IOANE 3
3
Ko Iesu mo Nikotemo
1E isi se Falesaio e igoa ki a Nikotemo, se takitaki foki o tino Iutaia. 2Ne vau a ia ki a Iesu i te po, kae ne fai mai ki a ia, “Te Faiakoga, e iloa ne matou i a koe ko te faiakoga ne vau mai i te Atua, i te mea e seai se tino e mafai ne ia o fai fakailoga konei ne fai ne koe, seiloga ko i a ia te Atua.” 3Ne tali atu a Iesu, “Au e fai tonu atu ki a koe: kafai e se toe fanau mai se tino, e se mafai eiloa o matea ne ia a te Malo o te Atua.”#3.3 toe fai aka Io me mai luga 4Ne fai mai Nikotemo ki a ia, “E mafai pefea ne se tino ke toe fanau mai, manafai ko matua? E mafai o toe ulu ki te tinae o tona matua, ke toe fanau mai?” 5Ne tali atu a Iesu penei, “Au e muna tonu atu ki a koe, kafai e se fanau mai se tino i te vai mo te Agaga, e se mafai eiloa o ulu atu ki te Malo o te Atua. 6Ko te mea e fanau mai ne te foitino, se foitino eiloa; ka ko te mea e fanau mai ne te Agaga, ko te agaga 'lei eiloa tena. 7Sa ofo i taku muna ne fai atu ki a koe, ‘E 'tau mo koutou ke toe fa'nau mai.’ #3.7: toe; io me mai luga. 8E agi te matagi ki te koga e loto ki ei, e lagona ne koe tona agi, kae e se iloa ne koe me ne vau mai i fea, kae fano foki ki fea; e pena eiloa latou kola e fa'nau mai i te Agaga.” 9Ne tali mai Nikotemo ki a ia penei: “E mafai pefea o tupu se mea penei?” 10Ne tali atu a Iesu ki a ia, “A koe ko te faiakoga o Isalaelu, kae e seki iloa eiloa ne koe a te mea tenei? 11Au e muna tonu atu ki a koe: a matou e fai'pati ki mea e iloa ne matou, kae molimau foki ki mea e matea ne matou, kae e seai eiloa se tino e talia ne ia te motou molimau. 12E se talitonu koutou manafai e taku atu ne au mea faka te lalolagi; ka talitonu la pefea koutou manafai e taku atu ne au a mea faka te lagi? 13E seai se tino ko oti ne fanake ki te lagi, kae na ko ia fua e tokotasi tela ne fanaifo mai i ei, ko au tena ko te Tama a te Tagata.”
14 #
Nume 21.9
E pela mo te sikiakega ne Mose a te gata i te vao, e 'tau foki eiloa o siki ake pena te Tama a te Tagata; 15ko te mea ke maua ne so se tino e fakatuanaki ki a ia, a te ola se gata mai. 16Me ne pena eiloa o alofa mai te Atua ki te lalolagi, ne tuku mai ei ne ia tena Tama e tokotasi, ko te mea ke se malaia so se tino e fakatuanaki ki a ia, kae ke maua ne ia te ola se gata mai. 17Me ne seki uga mai ne te Atua tena Tama o fakamasino te lalolagi, kae o fakaola te lalolagi.
18Ko te tino tela e fakatuanaki ki a ia e se fakamasinogina, ka ko te tino tela e se fakatuanaki ko oti ne fakamasinogina, me ne seki fakatuanaki eiloa ki te igoa o te Tama e tokotasi a te Atua. 19Kae tenei te fakamasinoga, i te mainaga ko oti ne oko mai ki te lalolagi; ka ko tino e sili atu i te manako ki te pouliga i lo te mainaga; i te mea e fai ne latou a galuega ma'sei. 20So se tino e fai ne ia a mea masei, e takalialia i te mainaga, e se fia vau foki ki te mainaga, i te mea ma iloa ei ana galuega masei; 21ka ko te tino e fai mea tonu, e vau eiloa ki te mainaga, ko te mea ke fakaasi mai ei ana galuega e mai i te Atua.
Ko Iesu mo Ioane
22Mai tua ifo o te mea tenei, ne olo atu a Iesu mo ona soko ki te koga fenua o Iutaia; nofo ei mo latou kae papatiso atu foki. 23Ka ko Ioane ne papatiso i Ainona e tu pili ki Salima, me uke i ei te vai. Ne olo atu ki ei a tino, papatiso ei ne ia latou. 24#Mata 14.3; Male 6.17; Luka 3.19,20Me i a Ioane i aso kona, e seki 'pei ki te fale puipui.
25Tela la, ne kamata ei a soko o Ioane o fakakinau mo te sua tino Iutaia,#3.25: se Iutaia; i nisi fuliga e isi iei nisi tino Iutaia. e uiga ki te feitu ki te faka'maga faka te tapuakiga. 26Ne olo atu latou ki a Ioane, kae fai atu ki a ia, “Te faiakoga, a te tino tela ne 'nofo koulua i te feitu atu o te Iolitana, tela ne molimau foki koe ki ei, kiloke, ko ia tenei e papatiso, ka ko tino ko o'mai katoa ki a ia.” 27Ne tali atu a Ioane penei, “E se mafai ne se tino o maua fua ne ia se mea, seiloga ke maua ne ia mai te Atua. 28#Ioa 1.20A koutou ko aku molimau, i a au ne fai atu, au e se ko te Keliso; kae ne uga mai au ke mua i a ia. 29A te tagata fatoa fakaipoipo, ko ia tena e isi tena avaga ne fatoa fakaipoipo laua; ka tu faeloa te soa o te tagata fatoa fakaipoipo i ona tafa o fakalogologo ki a ia, ka ko oko eiloa i tona fiafia ona ko te fiafia o te tagata fatoa fakaipoipo. Tenei foki la, ko oko eiloa a toku fiafia ki tena okoga. 30E fanake tona taua, ka ko au e gasolo ifo toku aoga.”
Ko ia Tela ne Vau mai te Lagi
31A ia tela ne fanaifo mai luga, e sili eiloa a ia i mea katoa; ka ko te tino tela e vau i te lalolagi, se tino o te lalolagi, e faka te lalolagi foki ana pati. A ia tela ne vau mai i te lagi, e sili eiloa i mea katoa. 32E molimau foki ki mea ne lavea kae lagona ne ia, kae e seai eiloa se tino ne talia ne ia tena molimau. 33A te tino e talia ne ia tena molimau, ko te fakamaoniga tena i te Atua e tonu eiloa. 34A te tino tela ne uga mai ne te Atua, e taku mai ne ia muna a te Atua, me ko tuku katoatoa ne te Atua tona Agaga ki a ia. 35#Mata 11.27; Luka 10.22 A te Tamana e alofa ki te Tama, kae tuku atu ne ia a mea katoa ki ona lima. 36A te tino tela e talitonu ki te Tama, ko i a ia te ola se gata mai; ka ko te tino tela e se fakalogo ki te Tama, ka se lavea ne ia te ola, kae ka tumau eiloa i a ia te fakasalaga a te Atua.
انتخاب شده:
IOANE 3: Tusi Tapu
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tuvalu Revised Bible © Bible Society in the South Pacific
IOANE 3
3
Ko Iesu mo Nikotemo
1E isi se Falesaio e igoa ki a Nikotemo, se takitaki foki o tino Iutaia. 2Ne vau a ia ki a Iesu i te po, kae ne fai mai ki a ia, “Te Faiakoga, e iloa ne matou i a koe ko te faiakoga ne vau mai i te Atua, i te mea e seai se tino e mafai ne ia o fai fakailoga konei ne fai ne koe, seiloga ko i a ia te Atua.” 3Ne tali atu a Iesu, “Au e fai tonu atu ki a koe: kafai e se toe fanau mai se tino, e se mafai eiloa o matea ne ia a te Malo o te Atua.”#3.3 toe fai aka Io me mai luga 4Ne fai mai Nikotemo ki a ia, “E mafai pefea ne se tino ke toe fanau mai, manafai ko matua? E mafai o toe ulu ki te tinae o tona matua, ke toe fanau mai?” 5Ne tali atu a Iesu penei, “Au e muna tonu atu ki a koe, kafai e se fanau mai se tino i te vai mo te Agaga, e se mafai eiloa o ulu atu ki te Malo o te Atua. 6Ko te mea e fanau mai ne te foitino, se foitino eiloa; ka ko te mea e fanau mai ne te Agaga, ko te agaga 'lei eiloa tena. 7Sa ofo i taku muna ne fai atu ki a koe, ‘E 'tau mo koutou ke toe fa'nau mai.’ #3.7: toe; io me mai luga. 8E agi te matagi ki te koga e loto ki ei, e lagona ne koe tona agi, kae e se iloa ne koe me ne vau mai i fea, kae fano foki ki fea; e pena eiloa latou kola e fa'nau mai i te Agaga.” 9Ne tali mai Nikotemo ki a ia penei: “E mafai pefea o tupu se mea penei?” 10Ne tali atu a Iesu ki a ia, “A koe ko te faiakoga o Isalaelu, kae e seki iloa eiloa ne koe a te mea tenei? 11Au e muna tonu atu ki a koe: a matou e fai'pati ki mea e iloa ne matou, kae molimau foki ki mea e matea ne matou, kae e seai eiloa se tino e talia ne ia te motou molimau. 12E se talitonu koutou manafai e taku atu ne au mea faka te lalolagi; ka talitonu la pefea koutou manafai e taku atu ne au a mea faka te lagi? 13E seai se tino ko oti ne fanake ki te lagi, kae na ko ia fua e tokotasi tela ne fanaifo mai i ei, ko au tena ko te Tama a te Tagata.”
14 #
Nume 21.9
E pela mo te sikiakega ne Mose a te gata i te vao, e 'tau foki eiloa o siki ake pena te Tama a te Tagata; 15ko te mea ke maua ne so se tino e fakatuanaki ki a ia, a te ola se gata mai. 16Me ne pena eiloa o alofa mai te Atua ki te lalolagi, ne tuku mai ei ne ia tena Tama e tokotasi, ko te mea ke se malaia so se tino e fakatuanaki ki a ia, kae ke maua ne ia te ola se gata mai. 17Me ne seki uga mai ne te Atua tena Tama o fakamasino te lalolagi, kae o fakaola te lalolagi.
18Ko te tino tela e fakatuanaki ki a ia e se fakamasinogina, ka ko te tino tela e se fakatuanaki ko oti ne fakamasinogina, me ne seki fakatuanaki eiloa ki te igoa o te Tama e tokotasi a te Atua. 19Kae tenei te fakamasinoga, i te mainaga ko oti ne oko mai ki te lalolagi; ka ko tino e sili atu i te manako ki te pouliga i lo te mainaga; i te mea e fai ne latou a galuega ma'sei. 20So se tino e fai ne ia a mea masei, e takalialia i te mainaga, e se fia vau foki ki te mainaga, i te mea ma iloa ei ana galuega masei; 21ka ko te tino e fai mea tonu, e vau eiloa ki te mainaga, ko te mea ke fakaasi mai ei ana galuega e mai i te Atua.
Ko Iesu mo Ioane
22Mai tua ifo o te mea tenei, ne olo atu a Iesu mo ona soko ki te koga fenua o Iutaia; nofo ei mo latou kae papatiso atu foki. 23Ka ko Ioane ne papatiso i Ainona e tu pili ki Salima, me uke i ei te vai. Ne olo atu ki ei a tino, papatiso ei ne ia latou. 24#Mata 14.3; Male 6.17; Luka 3.19,20Me i a Ioane i aso kona, e seki 'pei ki te fale puipui.
25Tela la, ne kamata ei a soko o Ioane o fakakinau mo te sua tino Iutaia,#3.25: se Iutaia; i nisi fuliga e isi iei nisi tino Iutaia. e uiga ki te feitu ki te faka'maga faka te tapuakiga. 26Ne olo atu latou ki a Ioane, kae fai atu ki a ia, “Te faiakoga, a te tino tela ne 'nofo koulua i te feitu atu o te Iolitana, tela ne molimau foki koe ki ei, kiloke, ko ia tenei e papatiso, ka ko tino ko o'mai katoa ki a ia.” 27Ne tali atu a Ioane penei, “E se mafai ne se tino o maua fua ne ia se mea, seiloga ke maua ne ia mai te Atua. 28#Ioa 1.20A koutou ko aku molimau, i a au ne fai atu, au e se ko te Keliso; kae ne uga mai au ke mua i a ia. 29A te tagata fatoa fakaipoipo, ko ia tena e isi tena avaga ne fatoa fakaipoipo laua; ka tu faeloa te soa o te tagata fatoa fakaipoipo i ona tafa o fakalogologo ki a ia, ka ko oko eiloa i tona fiafia ona ko te fiafia o te tagata fatoa fakaipoipo. Tenei foki la, ko oko eiloa a toku fiafia ki tena okoga. 30E fanake tona taua, ka ko au e gasolo ifo toku aoga.”
Ko ia Tela ne Vau mai te Lagi
31A ia tela ne fanaifo mai luga, e sili eiloa a ia i mea katoa; ka ko te tino tela e vau i te lalolagi, se tino o te lalolagi, e faka te lalolagi foki ana pati. A ia tela ne vau mai i te lagi, e sili eiloa i mea katoa. 32E molimau foki ki mea ne lavea kae lagona ne ia, kae e seai eiloa se tino ne talia ne ia tena molimau. 33A te tino e talia ne ia tena molimau, ko te fakamaoniga tena i te Atua e tonu eiloa. 34A te tino tela ne uga mai ne te Atua, e taku mai ne ia muna a te Atua, me ko tuku katoatoa ne te Atua tona Agaga ki a ia. 35#Mata 11.27; Luka 10.22 A te Tamana e alofa ki te Tama, kae tuku atu ne ia a mea katoa ki ona lima. 36A te tino tela e talitonu ki te Tama, ko i a ia te ola se gata mai; ka ko te tino tela e se fakalogo ki te Tama, ka se lavea ne ia te ola, kae ka tumau eiloa i a ia te fakasalaga a te Atua.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tuvalu Revised Bible © Bible Society in the South Pacific