ᓭᐣᐟ ᓬᐅᐠ 9
9
1ᐁᑯᓯ ᑭ ᒫᒪᐃᐧ ᓇᑐᒣᐤ ᒥᑖᑕᐟ ᓂᓱᓵᑊ, ᐁ ᑭ ᒥᔮᐟ ᒫᑲ ᑲᐢᑭᐦᐁᐃᐧᓯᐃᐧᐣ ᒥᓇ ᑎᐯᔨᐦᒋᑫᐃᐧᐣ ᑭᑕ ᑎᐯᔨᒪᒋᐠ ᑲᐦᑭᔭᐤ ᒪᒋ ᐊᐦᒑᐦᑲᐧ, ᒥᓇ ᑭᑕ ᒥᓈᐧᒋᑖᔨᐟ ᐋᑯᓯᐃᐧᓇ, 2ᐁ ᑭ ᓯᐯᐧᑎᓴᐋᐧᐟ ᒫᑲ ᑭᑕ ᑲᑫᐢᑳᐧᑕᒥᔨᐟ ᐅᐟ ᐅᑌᓇᐃᐧᐃᐧᓂᔨᐤ ᑭᓭᒪᓂᑐᐊᐧ, ᒥᓇ ᑭᑕ ᐃᔨᓂᑲᐦᐋᔨᐟ ᐅᑖᐦᑯᓯᐊᐧ. 3ᐁᑯᓯ ᑭ ᐃᑌᐤ, ᐁᑳᐃᐧᔭ ᑫᑲᐧᐩ ᐅᑎᓇᒧᐠ ᑭ ᐱᒧᐦᑌᐅᐃᐧᓂᐋᐧᐤ ᐅᐦᒋ, ᓇᒪᐃᐧᔭ ᓴᐢᑲᐅᐣ, ᐊᐦᐳ ᒪᐢᑭᒧᐟ, ᓇᒪᐃᐧᔭ ᐸᑫᐧᓯᑲᐣ, ᐊᐦᐳ ᓱᓂᔮᐤ; ᒥᓇ ᐁᑳᐃᐧᔭ ᐊᐃᐧᔭᐠ ᓂᓱ ᒥᐢᑯᑖᑳᔭ ᑭᑕ ᐊᔮᐤ. 4ᐁᑯᓯ ᐱᑯ ᐊᓂᒪ ᐋᐧᐢᑳᐦᐃᑲᐣ ᑫ ᐱᐦᑐᑫᔦᐠ, ᐁᑯᑕ ᐊᔮᐠ, ᒥᓇ ᐁᑯᑕ ᐅᐦᒋ ᓯᐯᐧᑌᐧᐠ. 5#ᐃᓯᐦᒋᑫᐃᐧᓂᐋᐧᐊᐧ 13:51#ᓬᐅᐠ 10:4-11ᑕᐦᑐ ᒫᑲ ᐁᑳ ᑫ ᐅᑎᓂᑯᔦᑯᐠ, ᐃᐢᐱ ᓯᐯᐧᑌᔦᑯ ᐁᑯᑕ ᐅᑌᓈᕽ ᐅᐦᒋ, ᐸᐸᐊᐧᐊᒧᐠ ᐋᓯᐢᑭ ᑭᓯᑎᐊᐧᕽ ᐅᐦᒋ ᑭᑕ ᐋᒋᒥᑯᒋᐠ. 6ᐁᑯᓯ ᑭ ᓯᐯᐧᑌᐊᐧᐠ, ᒥᓇ ᐁ ᑭ ᐱᒥ ᓴᐳᐢᑲᑭᐠ ᐅᑌᓇᐊᐧ ᐁ ᑲᑫᐢᑳᐧᑕᑭᐠ ᒥᔪ ᐊᒋᒧᐃᐧᐣ, ᒥᓇ ᒥᓯᐁᐧ ᐃᑌ ᐁ ᐃᔨᓂᑲᐃᐁᐧᒋᐠ.
7 #
ᒫᐟᔪ 16:14; ᒫᕒᐠ 8:28; ᓬᐅᐠ 9:19 ᐁᕒᐊᐟ ᒫᑲ ᑭᐦᒋ ᐅᑭᒫᐤ ᑭ ᐯᑕᒼ ᑲᐦᑭᔭᐤ ᑫᑲᐧᐩ ᑳ ᑭ ᑐᑕᒧᐟ: ᐁᑯᓯ ᒥᐢᑕᐦᐃ ᑭ ᒥᑯᐢᑳᑌᔨᑕᒼ, ᒋᑫᒫ ᐋᑎᐦᐟ ᐁ ᑭ ᐃᑌᐧᒋᐠ, ᒑᐣ ᐁ ᑭ ᐊᐧᓂᐢᑳᐟ ᓂᐳᐃᐧᓂᕽ ᐅᐦᒋ; 8ᒥᓇ ᐋᑎᐦᐟ ᐃᓬᐊᐃᒐᐊᐧ ᐁ ᑭ ᓄᑯᓯᔨᐟ; ᐁᑯᓯ ᒥᓇ ᐊᑎᐟ, ᐯᔭᐠ ᑲᔮᓯ ᐅᑭᐢᑭᐁᐧᐦᐃᑫᐊᐧ ᐁ ᑭ ᐊᐧᓂᐢᑳᔨᐟ. 9ᐁᑯᓯ ᐁᕒᐊᐟ ᑭ ᐃᑌᐧᐤ, ᒑᐣ ᓂ ᑭ ᑭᐢᑭᑫᐧᑕᐋᐧᐤ; ᒫᑲ ᐊᐁᐧᓈᐊᐧ ᑳ ᐯᑕᒫᐣ ᐅᒪ ᑳ ᐃᑖᒋᒥᐦᐟ? ᐁᑯᓯ ᑭ ᐊᑳᐋᐧᑕᒼ ᑭᑕ ᐋᐧᐸᒫᐟ.
10ᐁᑯᓯ ᐃᓯᑎᓴᐋᐧᑲᓇ, ᐃᐢᐱ ᐁ ᑭ ᐯ ᑭᐁᐧᔨᐟ, ᑭ ᐋᒋᒧᐢᑖᐠ ᑲᐦᑭᔭᐤ ᐊᓂᒪ ᑳ ᑭ ᑐᑕᒥᔨᐟ. ᐁᑯᓯ ᑭ ᐅᑎᓀᐤ, ᐅᐦᐱᒣ ᒫᑲ ᐁ ᑭ ᐃᑐᐦᑌᒋᐠ, ᐱᑲᐧᑕᐢᑭᕽ ᐃᑌᑫ ᐅᑌᓇᐤ ᐯᐟᓭᑕ ᑭᓯᐊᐧᐠ ᐃᑕ ᐁ ᐊᔮᔨᐠ. 11ᒫᑲ ᐊᔨᓯᔨᓂᐊᐧ ᐃᐢᐱ ᐁ ᑭᐢᑫᔨᑕᒥᔨᐟ, ᑭ ᐱᒥᑎᓴᐦᐅᐠ; ᑭ ᐊᑕᒥᐢᑲᐁᐧᐤ ᒫᑲ, ᒥᓇ ᐁ ᑭ ᑕᓯᑕᒪᐋᐧᐟ ᐅᑐᑌᓇᐃᐧᐃᐧᓂᔨᐤ ᑭᓭᒪᓂᑐᐊᐧ, ᒥᓇ ᐁ ᑭ ᐃᔨᓂᑲᐦᐋᐟ ᐊᓂᐦᐃ ᐁᑯᓯ ᑳ ᐃᓯ ᑭᐧᑕᒫᔨᐟ. 12ᐃᐢᐱ ᒫᑲ ᑭᓯᑳᐤ ᐁ ᐊᑎ ᒣᒋᐸᔨᐠ; ᑭ ᐯ ᓈᑎᐠ ᐊᓂᐦᐃ ᒥᑖᑕᐟ ᓂᓱᓵᑊ, ᐁ ᑭ ᐃᑎᑯᐟ, ᓯᐯᐧᑎᓯᐅᐠ ᑳ ᒥᐦᒉᑎᒋᐠ ᐊᔨᓯᔨᓂᐊᐧᐠ, ᐅᑌᓈᕽ ᑭᑕ ᐃᑐᐦᑌᒋᐠ ᒥᓇ ᐊᐧᐢᑲ ᐊᐢᑭᕽ, ᑭᑕ ᑳᐯᓯᒋᐠ, ᒥᓇ ᑭᑕ ᐊᔮᒋᐠ ᒥᒋᐃᐧᐣ; ᒋᑫᒫ ᐱᑲᐧᑕᐢᑭᕽ ᐅᑕ ᑳ ᐊᔮᔭᕽ. 13ᒫᑲ ᑭ ᐃᑌᐤ, ᑭᔭᐋᐧᐤ ᒥᔨᑯᐠ ᑭᑕ ᒥᒋᒋᐠ, ᐁᑯᓯ ᑭ ᐃᑌᐧᐊᐧᐠ, ᓇᒪᐃᐧᔭ ᐊᐊᐧᓯᒣ ᓂᐟ ᐊᔮᓈᐣ ᐱᑯ ᓂᔮᓇᐣ ᐱᓭᐧ ᐊᔭᑯᓈᐊᐧᐠ ᒥᓇ ᓂᓱ ᑭᓄᓭᐊᐧᐠ; ᐱᑯ ᑭᐢᐱᐣ ᐃᑐᐦᑌᔮᕽ ᑭᑕ ᐊᑕᐁᐧᔮᕽ ᒥᒋᐃᐧᒼ ᑲᐦᑭᔭᐤ ᐅᑭ ᐊᔨᓯᔨᓂᐊᐧᐠ ᑭᑕ ᒥᒋᒋᐠ. 14ᐃᐧᔭ ᓈᓂᑕᐤ ᓂᔮᓇᓈᐤ ᑭᐦᒋ ᒥᑖᑕᐦᑐᒥᑕᓇᐤ ᐁ ᑭ ᐃᐦᑕᓯᒋᐠ. ᑭ ᐃᑌᐤ ᒫᑲ ᐅ ᑭᐢᑭᓄᐦᐊᒪᐋᐧᑲᓇ, ᐸᐯᐢᑭᐨ ᓇᐦᐊᐱᐃᑯᐠ ᓈᓂᔮᓇᓄᒥᑕᓇᐤ ᓈᐣᑕᐤ. 15ᐁᑯᓯ ᒫᑲ ᐁ ᑭ ᐃᑐᑕᐦᑭᐠ, ᑲᐦᑭᔭᐤ ᒫᑲ ᐁ ᑭ ᓇᐦᐊᐱᐋᒋᐠ. 16ᑭ ᐅᑎᓀᐤ ᒫᑲ ᐊᓂᐦᐃ ᓂᔮᓇᐣ ᐱᓭᐧ ᐊᔭᑯᓈᐊᐧ ᐊᓯᒋ ᐊᓂᐦᐃ ᓂᓱ ᑭᓄᓭᐊᐧ, ᑭᐦᒋ ᑭᓯᑯᕽ ᒫᑲ ᐁ ᐃᓯ ᑕᐢᑕᓵᐱᐟ, ᑭ ᒥᔭᐧᑭᒣᐤ; ᐁ ᑭ ᐸᐹᑫᐧᓈᐟ ᒫᑲ ᐁ ᑭ ᒥᔮᐟ ᐅ ᑭᐢᑭᓄᐦᐊᒪᐋᐧᑲᓇ ᑭᑕ ᐊᐢᑕᒪᐊᐧᔨᐟ ᐊᔨᓯᔨᓂᐊᐧ. 17ᐁᑯᓯ ᑭ ᒥᒋᓱᐊᐧᐠ, ᒥᓇ ᑲᐦᑭᔭᐤ ᐁ ᑭ ᑭᐢᐳᒋᐠ; ᑭ ᐅᑎᓂᑳᑌᐊᐧ ᒫᑲ ᑳ ᐊᐊᐧᓯᒣᐸᔨᑭ ᐱᐊᐧᒋᑲᓇ, ᒥᑖᑕᐟ ᓂᓱᓵᑊ ᐃᐧᑯᐱᐊᐧᑕ.
18ᑭ ᐊᔨᑭᐣ ᒫᑲ, ᒣᑳᐧᐨ ᐁ ᐯᔭᑯ ᐊᔭᒥᐦᐋᐟ ᐅ ᑭᐢᑭᓄᐦᐊᒪᐋᐧᑲᓇ ᐁ ᐃᐧᒉᐃᐧᑯᐟ: ᑭ ᑲᑫᐧᒋᒣᐤ, ᐁ ᐃᑌᐧᐟ, ᐊᐁᐧᓇ ᐊᔨᓯᔨᓂᐊᐧᐠ ᐁᑌᐧᒋᐠ ᓂᔭ ᐁ ᐋᐃᐧᔮᐣ, 19#ᒫᐟᔪ 14:1,2; ᒫᕒᐠ 6:14,15; ᓬᐅᐠ 9:7,8ᐁᑯᓯ ᑭ ᓇᐢᑫᐧᐊᐧᓯᒣᐊᐧᐠ ᐁ ᐃᑖᒋᐠ, ᒑᐣ ᐅᐹᑊᑕᐃᓯᐃᐧᐃᐁᐧᐤ; ᒫᑲ ᑯᑕᑲᐠ ᐃᑌᐧᐊᐧᐠ, ᐃᓬᐊᐃᒐ: ᒥᓇ ᐋᑎᐦᐟ, ᐯᔭᐠ ᑲᔮᓯ ᐅᑭᐢᑭᐁᐧᐦᐃᑫᐤ ᑭ ᐊᐧᓂᐢᑳᐤ. 20#ᒑᐣ 6:68,69ᐁᑯᓯ ᑭ ᐃᑌᐤ, ᑭᔭᐋᐧᐤ ᒫᑲ ᐊᐁᐧᓇ ᐁᑌᐧᔦᐠ ᐁ ᐋᐃᐧᔮᐣ? ᐱᑕᕒ ᐁ ᓇᐢᑫᐧᐊᐧᓯᒫᐟ ᑭ ᐃᑌᐧᐤ, ᐅ ᙭ᐃᒪ ᑭᓭᒪᓂᑐ. 21ᑭ ᐊᔮᑳᐧᒥᒣᐤ ᒫᑲ, ᒥᓇ ᐁ ᑭ ᐃᑕᓱᐋᐧᑖᐟ ᐁᑳ ᐊᐃᐧᔭ ᐁᐊᐧᑲᐧᓂᒪ ᑭᑕ ᐃᐧᐦᑕᒪᐊᐧᔨᐟ; 22ᐁ ᐃᑌᐧᐟ ᐃᔨᓂᐃᐧᑯᓯᓵᐣ ᐃᑕᐢᑌᔨᐤ ᒥᒉᑕᐧᔭᐠ ᑭᑕ ᐃᓯ ᑲᑳᐧᑕᑭᑖᐟ, ᒥᓇ ᑭᑕ ᐋᑕᐁᐧᔨᒥᑯᐟ ᑭᐦᒋ ᐊᔭᒥᐁᐃᔨᓂᐊᐧ ᐊᓯᒋ ᒪᓯᓇᐦᐃᑫᐃᐧᔨᓂᐊᐧ, ᒥᓇ ᑳ ᓂᑳᓀᔨᑖᑯᓯᔨᐟ, ᑭᑕ ᓂᐸᐃᐟ ᒫᑲ, ᒥᓇ ᑭᑕ ᐊᐧᓂᐢᑳᓂᐦᐟ ᑭ ᓂᐢᑐ ᑭᓯᑳᔨᑭ.
23 #
ᒫᐟᔪ 10:38; ᓬᐅᐠ 14:27 ᐁᑯᓯ ᑲᐦᑭᔭᐤ ᑭ ᐃᑌᐤ, ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐃᐧ ᐱᒥᑎᓴᐅᒋ, ᑭᔮᒼ ᑭᑕ ᐊᓀᐧᑕᓱ, ᒥᓇ ᑭᑕ ᐅᑎᓇᒼ ᐅ ᐱᒥᑖᐢᑲᐧᐃᑲᐣ ᑕᐦᑐ ᑭᓯᑳᐤ, ᐁᑯᓯ ᓂ ᑲ ᐃᓯ ᐱᒥᑎᓴᐦᐅᐠ. 24#ᒫᐟᔪ 10:39; ᓬᐅᐠ 17:33; ᒑᐣ 12:25ᒋᑫᒫ ᐱᑯ ᐊᐃᐧᔭᐠ ᑫ ᐃᐧ ᑲᑫᐧ ᐱᒫᒋᑖᑫᐧ ᐅ ᐱᒫᑎᓯᐃᐧᐣ ᑭᑕ ᐊᐧᓂᑕᐤ; ᒫᑲ ᐱᑯ ᐊᐃᐧᔭᐠ ᑫ ᐊᐧᓂᑖᑫᐧ ᐅ ᐱᒫᑎᓯᐃᐧᐣ ᓂᔭ ᐅᐦᒋ, ᐁᐊᐧᑲᐧᓇ ᑫ ᐱᒪᒋᑖᐟ. 25ᒋᑫᒫ ᑖᓂᓯ ᑫ ᐃᑖᐸᒋᐦᐃᑯᐟ ᐊᔨᓯᔨᓂᐤ, ᐋᑕ ᑭᐢᐱᓇᑕᑭ ᑲᐦᑭᔭᐤ ᐊᐢᑭ, ᐁᑯᓯ ᓂᓯᐊᐧᓈᒋᐅᒋ, ᐊᐦᐳ ᐊᐧᓂᐦᐅᒋ? 26ᒋᑫᒫ ᐱᑯ ᐊᐃᐧᔭᐠ ᑫ ᓀᐯᐃᐧᓯᑫᐧ ᓂᔭ, ᒥᓇ ᓂᐟ ᐊᔭᒥᐃᐧᓇ ᐅᐦᒋ, ᐁᐊᐧᑲᐧᓂ ᐃᔨᓂᐃᐧᑯᓯᓵᐣ ᑫ ᓀᐯᐊᐧᑫᔨᒫᐟ, ᐃᐢᐱ ᑕᑯᓯᑭ ᑭᑭ ᐅ ᑭᐢᑌᔨᑖᑯᓯᐃᐧᐣ, ᐊᓯᒋ ᐅᑖᐃᐧᔭ ᐅ ᑭᐢᑌᔨᑖᑯᓯᐃᐧᓂᔨᐤ ᒥᓇ ᐊᓂᐦᐃ ᑲᓇᒋ ᐅᑭᓯᑯᐊᐧ. 27ᒫᑲ ᑭ ᐃᐧᐦᑕᒫᑎᓈᐋᐧᐤ ᐁ ᑖᐯᐧᔮᐣ, ᐋᑎᐦᐟ ᐅᑕ ᓂᐸᐃᐧᐊᐧᐠ, ᐁᑳ ᑫ ᑯᒋᐢᑕᑭᐠ ᓂᐳᐃᐧᐣ, ᐹᑎᒫ ᑭ ᐋᐧᐸᐦᑕᑳᐧᐃᐧ ᐅᐟ ᐅᑌᓇᐃᐧᐃᐧᓂᔨᐤ ᑭᓭᒪᓂᑐᐊᐧ.
28ᑭ ᐊᔨᐢᐸᔨᐤ ᒫᑲ ᓈᓂᑕᐤ ᐊᔨᓈᓀᐤ ᑭᓯᑳᐤ ᐃᔨᑯᕽ, ᐃᐢᐱ ᐅᒪ ᐁ ᑭ ᐃᑌᐧᐟ, ᑭ ᐅᑎᓀᐤ ᐱᑕᕒ ᒥᓇ ᒑᐣ ᐊᓯᒋ ᒉᒥᐢ, ᐊᐧᒋᕽ ᒫᑲ ᐁ ᑭ ᐃᓯ ᐋᒪᒋᐁᐧᐟ ᑭᑕ ᐊᔭᒥᐦᐋᐟ. 29ᒣᑳᐧᐨ ᒫᑲ ᐁ ᐊᔭᒥᐦᐋᐟ, ᐱᑐᐢ ᑭ ᐃᓯᓈᑯᓯᐤ ᐅᑳᐧᑲᓂᕽ, ᐁᑯᓯ ᐅ ᑭᑭᐢᑭᑲᓇ ᑭ ᐊᐧᐱᐢᑭᐸᔨᔨᐊᐧ ᒥᓇ ᐁ ᑭᐦᑳᐋᐧᓯᑌᔨᑭ. 30ᒫᑎᑲ ᒫᑲ, ᑭ ᐃᐧᒋ ᐱᑭᐢᑫᐧᒥᐠ ᓂᓱ ᐊᔨᓯᔨᓂᐊᐧ ᐁᐊᐧᑲᐧᓂ ᒧᓯᓴ ᒥᓇ ᐃᓬᐊᐃᒐᐊᐧ; 31ᐁᐊᐧᑲᐧᓂᐦ ᐁ ᓄᑯᓯᔨᐟ ᑭᐢᑌᔨᑖᑯᓯᐃᐧᓂᕽ, ᒥᓇ ᐁ ᑕᓯᑕᒥᔨᐟ ᐊᓂᒪ ᑫ ᐃᓯ ᓂᐱᐟ ᒉᕒᐅᓴᓬᐊᒥᕽ. 32ᐱᑕᕒ ᒫᑲ ᐊᓯᒋ ᐊᓂᐦᐃ ᑳ ᐃᐧᒉᐃᐧᑯᐟ ᓈᐢᐱᐨ ᑭ ᓄᑌᑲᐧᓯᐊᐧᐠ; ᒫᑲ ᐃᐢᐱ ᒥᑐᓂ ᑳ ᐯᑯᐸᔨᒋᐠ, ᑭ ᐋᐧᐸᐦᑕᒣᐧᐊᐧᐠ ᐅ ᑭᐢᑌᔨᑖᑯᓯᐃᐧᓂᔨᐤ ᐊᓯᒋ ᐊᓂᐦᐃ ᓂᓱ ᐊᔨᓯᔨᓂᐊᐧ ᑳ ᐃᐧᒋᑳᐸᐃᐧᐢᑕᑯᔨᐟ. 33ᑭ ᐊᔨᑭᐣ ᒫᑲ, ᐃᐢᐱ ᐁ ᐊᑎ ᐸᐢᑫᐃᐧᐃᑯᐟ, ᐱᑕᕒ ᑭ ᐃᑌᐤ ᒋᓴᓴ, ᐅᑭᐢᑭᓄᐦᐊᒫᑫᐤ, ᒥᔮᐧᓯᐣ ᐅᑕ ᑭᑕ ᐊᔮᔭᕽ: ᑭᔮᒼ ᓂ ᑲ ᐅᓯᑖᓈᐣ ᓂᐢᑐ ᒥᑭᐋᐧᐸ; ᐯᔭᐠ ᑭᔭ ᑭᑕ ᐊᔮᔭᐣ, ᐁᑯᓯ ᐯᔭᐠ ᒧᓯᐢ, ᒥᓇ ᐯᔭᐠ ᐃᓬᐊᐃᒐ: ᐁᑳ ᐁ ᑭᐢᑫᔨᑕᕽ ᑖᓂᓯ ᐁ ᐃᑌᐧᐟ. 34ᒣᑳᐧᐨ ᐅᒪ ᐁ ᐃᑌᐧᐟ, ᐁᑯᑕ ᑭ ᐯ ᔨᑯᐸᔨᐤ ᐊᐧᐢᑯ, ᑭ ᓭᑭᓯᐊᐧᐠ ᒫᑲ ᐊᐧᐢᑯᕽ ᐁ ᐊᑎ ᐊᔮᒋᐠ. 35#ᐊᐩᓵᔭ 42:1; ᒫᐟᔪ 3:17; 12:18; ᒫᕒᐠ 1:11; ᓬᐅᐠ 3:22#2 ᐱᑕᕒ 1:17,18ᐁᑯᓯ ᐊᐃᐧᔭᐠ ᑭ ᐯᐦᑖᑯᓯᐤ ᐊᐧᐢᑯᕽ ᐅᐦᒋ; ᐁ ᐃᑌᐧᐟ, ᐁᐊᐧᑲᐧᐊᐧ ᓂᑯᓯᐢ ᑳ ᓇᐊᐧᓱᓇᐠ, ᓇᑐᑖᕽ. 36ᐃᐢᐱ ᒫᑲ ᐁ ᐳᓂ ᐯᑖᑲᐧᕽ, ᒋᓴᐢ ᐳᑎ ᑭ ᐯᔭᑯ. ᒥᑐᓂ ᒫᑲ ᑭ ᑲᓇᐁᐧᔨᑕᒪᐧᐠ, ᐁᑳ ᐊᐃᐧᔭ ᐊᔨᓯᔨᓂᐊᐧ ᐁᑯᐢᐱ ᐁ ᑭ ᐃᐧᐦᑕᒪᐋᐧᒋᐠ ᐊᓂᐦᐃ ᑳ ᑭ ᐋᐧᐸᐦᑕᐦᑭᐠ.
37ᐁᑯᓯ ᑭ ᐃᐦᑭᐣ, ᐁ ᐊᑎ ᐋᐧᐸᕽ, ᐃᐢᐱ ᐁ ᑭ ᐯ ᓂᑕᒋᐁᐧᒋᐠ ᐊᐧᒋᕽ ᐅᐦᒋ, ᒥᓴᒋ ᐊᔨᓯᔨᓂᐊᐧ ᑭ ᓇᑭᐢᑳᐠ. 38ᐁᑯᓯ ᒋᐢᐟ, ᐯᔭᐠ ᓈᐯᐤ ᐊᔨᓯᔨᓂᓈᕽ ᐅᐦᒋ ᑭ ᒪᐃᐧᒧᐢᑖᐠ, ᐁ ᐃᑌᐧᔨᐟ, ᐅᑭᐢᑭᓄᐦᐊᒫᑫᐤ ᑭ ᒪᐃᐧᒧᐢᑕᑎᐣ ᑭᑕ ᑲᓇᐋᐧᐸᒪᐟ ᓂᑯᓯᐢ; ᐃᐧᔭ, ᐁᐊᐧᑯ, ᐱᑯ ᐁ ᐯᔭᑯᐟ ᓂᐟ ᐊᐋᐧᓯᒥᐢ: 39ᒫᑎᑲ ᒫᑲ, ᐊᐦᒑᐦᑲᐧ ᐅᑎᑎᓂᐠ ᒪᓇ, ᐁᑯᓯ ᑫᑕᑕᐁᐧ ᒪᐃᐧᒧ; ᒥᓇ ᐱᑯᐱᑎᐠ, ᐱᔨᐢ ᒪᓇ ᐱᐢᑌᐃᐧᑐᓀᐤ, ᐁᑯᓯ ᐊᑳᐊᐧᐨ ᐁ ᓇᑲᑎᑯᐟ ᒥᑐᓂ ᑭᑎᓈᒋᐱᑎᐠ. 40ᓂ ᑭ ᑳᑭᓯᒧᑐᑕᐋᐧᐊᐧᐠ ᒫᑲ ᑭ ᑭᐢᑭᓄᐦᐊᒪᐋᐧᑲᓇᐠ ᑭᑕ ᐊᐧᔭᐃᐧᐁᐧᐱᓈᒋᐠ, ᒫᑲ ᓇᒪᐃᐧᔭ ᑭ ᑲᐢᑭᑖᐊᐧᐠ. 41ᐁᑯᓯ ᒋᓴᐢ ᑭ ᓇᐢᑫᐧᐊᐧᓯᒣᐤ, ᐁ ᐃᑖᐟ, ᐅ ᑭᔭᐋᐧᐤ ᐁᑳ ᑳ ᐅᑖᐯᐧᑕᒧᐃᐧᓂᔦᐠ ᒥᓇ ᑳ ᓇᔦᑖᐊᐧᑎᓯᔦᐠ, ᑖᓂᔨᑯᕽ ᑫ ᐃᐧᒉᐃᐧᑕᑯᐠ, ᒥᓇ ᑫ ᓯᑐᐃᐧᔨᑕᑯᐠ? ᐯᓯᐤ ᐅᑕ ᑭᑯᓯᐢ. 42ᒣᑳᐧᐨ ᒫᑲ ᐁ ᐯ ᐃᑐᐦᑌᐟ, ᒪᒋ ᐊᐦᒑᐦᑲᐧ ᑭ ᐸᑲᒥᓯᒥᐠ, ᒥᓇ ᐁ ᐱᑯᐱᑎᑯᐟ: ᒫᑲ ᒋᓴᐢ ᑭ ᑭᑐᑌᐤ ᒪᒋ ᐊᐦᒑᐦᑲᐧ, ᐁ ᑭ ᐃᔨᓂᑲᐦᐋᐟ ᐊᓂᐦᐃ ᓈᐯᓯᓴ, ᒥᓇ ᑲᐃᐧ ᐅᑕᐃᐧᔨᐊᐧ ᐁ ᑭ ᒥᔮᐟ. 43ᑲᐦᑭᔭᐤ ᒫᑲ ᑭ ᒫᒪᐢᑳᑕᒣᐧᐊᐧᐠ ᐊᓂᒪ ᐅ ᑭᐦᒋ ᒪᐢᑲᐃᐧᓯᐃᐧᓂᔨᐤ ᑭᓭᒪᓂᑐᐊᐧ.
ᒫᑲ ᒣᑳᐧᐨ ᐁ ᒫᒪᐢᑲᑕᑭᐠ ᑲᐦᑭᔭᐤ ᑫᑲᐧᔭ ᑳ ᑭ ᐃᑐᑕᒥᔨᐟ, ᑭ ᐃᑌᐤ, ᐅ ᑭᐢᑭᓄᐦᐊᒪᐋᐧᑲᓇ 44ᑭᔮᒼ ᐅᐦᐃ ᐱᑭᐢᑫᐧᐃᐧᓇ ᑭᑕ ᑯᑖᐃᐧᐸᔨᐊᐧ ᑭᑕᐊᐧᑳᐋᐧᕽ; ᒋᑫᒫ ᐃᔨᓂᐃᐧᑯᓯᓵᐣ ᑭᑕ ᐸᑭᑎᓈᐤ ᐅᒋᐦᒋᔨᕽ ᐊᔨᓯᔨᓂᐊᐧ. 45ᒫᑲ ᓇᒪᐃᐧᔭ ᑭ ᓂᓯᑐᐦᑕᒪᐧᐠ ᐅᒪ ᐃᑌᐧᐃᐧᐣ, ᐃᐧᔭ ᐁ ᑭ ᑳᑕᒫᒋᐠ, ᐁᑳ ᑭᑕ ᐋᐧᐸᐦᑕᐦᑭᐠ; ᒥᓇ ᐁ ᑭ ᒪᓈ ᑲᑫᐧᒋᒪᒋᐠ ᐅᒪ ᐃᑌᐧᐃᐧᐣ.
46 #
ᓬᐅᐠ 22:24
ᑭ ᒫᒋᐸᔨᐤ ᒫᑲ ᐁ ᑲᑫᐧᒋᑐᒋᐠ, ᐊᐁᐧᓇ ᐃᐧᔭᐋᐧᐤ ᑳ ᐃᐦᑕᓯᒋᐠ ᑫ ᓂᑳᓀᔨᑖᑯᓯᐟ. 47ᒫᑲ ᐃᐢᐱ ᒋᓴᐢ ᐃᐧᔮᐸᐦᑕᕽ ᐁ ᐃᓯ ᓇᑲᑕᐁᐧᔨᑕᒥᔨᐟ ᐅᑌᐃᔨᕽ, ᑭ ᐅᑎᓀᐤ ᐁ ᐊᐱᓯᓯᓯᔨᐟ ᐊᐋᐧᓯᓴ, ᐁᑯᓯ ᐁ ᑭ ᓇᐦᐋᐱᐋᐟ ᐃᑕ ᐁ ᐊᐱᐟ, 48#ᒫᐟᔪ 10:40; ᓬᐅᐠ 10:16; ᒑᐣ 13:20ᒥᓇ ᐁ ᑭ ᐃᑖᐟ, ᐱᑯ ᐊᐃᐧᔭᐠ ᑫ ᐅᑎᓈᑫᐧ ᐅᐦᐃ ᐊᐋᐧᓯᓴ ᓂ ᐃᐧᔪᐃᐧᓂᕽ ᓂᔭ ᓂᐟ ᐅᑎᓂᐠ: ᒥᓇ ᐊᓇ ᑫ ᐅᑎᓂᐟ, ᐅᑎᓀᐤ ᐊᓂᐦᐃ ᑳ ᑭ ᐯ ᐃᓯᑎᓴᐦᐅᔨᐟ; ᒋᑫᒫ ᐊᓇ ᑭᔭᐋᐧᐤ ᑳ ᒫᐊᐧᒋ ᐊᐱᐢᑌᔨᑖᑯᓯᐟ, ᐁᐊᐧᑳᐧᓇ ᑫ ᑭᐦᒑᔨᐃᐧᐟ.
49ᒑᐣ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᐁ ᑭ ᐃᑌᐧᐟ, ᑭᐢᑭᓄᐊᒪᑫᔭᐣ ᓂ ᑭ ᐋᐧᐸᒫᓈᐣ ᐯᔭᐠ ᐁ ᐊᐧᔭᐃᐧ ᐁᐧᐱᓈᐟ ᒪᒋ ᐊᐦᒑᐦᑲᐧ ᑭ ᐃᐧᔪᐃᐧᓂᕽ; ᐁᑯᓯ ᓂ ᑭ ᑭᑖᐊᒪᐋᐧᓈᐣ, ᒋᑫᒫ ᐁᑳ ᐁ ᐱᒥᑎᓴᐅᑯᔮᕽ. 50ᒋᓴᐢ ᒫᑲ ᑭ ᐃᑌᐤ, ᐁᑳᐃᐧᔭ ᑭᑕᐊᒫᕽ: ᐃᐧᔭ ᐊᓇ ᐁᑳ ᑳ ᓇᑳᐢᑳᑯᔦᐠ ᑭ ᐃᐧᒉᑯᐋᐧᐤ.
51ᑭ ᐊᔨᑭᐣ ᒫᑲ, ᐃᐢᐱ ᐁᑎ ᐃᐢᐸᔨᔨᐠ ᐃᑕ ᐊᓂᒪ ᑭᑕ ᐅᑎᓂᐟ ᐃᐢᐱᒥᕽ ᑭ ᒪᐢᑲᐃᐧ ᐃᑎᐢᑫᐧᔨᐤ ᒉᕒᐅᓴᓬᐊᒥᕽ ᑭᑕ ᐃᑐᐦᑌᐟ, 52ᐁᑯᓯ ᑭ ᓂᑲᓂ ᐃᓯᑎᓴᐁᐧᐤ ᐅᑖᒋᒧᐊᐧ: ᐁ ᑭ ᐃᑐᐦᑌᔨᐟ ᒫᑲ, ᒥᓇ ᐁ ᑭ ᐱᐦᑐᑫᔨᐟ ᓴᒪᕒᐃᑕᐣ ᑭᐢᑕᐱᓈᓂᕽ, ᐁᑯᑕ ᑭᑕ ᑲᐧᔮᒋᐦᑕᒫᑯᐟ. 53ᒫᑲ ᓇᒪᐃᐧᔭ ᑭ ᐱᑐᑲᐃᐠ, ᒋᑫᒫ ᒪᓇ ᐱᑯ ᒉᕒᐅᓴᓬᐊᒥᕽ ᐁ ᐃᐧ ᐃᑐᐦᑌᐟ ᑭ ᐃᑕᐸᒥᓈᑯᓯᐤ. 54#2 ᑭᐦᒋ ᐅᑭᒫᐊᐧᐠ 1:9-16ᐃᐢᐱ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᒉᒥᐢ ᒥᓇ ᒑᐣ ᐃᐧᔭᐸᑕᑭᐠ ᐅᒪ, ᑭ ᐃᑌᐧᐊᐧᐠ, ᑳ ᑎᐯᔨᐦᒋᑫᔭᐣ, ᓂ ᑲ ᑌᐹᐧᑌᓈᐣ ᒋ ᐃᐢᑯᑌᐤ ᑭᓯᑯᕽ ᐅᐦᒋ, ᑭᑕ ᓂᓯᐊᐧᓈᒋᐃᑯᒋᐠ? 55ᒫᑲ ᑭ ᐋᐸᒥᑳᐸᐃᐧᐤ, ᑭ ᑭᑐᑌᐤ, ᒥᓇ ᑭ ᐃᑌᐤ, ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᑫᑯ ᐊᐦᒑᕽ ᑳ ᑭᑭᐢᑳᑯᔦᐠ. 56ᒋᑫᒫ ᐃᔨᓂᐃᐧᑯᓯᓵᐣ ᓇᒪᐃᐧᔭ ᐯ ᐃᑐᐦᑌᐤ ᑭᑕ ᓂᓯᐊᐧᓈᒋᐦᐋᐟ ᐊᔨᓯᔨᓂᐊᐧ ᒫᑲ ᑭᑕ ᐱᒫᒋᐦᐋᐟ. ᐁᑯᓯ ᑯᑕᐠ ᑭᐢᑕᐱᓈᓂᕽ ᑭ ᐃᑐᐦᑌᐊᐧᐠ.
57ᐁ ᐊᑎ ᓯᐯᐧᑌᒋᐠ ᒫᑲ, ᐯᔭᐠ ᓈᐯᐊᐧ ᑭ ᐃᑎᐠ, ᑭ ᑲ ᐱᒥᑎᓴᐦᐅᑎᐣ ᐱᑯ ᐃᑕ ᑫ ᐃᑐᑌᐊᐧᓀ. 58ᐁᑯᓯ ᒋᓴᐢ ᑭ ᐃᑌᐤ, ᒪᐦᑫᓯᓴᐠ ᐅ ᐊᐧᑎᐊᐧᐠ ᒥᓇ ᐱᔦᓯᓴᐠ ᐃᐢᐱᒥᕽ ᑳ ᐊᔮᒋᐠ ᐅ ᐊᐧᒋᐢᑐᓂᐊᐧᐠ; ᒫᑲ ᐃᐧᔭ ᐃᔨᓂᐃᐧᑯᓯᓵᐣ, ᓇᒪᐃᐧᔭ ᐊᔮᐤ ᐃᑕ ᑫ ᐃᓯ ᐊᐢᐱᐢᑫᐧᓯᒧᐟ. 59ᑯᑕᑲ ᒫᑲ ᑭ ᐃᑌᐤ, ᐱᒥᑎᓴᐦᐅᐣ, ᒫᑲ ᑭ ᐃᑌᐧᔨᐊᐧ, ᑳ ᑎᐯᔨᐦᒋᑫᔭᐣ, ᐸᑭᑎᓇᒪᐃᐧᐣ ᐱᑕ ᑭᑕ ᐃᑐᐦᑌᔮᐣ ᑭᑕ ᓇᐦᐃᓇᐠ ᓄᑖᐃᐧ. 60ᒋᓴᐢ ᒫᑲ ᑭ ᐃᑌᐤ, ᓇᑲᓯᐠ ᑳ ᓂᐱᒋᐠ ᑭᑕ ᓇᐃᓈᒋᐠ ᐅᓂᐳᒥᐋᐧᐊᐧ; ᒫᑲ ᐃᐧᔭ ᑭᔭ ᒥᓯᐁᐧ ᓇᑕᐃᐧ ᐊᑐᑕ ᐅᐟ ᐅᑌᓇᐃᐧᐃᐧᐣ ᑭᓭᒪᓂᑐ. 61#1 ᑭᐦᒋ ᐅᑭᒫᐊᐧᐠ 19:20ᑯᑕᑲ ᒥᓇ ᑭ ᐃᑌᐧᔨᐊᐧ, ᑳ ᑎᐯᔨᐦᒋᑫᔭᐣ, ᑭ ᑲ ᐱᒥᑎᓴᐦᐅᑎᐣ; ᒫᑲ ᐱᑕ ᐸᑭᑎᓂᐣ ᑭᑕ ᓇᑕᐃᐧ ᐊᑕᒥᐢᑲᐊᐧᑭᐠ ᐊᓂᑭ ᑳ ᐊᔮᒋᐠ ᓂᑭᕽ. 62ᒫᑲ ᒋᓴᐢ ᑭ ᐃᑌᐤ, ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑳ ᐹᐦᑲᒋ ᐅᑎᑎᓇᑭ ᐱᑯᐱᒋᑲᐣ, ᐋᐸᓴᐱᒋ ᒫᑲ, ᑌᐱ ᐃᐢᐱᑌᔨᑖᑯᓯᐢᑕᒼ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ.
انتخاب شده:
ᓭᐣᐟ ᓬᐅᐠ 9: KKMs
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This Bible text is a corrected edition of the 1908 Western Cree Bible; it is in the public domain.