Lʉkas 19
19
Yesʉs bé e Zachée
1É jɔʼ Yesʉs a ni ɨ Yeriko e, nye a be ó lé edɨ ntaa nkana. 2Nuu mʉr a be ó tɨ, die le Zachée. Nye ó b'a be cyɛb efoʼ é sama onwɨa o tœa bɨbɛh, nye nteme e l'okum e l'ogbaa. 3To kœb ó, nye a be nteme ó lé ejɨ bee Yesʉs, le egwɨm gʉa mbi mʉr nye a be e. No ó, mpʉ nye a be é bul gublo mʉr ɨ, nye a baabe e nkul ebee nye, ebe, ntuntuma bʉr yé a be tɨʼ ɨ. 4No ó, nye a to kam dolo, ntɔʼ to jʉ̀ é lɨ sikomɔr kʉ, ó nye nkʉʼ gʉa bee nye, ebe, Yesʉs a be ó, nye laŋa tɨʼ é fum yaa. 5É jɔʼ Yesʉs a pyal gumo yaa ɛ, nye ze syɛm mih kʉ. Nye e nye ó: «Zachée! Kpahba fulo si, ebe, yé ekʉ jala ó, me filɨ é mbɛr go muh!»
6Zachée ntɔʼ kpahbe fulo si, ntɔʼ bɨlan e nye e bɨsʉhʉ. 7Bʉr bɨbɛh bé a bee syɛɛla yaa ɛ, bé a si to le etʉʼra. Bé ó: «Mʉr nwa, nyi to ja é mbɛr mo mʉr ndɨ é bul jwɨ̂ʼlɨ e mɨsyem ɨ!»
8No ó, Zachée a ze cyɛb, lɛɛ e Da ó: «Da, paʼ bee: Me óbɛʼ bɨsa byam, nʉa peh, jala e nkɔb ngwar é monkɔb moba, to dwe baanteʼenteʼe. Yé be ó, me a be ó si kʉa nuu mʉr, nʉa nye mɔn nɛʼɛ, me óbuulo nye ya, ntɔʼ ko bim mɔn yaa zɔʼ nâ tɨʼ kʉ.» 9No ó, Yesʉs a lɛɛ e nye ó: «Bʉr o mbɛr wi, bɨ bi tiʼ molu mo mpoʼ mɨmɛh muh, ebe, mʉr nwaʼ nteme, nye ó ma nta mo Abraham. 10Mwan mo Mʉr a ze ó, ze saa baa mu si pɔhba ɛ, ó nye ódwe be tiʼ molu mo mpoʼ mɨmɛh.»
Kɨkɛna mɨsaŋ mɨ gol
(Mataos 25.14)
11É jɔʼ bʉr, bé a be, bé mu si joʼo mokan monɨ ɨ, Yesʉs ze bâʼle sa be yʉʉ kɨkɛna. Mpʉ nye a be, nye mu kunokuno e Yerʉsalɛm ɨ, bʉr ntɔʼ jwɨʼ ó, Zyɛm a be ó, nye mu kunokuno le ecyel jwɨ̀ʼa ye cyecye. 12No ó nye a lɛɛ e be ó: «Yé a ze be ó, nuu sabene é lal we. Nye ze mʉa, to di é lal wé a be ká ká jaabe e. Nye a to é lal waa ó, bé dilɨ nye é dia njwɨɨ. Pie tɨ, nye òka bula. 13Nye l'apa to nɛʼɛ, nye a si jebe osyɛl o mosa be ewʉm, ze dwe be mʉr ngwar, saŋ#19.13 Saŋ ngwar, wé ó tɔɔ mɨsaŋ mɨ odenie nter. No ó, saŋ ngwar, wé a be ó bim myɛna nter mɨmoho. gol ngwar. Nye e be ó: “Bulɨ ga me mɔn yi, to pyal é jɔʼ me óbula ɛ.” Nye ze mʉa, to.
14«Tina, yé ó, bʉr o lal we, bé a be ó lé enwim nye. No ó bé a lomo bʉr ó, bé duʼo nye, lé eto myɛʼɔ lɔɔ gʉʼ ó: “Bɨh bɛɛ, bé amɛʼle ó, mʉr nwaʼ cyɛbɨ njwɨɨ é paʼ wih.”
15«No ó, nko nye a to e, bʉr o lal waa bɛɛ ze cyelɔ nye njwɨɨ#19.15 É mbi waa ó Yesʉs a lɛɛ ó, bʉr o ndɨ abyɛl é kul oYʉden ɨ, bé ókʉ kpɛl di ompʉn be e.. Nye ntɔʼ bula ze é lal we. No ó nye a lɛɛ ó, bé baŋla osyɛl o mosa be, baa nye a timle mɔn ɨ. Nye a be ó lé egwɨm gʉa bim mɔn ye, yé a bya ɛ.
16«Mʉr efoʼ pyal. Nye ó: “Da, me a si bâʼle bi mɨsaŋ mɨ mɔn mɨfih ewʉm, duho é saŋ go a timle me e.”
17«Sabene, nye e nye ó: “Yé é mbɨa. Go ó mpaŋ syɛl mosa. Gɨ gʉa ebaʼle bɨsa ndɨ titia ɛ. Mɨ cyel go njwɨɨ bɨnkana ewʉm.”
18«Waa mba ntɔʼ ze. Nye ó: “Da, me a si bâʼle bi mɨsaŋ mɨ mɔn mɨfih mɨtɛn, baʼra e waa go a timle me e.”
19«Sabene, nye e nye ó: “Gwɔɔ, mɨ cyel go é dia ó, go jwɨʼɨ bɨnkana bɨtɛn.”
20«Waa lɛl ze pyal. Nye ó: “Da, mbe saŋ go? Me a baʼle we ó, tiila é l'elire e kan, 21ebe, me a be ó lé ekpɛɛ go. Me ekʉ gʉa ó, go ó, é lele mbo. Sa go a baakomo e, yé ó go ndɨ enʉa ɛ. Go ekpɛl mwaʼ mode ó, é peme go a baabè mompœʼ œ.”
22«Sabene, nye e nye ó: “Go sa bɨbla syɛl mosa yi! Me ótiʼe go lɔb é mokan lé eduho é nʉm go e. Go a be ó si gʉa ó, me é lele mbo. Go a gʉa ó, me enʉa-nʉa sa me a baakomo e. Go a bee ó, me ekpɛl mwaʼ mode ó, é peme me a baabè mompœʼ tɨʼ ɨ. 23Ebe yé go a baato komo mɔn yam é baŋ ɨ? É mpula wam, me ngbaa ze kœb mɔn yam ndwe e mɨlʉ myé a ntaa kʉ ɨ.”
24«Nye e bʉr bé a be tɨʼ ó: “Pɛʼɛ ga nye saŋ we. Bɨn bé à timle we mʉr mu e mɨsaŋ ewʉm ɨ!” 25No ó bé a lɛɛ e nye ó: “Cɨcyoʼ oo, Da! Nye mu ó bɛa be e mɨsaŋ ewʉm!” 26Nye ó: “Me elɛɛ bɨn ó nɛɛ, mʉr nyiwɛh ndɨ e guu paʼ bɨsa ɛ, nye óbâʼle dweŋɔ byʉʉ. To kœb ó, waa ndɨ tɨtoʼo e, nye ópɛʼɔ ma bim nye ndɨ e tɨʼ ɨ. 27No ó bʉr o dɔm bam, bé a bene ó, me l'aka cyɛb njwɨɨ é paʼ wɔɔ ɛ, ntaʼ ga me e ba wâ. Bɨn jʉʼo be é mih mam!”»
Epyal mo Yesʉs ɨ Yerʉsalɛm
(Mataos 21.1; Markus 11.1; Yʉanes 12.12)
28É jɔʼ nye a sil lwib no e, Yesʉs ntɔʼ samle, lé eto Yerʉsalɛm. 29É jɔʼ bé a be, bé mu kunokuno e Batfagee le Betani, nko ecwɨʼ bé lé ejebe-jebe ó, Ecwɨʼ le olivye e, nye ze lomo ompʉn oba dolo. Nye e be ó: 30«Toʼ ga kwar ndɨ bɨn tina dolo nɨ. É jɔʼ bɨn bé ópyal gʉʼ ɨ, bɨn bé ókœb ma jakah tiila, nye dina, mʉr apa kable nye é koo kʉ. Bɨn bé à tii nye. Bɨn bé òze e nye wâ. 31ǃƗ mʉr si dî e bɨn ó: “Ebe yé bɨn lé etii jakah nɨ ɨ?” nɛʼɛ, bɨn bé à lɛɛ e mʉr waa ó: “Tî wih, nye egwɨm ye.”»
32No ó bʉr o nye a lomo e, bé a ze to, to kœbɔ bɨsa bibyɛh mpʉ Yesʉs a lɛɛ be e. 33É jɔʼ bé a be lé etii jakah ɨ, bʉr o tɨʼ ntɔʼ dî e be ó: «Ebe yé bɨn lé etii jakah yih nɨ ɨ?»
34Bé ntɔʼ bɨha ó: «Da, nye egwɨm ye.»
35Bé ntɔʼ bula e ma jakah, ntɔʼ lɛʼle Yesʉs. Bé ze kɛl ye mɨkan myɔɔ é koo, ntɔʼ dilɔ Yesʉs tɨʼ kʉ. 36Nyɛɛ lé eto, bʉr lé eto le ejan mɨkan myɔɔ mpaʼa e mpaʼa.
37Mpʉ nye a be, nye mu kunokuno e Yerʉsalɛm, lé efulo Ecwɨʼ le olivye e, no ó sama ompʉn, yé a taare lé esoho é buobuo le edwe Zyɛm kum le ebʉ bɨyaŋa, ebe mosima mɨmɛh bé a bee e.
38Bé a lɛɛ-lɛɛ ó: «Mocyɛʼ mo mpom, mé swɨŋɨ é waa lé eze e die mo Da nwa ɔɔ! Motala, mé diʼe é lal mo Zyɛm ɔɔ!
Kɛɛɛɛɛɛ é lal mo Zyɛm di e kum wi ɔɔ!»
39Bʉʉ oFarizyɛŋ bé a be tɨʼ é mpampaʼ bʉr yaa ɛ, bé a lɛɛ e nye ó: «Yeʼle, bâma e l'ompʉn bo#19.39 Bé a bé ajɨ mɛʼle ó, Yesʉs a be ó Krɨst: Lœma mulo mo Zyɛm..» 40No ó Yesʉs a bɨha e be ó: «Me elɛɛ bɨn ó nɛɛ, ǃbé si dible mɨnʉm, aka lwib nɛʼɛ, mokoʼ maʼ, mé ódwe me kum e motwii kʉ, bʉŋɔ bɨyaŋa!»
Yesʉs lé ejɨ é lɔb nkana Yerʉsalɛm
41É jɔʼ Yesʉs a pyal kunokuno e nkana Yerʉsalɛm, ntɔʼ dwɛʼ ye e, nye ntɔʼ taare lé ejɨ ndwe le epɛm myɛɛle é lɔb we. 42Nye ó: «Nkʉ go be ó be, gʉa muh sa yé a ngbaa sa ó, mɨlɔb, myé kwɨmlɨ paʼra win boo Zyɛm nɛʼɛ, mpa go mu ó mbɨmbɨa! Banana, yé ó go fela. Go abe e nkul ebee ye! 43Ebe, molu mo ebebe, mé ópyal bɨn, jɔʼ bʉr o dɔm bɨn, bé óbʉmra bɨn é nka, fumo ekɔʼ é lele lele lé ódible bɨn é mɨpaʼ mimyɛh ɛ. 44Yerʉsalɛm aa! Bé ógbɛɛ go, le egbah bwan bo bɨbɛh ndɨ é bɨpɨpɨm byo tʉŋlʉ ɨ. Bé óliʼe go abe e l'ekoʼ egwar kɛla é lʉʉ kʉ, ebe, go baadweʼe jɔʼ Zyɛm a ze ó, nye jwɨʼ ó bɨn nkoo e.»
Yesʉs lé efo bʉr é jahla bii mo Zyɛm
(Mataos 21.12; Markus 11.15; Yʉanes 2.13)
45Yesʉs ze ni é jahla bii mo Zyɛm. Nye ntɔʼ taare lé efo bʉr o b'a di-di tɨʼ lé ebɛma bɨsɔʼɔ ɛ. 46Nye ó: «Yé ó tila é Kalara Zyɛm ó: “Mbɛr wam, wé óbe ó mbɛr mɨnjwɨʼla.” No ó bɨn bɛɛ, bɨ liŋ we eboʼo e bɨzilngan#19.46 Dwɛʼa Ezayi 56.7 ndwe e Yeremi 7.11.!»
47É dobo lɨlɛh, Yesʉs a be ó é jahla bii mo Zyɛm tʉŋlʉ lé eyeʼle bʉr. Ojwɨɨ be opara bé e l'oyeʼle o motie ndwe e mɨnjwɨ̂ʼ mɨ bʉr, bɛɛ, bé a be ó lé ebà bɨjwɨʼ ó, bé jʉ ó nye. 48Sa gwar, bé a be ó mɨleme é mo é zaaama, ebe, mɨzɨze mɨ bʉr mimyɛh, myé a be ó lé ekʉ gʉa joʼlo nye.
انتخاب شده:
Lʉkas 19: ozmBad
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2002, Wycliffe Bible Translators, Inc. All rights reserved.
Lʉkas 19
19
Yesʉs bé e Zachée
1É jɔʼ Yesʉs a ni ɨ Yeriko e, nye a be ó lé edɨ ntaa nkana. 2Nuu mʉr a be ó tɨ, die le Zachée. Nye ó b'a be cyɛb efoʼ é sama onwɨa o tœa bɨbɛh, nye nteme e l'okum e l'ogbaa. 3To kœb ó, nye a be nteme ó lé ejɨ bee Yesʉs, le egwɨm gʉa mbi mʉr nye a be e. No ó, mpʉ nye a be é bul gublo mʉr ɨ, nye a baabe e nkul ebee nye, ebe, ntuntuma bʉr yé a be tɨʼ ɨ. 4No ó, nye a to kam dolo, ntɔʼ to jʉ̀ é lɨ sikomɔr kʉ, ó nye nkʉʼ gʉa bee nye, ebe, Yesʉs a be ó, nye laŋa tɨʼ é fum yaa. 5É jɔʼ Yesʉs a pyal gumo yaa ɛ, nye ze syɛm mih kʉ. Nye e nye ó: «Zachée! Kpahba fulo si, ebe, yé ekʉ jala ó, me filɨ é mbɛr go muh!»
6Zachée ntɔʼ kpahbe fulo si, ntɔʼ bɨlan e nye e bɨsʉhʉ. 7Bʉr bɨbɛh bé a bee syɛɛla yaa ɛ, bé a si to le etʉʼra. Bé ó: «Mʉr nwa, nyi to ja é mbɛr mo mʉr ndɨ é bul jwɨ̂ʼlɨ e mɨsyem ɨ!»
8No ó, Zachée a ze cyɛb, lɛɛ e Da ó: «Da, paʼ bee: Me óbɛʼ bɨsa byam, nʉa peh, jala e nkɔb ngwar é monkɔb moba, to dwe baanteʼenteʼe. Yé be ó, me a be ó si kʉa nuu mʉr, nʉa nye mɔn nɛʼɛ, me óbuulo nye ya, ntɔʼ ko bim mɔn yaa zɔʼ nâ tɨʼ kʉ.» 9No ó, Yesʉs a lɛɛ e nye ó: «Bʉr o mbɛr wi, bɨ bi tiʼ molu mo mpoʼ mɨmɛh muh, ebe, mʉr nwaʼ nteme, nye ó ma nta mo Abraham. 10Mwan mo Mʉr a ze ó, ze saa baa mu si pɔhba ɛ, ó nye ódwe be tiʼ molu mo mpoʼ mɨmɛh.»
Kɨkɛna mɨsaŋ mɨ gol
(Mataos 25.14)
11É jɔʼ bʉr, bé a be, bé mu si joʼo mokan monɨ ɨ, Yesʉs ze bâʼle sa be yʉʉ kɨkɛna. Mpʉ nye a be, nye mu kunokuno e Yerʉsalɛm ɨ, bʉr ntɔʼ jwɨʼ ó, Zyɛm a be ó, nye mu kunokuno le ecyel jwɨ̀ʼa ye cyecye. 12No ó nye a lɛɛ e be ó: «Yé a ze be ó, nuu sabene é lal we. Nye ze mʉa, to di é lal wé a be ká ká jaabe e. Nye a to é lal waa ó, bé dilɨ nye é dia njwɨɨ. Pie tɨ, nye òka bula. 13Nye l'apa to nɛʼɛ, nye a si jebe osyɛl o mosa be ewʉm, ze dwe be mʉr ngwar, saŋ#19.13 Saŋ ngwar, wé ó tɔɔ mɨsaŋ mɨ odenie nter. No ó, saŋ ngwar, wé a be ó bim myɛna nter mɨmoho. gol ngwar. Nye e be ó: “Bulɨ ga me mɔn yi, to pyal é jɔʼ me óbula ɛ.” Nye ze mʉa, to.
14«Tina, yé ó, bʉr o lal we, bé a be ó lé enwim nye. No ó bé a lomo bʉr ó, bé duʼo nye, lé eto myɛʼɔ lɔɔ gʉʼ ó: “Bɨh bɛɛ, bé amɛʼle ó, mʉr nwaʼ cyɛbɨ njwɨɨ é paʼ wih.”
15«No ó, nko nye a to e, bʉr o lal waa bɛɛ ze cyelɔ nye njwɨɨ#19.15 É mbi waa ó Yesʉs a lɛɛ ó, bʉr o ndɨ abyɛl é kul oYʉden ɨ, bé ókʉ kpɛl di ompʉn be e.. Nye ntɔʼ bula ze é lal we. No ó nye a lɛɛ ó, bé baŋla osyɛl o mosa be, baa nye a timle mɔn ɨ. Nye a be ó lé egwɨm gʉa bim mɔn ye, yé a bya ɛ.
16«Mʉr efoʼ pyal. Nye ó: “Da, me a si bâʼle bi mɨsaŋ mɨ mɔn mɨfih ewʉm, duho é saŋ go a timle me e.”
17«Sabene, nye e nye ó: “Yé é mbɨa. Go ó mpaŋ syɛl mosa. Gɨ gʉa ebaʼle bɨsa ndɨ titia ɛ. Mɨ cyel go njwɨɨ bɨnkana ewʉm.”
18«Waa mba ntɔʼ ze. Nye ó: “Da, me a si bâʼle bi mɨsaŋ mɨ mɔn mɨfih mɨtɛn, baʼra e waa go a timle me e.”
19«Sabene, nye e nye ó: “Gwɔɔ, mɨ cyel go é dia ó, go jwɨʼɨ bɨnkana bɨtɛn.”
20«Waa lɛl ze pyal. Nye ó: “Da, mbe saŋ go? Me a baʼle we ó, tiila é l'elire e kan, 21ebe, me a be ó lé ekpɛɛ go. Me ekʉ gʉa ó, go ó, é lele mbo. Sa go a baakomo e, yé ó go ndɨ enʉa ɛ. Go ekpɛl mwaʼ mode ó, é peme go a baabè mompœʼ œ.”
22«Sabene, nye e nye ó: “Go sa bɨbla syɛl mosa yi! Me ótiʼe go lɔb é mokan lé eduho é nʉm go e. Go a be ó si gʉa ó, me é lele mbo. Go a gʉa ó, me enʉa-nʉa sa me a baakomo e. Go a bee ó, me ekpɛl mwaʼ mode ó, é peme me a baabè mompœʼ tɨʼ ɨ. 23Ebe yé go a baato komo mɔn yam é baŋ ɨ? É mpula wam, me ngbaa ze kœb mɔn yam ndwe e mɨlʉ myé a ntaa kʉ ɨ.”
24«Nye e bʉr bé a be tɨʼ ó: “Pɛʼɛ ga nye saŋ we. Bɨn bé à timle we mʉr mu e mɨsaŋ ewʉm ɨ!” 25No ó bé a lɛɛ e nye ó: “Cɨcyoʼ oo, Da! Nye mu ó bɛa be e mɨsaŋ ewʉm!” 26Nye ó: “Me elɛɛ bɨn ó nɛɛ, mʉr nyiwɛh ndɨ e guu paʼ bɨsa ɛ, nye óbâʼle dweŋɔ byʉʉ. To kœb ó, waa ndɨ tɨtoʼo e, nye ópɛʼɔ ma bim nye ndɨ e tɨʼ ɨ. 27No ó bʉr o dɔm bam, bé a bene ó, me l'aka cyɛb njwɨɨ é paʼ wɔɔ ɛ, ntaʼ ga me e ba wâ. Bɨn jʉʼo be é mih mam!”»
Epyal mo Yesʉs ɨ Yerʉsalɛm
(Mataos 21.1; Markus 11.1; Yʉanes 12.12)
28É jɔʼ nye a sil lwib no e, Yesʉs ntɔʼ samle, lé eto Yerʉsalɛm. 29É jɔʼ bé a be, bé mu kunokuno e Batfagee le Betani, nko ecwɨʼ bé lé ejebe-jebe ó, Ecwɨʼ le olivye e, nye ze lomo ompʉn oba dolo. Nye e be ó: 30«Toʼ ga kwar ndɨ bɨn tina dolo nɨ. É jɔʼ bɨn bé ópyal gʉʼ ɨ, bɨn bé ókœb ma jakah tiila, nye dina, mʉr apa kable nye é koo kʉ. Bɨn bé à tii nye. Bɨn bé òze e nye wâ. 31ǃƗ mʉr si dî e bɨn ó: “Ebe yé bɨn lé etii jakah nɨ ɨ?” nɛʼɛ, bɨn bé à lɛɛ e mʉr waa ó: “Tî wih, nye egwɨm ye.”»
32No ó bʉr o nye a lomo e, bé a ze to, to kœbɔ bɨsa bibyɛh mpʉ Yesʉs a lɛɛ be e. 33É jɔʼ bé a be lé etii jakah ɨ, bʉr o tɨʼ ntɔʼ dî e be ó: «Ebe yé bɨn lé etii jakah yih nɨ ɨ?»
34Bé ntɔʼ bɨha ó: «Da, nye egwɨm ye.»
35Bé ntɔʼ bula e ma jakah, ntɔʼ lɛʼle Yesʉs. Bé ze kɛl ye mɨkan myɔɔ é koo, ntɔʼ dilɔ Yesʉs tɨʼ kʉ. 36Nyɛɛ lé eto, bʉr lé eto le ejan mɨkan myɔɔ mpaʼa e mpaʼa.
37Mpʉ nye a be, nye mu kunokuno e Yerʉsalɛm, lé efulo Ecwɨʼ le olivye e, no ó sama ompʉn, yé a taare lé esoho é buobuo le edwe Zyɛm kum le ebʉ bɨyaŋa, ebe mosima mɨmɛh bé a bee e.
38Bé a lɛɛ-lɛɛ ó: «Mocyɛʼ mo mpom, mé swɨŋɨ é waa lé eze e die mo Da nwa ɔɔ! Motala, mé diʼe é lal mo Zyɛm ɔɔ!
Kɛɛɛɛɛɛ é lal mo Zyɛm di e kum wi ɔɔ!»
39Bʉʉ oFarizyɛŋ bé a be tɨʼ é mpampaʼ bʉr yaa ɛ, bé a lɛɛ e nye ó: «Yeʼle, bâma e l'ompʉn bo#19.39 Bé a bé ajɨ mɛʼle ó, Yesʉs a be ó Krɨst: Lœma mulo mo Zyɛm..» 40No ó Yesʉs a bɨha e be ó: «Me elɛɛ bɨn ó nɛɛ, ǃbé si dible mɨnʉm, aka lwib nɛʼɛ, mokoʼ maʼ, mé ódwe me kum e motwii kʉ, bʉŋɔ bɨyaŋa!»
Yesʉs lé ejɨ é lɔb nkana Yerʉsalɛm
41É jɔʼ Yesʉs a pyal kunokuno e nkana Yerʉsalɛm, ntɔʼ dwɛʼ ye e, nye ntɔʼ taare lé ejɨ ndwe le epɛm myɛɛle é lɔb we. 42Nye ó: «Nkʉ go be ó be, gʉa muh sa yé a ngbaa sa ó, mɨlɔb, myé kwɨmlɨ paʼra win boo Zyɛm nɛʼɛ, mpa go mu ó mbɨmbɨa! Banana, yé ó go fela. Go abe e nkul ebee ye! 43Ebe, molu mo ebebe, mé ópyal bɨn, jɔʼ bʉr o dɔm bɨn, bé óbʉmra bɨn é nka, fumo ekɔʼ é lele lele lé ódible bɨn é mɨpaʼ mimyɛh ɛ. 44Yerʉsalɛm aa! Bé ógbɛɛ go, le egbah bwan bo bɨbɛh ndɨ é bɨpɨpɨm byo tʉŋlʉ ɨ. Bé óliʼe go abe e l'ekoʼ egwar kɛla é lʉʉ kʉ, ebe, go baadweʼe jɔʼ Zyɛm a ze ó, nye jwɨʼ ó bɨn nkoo e.»
Yesʉs lé efo bʉr é jahla bii mo Zyɛm
(Mataos 21.12; Markus 11.15; Yʉanes 2.13)
45Yesʉs ze ni é jahla bii mo Zyɛm. Nye ntɔʼ taare lé efo bʉr o b'a di-di tɨʼ lé ebɛma bɨsɔʼɔ ɛ. 46Nye ó: «Yé ó tila é Kalara Zyɛm ó: “Mbɛr wam, wé óbe ó mbɛr mɨnjwɨʼla.” No ó bɨn bɛɛ, bɨ liŋ we eboʼo e bɨzilngan#19.46 Dwɛʼa Ezayi 56.7 ndwe e Yeremi 7.11.!»
47É dobo lɨlɛh, Yesʉs a be ó é jahla bii mo Zyɛm tʉŋlʉ lé eyeʼle bʉr. Ojwɨɨ be opara bé e l'oyeʼle o motie ndwe e mɨnjwɨ̂ʼ mɨ bʉr, bɛɛ, bé a be ó lé ebà bɨjwɨʼ ó, bé jʉ ó nye. 48Sa gwar, bé a be ó mɨleme é mo é zaaama, ebe, mɨzɨze mɨ bʉr mimyɛh, myé a be ó lé ekʉ gʉa joʼlo nye.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2002, Wycliffe Bible Translators, Inc. All rights reserved.