Genèse 7
7
Noowa kɔ́ meela poon
1Noowa kpáá meela ki dóòyee ní ti-Dindaan bí-u yii: «Á kɔ́ meelan, sii nì a-dicaŋku kɔkɔ, kun puee a-yuntiŋu nib nee kansikinee, sii ní m ká yii a bí deedee. 2Á kɔ́ǹ tiwaŋkuti tin kɔkɔ ŋān̄ bí dūú ŋá saraayee tiluli tiluli, ijaa nì isal, ní kí kɔ́ǹ tin kaa ŋān̄ bí dūú ŋá saraayee tili tili, uja nì usal. 3Á kɔ́ǹ inoon kɔkɔ mun míǹ, ijaa iluli isal iluli, kí ŋmā kí kpāafì i-boolii kitiŋ pu. 4Di sá yii, an kíǹ iwiin iluli dee, m làá yàntī utaa ń nì kitiŋ pu, ŋwiimpu nì kunyeeu, iwiin imuŋku ili kí céetí tin m náań tì bí kitiŋ puee kɔkɔ.» 5Ní Noowa ŋá kii ti-Dindaan nín bí yii ú ŋá miŋyee.
Nnyiŋgbeeŋkpaan
6Noowa nìn cáá abin alaataa aluu ní utaa nìn̄ ní nnyiŋgbeen dɔ́miń kitiŋ pu. 7Ŋyunti gbantee Noowa nì u-nimpuu nì u-jipɔmbi nì u-coopoobi kɔ́ meelan, nnyiŋgbeen ń taa yòon̄-bi#7.7 Dūú ŋmàntī nì Maat 24.38-39, Luuki 17.27.. 8Tiwaŋkuti tin ŋān̄ bí dūú ŋá saraayee nì tin kaa ŋān̄ bí dūú ŋá saraayee, nì inoon nì tin kɔkɔ pée fù kitiŋ puee, 9kubuluu kamaa uja nì usal nìn dɔ́miń ki kɔ́ meela poon Noowa cee kii Unimbɔti nín nìn pée tùkū-u puee. 10Iwiin iluli boonee, ní utaa nìn̄, ní nnyiŋgbeen dɔ́miń ki bīiǹ kitiŋ pu.
11Noowa biŋŋi alaataa aluu poon, dibindi ŋmaliliitiu iwiin saalku nì ili dal ní inyimbulkpaan cúu pīitì, ní nnyim cílìń, ní yilpu cúu cōotì ní nnyim sìtīń#7.11 nnyiŋgbeen bɔtee: kpèè 2 Peet 3.6.. 12Utaa nìn nìn̄ iwiin imuŋku ili, ŋwiimpu nì kunyeeu. 13An wiiŋŋu ní Noowa nì u-nimpuu nì u-jipɔmbi Seem nì Kaam nì Jaafeeti nì bi-nimpoobi bitee kɔ́ meelan. 14Ŋwiin gbanti ní upeel kamaa buluku, kuwaŋkuluu kamaa buluku nì tin kɔkɔ fù kitiŋ puee kubuluu kubuluu, nì unoon kamaa buluku, nì tin kɔkɔ cáá ifeenee kubuluu kubuluu mun kɔ́ meelan. 15Tiwan tin kɔkɔ pée cáá kufoouee nóoń tɔb tili tili, ki kɔ́ Noowa cee, meela poon. 16Tin kɔkɔ pée cáá kufoouee, uja nì usal nìn kɔ́ meelan kii Unimbɔti nín nìn pée tùkū Noowa puee. Ní ti-Dindaan dūu pīiǹ u-pu.
17Ní utaa nìn̄ iwiin imuŋku ili. Ní nnyim gbí kitiŋ pu ní meela yíkì ki dēeǹ nnyim pu. 18Ní nnyim gbí ki bīiǹ kitiŋ kɔkɔ, ní meela kíǹ ki dēē nnyim pu. 19Nnyim mɔ̄tìi gbí ki jɔ́m̀ ki tin bīiǹ ajoon ŋin fɔ̀kɔ̀ tikpilee kɔkɔ pu. 20Nnyim gbí ki bīiǹ ajoon pu ki páaǹ kii meetab biluli pu. 21Tin kɔkɔ nìn pée cáá kufoou ki bí kitiŋ puee, an dàkà yii inoon nì tiwaŋkuti nì ipeel nì tin kɔkɔ pée kpátì ki gbí kitiŋ puee, ki kpáaǹ binib, kɔkɔ kpíì múb. 22Tin kɔkɔ nìn pée bí ki cáá kufoou ki fòotī ki bí kitiŋ puee kpíì. 23Míǹ ní ti-Dindaan nìn céetì tin kɔkɔ nìn pée bí kitiŋ puee, an dàkà yii binib nì tiwaŋkuti nì tin kɔkɔ pée kpátì ki gbí kitiŋ puee ki kpáaǹ inoon. U nìn kúntì an kɔkɔ nyíb, see Noowa nì bin nìn bí u-cee meela poonee baba di nìn kíǹ.
Noowa nyáń meelan
24Nnyim nìn gbí ki dɔ̄ míǹ ki tin sāā iwiin dilaataal nì imuŋku ili nì saalaa.
اکنون انتخاب شده:
Genèse 7: BASSARDC
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
BIBLE EN N'TCHAM (Bassar) © Alliance Biblique du Togo, 2013.
Genèse 7
7
Noowa kɔ́ meela poon
1Noowa kpáá meela ki dóòyee ní ti-Dindaan bí-u yii: «Á kɔ́ meelan, sii nì a-dicaŋku kɔkɔ, kun puee a-yuntiŋu nib nee kansikinee, sii ní m ká yii a bí deedee. 2Á kɔ́ǹ tiwaŋkuti tin kɔkɔ ŋān̄ bí dūú ŋá saraayee tiluli tiluli, ijaa nì isal, ní kí kɔ́ǹ tin kaa ŋān̄ bí dūú ŋá saraayee tili tili, uja nì usal. 3Á kɔ́ǹ inoon kɔkɔ mun míǹ, ijaa iluli isal iluli, kí ŋmā kí kpāafì i-boolii kitiŋ pu. 4Di sá yii, an kíǹ iwiin iluli dee, m làá yàntī utaa ń nì kitiŋ pu, ŋwiimpu nì kunyeeu, iwiin imuŋku ili kí céetí tin m náań tì bí kitiŋ puee kɔkɔ.» 5Ní Noowa ŋá kii ti-Dindaan nín bí yii ú ŋá miŋyee.
Nnyiŋgbeeŋkpaan
6Noowa nìn cáá abin alaataa aluu ní utaa nìn̄ ní nnyiŋgbeen dɔ́miń kitiŋ pu. 7Ŋyunti gbantee Noowa nì u-nimpuu nì u-jipɔmbi nì u-coopoobi kɔ́ meelan, nnyiŋgbeen ń taa yòon̄-bi#7.7 Dūú ŋmàntī nì Maat 24.38-39, Luuki 17.27.. 8Tiwaŋkuti tin ŋān̄ bí dūú ŋá saraayee nì tin kaa ŋān̄ bí dūú ŋá saraayee, nì inoon nì tin kɔkɔ pée fù kitiŋ puee, 9kubuluu kamaa uja nì usal nìn dɔ́miń ki kɔ́ meela poon Noowa cee kii Unimbɔti nín nìn pée tùkū-u puee. 10Iwiin iluli boonee, ní utaa nìn̄, ní nnyiŋgbeen dɔ́miń ki bīiǹ kitiŋ pu.
11Noowa biŋŋi alaataa aluu poon, dibindi ŋmaliliitiu iwiin saalku nì ili dal ní inyimbulkpaan cúu pīitì, ní nnyim cílìń, ní yilpu cúu cōotì ní nnyim sìtīń#7.11 nnyiŋgbeen bɔtee: kpèè 2 Peet 3.6.. 12Utaa nìn nìn̄ iwiin imuŋku ili, ŋwiimpu nì kunyeeu. 13An wiiŋŋu ní Noowa nì u-nimpuu nì u-jipɔmbi Seem nì Kaam nì Jaafeeti nì bi-nimpoobi bitee kɔ́ meelan. 14Ŋwiin gbanti ní upeel kamaa buluku, kuwaŋkuluu kamaa buluku nì tin kɔkɔ fù kitiŋ puee kubuluu kubuluu, nì unoon kamaa buluku, nì tin kɔkɔ cáá ifeenee kubuluu kubuluu mun kɔ́ meelan. 15Tiwan tin kɔkɔ pée cáá kufoouee nóoń tɔb tili tili, ki kɔ́ Noowa cee, meela poon. 16Tin kɔkɔ pée cáá kufoouee, uja nì usal nìn kɔ́ meelan kii Unimbɔti nín nìn pée tùkū Noowa puee. Ní ti-Dindaan dūu pīiǹ u-pu.
17Ní utaa nìn̄ iwiin imuŋku ili. Ní nnyim gbí kitiŋ pu ní meela yíkì ki dēeǹ nnyim pu. 18Ní nnyim gbí ki bīiǹ kitiŋ kɔkɔ, ní meela kíǹ ki dēē nnyim pu. 19Nnyim mɔ̄tìi gbí ki jɔ́m̀ ki tin bīiǹ ajoon ŋin fɔ̀kɔ̀ tikpilee kɔkɔ pu. 20Nnyim gbí ki bīiǹ ajoon pu ki páaǹ kii meetab biluli pu. 21Tin kɔkɔ nìn pée cáá kufoou ki bí kitiŋ puee, an dàkà yii inoon nì tiwaŋkuti nì ipeel nì tin kɔkɔ pée kpátì ki gbí kitiŋ puee, ki kpáaǹ binib, kɔkɔ kpíì múb. 22Tin kɔkɔ nìn pée bí ki cáá kufoou ki fòotī ki bí kitiŋ puee kpíì. 23Míǹ ní ti-Dindaan nìn céetì tin kɔkɔ nìn pée bí kitiŋ puee, an dàkà yii binib nì tiwaŋkuti nì tin kɔkɔ pée kpátì ki gbí kitiŋ puee ki kpáaǹ inoon. U nìn kúntì an kɔkɔ nyíb, see Noowa nì bin nìn bí u-cee meela poonee baba di nìn kíǹ.
Noowa nyáń meelan
24Nnyim nìn gbí ki dɔ̄ míǹ ki tin sāā iwiin dilaataal nì imuŋku ili nì saalaa.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
BIBLE EN N'TCHAM (Bassar) © Alliance Biblique du Togo, 2013.