Yʉanes 7
7
Obɨɔ mo Yesʉs, bé ó e mosono
1Jɔʼ ze laa ba, Yesʉs ntɔʼ ze to le ekœʼ é lal Galɨle. Nye a baaka kpɛl kœʼ é nkɔra Yʉda, ebe, oYʉden, bé a be lé esaa gʉʼ ó, bé jʉ ó nye. 2Ebʉʼ e Bɨsaʼ, lé a be ó, lé mu kunokuno le epyal. 3Obɨɔ mo Yesʉs, bé e nye ó: «Mʉŋa wâ, toʼ Yʉda é mbi ndɨ ó, ompʉn bo, bé beŋɨ nteme bɨsyɛɛla go lé esa ɛ. 4ǃƗ mʉr si kpɛl ó, nye nyinɨ nɛʼɛ, nye abe lé efol syɛɛla nye lé esa ɛ. É mpʉ go lé esa-sa mbi bɨsyɛɛla bɨnɨ ɨ, gʉŋa ó, yé ejala ó, go lɛʼla bʉr o si bɨbɛh go mʉr tɨ.» 5(Obɨɔ be nteme, bé a baajyɛʼ taa buʼo yɔɔ boo nye.) 6Yesʉs, nye e be ó: «Epʉla lam, lé apa pyal. Bɨn bɛɛ ó ndɨ e mbɨambɨa jɔʼ é molu mɨmɛh. 7Bʉr o ndɨ egumo e si nwaʼ ɛ, bé abe e nkul enwim bɨn. Bé nwim ó me ome, ebe, me enwahle bɨsyɛɛla bɨ ebebe bé lé esa ɛ. 8Bɨn bɛɛ laŋa ga, to jeme ga ebʉʼ lɨ. Mɛm, me ato jeme le, ebe, epʉla lam, lé dina ó apa pyal.»
9É jɔʼ nye a sil lɛɛ be no e, nye ze liʼ pihe é lal Galɨle. 10É jɔʼ obɨɔ be, bé a sil nkɛɛ, lé eto jeme ebʉʼ ɨ, Yesʉs ze du be é l'efo, alɛʼle be nyʉl.
Yesʉs é l'ebʉʼ é nkana Yerʉsalɛm
11OYʉden, bé a be ó lé esaa nye é l'ebʉʼ, le edîila paʼra wɔɔ ó: «A nye wâʼ nko ɛ?»
12Ntuntuma bʉr, yé ze bɔʼa motwii, to le enyimla paʼra wɔɔ é lʉ we. Baʼ, bé ó: «Nye ó mbɨambɨa mʉr!» Bʉʉ, bé ó: «Tɨtoʼo! Nye egomlo ntuntuma bʉr é bebebebe zi.» 13É bim lɔb nɨ, mʉr a baalwib é pono, ebe, bé a be ó lé ekpɛɛ oYʉden.
14Ngbaa le eka be, ebʉʼ, lé mu teme ebwalɔ nɛʼɛ, Yesʉs ze to é jahla bii mo Zyɛm, ze taare lé eyeʼle bʉr, 15oYʉden kʉ ze jehɔ nye. Bé ó: «Nwaʼ mʉr ba buo ngwɨa mɨtila mɨ Kalara Zyɛm mbi wi, abe ó, nye a si to tilba die é sikʉlʉ tɨʼ nyá ɛ?»
16Yesʉs, nye e be ó: «Bɨsikʉlʉ me lé edwe bɨn bɨnɨ, byé abe njɨ bɨsikʉlʉ byam. Byé eduho ó e mʉr a ntɨh me e. 17Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ. 18Mʉr lé elwib é nkul we nye mʉr tɨʼ ɨ, nye esaa ó, bʉr dwiibɨ nye. No ó, mʉr lé esaa ó, bʉr seʼla mʉr a ntɨh nye e, nyɛɛ ó lé elɛɛ ocyecye. Nye akœʼ ebò e cyen ndɨ ozyɛhozyɛh ɛ. 19Ntʉʼ Moyiz a tiile bɨn motie e? Sa gwar, abe e mʉr lé edu motie maa. Ebe yé bɨn lé esaa ejʉ me e?»
20Ntuntuma bʉr, yé e nye ó: «Go e l'eleme! Zé lé egwɨm jʉ go?»
21Yesʉs, nye e be ó: «Me a be ó si sa syɛɛla gwar, bɨn bɨbɛh ntɔʼ jehe. 22Moyiz ó b'a dwe bɨn nkul esa bɨcyee bɨ bwan mpʉn, dam be ó, ntʉʼ Moyiz a tiile etie laa. Yé a be ó bɨmpam bin! Bɨn ntɔʼ twe twii ó, bɨn bé ejala le esa mʉr mpʉn é moho saba. 23Bɨn pa taare sa mʉr mpʉn é moho saba, antaa motie mo Moyiz, a dwɛʼra e mɛm, mʉr a tiʼ kubo mʉr ntinɨ é moho waa ɛ! Le mɛm, le bɨn bɛɛ, zé a bul ntaa etie e? Ebe yé bɨn lé ekpaa empime e me e? 24Daʼ pahle ga mɨlɔb ebe sa bɨn lé ebee kʉ e kʉ ɨ. Pahla ga mɨlɔb é l'ocɨcyel.»
Zê Yesʉs ó ndɨ Lœma mulo mo Zyɛm?
25Bʉʉ bʉr o Yerʉsalɛm ze dî ó: «Ntʉʼ mʉr nwaʼ bé lé esaa ejʉ ɨ? 26Mbe ga: nye elwib wâʼ é kpɛŋlɛm, bʉr onɨ lé ebee le ejoʼo, alɛɛ nye sɔʼɔ. Zê otamabʉr o lal ga wina, bɨ dweʼe cyecye ó, nye ó ndɨ Lœma mulo mo Zyɛm ɨ? 27Sa gwar, é jɔʼ Lœma mulo mo Zyɛm ópyal ɨ, mʉr, nye aŋa gʉa paʼ nye óduho e. To kœb ó, bɨna bɛɛ, bé ekʉ gʉa ga nko mʉr nwaʼ a duho e.»
28Yesʉs a be ó, nye dina é jahla bii mo Zyɛm tʉŋlʉ, lé eyeʼle bʉr. Nye ze jebe kʉ kʉ. Nye ó: «Bɨn bé egʉa me ɔɔ? Bɨn nteme, bɨ gʉa paʼ me a duho wi ɔɔ? Me a baaze kaʼ é nkul wam mɛm mʉr tɨʼ ɔɔ! Mʉr a ntɨh me e, nye ó ndɨ cyecye ɔɔ! Bɨn bé agʉa nye ɔɔ! 29Mɛm, me egʉa nye, ebe, me a duho ó nye ye ɔɔ! Ndwe nteme, nye ó b'a ntɨh me ɔɔ!»
30Bé a be ó lé esaa ó, bé pa ó kʉ naʼ nye mobo é nyʉl. Sa gwar, abe e mʉr a gba nye mbo é nyʉl, ebe, jɔʼ efie le, yé a baapa pyal. 31É ntuntuma bʉr nɨ, buobuo bʉr, bé a be ó si jyɛʼ taa buʼo yɔɔ boo nye. Bé ó: «É jɔʼ Lœma mulo mo Zyɛm óze e, zê nye óbe ó e nkul elaa mʉr nwaʼ lé esa bɨdweʼle bɨ nkul we ɛ?»
Bɨpulʉm, bi lomɔ lé eto naʼ Yesʉs mobo é nyʉl
32Mpʉ oFarizyɛŋ, bé a joʼo sa bʉr, bé a tʉʼra paʼra wɔɔ é lʉ mo Yesʉs ɨ, bé e l'ojwɨɨ be opara, bé ntɔʼ lomo bɨpulʉm lé eto naʼɔ nye mobo é nyʉl. 33Yesʉs, nye ó: «Bɨna dina ga ó e ma dia wâ. Me óbula, fiʼ, to nko mʉr a ntɨh me ndɨ ɨ. 34Bɨn bé ósaa me, sa gwar, abeɔ me, ebe, bɨn bé abe e nkul edu nko me óto e.» 35OYʉden ze taare lé edîila paʼra wɔɔ ó: «Nye óto wâʼ yɛɛ nko, é mbi ndɨ ó, bɨna bé aŋa ka bee ga nye e? Zê nye óto le eyeʼle oYʉden mu si myɛʼa, jala lal Grɛs ba ɛ? Zê nye óyeʼle nteme bʉr o Grɛs ɛ? 36Wáa mbi ekan nye lɛɛ mpʉnʉ nɨ ɨ? “Bɨn bé ósaa me. Sa gwar, bɨn bé aŋa ka bee me?” Le nteme, nye epa kʉ lɛɛ yé é jɔʼ nye lɛɛ ó: “Bɨn bé abe e nkul edu nko me óbe e?”»
Modibe mo tiʼ
37É moho epihe le ebʉʼ, moho nɨnɨ, Yesʉs ze to cyɛb teme bʉr, ze tuno ó: «Mʉr lé ejoʼo dweh modibe nwa ɔɔ, nye ntaʼ boo me, ze bɛble ɔɔ! 38Mʉr nyiwɛh lé ejyɛʼ taa buʼo ye boo me nwa ɔɔ, “Mɨsʉm montibe, myé ódɨ sah, lé eduho é leme we,” é mpʉ yé ndɨ tila é Kalara Zyɛm yi ɔɔ.»
39(No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)
Bʉr, bé ebɔʼa monkɔm
40Baʼ bʉr, é jɔʼ bé a sil joʼo bɨlwib bye e, bé ó: «Mʉr nwa, nye ó bana kʉ be ngwiha mɨlɔb Moyiz a lwib, tiibe e nye e!» 41Bʉʉ, bé ó: «Nye ó Lœma mulo mo Zyɛm.» Bʉʉ nteme, bé ó: «Zê yé a jala ó, Lœma mulo mo Zyɛm, nye duha Galɨle ɛ? 42Yé tila é Kalara Zyɛm ó, Lœma mulo mo Zyɛm óbe ó nta mo David. Tina, yé ó, nye óduho ó, Betɛlɛhɛm, kwar mo David.»
43Ntuntuma bʉr, yé ze bɔʼa motwii é lʉ mo Yesʉs. 44Bʉʉ bʉr o tɨ, bé a be e gwɨma ó, bé naʼ ó nye mobo é nyʉl. Sa gwar, abe e mʉr ngwar a gba nye mbo é nyʉl.
Mɨnjwɨʼ mɨ bʉr, myé ebene lé ejyɛʼ taa buʼo yɔɔ boo Yesʉs
45Bɨpulʉm ze bâʼle to nko ojwɨɨ be opara bé e l'oFarizyɛŋ, bé a be e. Bé e bye ó: «Ebe yé bɨn ndɨ anaʼ nye mobo é nyʉl, ze e nye e?» 46Bɨpulʉm, byé e be ó: «Abe e mʉr ngwar ndɨ si pa lwib mpʉ mʉr nɨ!» 47OFarizyɛŋ, bé e bye ó: «Bɨn si bana kʉ bir ó, nye gomla bɨn nteme é bebebebe zi? 48Zê nuu tamamʉr wina, nkʉ nuu mʉr é nkɔm oFarizyɛŋ, nyi pa jyɛʼ taa buʼo ye boo nye? 49Ntuntuma bʉr yi, yé adu motie mo Zyɛm. Bé e bɨkɔ́ɔlʉ!»
50Tina, yé ó, Nikodɛm a be ó si taare ze bee Yesʉs é pum. Nye a be ó mʉr ngwar é nkɔm oFarizyɛŋ. No ó nye a ze dî ó: 51«Zê motie ga mɨna, mé emɛʼle ó, bʉr tiʼa mʉr lɔb we, mʉr tɨʼ apa kar, otiʼà o mɨlɔb l'apa gʉa sa tuʼ nye pa kʉ sa ɛ?» 52Bé ze bula dî e nye ó: «Zê go nteme, go ó mʉr Galɨle ɛ? Pahla Kalara Zyɛm. Go óbee ó, abe e ngwiha mɨlɔb ngwar lé eduho Galɨle.»
Mʉma mɨfyɛba bé a mɛr ɨ
[53#7.53 Okalara o lwib grɛk ndɨ é bul buʼlɔ ɛ, bé abe e bɨpeh 7.53-8.11. Bé ze bɔʼa, mʉr nyiwɛh lé eto é we mbɛr.
اکنون انتخاب شده:
Yʉanes 7: ozmBad
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2002, Wycliffe Bible Translators, Inc. All rights reserved.
Yʉanes 7
7
Obɨɔ mo Yesʉs, bé ó e mosono
1Jɔʼ ze laa ba, Yesʉs ntɔʼ ze to le ekœʼ é lal Galɨle. Nye a baaka kpɛl kœʼ é nkɔra Yʉda, ebe, oYʉden, bé a be lé esaa gʉʼ ó, bé jʉ ó nye. 2Ebʉʼ e Bɨsaʼ, lé a be ó, lé mu kunokuno le epyal. 3Obɨɔ mo Yesʉs, bé e nye ó: «Mʉŋa wâ, toʼ Yʉda é mbi ndɨ ó, ompʉn bo, bé beŋɨ nteme bɨsyɛɛla go lé esa ɛ. 4ǃƗ mʉr si kpɛl ó, nye nyinɨ nɛʼɛ, nye abe lé efol syɛɛla nye lé esa ɛ. É mpʉ go lé esa-sa mbi bɨsyɛɛla bɨnɨ ɨ, gʉŋa ó, yé ejala ó, go lɛʼla bʉr o si bɨbɛh go mʉr tɨ.» 5(Obɨɔ be nteme, bé a baajyɛʼ taa buʼo yɔɔ boo nye.) 6Yesʉs, nye e be ó: «Epʉla lam, lé apa pyal. Bɨn bɛɛ ó ndɨ e mbɨambɨa jɔʼ é molu mɨmɛh. 7Bʉr o ndɨ egumo e si nwaʼ ɛ, bé abe e nkul enwim bɨn. Bé nwim ó me ome, ebe, me enwahle bɨsyɛɛla bɨ ebebe bé lé esa ɛ. 8Bɨn bɛɛ laŋa ga, to jeme ga ebʉʼ lɨ. Mɛm, me ato jeme le, ebe, epʉla lam, lé dina ó apa pyal.»
9É jɔʼ nye a sil lɛɛ be no e, nye ze liʼ pihe é lal Galɨle. 10É jɔʼ obɨɔ be, bé a sil nkɛɛ, lé eto jeme ebʉʼ ɨ, Yesʉs ze du be é l'efo, alɛʼle be nyʉl.
Yesʉs é l'ebʉʼ é nkana Yerʉsalɛm
11OYʉden, bé a be ó lé esaa nye é l'ebʉʼ, le edîila paʼra wɔɔ ó: «A nye wâʼ nko ɛ?»
12Ntuntuma bʉr, yé ze bɔʼa motwii, to le enyimla paʼra wɔɔ é lʉ we. Baʼ, bé ó: «Nye ó mbɨambɨa mʉr!» Bʉʉ, bé ó: «Tɨtoʼo! Nye egomlo ntuntuma bʉr é bebebebe zi.» 13É bim lɔb nɨ, mʉr a baalwib é pono, ebe, bé a be ó lé ekpɛɛ oYʉden.
14Ngbaa le eka be, ebʉʼ, lé mu teme ebwalɔ nɛʼɛ, Yesʉs ze to é jahla bii mo Zyɛm, ze taare lé eyeʼle bʉr, 15oYʉden kʉ ze jehɔ nye. Bé ó: «Nwaʼ mʉr ba buo ngwɨa mɨtila mɨ Kalara Zyɛm mbi wi, abe ó, nye a si to tilba die é sikʉlʉ tɨʼ nyá ɛ?»
16Yesʉs, nye e be ó: «Bɨsikʉlʉ me lé edwe bɨn bɨnɨ, byé abe njɨ bɨsikʉlʉ byam. Byé eduho ó e mʉr a ntɨh me e. 17Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ. 18Mʉr lé elwib é nkul we nye mʉr tɨʼ ɨ, nye esaa ó, bʉr dwiibɨ nye. No ó, mʉr lé esaa ó, bʉr seʼla mʉr a ntɨh nye e, nyɛɛ ó lé elɛɛ ocyecye. Nye akœʼ ebò e cyen ndɨ ozyɛhozyɛh ɛ. 19Ntʉʼ Moyiz a tiile bɨn motie e? Sa gwar, abe e mʉr lé edu motie maa. Ebe yé bɨn lé esaa ejʉ me e?»
20Ntuntuma bʉr, yé e nye ó: «Go e l'eleme! Zé lé egwɨm jʉ go?»
21Yesʉs, nye e be ó: «Me a be ó si sa syɛɛla gwar, bɨn bɨbɛh ntɔʼ jehe. 22Moyiz ó b'a dwe bɨn nkul esa bɨcyee bɨ bwan mpʉn, dam be ó, ntʉʼ Moyiz a tiile etie laa. Yé a be ó bɨmpam bin! Bɨn ntɔʼ twe twii ó, bɨn bé ejala le esa mʉr mpʉn é moho saba. 23Bɨn pa taare sa mʉr mpʉn é moho saba, antaa motie mo Moyiz, a dwɛʼra e mɛm, mʉr a tiʼ kubo mʉr ntinɨ é moho waa ɛ! Le mɛm, le bɨn bɛɛ, zé a bul ntaa etie e? Ebe yé bɨn lé ekpaa empime e me e? 24Daʼ pahle ga mɨlɔb ebe sa bɨn lé ebee kʉ e kʉ ɨ. Pahla ga mɨlɔb é l'ocɨcyel.»
Zê Yesʉs ó ndɨ Lœma mulo mo Zyɛm?
25Bʉʉ bʉr o Yerʉsalɛm ze dî ó: «Ntʉʼ mʉr nwaʼ bé lé esaa ejʉ ɨ? 26Mbe ga: nye elwib wâʼ é kpɛŋlɛm, bʉr onɨ lé ebee le ejoʼo, alɛɛ nye sɔʼɔ. Zê otamabʉr o lal ga wina, bɨ dweʼe cyecye ó, nye ó ndɨ Lœma mulo mo Zyɛm ɨ? 27Sa gwar, é jɔʼ Lœma mulo mo Zyɛm ópyal ɨ, mʉr, nye aŋa gʉa paʼ nye óduho e. To kœb ó, bɨna bɛɛ, bé ekʉ gʉa ga nko mʉr nwaʼ a duho e.»
28Yesʉs a be ó, nye dina é jahla bii mo Zyɛm tʉŋlʉ, lé eyeʼle bʉr. Nye ze jebe kʉ kʉ. Nye ó: «Bɨn bé egʉa me ɔɔ? Bɨn nteme, bɨ gʉa paʼ me a duho wi ɔɔ? Me a baaze kaʼ é nkul wam mɛm mʉr tɨʼ ɔɔ! Mʉr a ntɨh me e, nye ó ndɨ cyecye ɔɔ! Bɨn bé agʉa nye ɔɔ! 29Mɛm, me egʉa nye, ebe, me a duho ó nye ye ɔɔ! Ndwe nteme, nye ó b'a ntɨh me ɔɔ!»
30Bé a be ó lé esaa ó, bé pa ó kʉ naʼ nye mobo é nyʉl. Sa gwar, abe e mʉr a gba nye mbo é nyʉl, ebe, jɔʼ efie le, yé a baapa pyal. 31É ntuntuma bʉr nɨ, buobuo bʉr, bé a be ó si jyɛʼ taa buʼo yɔɔ boo nye. Bé ó: «É jɔʼ Lœma mulo mo Zyɛm óze e, zê nye óbe ó e nkul elaa mʉr nwaʼ lé esa bɨdweʼle bɨ nkul we ɛ?»
Bɨpulʉm, bi lomɔ lé eto naʼ Yesʉs mobo é nyʉl
32Mpʉ oFarizyɛŋ, bé a joʼo sa bʉr, bé a tʉʼra paʼra wɔɔ é lʉ mo Yesʉs ɨ, bé e l'ojwɨɨ be opara, bé ntɔʼ lomo bɨpulʉm lé eto naʼɔ nye mobo é nyʉl. 33Yesʉs, nye ó: «Bɨna dina ga ó e ma dia wâ. Me óbula, fiʼ, to nko mʉr a ntɨh me ndɨ ɨ. 34Bɨn bé ósaa me, sa gwar, abeɔ me, ebe, bɨn bé abe e nkul edu nko me óto e.» 35OYʉden ze taare lé edîila paʼra wɔɔ ó: «Nye óto wâʼ yɛɛ nko, é mbi ndɨ ó, bɨna bé aŋa ka bee ga nye e? Zê nye óto le eyeʼle oYʉden mu si myɛʼa, jala lal Grɛs ba ɛ? Zê nye óyeʼle nteme bʉr o Grɛs ɛ? 36Wáa mbi ekan nye lɛɛ mpʉnʉ nɨ ɨ? “Bɨn bé ósaa me. Sa gwar, bɨn bé aŋa ka bee me?” Le nteme, nye epa kʉ lɛɛ yé é jɔʼ nye lɛɛ ó: “Bɨn bé abe e nkul edu nko me óbe e?”»
Modibe mo tiʼ
37É moho epihe le ebʉʼ, moho nɨnɨ, Yesʉs ze to cyɛb teme bʉr, ze tuno ó: «Mʉr lé ejoʼo dweh modibe nwa ɔɔ, nye ntaʼ boo me, ze bɛble ɔɔ! 38Mʉr nyiwɛh lé ejyɛʼ taa buʼo ye boo me nwa ɔɔ, “Mɨsʉm montibe, myé ódɨ sah, lé eduho é leme we,” é mpʉ yé ndɨ tila é Kalara Zyɛm yi ɔɔ.»
39(No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)
Bʉr, bé ebɔʼa monkɔm
40Baʼ bʉr, é jɔʼ bé a sil joʼo bɨlwib bye e, bé ó: «Mʉr nwa, nye ó bana kʉ be ngwiha mɨlɔb Moyiz a lwib, tiibe e nye e!» 41Bʉʉ, bé ó: «Nye ó Lœma mulo mo Zyɛm.» Bʉʉ nteme, bé ó: «Zê yé a jala ó, Lœma mulo mo Zyɛm, nye duha Galɨle ɛ? 42Yé tila é Kalara Zyɛm ó, Lœma mulo mo Zyɛm óbe ó nta mo David. Tina, yé ó, nye óduho ó, Betɛlɛhɛm, kwar mo David.»
43Ntuntuma bʉr, yé ze bɔʼa motwii é lʉ mo Yesʉs. 44Bʉʉ bʉr o tɨ, bé a be e gwɨma ó, bé naʼ ó nye mobo é nyʉl. Sa gwar, abe e mʉr ngwar a gba nye mbo é nyʉl.
Mɨnjwɨʼ mɨ bʉr, myé ebene lé ejyɛʼ taa buʼo yɔɔ boo Yesʉs
45Bɨpulʉm ze bâʼle to nko ojwɨɨ be opara bé e l'oFarizyɛŋ, bé a be e. Bé e bye ó: «Ebe yé bɨn ndɨ anaʼ nye mobo é nyʉl, ze e nye e?» 46Bɨpulʉm, byé e be ó: «Abe e mʉr ngwar ndɨ si pa lwib mpʉ mʉr nɨ!» 47OFarizyɛŋ, bé e bye ó: «Bɨn si bana kʉ bir ó, nye gomla bɨn nteme é bebebebe zi? 48Zê nuu tamamʉr wina, nkʉ nuu mʉr é nkɔm oFarizyɛŋ, nyi pa jyɛʼ taa buʼo ye boo nye? 49Ntuntuma bʉr yi, yé adu motie mo Zyɛm. Bé e bɨkɔ́ɔlʉ!»
50Tina, yé ó, Nikodɛm a be ó si taare ze bee Yesʉs é pum. Nye a be ó mʉr ngwar é nkɔm oFarizyɛŋ. No ó nye a ze dî ó: 51«Zê motie ga mɨna, mé emɛʼle ó, bʉr tiʼa mʉr lɔb we, mʉr tɨʼ apa kar, otiʼà o mɨlɔb l'apa gʉa sa tuʼ nye pa kʉ sa ɛ?» 52Bé ze bula dî e nye ó: «Zê go nteme, go ó mʉr Galɨle ɛ? Pahla Kalara Zyɛm. Go óbee ó, abe e ngwiha mɨlɔb ngwar lé eduho Galɨle.»
Mʉma mɨfyɛba bé a mɛr ɨ
[53#7.53 Okalara o lwib grɛk ndɨ é bul buʼlɔ ɛ, bé abe e bɨpeh 7.53-8.11. Bé ze bɔʼa, mʉr nyiwɛh lé eto é we mbɛr.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2002, Wycliffe Bible Translators, Inc. All rights reserved.