌ.
49ᒣᑳᐧᐨ ᑫᔮᐱᐨ ᐁ ᐱᑭᐢᑫᐧᐟ, ᐯᔭᐠ ᑭ ᐯ ᑕᑯᓯᐣ ᑳ ᐅᔭᓱᐁᐧᐃᐧᑭᒫᐃᐧᐟ ᐊᔭᒥᐦᐁᐃᐧᑲᒥᑯᕽ ᐅ ᐋᐧᐢᑲᐦᐃᑲᓂᕽ ᐅᐦᒋ, ᐁ ᐃᑌᐧᐟ, ᐋᓴᐩ ᑭᑖᓂᐢ ᓂᐱᐤ; ᐁᑳᐃᐧᔭ ᒥᑯᐢᑳᒋᒼ ᐅᑭᐢᑭᓄᐦᐊᒫᑫᐤ. 50ᒫᑲ ᐃᐢᐱ ᒋᓴᐢ ᐱᔦᐦᑕᕽ, ᑭ ᓇᐢᑫᐧᐊᐧᓯᒣᐤ, ᐁ ᐃᑌᐧᐟ, ᐁᑳᐃᐧᔭ ᐊᐢᑖᓯ, ᐱᑯ ᑖᐯᐧᑕ, ᐁᑯᓯ ᑭᑕ ᐃᔨᓂᑲᐋᐤ. 51ᐁᑯᓯ ᐃᐢᐱ ᐁ ᑭ ᐯ ᐱᐦᑐᑫᐟ ᐋᐧᐢᑳᐦᐃᑲᓂᕽ, ᓇᒪᐃᐧᔭ ᐊᐃᐧᔭ ᐊᔨᓯᔨᓂᐊᐧ ᑭ ᐸᑭᑎᓇᒪᐁᐧᐤ ᑭᑕ ᐱᐦᑐᑫᔨᐟ, ᐱᑯ ᐱᑕᕒ, ᒥᓇ ᒉᒥᐢ, ᒥᓇ ᒑᐣ, ᐊᓯᒋ ᐅᑕᐃᐧᔨᐊᐧ ᐅᐢᑭᓂᑭᐢᑫᐧᓯᓴ ᒥᓇ ᐅᑳᐃᐧᔨᐊᐧ. 52ᑲᐦᑭᔭᐤ ᒫᑲ ᑭ ᒫᑐᐊᐧᐠ, ᒥᓇ ᐁ ᑭ ᒪᐃᐧᑳᑖᒋᐠ; ᒫᑲ ᑭ ᐃᑌᐧᐤ, ᐁᑳᐃᐧᔭ ᒫᑐᐠ, ᓇᒪᐃᐧᔭ ᓂᐱᐤ, ᒫᑲ ᓂᐹᐤ. 53ᑭ ᐸᐦᐱᐦᐁᐊᐧᐠ ᒫᑲ ᐃᐧᔭ ᐁ ᑭᐢᑫᔨᒫᒋᐠ ᐁ ᓂᐱᔨᐟ. 54ᒫᑲ ᐃᐧᔭ ᑭ ᓴᑭᒋᐦᒉᓀᐤ, ᐁ ᑌᐯᐧᐟ, ᐁ ᐃᑌᐧᐟ, ᐅᐢᑭᓂᑭᐢᑫᐧᓯᐢ, ᐊᐧᓂᐢᑳ. 55ᐁᑯᓯ ᐅᐟ ᐊᐦᒑᐦᑲᐧ ᑭ ᐯ ᑭᐁᐧᑐᑖᐠ, ᒥᓇ ᓭᒫᐠ ᐁ ᑭ ᐊᐧᓂᐢᑳᐟ; ᑭ ᓯᑭᑫᒧ ᒫᑲ ᑭᑕ ᐊᓴᒥᒥᐦᐟ. 56ᐅ ᓂᑭᐃᑲᐧ ᒫᑲ ᑭ ᒫᒪᐢᑳᑕᒥᔨᐊᐧ; ᒫᑲ ᑭ ᐊᔮᑳᐧᒥᒣᐤ ᐁᑳ ᐊᐃᐧᔭ ᐊᔨᓯᔨᓂᐊᐧ ᑭᑕ ᐃᐧᐦᑕᒪᐋᐧᔨᐟ ᐊᓂᒪ ᑳ ᑭ ᑐᒋᑳᑌᔨᐠ.
انتخاب شده:
ᓭᐣᐟ ᓬᐅᐠ 8: KKMs
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This Bible text is a corrected edition of the 1908 Western Cree Bible; it is in the public domain.
ᓭᐣᐟ ᓬᐅᐠ 8
8
1ᐁᑯᓯ ᐃᐧᐸᐨ ᑭ ᐊᑎ ᐅᑎᐦᒋᐸᔨᐤ, ᐁ ᑭ ᐸᐸᒧᑌᐟ ᐅᑌᓈᕽ ᒥᓇ ᑭᐢᑕᐱᓈᓂᕽ, ᐁ ᑲᑫᐢᑫᐧᐟ ᒥᓇ ᐁ ᐊᐧᐸᑎᐃᐁᐧᐟ ᐁ ᐃᓯ ᒥᔪ ᐊᑐᑖᑲᐧᓂᔨᐠ ᐅᐟ ᐅᑌᓇᐃᐧᐃᐧᓂᔨᐤ ᑭᓭᒪᓂᑐᐊᐧ, ᒥᓇ ᐊᓂᐦᐃ ᒥᑖᑕᐟ ᓂᓱᓵᑊ ᐁ ᑭ ᐃᐧᒉᐃᐧᑯᐟ. 2#ᒫᐟᔪ 27:55,56; ᒫᕒᐠ 15:40,41; ᓬᐅᐠ 23:49ᐋᑎᐦᐟ ᒫᑲ ᐃᐢᑫᐧᐊᐧᐠ ᐁ ᑭ ᐃᔨᓂᑲᐃᐦᒋᐠ ᒪᒋ ᐊᐦᒑᐦᑲᐧ ᐅᐦᒋ ᒥᓇ ᐋᑯᓯᐃᐧᓇ, ᒣᕒᐃ ᒪᐠᑕᓬᐃᐣ ᑳ ᑭ ᐃᓯᔨᐦᑳᑎᐟ, ᐃᐧᔭ ᐅᐦᒋ ᑌᐸᑰᑊ ᒪᒋ ᐊᐦᒑᐦᑲᐧ ᑳ ᑭ ᐊᐧᔭᐃᐧᔨᐟ. 3ᒥᓇ ᒍᐋᓇ ᐃᐧᐊᐧ ᑯᓴ, ᐁᕒᐊᐟ ᐅᐟ ᐊᑐᐢᑫᔮᑲᓇ, ᒥᓇ ᓱᓴᓇ ᐊᓯᒋ ᒥᐦᒉᐟ ᑯᑕᑲᐠ ᑳ ᐸᒥᐦᐋᒋᐠ ᐃᐧᔭᐋᐧᐤ ᐅᐦᒋ ᑫᑲᐧᐩ ᐁ ᐊᔮᒋᐠ.
4ᐁᑯᓯ ᐃᐢᐱ ᒥᓴᐦᒋ ᐊᔨᓯᔨᓂᐊᐧ ᑳ ᒫᐊᐧᓴᑯᔨᐟ ᒥᓇ ᑳ ᐯ ᐅᑎᐦᑎᑯᐟ ᑳ ᐃᑕᑎᓂᔨᐠ ᐅᑌᓇᐤ ᐅᐦᒋ, ᑭ ᑭᑐᑌᐤ ᐋᐁᐧᒋᑲᐣ ᐁ ᐋᐸᒋᑖᐟ. 5ᑭᐢᑎᑫᐃᐧᔨᓂᐤ ᑭ ᓇᑕᐃᐧ ᑭᐢᑎᑲᑕᒼ ᐅ ᑭᐢᑎᑲᓂᓴ, ᐁᑯᓯ ᐁ ᐊᑎ ᑭᐢᑎᑫᐟ, ᐊᑎᐦᐟ ᓯᓱᓀ ᒣᐢᑲᓇᕽ ᑭ ᐸᑭᑎᓂᔨᐊᐧ, ᐁᑯᓯ ᑭ ᑕᑯᐢᑲᒋᑳᑌᐊᐧ ᒥᓇ ᐱᔦᓯᓴᐠ ᐃᐢᐱᒥᕽ ᑳ ᐊᔮᒋᐠ ᑭ ᑭᑖᐊᐧᐠ. 6ᒥᓇ ᑯᑕᑲ ᑭ ᐸᑭᑎᓇᐧ ᐊᓯᓂᕽ, ᐁᑯᓯ ᒪᔭᐤ ᐁ ᐅᐱᑭᕽ, ᑭ ᓂᐳᐃᐧᑲᑌᐤ ᐃᐧᔭ ᐁᑳ ᐁ ᑭ ᒥᔨᒪᐊᐧᒑᐠ. 7ᒥᓇ ᑯᑕᑲ ᑭ ᐸᑭᑎᓇᐧ ᐅᑳᐃᐧᒥᓇᑲᓯᐢᑳᕽ, ᐁᑯᓯ ᐅᑳᐃᐧᒥᓇᑲᓯᔭ ᑭ ᐊᓯᒋ ᐅᐱᑭᐊᐧ, ᐁ ᑭ ᑭᐱᐢᑲᒧᒪᑲᑭ ᒫᑲ. 8ᑯᑕᑲ ᒫᑲ ᑭ ᐸᑭᑎᓇᐧ ᐃᑕ ᐁ ᒥᔮᐧᓯᐠ ᐊᐢᑭ, ᒥᓇ ᐁ ᑭ ᓂᐦᑖᐃᐧᑭᑭ ᐁ ᑭ ᔭᐦᑭ ᒥᓂᓯᐊᐧᑭ ᒥᑖᑕᐦᑐᒥᑕᓇᐤ ᐃᔨᑯᕽ. ᐅᐦᐃ ᑳ ᐃᑌᐧᐟ, ᑭ ᑌᐯᐧᐤ, ᐊᓇ ᑳ ᐅᑕᐊᐧᑳᐟ ᑭᑕ ᐯᐦᑕᕽ ᑭᔮᒼ ᑭᑕ ᐯᑕᒼ.
9ᐁᑯᓯ ᐅ ᑭᐢᑭᓄᐦᐊᒪᐋᐧᑲᓇ ᑭ ᑲᑫᐧᒋᒥᐠ ᐁ ᐃᑌᐧᔨᐟ, ᑫᑲᐧᐩ ᐅᒪ ᐋᐁᐧᒋᑲᐣ? 10#ᐊᐩᓵᔭ 6:9ᑭ ᐃᑌᐧᐤ ᒫᑲ, ᑭᔭᐋᐧᐤ ᑭ ᒥᔨᑲᐃᐧᓈᐋᐧᐤ ᑭᑕ ᑭᐢᑫᔨᑕᒣᐠ ᐁ ᐃᓯ ᒫᒪᐢᑳᑌᔨᑖᑲᐧᕽ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ: ᒫᑲ ᐃᐧᔭ ᑯᑕᑲᐠ ᐋᐁᐧᒋᑲᓂᕽ, ᐁ ᐃᑖᐱᒋᐠ ᐊᑕ, ᐁᑳ ᑭᑕ ᐋᐧᐸᐦᑕᐦᑭᐠ, ᒥᓇ ᐊᑕ ᐁ ᐅ ᐯᑕᒧᐃᐧᓂᒋᐠ ᐁᑳ ᑭᑕ ᓂᓯᑐᐦᑕᐦᑭᐠ.
11ᐁᑲᐧ ᒫᑲ ᐁᐊᐧᑯᒪ ᐋᐁᐧᒋᑲᐣ, ᑭᐢᑎᑳᓂᓴ ᐁᐊᐧᑯ ᐅᐟ ᐊᔭᒥᐃᐧᐣ ᑭᓭᒪᓂᑐ. 12ᐁᑯᓯ ᐊᓂᐦᐃ ᓯᓱᓀ ᒣᐢᑲᓇᕽ ᐁᐊᐧᑲᐧᓂᐠ ᑳ ᑭ ᐯᐦᑕᐦᑭᐠ; ᐁᑯᓯ ᐯ ᐃᑐᐦᑌᐤ ᒪᒑᔭ, ᒥᓇ ᓯᐯᐧᑕᑖᐤ ᐊᔭᒥᐃᐧᐣ ᐅᑌᐃᐋᐧᕽ ᐅᐦᒋ, ᐁᑳ ᑭᑕ ᑖᐯᐧᑕᐦᑭᐠ ᒥᓇ ᑭᑕ ᐱᒫᑎᓯᒋᐠ. 13ᐁᑯᓯ ᐊᓂᑭ ᐊᓯᓂᕽ ᐁᐊᐧᑲᐧᓂᐠ, ᐃᐢᐱ ᑳ ᐯᑕᑲᐧᐃᐧ, ᐅᑎᓇᒪᐧᐠ ᐊᔭᒥᐃᐧᐣ ᒥᔭᐋᐧᑕᒧᐃᐧᓂᕽ; ᒫᑲ ᐁᑳ ᐁ ᑭ ᐅᒉᐱᑭᐃᐧᒋᐠ, ᐁᐊᐧᑲᐧᓂᐠ ᐊᒋᔭᐤ ᑖᐯᐧᑕᒪᐧᐠ, ᒫᑲ ᑯᑌᔨᒥᑯᐃᐧᐣ ᐁᐧᑎᑎᑯᑖᐧᐃᐧ ᐸᐦᑭᓯᓇᐧᐠ. 14ᐁᑯᓯ ᐊᓂᐦᐃ ᐅᑲᐃᐧᒥᓇᑲᓯᐢᑳᕽ ᑳ ᑭ ᐸᑭᑎᑭ, ᐁᐊᐧᑲᐧᓂᐠ ᐊᓂᑭ ᑳ ᐯᐦᑕᐦᑭᐠ, ᐁᑯᓯ ᐁᑎ ᓯᐯᐧᑌᑖᐧᐃᐧ ᑭᐱᐢᑲᒧᒪᑲᓂᔨᐤ ᒥᑯᐢᑳᑌᔨᑕᒧᐃᐧᓇ ᐊᓯᒋ ᐁᐧᔪᑎᓯᐃᐧᓇ ᒥᓇ ᐅᒪ ᐱᒫᑎᓯᐃᐧᐣ ᑳ ᐃᓯ ᒥᐁᐧᔨᑕᒥᐃᐁᐧᐠ, ᐁᑯᓯ ᓇᒪᐃᐧᔭ ᑫᑲᐧᐩ ᐁ ᒥᔮᐧᓯᐠ ᐁᑯᑕ ᐅᐦᒋ ᐅᐱᑭᐣ. 15ᒫᑲ ᐊᓂᒪ ᐁ ᒥᔮᐧᓯ ᐊᐢᑭᕽ ᑳ ᐸᑭᑎᑭ, ᐁᐊᐧᑲᐧᓂᐠ ᐊᓂᑭ ᑖᐯᐧ ᒥᓇ ᒥᔪ ᒥᑌᐃᕽ ᐁ ᐯᐦᑕᐦᑭᐠ ᐊᔭᒥᐃᐧᐣ ᐋᔨᒋ ᒥᒋᒥᓇᒪᐧᐠ, ᒥᓇ ᐅᐱᑭᑖᐊᐧᐠ ᒥᓂᓴ ᓴᓯᐯᔨᑕᒧᐃᐧᓂᕽ.
16 #
ᒫᐟᔪ 5:15; ᓬᐅᐠ 11:33 ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ, ᐃᐢᐱ ᑳ ᓴᐢᑲᐊᑭ ᐊᐧᓴᐢᑯᑌᓂᑲᐣ, ᐊᑲᐧᓇᐦᐊᒼ ᐊᓯᐊᐧᒋᑲᐣ ᐅᐦᒋ, ᐊᐁᐧᑳ ᓯᐸ ᓂᐯᐃᐧᓂᕽ ᐊᐢᑖᐤ; ᒫᑲ ᐋᐧᓴᐢᑯᑌᓂᑲᓈᐱᐢᑯᕽ ᐊᐢᑖᐤ, ᐊᓂᑭ ᑳ ᐱᐦᑐᑫᒋᐠ ᑭᑕ ᑭ ᐋᐧᐸᐦᑕᐦᑭᐠ ᐁ ᐊᐧᐢᑌᔨᐠ. 17#ᒫᐟᔪ 10:26; ᓬᐅᐠ 12:2ᒋᑫᒫ ᓇᒪ ᑫᑲᐧᐩ ᑳᒋᑳᑌᐤ, ᐁᑳ ᑭᑕ ᑭᐢᑫᔨᑖᑯᑖᕽ; ᒥᓇ ᓇᒪ ᑫᑲᐧᐩ ᑭᒧᒋ ᐊᔮᐤ, ᐁᑳ ᑭᑕ ᑭᐢᑫᔨᒋᑳᑌᐠ ᐊᐦᐳ ᑭᑕ ᐸᔭᑌᓈᑲᐧᕽ. 18#ᒫᐟᔪ 25:29; ᓬᐅᐠ 19:26ᐊᔭᑲᐧᒥᓯᐠ ᒫᑲ ᑖᓂᓯ ᐁ ᐃᓯ ᓇᑐᑕᒣᐠ: ᐃᐧᔭ ᐊᓇ ᑳ ᐊᔭᐟ, ᑭᑕ ᒥᔮᐤ; ᒫᑲ ᐊᓇ ᐁᑳ ᑳ ᐊᔮᐟ, ᑭᑕ ᒪᐢᑲᒪᐤ ᐊᓂᒪ ᓂᐟ ᐊᔮᐣ ᑳ ᐃᑌᔨᑕᕽ.
19ᐁᑯᐢᐱ ᒫᑲ ᑭ ᐅᑎᐦᑎᐠ ᐅᑳᐃᐧᔭ ᐊᓯᒋ ᐅᒋᐋᐧᒪ, ᒫᑲ ᓇᒪᐃᐧᔭ ᑭ ᑲᐢᑭᑕᔨᐊᐧ ᑭᑕ ᐅᑎᐦᑎᑯᐟ, ᐅᓵᒼ ᐁ ᓯᑎᐢᑯᑕᑐᐃᐧᐟ. 20ᐁᑯᓯ ᑭ ᐃᐧᐦᑕᒪᐋᐧᐤ, ᑭ ᑳᐃᐧ ᐊᓯᒋ ᑭᒋᐋᐧᒪᐠ ᓂᐸᐃᐧᐊᐧᐠ ᐊᐧᔭᐃᐧᑎᒥᕽ, ᐁ ᐃᐧ ᐋᐧᐸᒥᐢᑭᐠ. 21ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᓂᑳᐃᐧ ᒥᓇ ᓂᒋᐋᐧᒪᐠ ᐁᐊᐧᑲᐧᓂᐠ ᐅᑭ ᑳ ᐯᐦᑕᐦᑭᐠ ᐅᐟ ᐊᔭᒥᐃᐧᓂᔨᐤ ᑭᓭᒪᓂᑐᐊᐧ ᒥᓇ ᑳ ᐃᑐᑕᐦᑭᐠ.
22ᑭ ᐊᔨᑭᐣ ᒫᑲ ᓂᑯᑖᐧ ᐁ ᑭᓯᑳᐠ, ᑭ ᐳᓯᐤ ᒋᒫᓂᕽ, ᐃᐧᔭ ᐊᓯᒋ ᐅ ᑭᐢᑭᓄᐦᐊᒪᐋᐧᑲᓇ; ᐁᑯᓯ ᑭ ᐃᑌᐤ, ᐋᓱᐊᐊᑖᐠ ᓵᑲᐦᐃᑲᐣ; ᐁᑯᓯ ᒫᑲ ᑭ ᓂᒥᑖᐊᐧᐊᒪᐧᐠ. 23ᒫᑲ ᒣᑳᐧᐨ ᐁ ᐱᒫᓯᒋᐠ, ᑭ ᐊᑎ ᓂᐹᐤ, ᐁᑯᓯ ᑭ ᐸᑲᒥᐸᔨᐤ ᐁ ᑯᐢᑖᒥᑲᐧᕽ ᐁ ᔪᑎᕽ ᓵᑲᐦᐃᑲᓂᕽ; ᑭ ᐊᑎ ᓵᑲᐢᑭᓀᐸᔨᐤ ᒫᑲ ᓂᐱ, ᐁᑯᓯ ᑭ ᑲᑫᐧᐢᐸᓈᒋ ᐊᔮᐊᐧᐠ. 24ᑭ ᐯ ᓈᑌᐊᐧᐠ ᒫᑲ ᐁ ᑭ ᑯᐢᑯᓈᒋᐠ, ᐁ ᐃᑌᐧᒋᐠ, ᐅᑭᐢᑭᓄᐦᐊᒫᑫᐤ, ᐅᑭᐢᑭᓄᐦᐊᒫᑫᐤ, ᑭ ᓂᓯᐊᐧᓈᑎᓯᓈᓇᐤ. ᐁᑯᓯ ᑭ ᑯᐢᑯᐢᑳᐤ, ᐁ ᑭ ᑭᑐᑕᕽ ᒫᑲ ᐁ ᔪᑎᓂᔨᐠ, ᒥᓇ ᑳ ᐃᓯ ᑯᐢᑕᒥᑲᐧᕽ ᓂᐱ: ᐁᑯᓯ ᑭ ᑭᐱᒋᐸᔨᐊᐧ ᒥᓇ ᑭ ᐊᔮᐧᐢᑎᐣ. 25ᐁᑯᓯ ᑭ ᐃᑌᐤ, ᑖᓂᐁᐧ ᑭ ᑖᐯᐧᔦᔨᑕᒧᐃᐧᓂᐋᐧᐤ? ᐁ ᓭᑭᓯᒋᐠ ᒫᑲ ᑭ ᒫᒪᐢᑳᑕᒪᐧᐠ, ᐁ ᐃᑎᑐᒋᐠ, ᑫᑯ ᐊᔨᓯᔨᓂᐤ ᐊᐊᐧ? ᒋᑫᒫ ᐅᔭᓱᐋᐧᑕᒼ ᐊᐦᐳ ᔪᑎᓇᐧ ᒥᓇ ᓂᐱ, ᐁᑯᓯ ᓇᓇᐃᑕᐠ:
26ᑭ ᑕᑯᓯᓇᐧᐠ ᒫᑲ ᐅᐟ ᐊᐢᑭᔨᕽ ᑫᕒᐊᓯᓇ, ᐊᐊᐧᓯᑌ ᑳᓬᐊᓬᐃᕽ ᑳ ᑭ ᐃᑕᑯᐠ. 27ᐁᑯᓯ ᐃᐢᐱ ᑳ ᑲᐹᐟ ᑭ ᓇᑭᐢᑳᐠ ᐯᔭᐠ ᓈᐯᐊᐧ ᐅᑌᓈᕽ ᐅᐦᒋ, ᐁ ᑭ ᐊᔮᐋᐧᔨᐠ ᒪᒋ ᐊᐦᒑᐦᑲᐧ, ᑲᔮᐢ ᐅᐦᒋ ᐁᑳ ᐁ ᑭᑭᐢᑲᕽ ᐊᔪᐃᐧᓂᓴ, ᒥᓇ ᐁᑳ ᐁ ᐊᔮᐟ ᐋᐧᐢᑲᐃᑲᓂᕽ, ᒫᑲ ᓇᐦᐃᓂᑐᐃᐧᑲᒥᑯᕽ. 28ᐁᑯᓯ ᐃᐢᐱ ᒋᓴᓴ ᐃᐧᔮᐸᒫᐟ, ᑭ ᒪᐃᐧᒧᑫᐤ, ᒥᓇ ᐁ ᑭ ᐸᐦᑭᓯᕽ ᐅᐟ ᐃᑕᐢᑕᒥᐃᐧᓂᔨᐠ, ᓱᑭ ᒫᑲ ᐁ ᐯᐦᑖᑯᓯᐟ, ᑭ ᐃᑌᐧᐤ, ᑫᑲᐧᐩ ᓂᔭ ᑫᓇᐋᐧᐸᒥᑯᔮᐣ ᑭᔭ ᐅᐦᒋ ᒋᓴᐢ ᑭᔭ ᑳ ᐅᑯᓯᓯᒥᐢᐠ ᒫᐊᐧᒋ ᑳ ᑭᒑᔨᐃᐧᐟ ᑭᓭᒪᓂᑐ? ᑭ ᒪᐃᐧᒧᐢᑖᑎᐣ ᐁᑳ ᑭᑕ ᑲᑲᐧᑕᑭᐃᔭᐣ. 29ᒋᑫᒫ ᑭ ᐃᑕᓱᐋᐧᑌᐤ ᒪᒋ ᐊᐦᒑᐦᑲᐧ ᑭᑕ ᐊᐧᔭᐃᐧᔨᐟ ᐊᓂᐦᐃ ᓈᐯᐊᐧ ᐅᐦᒋ. ᐊᔨᐢ ᒥᐦᒉᑖᐧᐤ ᑭ ᐅᑎᑎᓂᐠ, ᐁᑯᓯ ᐁ ᑲᓇᐁᐧᔨᒥᐟ ᐁᒪᒪᒋᑲᐧᐱᑎᐟ ᐱᐊᐧᐱᐢᑲᐧ ᒥᓇ ᒪᒫᒋᑲᐧᐱᐢᑲᐃᑲᓇ ᐅᐦᒋ; ᑭ ᐸᐸᐢᑭᐱᑕᒼ ᒫᑲ ᑕᑯᐱᒋᑲᓇ, ᐁᑯᓯ ᒪᒋ ᐊᐦᒑᐦᑲᐧ ᐱᑲᐧᑕᐢᑭᕽ ᑭ ᐃᑎᓴᐦᐅᐠ. 30ᐁᑯᓯ ᒋᓴᐢ ᑭ ᑲᑫᐧᒋᒣᐤ, ᑖᓂᓯ ᐁᓯᔨᑳᓱᔭᐣ? ᐁᑯᓯ ᑭ ᐃᑌᐤ, ᓬᐃᒐᐣ; ᐃᐧᔭ ᒥᐦᒉᐟ ᒪᒋ ᐊᐦᒑᐦᑲᐧ ᐁ ᑭᑭᐢᑳᑯᐟ. 31ᑭ ᑳᑭᓯᒧᑐᑖᐠ ᒫᑲ ᐁᑳ ᑭᑕ ᐃᑕᓱᐋᐧᑖᐟ ᑎᒥᕽ ᑭᑕ ᐃᑐᐦᑌᔨᐟ. 32ᐁᑯᑕ ᒫᑲ ᐅᐟ ᐊᔭᑖᐋᐧᐤ ᒥᐦᒉᐟ ᑯᐦᑯᓴᐠ ᐊᐧᒋᕽ ᐁ ᒪᒥᒋᓱᒋᐠ; ᑭ ᑳᑭᓯᒧᑐᑖᐠ ᒫᑲ ᑭᑕ ᐸᑭᑎᓇᒪᐊᐧᐟ ᑭᑕ ᐱᒋᔭᐁᐧᐢᑲᐊᐧᔨᐟ, ᐁᑯᓯ ᑭ ᐸᑭᑎᓇᒪᐁᐧᐤ. 33ᐁᑯᓯ ᒪᒋ ᐊᐦᒑᐦᑲᐧᐠ ᑭ ᓇᑲᑌᐊᐧᐠ ᐊᓂᐦᐃ ᓈᐯᐊᐧ, ᐁᑯᓯ ᐁ ᑭ ᐱᒋᔭᐁᐧᐢᑲᐋᐧᒋᐠ ᑯᐦᑯᓴ: ᑲᐦᑭᔭᐤ ᒫᑲ ᐁ ᐊᓭᔭᑎᒋᐠ ᑯᐦᑯᓴᐠ ᑭ ᓂᑕᒋᐁᐧᐸᑖᐊᐧᐠ ᐃᑕ ᐁ ᑭᐢᑲᑎᓈᔨᐟ ᓵᑲᐦᐃᑲᓂᕽ ᐃᓯ, ᐁᑯᓯ ᐁ ᑭ ᓂᐢᑖᐸᐁᐧᒋᐠ. 34ᐃᐢᐱ ᒫᑲ ᐊᓂᑭ ᑳ ᐊᓴᒫᒋᐠ ᑳ ᐋᐧᐸᐦᑕᐦᑭᐠ ᑖᓂᓯ ᐁ ᐃᐢᐸᔨᔨᐠ, ᑭ ᑕᐸᓯᐊᐧᐠ, ᐁᑯᓯ ᐁ ᑭ ᐋᑐᑕᑭᐠ ᐅᑌᓈᕽ ᒥᓇ ᐁᑯᑕ ᐊᐢᑭᕽ. 35ᐁᑯᓯ ᑭ ᓇᑕᐃᐧ ᐋᐧᐸᐦᑕᒪᐧᐠ ᑖᓂᓯ ᑳ ᐃᐢᐸᔨᔨᐠ; ᑭ ᐯ ᐅᑎᑌᐊᐧᐠ ᒫᑲ ᒋᓴᓴ, ᐁ ᑭ ᒥᐢᑲᐋᐧᒋᐠ ᒫᑲ ᓈᐯᐊᐧ, ᒪᒋ ᐊᐦᒑᐦᑲᐧ ᑳ ᑭ ᑭᑭᐢᑳᑯᔨᐟ, ᐁ ᑭᑲᔪᐃᐧᓂᓭᔨᐟ ᒥᓇ ᑲᐧᔭᐢᐠ ᐁ ᐃᓯ ᒫᒥᑐᓀᔨᑕᒥᔨᐟ, ᐁ ᐊᐱᔨᐟ ᐅᓯᑎᔨᕽ ᒋᓴᓴ: ᑭ ᓭᑭᓯᐊᐧᐠ ᒫᑲ. 36ᐊᓂᑭ ᒥᓇ ᑳ ᑭ ᐋᐧᐸᐦᑕᐦᑭᐠ, ᑭ ᐃᐧᐦᑕᒪᐁᐧᐊᐧᐠ ᑖᓂᓯ ᐊᓂᐦᐃ ᑳ ᑭ ᑭᑭᐢᑳᑯᔨᐟ ᒪᒋ ᐊᐦᒑᐦᑲᐧ, ᑳ ᐃᓯ ᒥᔪ ᐋᔭᔨᐟ.
37ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᐊᔮᒋᐠ ᐊᐧᐢᑲ ᐊᔨᕽ ᐅᐟ ᐊᐢᑭᐋᐧᐤ ᑫᕒᐊᓯᓇᐠ, ᑭ ᑲᑫᐧᒋᒣᐊᐧᐠ ᑭᑕ ᓇᑲᑖᐟ ᒋᑫᒫ ᑭᐦᒋ ᓭᑭᓯᐃᐧᐣ ᑭ ᒥᒋᒥᓂᑲᐧᐠ: ᐁᑯᓯ ᒫᑲ ᑭ ᐳᓯᐤ ᒋᒫᓂᕽ, ᑲᐃᐧ ᐁ ᑭ ᑭᐁᐧᐅᐟ. 38ᒫᑲ ᐊᓇ ᓈᐯᐤ ᒪᒋ ᐊᐦᒑᐦᑲᐧ ᑳ ᑭ ᐅᐦᒋ ᐊᐧᔭᐃᐧᔨᐟ. ᑭ ᓇᑐᑕᒫᐠ ᑭᑕ ᐃᐧᒉᐃᐧᑯᐟ: ᒫᑲ ᒋᓴᐢ ᑭ ᓯᐯᐧᑎᓴᐁᐧᐤ, ᐁ ᐃᑕᐟ, 39ᑭᑭᕽ ᐃᓯ ᑭᐁᐧ, ᐁᑯᓯ ᑭᐢᑫᔨᑖᑯᑖ ᑖᓂᔨᑯᕽ ᑭᐦᒋ ᑫᑲᐧᔭ ᑭᓭᒪᓂᑐ ᐁ ᑭ ᑐᑕᒫᐢᐠ. ᑭ ᓯᐯᐧᑌᐤ ᒫᑲ, ᒥᓇ ᐁ ᑭ ᐋᑐᑕᕽ ᒥᓯᐁᐧ ᐅᑌᓇᕽ ᑕᓂᔨᑯᕽ ᑭᐦᒋ ᑫᑲᐧᔭ ᐁ ᑭ ᑐᑕᒫᑯᐟ ᒋᓴᓴ. 40ᐁᑯᓯ ᒋᓴᐢ ᐁ ᑭ ᑭᐁᐧᐟ, ᐊᔨᓯᔨᓂᐊᐧ ᒋᑫᔨᑕᒧᐃᐧᓂᕽ ᑭ ᐅᑎᓂᐠ; ᐃᐧᔭ ᑲᐦᑭᔭᐤ ᐁ ᑭ ᐯᐃᑯᐟ.
41ᒫᑎᑲ ᒫᑲ, ᑭ ᐯ ᐃᑐᐦᑌᐤ ᓈᐯᐤ ᒉᕒᐊᐢ ᐁ ᐃᓯᔨᐦᑳᓱᐟ, ᐁ ᐅᔭᓱᐁᐧᐃᐧᑭᒫᐃᐧᐟ ᐊᔭᒥᐦᐁᐃᐧᑲᒥᑯᕽ: ᐁ ᑭ ᐸᐦᑭᓯᕽ ᒫᑲ ᒋᓴᓴ ᐅᓯᑎᔨᕽ, ᐁ ᒪᐃᐧᒧᐢᑕᐊᐧᐟ ᑭᑕ ᐯ ᐱᐦᑐᑫᔨᐟ ᐅ ᐋᐧᐢᑳᐦᐃᑲᓂᕽ; 42ᒋᑫᒫ ᑭ ᐯᔭᑯᔨᐊᐧ ᐱᑯ ᐅᑖᓂᓴ, ᓈᓂᑕᐤ ᒥᑖᑕᐟ ᓂᓱᓵᑊ ᐊᐢᑭ ᐁ ᐃᐢᐱᑎᓯᔨᐟ, ᐁᑯᓯ ᑭ ᐱᒥᓯᓂᔨᐊᐧ ᐁ ᐋᒋᐢᑕᐃᐧᓯᔨᐟ, ᒫᑲ ᐁ ᐊᑎ ᐃᑐᑎᐟ ᐊᔨᓯᓂᐊᐧ ᑭ ᓴᓯᑎᐢᑳᐠ.
43ᐯᔭᐠ ᐃᐢᑫᐧᐤ ᒫᑲ ᐁ ᑭ ᐅᐦᒋᑲᐊᐧᓂᔨᐠ ᒥᐦᑯ ᒥᑖᑕᐦᐟ ᓂᓱᓴᑊ ᐊᐢᑭ, ᐁ ᑭ ᒣᐢᑎᓇᕽ ᑲᐦᑭᔭᐤ ᑫᑲᐧᐩ ᑳ ᑭ ᐊᔮᐟ ᐁ ᓇᓇᑕᐃᐧᐃᑯᐟ ᒪᐢᑭᑭᐃᐧᔨᓂᐊᐧ, ᐁᑳ ᒫᑲ ᐁ ᑭ ᐃᔨᓂᑲᐃᐦᐟ, 44ᐅᐢᐱᐢᑲᐧᓂᔨᕽ ᐅᐦᒋ, ᑭ ᐯ ᓵᒥᓇᒣᐧᐤ ᐅᐟ ᐊᑯᐅᐃᐧᓂᔨᐤ: ᐁᑯᓯ ᓭᒫᐠ ᑳ ᐃᓯ ᐅᐦᒋᑲᐊᐧᓂᔨᐠ ᐅ ᒥᐦᑯ ᑭ ᑭᐱᒋᐸᔨᔨᐤ. 45ᒋᓴᐢ ᒫᑲ ᑭ ᐃᑌᐧᐤ, ᐊᐁᐧᓇ ᑳ ᓵᒥᓂᐟ? ᐁᑯᓯ ᐃᐢᐱ ᑲᐦᑭᔭᐤ ᑳ ᐊᓀᐧᑕᒥᔨᐟ, ᐱᑕᕒ ᐊᓯᒋ ᑲᐦᑭᔭᐤ ᑳ ᐃᐧᒉᑯᐟ ᑭ ᐃᑌᐊᐧᐠ, ᐅᑭᐢᑭᓄᐦᐊᒫᑫᐤ, ᑳ ᐅᓵᒣᔭᑎᒋᐠ ᐊᔨᓯᔨᓂᐊᐧᐠ ᑭ ᐱᐢᑎᐢᑳᑲᐧᐠ ᒥᓇ ᑭ ᒫᑯᐢᑳᑲᐧᐠ. 46ᒫᑲ ᒋᓴᐢ ᑭ ᐃᑌᐧᐤ, ᐊᐃᐧᔭᐠ ᓂ ᑭ ᓵᒥᓂᐠ; ᒋᑫᒫ ᓂ ᓂᓯᑕᐁᐧᔨᑌᐣ ᒪᐢᑲᐃᐧᓯᐃᐧᐣ ᐁ ᓯᐯᐧᐸᔨᐠ ᓂᔭ ᐅᐦᒋ. 47ᐁᑯᓯ ᒫᑲ ᐃᐢᐱ ᐃᐢᑫᐧᐤ ᐃᐧᔮᐸᐦᑕᕽ ᐁᑳ ᐁ ᑭ ᑳᓱᐟ, ᑭ ᐯ ᓈᑌᐤ ᐁ ᓇᓇᒥᐸᔨᐟ, ᐁ ᑭ ᐸᐦᑭᓯᕽ ᐅᐟ ᐃᑖᐢᑕᒥᐃᐧᓂᔨᕽ ᒥᓇ ᐁ ᑭ ᐃᐧᐦᑕᒪᐋᐧᐟ ᑫᑲᐧᐩ ᐅᐦᒋ ᐊᓂᒪ ᑳ ᑭ ᓵᒥᓈᐟ, ᐁ ᐃᐧᐦᑕᕽ ᑲᐦᑭᔭᐤ ᐁ ᑲᓇᐋᐧᐸᒥᑯᐟ ᐊᔨᓯᔨᓂᐊᐧ ᒥᓇ ᑖᓂᓯ ᐁ ᑭ ᐃᓯ ᓭᒫᐠ ᒥᔪ ᐊᔭᐟ. 48ᐁᑯᓯ ᒫᑲ ᑭ ᐃᑌᐤ, ᓂᑕᓂᐢ, ᑭ ᑖᐯᐧᔦᔨᑕᒧᐃᐧᐣ ᑭ ᑭ ᐃᔨᓂᑲᐃᑯᐣ ᐯᔭᑕᑫᔨᒧᐃᐧᓂᕽ ᓯᐯᐧᐦᑌ.
49ᒣᑳᐧᐨ ᑫᔮᐱᐨ ᐁ ᐱᑭᐢᑫᐧᐟ, ᐯᔭᐠ ᑭ ᐯ ᑕᑯᓯᐣ ᑳ ᐅᔭᓱᐁᐧᐃᐧᑭᒫᐃᐧᐟ ᐊᔭᒥᐦᐁᐃᐧᑲᒥᑯᕽ ᐅ ᐋᐧᐢᑲᐦᐃᑲᓂᕽ ᐅᐦᒋ, ᐁ ᐃᑌᐧᐟ, ᐋᓴᐩ ᑭᑖᓂᐢ ᓂᐱᐤ; ᐁᑳᐃᐧᔭ ᒥᑯᐢᑳᒋᒼ ᐅᑭᐢᑭᓄᐦᐊᒫᑫᐤ. 50ᒫᑲ ᐃᐢᐱ ᒋᓴᐢ ᐱᔦᐦᑕᕽ, ᑭ ᓇᐢᑫᐧᐊᐧᓯᒣᐤ, ᐁ ᐃᑌᐧᐟ, ᐁᑳᐃᐧᔭ ᐊᐢᑖᓯ, ᐱᑯ ᑖᐯᐧᑕ, ᐁᑯᓯ ᑭᑕ ᐃᔨᓂᑲᐋᐤ. 51ᐁᑯᓯ ᐃᐢᐱ ᐁ ᑭ ᐯ ᐱᐦᑐᑫᐟ ᐋᐧᐢᑳᐦᐃᑲᓂᕽ, ᓇᒪᐃᐧᔭ ᐊᐃᐧᔭ ᐊᔨᓯᔨᓂᐊᐧ ᑭ ᐸᑭᑎᓇᒪᐁᐧᐤ ᑭᑕ ᐱᐦᑐᑫᔨᐟ, ᐱᑯ ᐱᑕᕒ, ᒥᓇ ᒉᒥᐢ, ᒥᓇ ᒑᐣ, ᐊᓯᒋ ᐅᑕᐃᐧᔨᐊᐧ ᐅᐢᑭᓂᑭᐢᑫᐧᓯᓴ ᒥᓇ ᐅᑳᐃᐧᔨᐊᐧ. 52ᑲᐦᑭᔭᐤ ᒫᑲ ᑭ ᒫᑐᐊᐧᐠ, ᒥᓇ ᐁ ᑭ ᒪᐃᐧᑳᑖᒋᐠ; ᒫᑲ ᑭ ᐃᑌᐧᐤ, ᐁᑳᐃᐧᔭ ᒫᑐᐠ, ᓇᒪᐃᐧᔭ ᓂᐱᐤ, ᒫᑲ ᓂᐹᐤ. 53ᑭ ᐸᐦᐱᐦᐁᐊᐧᐠ ᒫᑲ ᐃᐧᔭ ᐁ ᑭᐢᑫᔨᒫᒋᐠ ᐁ ᓂᐱᔨᐟ. 54ᒫᑲ ᐃᐧᔭ ᑭ ᓴᑭᒋᐦᒉᓀᐤ, ᐁ ᑌᐯᐧᐟ, ᐁ ᐃᑌᐧᐟ, ᐅᐢᑭᓂᑭᐢᑫᐧᓯᐢ, ᐊᐧᓂᐢᑳ. 55ᐁᑯᓯ ᐅᐟ ᐊᐦᒑᐦᑲᐧ ᑭ ᐯ ᑭᐁᐧᑐᑖᐠ, ᒥᓇ ᓭᒫᐠ ᐁ ᑭ ᐊᐧᓂᐢᑳᐟ; ᑭ ᓯᑭᑫᒧ ᒫᑲ ᑭᑕ ᐊᓴᒥᒥᐦᐟ. 56ᐅ ᓂᑭᐃᑲᐧ ᒫᑲ ᑭ ᒫᒪᐢᑳᑕᒥᔨᐊᐧ; ᒫᑲ ᑭ ᐊᔮᑳᐧᒥᒣᐤ ᐁᑳ ᐊᐃᐧᔭ ᐊᔨᓯᔨᓂᐊᐧ ᑭᑕ ᐃᐧᐦᑕᒪᐋᐧᔨᐟ ᐊᓂᒪ ᑳ ᑭ ᑐᒋᑳᑌᔨᐠ.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This Bible text is a corrected edition of the 1908 Western Cree Bible; it is in the public domain.