ᒠᓐ 18
18
ᒋᓴᔅ ᑲ ᒪᑯᓇᑭᓄᐅᑦ
ᒪᑎᔪᐤ 26.47-56; ᒪᕐᒃ 14.43-50; ᓗᒃ 22.47-53
1ᐃᔅᐱ ᒋᓴᔅ ᑲᒋ ᐃᓯ ᐊᔭᒥᐊᑦ ᐊᑯ ᒂ ᔅᑐᑕᒡ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐎᒐᐅᑯᑦ᙮ ᐊᑯ ᒂ ᐊᓱᐅᑕᒡ ᐊᓂᔭ ᓯᐱᓯᔪᐤ ᑭᑦᕈᓐ ᑲ ᐃᓯᓂᐧᑲᑕᔨᒡ᙮ ᒋ ᑎᑯᓂᔪᐤ ᒪᒃ ᐊᓐᑕ ᓂᑕᐅᒋᑕᑭᓐ ᐊᔅᒋᔪᐤ ᐊᑯᑕ ᑲ ᐃᑐᑕᒡ᙮
2ᒍᑎᔅ ᒪᒃ ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ ᒋ ᒋᔅᒐᔨᑎᒻ ᑕᓐᑕ ᑲ ᑎᑯᓂᔨᒡ ᐊᓂᔭᔪᐤ ᐛᔅ ᒥᒐᑥᐤ ᒋ ᒪᒧᐎᐅᒡ ᐊᓐᑕ ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ᙮ 3ᒍᑎᔅ ᒪᒃ ᒋ ᐃᑐᑕᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ᐎᒐᐅᑯᑦ ᕈᒻ ᐊᓯᒪᑭᓂᓴ ᑭᔭ ᐊᓂᔭᔪᐛ ᑲᒪᑯᓄᐛᓯᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᐊᑐᔅᒐᔨᒋ᙮ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᒋ ᐃᑎᓴᐅᑯᒡ ᒐᒋ ᓇᓂᑐᐛᐱᒪᒡ ᒋᓴᓴ᙮ ᒋ ᐸᒋ ᑕᐧᑯᓇᐅᒡ ᒪᒃ ᐛᔅᑕᓂᐱᒪᑭᓇ ᑭᔭ ᐃᔅᑯᑕᐤ ᐛᔅᑕᓂᐱᒪᑭᓇ ᑭᔭ ᓂᑐᐱᔪᐅ-ᒧᐧᑯᒪᓇ᙮
4ᒋ ᒋᔅᒐᔨᑎᒻ ᒪᒃ ᒋᓴᔅ ᒥᓯᐛ ᑕᓐ ᒐ ᐃᔅᐱᔨᑦ ᐊᑯ ᒂ ᐸᒋ ᓂᒥᑕᐛᑲᐳᑦ ᒂ ᐃᑕᑦ, “ᐊᐛᓐ ᑲ ᓇᓂᑐᐛᐱᒪᒄ ?”
5ᒋ ᐃᑕᐅᒡ, “ᒋᓴᔅ ᓇᓴᕆᑎᒡ ᑲ ᐅᒋᑦ ᓂ ᓇᓂᑐᐛᐱᒪᓇᓐ᙮” “ᐊᐅᒄ ᓂᔾ,” ᒂ ᐃᑕᑦ ᒋᓴᔅ᙮ ᒍᑎᔅ ᒪᒃ, ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ ᐊᑯᑕ ᑲ ᓂᐳᐅᑦ ᐊ ᐎᒋᑲᐳᔅᑐᐛᑦ ᐊᓂᔭᔪᐛ ᑲ ᐸᒋ ᐎᒐᐅᑯᔨᒋ᙮ 6ᐃᔅᐱ ᒪᒃ ᒋᓴᓴ ᑲ ᐃᑎᑯᒡ, “ᐊᐅᒄ ᓂᔾ,” ᒋ ᐊᓴᑲᐳᐅᒡ ᒂ ᐊᑎ ᐸᒋᓯᒡ ᐊᓐᑕ ᐃᔅ ᐊᔅᒋᒡ᙮
7ᒋᓴᔅ ᒥᓐ ᒂ ᑯᒂᒋᒪᑦ, “ᐊᐛᓐ ᑲ ᓇᓂᑐᐛᔨᒪᒄ ?” “ᒋᓴᔅ, ᓇᓴᕆᑎᒡ ᑲ ᐅᒋᑦ,” ᒋ ᐃᑕᐅᒡ᙮
8ᒋᓴᔅ ᒂ ᐃᑕᑦ, “ᓴᔅ ᔅᒋ ᐎᑎᒪᑎᓇᐛᐤ ᐊᐅᒄ ᐊᓐ ᓂᔾ᙮ ᓂᔾ ᓂᔭᓂᑐᐛᐱᒧᐛᒂ ᐱᔅᑎᓇᐧᑯᒡ ᐅᒡ ᑯᑎᑭᒡ᙮” 9ᐊᐅᒄ ᐅᔭ ᑲ ᐃᔅᒋᔄᑦ ᒐᒋ ᑎᐱᐱᔨᒡ ᐊᓂᔭ ᓴᔅ ᐊᓐᑕ ᑲ ᐃᔅᒋᔄᑯᐱᓇ, “ᓄᑕ, ᓇᒪ ᓂ ᐅᒋ ᐅᓇᐊᐅᒡ ᐛᒋ ᐸᐃᒄ ᐊᓐᒡ ᑲ ᐸᒋ ᒥᔨᓐ᙮”
10ᓴᐃᒥᓐ ᐱᑕᕐ ᒪᒃ ᒋ ᑯᐃᑯᓂᒻ ᐅᓂᑐᐱᔪᐅ-ᒧᐧᑯᒪᓐ ᑲ ᒥᓂᓯᒺᑦ ᐅᒥᔪᐅᓂᒡ ᐎᑐᑲᔪᐤ ᐊᓂᔭᔪᐛ ᐸᐃᒄ ᒋᓴᐊᔭᒥᐊᐅᒋᒪᐛ ᐅᑦ ᐊᐱᒋᐊᑭᓂᔪᐛ, ᒪᓪᑲᔅ ᑲ ᐃᓯᓂᐧᑲᓱᔨᒋ᙮
11ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐱᑕᕋ, “ᓇᐅᔅᑕ ᐊᓐ ᒋᓂᑐᐱᔪᐅ-ᒧᐧᑯᒪᓐ ! ᒋᑦ ᐃᑕᔨᑕᓐ ᐊ ᒐ ᐊᑲ ᐅᒋ ᓴᐳᔅᑭᒪᓐ ᐅ ᐎᓯᒐᔨᑕᒧᐅᓐ ᓄᑕᐎᔾ ᑲ ᐸᒋ ᒥᔨᑦ ?”
ᒋᓴᔅ ᑲ ᐃᑐᑕᐊᑭᓄᐅᑦ ᐊᓇᓴ ᐊ ᑕᔨᒋ
12ᐊᓐᒡ ᒪᒃ ᐊᓯᒪᑭᓂᓯᒡ ᑭᔭ ᐊᓂᔭ ᐅᒋᒪᒧᐛᐛ ᑭᔭ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᑲᒪᑯᓄᐛᓯᒡ ᒋᓴᐊᔭᒥᐊᐅᒋᐛᐱᒡ, ᒋ ᒪᑯᓇᐅᒡ ᐊᓂᔭᔪᐛ ᒋᓴᓴ ᑭᔭ ᒋ ᒪᑯᐱᑕᐅᒡ᙮ 13ᐊᓐᑕ ᓂᔅᑎᒻ ᐊᓇᓴ ᐊ ᑕᔨᒋ ᒋ ᐃᑐᑕᐊᐅᒡ, ᑲᔭᐸᔅ ᒪᒃ ᐅᔭ ᐅᓴ᙮ ᐅ ᑲᔭᐸᔅ ᐎᔾ ᒋ ᒋᓴᐊᔭᒥᐊᐅᒋᒪᐅᐤ ᐊᓂᔭ ᑲ ᐱᐳᓂᔨᒡ᙮ 14ᐊᐅᒄ ᑲᔭᐸᔅ ᑲ ᐃᑕᑯᐱᓇ ᐊᓂᔭᔪᐛ ᒍᐤ ᐃᔪᐛ ᐃᐛᒃ ᒋᐸ ᒥᔪᐱᔨᐧᑯᐱᓇ ᐸᐃᒄ ᓇᐸᐤ ᒐᒋ ᓂᐱᔅᑎᒧᐛᑦ ᒥᓯᐛ ᐊᐛᔪᐛ᙮
ᐱᑕᕐ ᑲ ᑭᑭᒋᔭᑦ ᑲ ᐃᔅᒋᔄᑦ ᐊᑲ ᒋᔅᒐᔨᒪᑦ ᐊᓂᔭᔪᐛ ᒋᓴᓴ
ᒪᑎᔪᐤ 26.69,70; ᒪᕐᒃ 14.66-68; ᓗᒃ 22.55-57
15ᓴᐃᒥᓐ ᐱᑕᕐ ᑭᔭ ᒥᓐ ᑯᑎᒃ ᒋᔅᒋᓄᐊᒧᐛᑭᓐ ᒋ ᓇᓴᐛᐅᒡ ᒋᓴᓴ᙮ ᐊᓐ ᒪᒃ ᑯᑎᒃ ᒋᔅᒋᓄᐊᒧᐛᑭᓐ ᓇᔅᒡ ᒋ ᒥᔪ ᒋᔅᒐᔨᒥᑯᐤ ᒋᓴᐊᔭᒥᐊᐅᒋᒪᐛ᙮ ᐊᑯ ᒂ ᐎᒐᐛᑦ ᒋᓴᓴ ᐊᓐᑕ ᐊᓂᔭ ᒋᓴᐊᔭᒥᐊᐅᒋᒪᐛ ᐎᒋᔨᒡ ᐊ ᐱᒐᔨᒋ᙮ 16ᐱᑕᕐ ᒪᒃ ᐎᐎᑎᒥᒡ ᐊᓐᑕ ᐎᔾ ᒋ ᑕᐤ᙮ ᐊᑯ ᐊᓐ ᑯᑎᒃ ᒋᔅᒋᓄᐊᒧᐛᑭᓐ ᐊᓐ ᑲ ᒥᔪ ᒋᔅᒐᔨᒥᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ ᑲᐤ ᒋ ᐎᐎᔪᐤ, ᑲ ᐃᔨᒪᐊᑦ ᐊᓂᔭ ᐃᔎᓴ ᐊᓐᑕ ᒋᐱᔎᒡ ᑲ ᑕᔨᒋ ᒂ ᑯᒂᒋᒪᑦ ᒐᒋ ᐱᒐᔨᒋ ᐱᑕᕋ᙮ ᐊᑯ ᑲ ᐱᑎᑲᐊᑦ ᐊᓂᔭ ᐱᑕᕋ᙮
17ᐊᓐ ᒪᒃ ᐃᔎᔅ ᐊᓐᑕ ᒋᐱᔎᒡ ᑲ ᑕᑦ ᒋ ᐃᑕᐤ ᐊᓂᔭ ᐱᑕᕋ, “ᓇᒪᔭᐤ ᐊ ᒋᔾ ᐸᐃᒄ ᒋᓴᔅ ᐅᒋᔅᒋᓄᐊᒧᐛᑭᓇ ?” ᐱᑕᕐ ᒪᒃ ᒂ ᐃᑕᑦ᙮ “ᓇᒪ᙮ ᓇᒪᔭᐤ ᓂᔾ᙮”
18ᒋ ᑕᐧᑲᔭᔪᐤ ᒪᒃ᙮ ᐊᑯ ᐊᓐᒡ ᐊᐱᒋᐊᑭᓐᒡ ᐊᔪᐤ ᑲᒪᑯᓄᐛᓯᒡ ᒂ ᑯᑐᐛᒡ ᐊᑯ ᑲ ᐛᔅᑲᑲᐳᔅᑕᒡ ᐊᓂᔭ ᐃᔅᑯᑕᔪᐤ ᐊᓐᑕ ᐊ ᐅᒋ ᑎᐅᓱᒡ᙮ ᐱᑕᕐ ᒪᒃ ᑭᔭ ᐎᔾ ᒋ ᐸᒋ ᐎᒋᑲᐳᔅᑐᐛᐤ ᐊ ᐸᒋ ᑎᐅᓱᑦ᙮
ᒋᓴᔅ ᑲ ᓇᓂᑐ ᒋᔅᒐᔨᒥᑯᑦ ᒋᓴᐊᔭᒥᐊᐅᒋᒪᐛ ᐊᐛᓐ ᐊᓐ ᐊ ᐊᐎᔨᑦ
ᒪᑎᔪᐤ 26.59-66; ᒪᕐᒃ 14.55-64; ᓗᒃ 22.66-71
19ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᓂᓇᐧᑯᐤ ᑲ ᐃᓯ ᑯᒂᒋᒪᑦ ᒋᓴᓴ ᐊ ᐎ ᓂᑐ ᒋᔅᒐᔨᒪᑦ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ ᑭᔭ ᑕᓐ ᓇᐊᐤ ᐊ ᐃᓯ ᒋᔅᑯᑎᒪᒐᔨᒋ ᒋᓴᓴ᙮
20ᐊᑯ ᒋᓴᔅ ᒂ ᐃᑕᑦ, “ᒥᓯᐛ ᑕᓐ ᑲ ᐃᔅᒋᔄᔭᓐ ᒋ ᐸᑎᒧᒡ ᐊᐛᓐᒋ᙮ ᐊᓐ ᒪᒃ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒋᓴᐊᔭᒥᐊᐅᒋᐛᐱᒡ ᐊᓐᑕ ᒥᓯᐛ ᒍᐤ ᐃᔪᒡ ᑲᒋ ᐸᒋ ᒪᒧᐎᒡ, ᓇᒪ ᓂᑕ ᓂ ᐅᒋ ᑲᑕᓐ ᒐᒂᓐ ᐊ ᐃᔅᒋᔄᔭᓐ᙮ 21ᒐᒂᓐ ᒪᒃ ᐛᒡ ᐸᒋ ᑯᒂᒋᒥᔨᓐ ? ᑯᒂᒋᒥᒡ ᒪ ᐊᓐᒡ ᐃᔪᒡ ᑲᒋ ᐸᑐᐅᒡ᙮ ᑯᒂᒋᒥᒡ ᑕᓐ ᑲ ᐃᑎᒂᐤ, ᐛᔅ ᒋᔅᒐᔨᑎᒧᒡ ᑕᓐ ᑲ ᐃᔅᒋᔄᐅᒡ᙮”
22ᐃᔅᐱ ᒪᒃ ᒋᓴᔅ ᑲ ᐃᔅᒋᔄᑦ ᐅᔭ, ᐸᐃᒄ ᐊᓂᔭ ᑲᒪᑯᓄᐛᓯᔨᒋ ᒋ ᐅᑕᒥᒂᐅᑯᐤ ᐊ ᐃᑎᑯᑦ, “ᓇᒪᐎᔾ ᐊ ᒋᑭ ᒋ ᐃᓯ ᐃᔨᒪᐊᐤ ᒋᓴᐊᔭᒥᐊᐅᒋᒪᐤ ?”
23ᐊᑯ ᒋᓴᔅ ᒂ ᐃᑕᑦ, “ᐊᑲ ᒧᔭᒻ ᐛᒋ ᐃᔅᒋᔄᐛᓇ ᒐᒂᓐ, ᐎᑎᒧᒡ ᒥᓯᐛ ᐊᐛᓐᒋ ᐅᑕ ᑲ ᑕᒡ᙮ ᒥᒄ ᒪᒃ ᑲ ᑕᑈᐛᓇ ᒥᓯᐛ ᑲ ᐃᔅᒋᔄᔭᓐ, ᒐᒂᓐ ᐛᒋ ᐸᒋ ᐅᑕᒥᐅᔨᓐ ?”
24ᐊᑯ ᐊᓇᔅ ᒂ ᐃᑎᓴᐛᑦ ᐊᓂᔭᔪᐛ ᒋᓴᓴ ᐊᓐᑕ ᑲᔭᐸᔅ ᒋᓴᐊᔭᒥᐊᐅᒋᒪᐤ ᐊ ᑕᔨᒋ ᐊᔅᒄ ᐊ ᒪᑯᐱᓱᔨᒋ᙮
ᐱᑕᕐ ᑲ ᐃᔅᒋᔄᑦ ᐊᑲ ᒋᔅᒐᔨᒪᑦ ᒋᓴᓴ
ᒪᑎᔪᐤ 26.71-75; ᒪᕐᒃ 14.69-72; ᓗᒃ 22.58-62
25ᓴᐃᒥᓐ ᐱᑕᕐ ᒪᒃ ᐊᔅᒄ ᒪᒂᒡ ᒋ ᓂᐳᐅᐤ ᐊᓐᑕ ᐊ ᑎᐅᓱᑦ ᐊᑯ ᒂ ᐃᑎᑯᑦ ᐊᓂᔭ ᐊᓐᑕ ᑲ ᑕᔨᒋ, “ᓇᒪᔭᐤ ᐊ ᒋᔾ ᐸᐃᒄ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐ ᓇᐸᐤ ?” ᐱᑕᕐ ᒪᒃ ᒋ ᑭᑭᒋᔭᐤ, “ᓇᒪ᙮ ᓇᒪᔭᐤ ᓂᔾ,” ᒋ ᐃᑕᐤ᙮
26ᐸᐃᒄ ᒪᒃ ᐊᓂᔭ ᒋᓴᐊᔭᒥᐊᐅᒋᒪᐤ ᐅᑦ ᐊᐱᒋᐊᑭᓇ ᒋ ᐎᐧᑲᓂᓯᔨᑯᐱᓐ ᐊᓂᔭᔪᐛ ᓇᐸᐛ ᐱᑕᕋ ᑲ ᒋᒥᑐᑭᔭᔄᔨᒋ᙮ ᒋ ᐃᑕᐤ ᒪᒃ ᐊᓂᔭ ᐱᑕᕋ, “ᓇᒪᐎᔾ ᐊ ᒋ ᐅᒋ ᐛᐱᒥᑎᓐ ᑭᔭ ᒋᔾ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ᐸᐸᐎᒐᐅᑦ ᒋᓴᔅ ?”
27ᒥᓐ ᒪᒃ ᐃᔭᐱᒡ ᐱᑕᕐ ᒋ ᑭᑭᒋᔭᐤ, “ᓇᒪᔭᐤ ᓂᔾ,” ᒋ ᐃᑕᐤ᙮ ᑎᐛᒡ ᒂ ᐅᒋ ᐸᑕᑯᓯᔨᒋ ᓇᐸ ᐱᑲᒂᓇ᙮
ᒋᓴᔅ ᑲ ᐃᑐᑕᐊᑭᓄᐅᑦ ᑈᓚᑕ ᐊ ᑕᔨᒋ
ᒪᑎᔪᐤ 27.1,2,11-14; ᒪᕐᒃ 15.1-5; ᓗᒃ 23.1-5
28ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮ 29ᐊᐅᒄ ᒪᒃ ᐅᔭ ᐛᒋ ᐎᐎᑦ ᑈᓚᑦ, ᒂ ᓂᑐᐛᐱᒪᑦ ᐊᑯ ᒂ ᑯᒂᒋᒪᑦ, “ᑕᓐ ᐊ ᐃᓯ ᐊᑕᒪᔨᑕᑯᓯᑦ ᐅ ᓇᐸᐤ ?”
30ᒂ ᐃᓯ ᐎᑎᒪᑯᑦ ᐊ ᐃᑎᑯᑦ, “ᓇᒪ ᓂᐸ ᐅᒋ ᐸᓱᐛᓇᓐ ᐅᑕ ᐊ ᑕᔨᓐ ᐊᑲ ᐅᒋ ᒥᒋᑐᑎᒧᑯᐱᓇ᙮”
31ᐊᑯ ᑈᓚᑦ ᑲ ᐃᑕᑦ, “ᒋᔨᐛᐤ ᐅᑎᓇᐧᒄ ᐅ ᓇᐸᐤ ᒋᔨᐛᐤ ᒋᐎᓱᐛᐅᓄᐛᐤ ᒐ ᐊᐱᒋᑕᔭᒄ ᐊ ᑎᐸᔅᑯᓇᒄ᙮” ᐊᑯ ᐊᓐᒡ ᒍᐤ ᐃᔪᒡ ᒂ ᐃᔅᒋᔄᒡ, “ᓇᒪ ᓂ ᐱᔅᑎᓂᑯᓇᓐ ᓂᐎᓱᐛᐅᓇᓇ ᒐᒋ ᐃᔅᒋᔄᔭᒡ ᒐᒋ ᓂᐸᐊᑭᓄᐅᑦ ᐊᐛᓐ᙮” 32ᐊᐅᒄ ᒪᒃ ᐅ ᐛᒋ ᐃᔅᐱᔨᒡ ᐅ ᒐᒋ ᑎᐱᐱᔨᒡ ᑕᓐ ᐊᓐ ᑲ ᐃᓯ ᓂᑲᓐ ᐎᑕᐧᒃ ᒋᓴᔅ ᒐ ᐃᓯ ᓂᐱᑦ᙮
John 18.33-37 (Proper-29 Year B)
33ᒥᓐ ᑲᐤ ᒂ ᐱᒐᑦ ᑈᓚᑦ ᐊᓂᔭ ᒋᓴᐅᒋᒪᐅᒋᐛᐱᔪᐤ ᐊ ᐎᓴᒪᑦ ᒋᓴᓴ, ᐊᑯ ᒂ ᑯᒂᒋᒪᑦ, “ᐊᐛ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?”
34ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᔅᒋ ᐎᑎᒪᑯᒡ ᐊ ᐊᐛᓐᒋ ᓂᔾ ᐊᐅᒄ ᐅᒋᓴᐅᒋᒪᒧᐛᐛ ᒍᐤ ᐃᔪᒡ᙮ ᑭᔭ ᒪᒃ ᒋᔾ ᐅ ᒋᑦ ᐃᑕᔨᑎᒧᐅᓐ ᑲ ᐃᔅᒋᔄᔨᓐ ?”
35ᐊᑯ ᑈᓚᑦ ᒂ ᐃᑕᑦ, “ᒍᐤ ᐃᔪᐤ ᐊ ᓂᔾ ᒋᑦ ᐃᑕᔨᒥᓐ ? ᒋᔾ ᑎᐱᔨᐛ ᒋᑦ ᐃᔨᒥᒡ ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᔅᒋ ᐸᒋ ᐃᑎᓴᐅᑯᒡ᙮ ᑕᓐ ᒪᒃ ᑲ ᐃᓯ ᐅᓂᑐᑎᒥᓐ ?”
36ᐊᑯ ᒋᓴᔅ ᒂ ᐃᔅᒋᔄᑦ, “ᓇᒪ ᐅᑕ ᐊᔅᒋᒡ ᐅᒋᐱᔪᐤ ᓄᒋᒪᐅᐎᓐ᙮ ᐅᑕ ᒋ ᐅᒋᒥᑭᓂᑯᐱᓇ ᓄᒋᒪᐅᓐ ᐊᓐᒡ ᓂᑦ ᐊᐱᒋᐊᑭᓐᒡ ᓱᒃ ᒋᐸ ᒪᓯᒐᐅᒡ ᒐ ᐊᑲ ᒋ ᐱᔅᑎᓂᑯᐅᔭᓐ ᐊᓐᑕ ᒍᐤ ᐃᔪᒡ ᐊ ᑕᒡ᙮ ᓇᒪ ᐅᑕ ᐊᔅᒋᒡ ᐅᒋᐱᔪᐤ ᓄᒋᒪᐅᐎᓐ᙮”
37ᐊᑯ ᑈᓚᑦ ᒂ ᐃᑕᑦ, “ᑕᑈ ᑭᑈ ᒋᒋᓴᐅᒋᒪᐅᓇᒐ᙮” ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᔅᒋᔄᓐ ᐊ ᒋᓴᐅᒋᒪᐎᔭᓐ᙮ ᐊᐅᒄ ᐛᒋ ᐱᒪᑎᓯᔭᓐ ᑭᔭ ᐊᐅᒄ ᐛᒋ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᑎᐸᑐᑎᒪᓐ ᐊᓐ ᑕᑈᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᑕᑐᐤ ᐊᐛᓐ ᑕᑈᐅᓂᒡ ᑲ ᑕᑦ ᐊᐅᒄ ᐊᓐ ᐱᔭᒋ ᓂᑐᑐᐅᑦ᙮”
38ᑈᓚᑦ ᑲ ᑯᒂᒋᒪᑦ ᐊ ᐃᑕᑦ, “ᒐᒂᓐ ᐊᓐ ᑕᑈᐅᓐ ?”
ᒋᓴᔅ ᒐ ᓂᐸᐊᑭᓄᐅᑦ
ᒪᑎᔪᐤ 27.15-31; ᒪᕐᒃ 15.6-20; ᓗᒃ 23.13-25
ᐊᑯ ᒥᓐ ᑲᐤ ᒂ ᐎᐎᑦ ᒂ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᓇᒪ ᓂ ᒋᔅᒐᔨᑎᒺᓐ ᒐᒂᔪᐤ ᑲ ᐅᓂᑐᑎᒧᒂ ᐊᓐᑕ ᒐᒋ ᐅᒋ ᑎᐸᔅᑯᓇᑭᓄᐅᑦ᙮ 39ᑎᑯᓐ ᒪᒃ ᒍᐤ ᐃᑐᐅᓐ ᐸᐃᒄ ᐊᐛᓐ ᒐᒋ ᐱᔅᑎᓂᒪᑯᔭᒄ ᒪᒂᒡ ᐊ ᐎᒪᔅᑲᒐᐅ-ᒥᑯᓴᓄᐅᒡ᙮ ᒋ ᓂᑐᐛᔨᒪᐛᐤ ᐊ ᒐᒋ ᐱᔅᑎᓂᒪᑯᔭᒄ ᐅ ᒍᐤ ᐃᔪᒡ ᐅᒋᓴᐅᒋᒪᒧᐛᐤ ?”
40ᐊᑯ ᒂ ᑕᑈᒡ ᐊ ᐃᔅᒋᔄᒡ, “ᓇᒪ ᐎ ᐊᓐ᙮ ᐸᕋᐸᔅ ᐊᐅᒄ ᓇᑐᐛᔨᒥᒋᒡ ᒐᒋ ᐱᔅᑎᓂᒪᑯᐅᔭᒡ᙮” ᐅ ᒪᒃ ᐸᕋᐸᔅ ᒋ ᒋᒧᑎᐃᔪᐤ᙮
انتخاب شده:
ᒠᓐ 18: ᓇᔅᑲᐱ
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒠᓐ 18
18
ᒋᓴᔅ ᑲ ᒪᑯᓇᑭᓄᐅᑦ
ᒪᑎᔪᐤ 26.47-56; ᒪᕐᒃ 14.43-50; ᓗᒃ 22.47-53
1ᐃᔅᐱ ᒋᓴᔅ ᑲᒋ ᐃᓯ ᐊᔭᒥᐊᑦ ᐊᑯ ᒂ ᔅᑐᑕᒡ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐎᒐᐅᑯᑦ᙮ ᐊᑯ ᒂ ᐊᓱᐅᑕᒡ ᐊᓂᔭ ᓯᐱᓯᔪᐤ ᑭᑦᕈᓐ ᑲ ᐃᓯᓂᐧᑲᑕᔨᒡ᙮ ᒋ ᑎᑯᓂᔪᐤ ᒪᒃ ᐊᓐᑕ ᓂᑕᐅᒋᑕᑭᓐ ᐊᔅᒋᔪᐤ ᐊᑯᑕ ᑲ ᐃᑐᑕᒡ᙮
2ᒍᑎᔅ ᒪᒃ ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ ᒋ ᒋᔅᒐᔨᑎᒻ ᑕᓐᑕ ᑲ ᑎᑯᓂᔨᒡ ᐊᓂᔭᔪᐤ ᐛᔅ ᒥᒐᑥᐤ ᒋ ᒪᒧᐎᐅᒡ ᐊᓐᑕ ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ᙮ 3ᒍᑎᔅ ᒪᒃ ᒋ ᐃᑐᑕᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ᐎᒐᐅᑯᑦ ᕈᒻ ᐊᓯᒪᑭᓂᓴ ᑭᔭ ᐊᓂᔭᔪᐛ ᑲᒪᑯᓄᐛᓯᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᐊᑐᔅᒐᔨᒋ᙮ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᒋ ᐃᑎᓴᐅᑯᒡ ᒐᒋ ᓇᓂᑐᐛᐱᒪᒡ ᒋᓴᓴ᙮ ᒋ ᐸᒋ ᑕᐧᑯᓇᐅᒡ ᒪᒃ ᐛᔅᑕᓂᐱᒪᑭᓇ ᑭᔭ ᐃᔅᑯᑕᐤ ᐛᔅᑕᓂᐱᒪᑭᓇ ᑭᔭ ᓂᑐᐱᔪᐅ-ᒧᐧᑯᒪᓇ᙮
4ᒋ ᒋᔅᒐᔨᑎᒻ ᒪᒃ ᒋᓴᔅ ᒥᓯᐛ ᑕᓐ ᒐ ᐃᔅᐱᔨᑦ ᐊᑯ ᒂ ᐸᒋ ᓂᒥᑕᐛᑲᐳᑦ ᒂ ᐃᑕᑦ, “ᐊᐛᓐ ᑲ ᓇᓂᑐᐛᐱᒪᒄ ?”
5ᒋ ᐃᑕᐅᒡ, “ᒋᓴᔅ ᓇᓴᕆᑎᒡ ᑲ ᐅᒋᑦ ᓂ ᓇᓂᑐᐛᐱᒪᓇᓐ᙮” “ᐊᐅᒄ ᓂᔾ,” ᒂ ᐃᑕᑦ ᒋᓴᔅ᙮ ᒍᑎᔅ ᒪᒃ, ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ ᐊᑯᑕ ᑲ ᓂᐳᐅᑦ ᐊ ᐎᒋᑲᐳᔅᑐᐛᑦ ᐊᓂᔭᔪᐛ ᑲ ᐸᒋ ᐎᒐᐅᑯᔨᒋ᙮ 6ᐃᔅᐱ ᒪᒃ ᒋᓴᓴ ᑲ ᐃᑎᑯᒡ, “ᐊᐅᒄ ᓂᔾ,” ᒋ ᐊᓴᑲᐳᐅᒡ ᒂ ᐊᑎ ᐸᒋᓯᒡ ᐊᓐᑕ ᐃᔅ ᐊᔅᒋᒡ᙮
7ᒋᓴᔅ ᒥᓐ ᒂ ᑯᒂᒋᒪᑦ, “ᐊᐛᓐ ᑲ ᓇᓂᑐᐛᔨᒪᒄ ?” “ᒋᓴᔅ, ᓇᓴᕆᑎᒡ ᑲ ᐅᒋᑦ,” ᒋ ᐃᑕᐅᒡ᙮
8ᒋᓴᔅ ᒂ ᐃᑕᑦ, “ᓴᔅ ᔅᒋ ᐎᑎᒪᑎᓇᐛᐤ ᐊᐅᒄ ᐊᓐ ᓂᔾ᙮ ᓂᔾ ᓂᔭᓂᑐᐛᐱᒧᐛᒂ ᐱᔅᑎᓇᐧᑯᒡ ᐅᒡ ᑯᑎᑭᒡ᙮” 9ᐊᐅᒄ ᐅᔭ ᑲ ᐃᔅᒋᔄᑦ ᒐᒋ ᑎᐱᐱᔨᒡ ᐊᓂᔭ ᓴᔅ ᐊᓐᑕ ᑲ ᐃᔅᒋᔄᑯᐱᓇ, “ᓄᑕ, ᓇᒪ ᓂ ᐅᒋ ᐅᓇᐊᐅᒡ ᐛᒋ ᐸᐃᒄ ᐊᓐᒡ ᑲ ᐸᒋ ᒥᔨᓐ᙮”
10ᓴᐃᒥᓐ ᐱᑕᕐ ᒪᒃ ᒋ ᑯᐃᑯᓂᒻ ᐅᓂᑐᐱᔪᐅ-ᒧᐧᑯᒪᓐ ᑲ ᒥᓂᓯᒺᑦ ᐅᒥᔪᐅᓂᒡ ᐎᑐᑲᔪᐤ ᐊᓂᔭᔪᐛ ᐸᐃᒄ ᒋᓴᐊᔭᒥᐊᐅᒋᒪᐛ ᐅᑦ ᐊᐱᒋᐊᑭᓂᔪᐛ, ᒪᓪᑲᔅ ᑲ ᐃᓯᓂᐧᑲᓱᔨᒋ᙮
11ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐱᑕᕋ, “ᓇᐅᔅᑕ ᐊᓐ ᒋᓂᑐᐱᔪᐅ-ᒧᐧᑯᒪᓐ ! ᒋᑦ ᐃᑕᔨᑕᓐ ᐊ ᒐ ᐊᑲ ᐅᒋ ᓴᐳᔅᑭᒪᓐ ᐅ ᐎᓯᒐᔨᑕᒧᐅᓐ ᓄᑕᐎᔾ ᑲ ᐸᒋ ᒥᔨᑦ ?”
ᒋᓴᔅ ᑲ ᐃᑐᑕᐊᑭᓄᐅᑦ ᐊᓇᓴ ᐊ ᑕᔨᒋ
12ᐊᓐᒡ ᒪᒃ ᐊᓯᒪᑭᓂᓯᒡ ᑭᔭ ᐊᓂᔭ ᐅᒋᒪᒧᐛᐛ ᑭᔭ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᑲᒪᑯᓄᐛᓯᒡ ᒋᓴᐊᔭᒥᐊᐅᒋᐛᐱᒡ, ᒋ ᒪᑯᓇᐅᒡ ᐊᓂᔭᔪᐛ ᒋᓴᓴ ᑭᔭ ᒋ ᒪᑯᐱᑕᐅᒡ᙮ 13ᐊᓐᑕ ᓂᔅᑎᒻ ᐊᓇᓴ ᐊ ᑕᔨᒋ ᒋ ᐃᑐᑕᐊᐅᒡ, ᑲᔭᐸᔅ ᒪᒃ ᐅᔭ ᐅᓴ᙮ ᐅ ᑲᔭᐸᔅ ᐎᔾ ᒋ ᒋᓴᐊᔭᒥᐊᐅᒋᒪᐅᐤ ᐊᓂᔭ ᑲ ᐱᐳᓂᔨᒡ᙮ 14ᐊᐅᒄ ᑲᔭᐸᔅ ᑲ ᐃᑕᑯᐱᓇ ᐊᓂᔭᔪᐛ ᒍᐤ ᐃᔪᐛ ᐃᐛᒃ ᒋᐸ ᒥᔪᐱᔨᐧᑯᐱᓇ ᐸᐃᒄ ᓇᐸᐤ ᒐᒋ ᓂᐱᔅᑎᒧᐛᑦ ᒥᓯᐛ ᐊᐛᔪᐛ᙮
ᐱᑕᕐ ᑲ ᑭᑭᒋᔭᑦ ᑲ ᐃᔅᒋᔄᑦ ᐊᑲ ᒋᔅᒐᔨᒪᑦ ᐊᓂᔭᔪᐛ ᒋᓴᓴ
ᒪᑎᔪᐤ 26.69,70; ᒪᕐᒃ 14.66-68; ᓗᒃ 22.55-57
15ᓴᐃᒥᓐ ᐱᑕᕐ ᑭᔭ ᒥᓐ ᑯᑎᒃ ᒋᔅᒋᓄᐊᒧᐛᑭᓐ ᒋ ᓇᓴᐛᐅᒡ ᒋᓴᓴ᙮ ᐊᓐ ᒪᒃ ᑯᑎᒃ ᒋᔅᒋᓄᐊᒧᐛᑭᓐ ᓇᔅᒡ ᒋ ᒥᔪ ᒋᔅᒐᔨᒥᑯᐤ ᒋᓴᐊᔭᒥᐊᐅᒋᒪᐛ᙮ ᐊᑯ ᒂ ᐎᒐᐛᑦ ᒋᓴᓴ ᐊᓐᑕ ᐊᓂᔭ ᒋᓴᐊᔭᒥᐊᐅᒋᒪᐛ ᐎᒋᔨᒡ ᐊ ᐱᒐᔨᒋ᙮ 16ᐱᑕᕐ ᒪᒃ ᐎᐎᑎᒥᒡ ᐊᓐᑕ ᐎᔾ ᒋ ᑕᐤ᙮ ᐊᑯ ᐊᓐ ᑯᑎᒃ ᒋᔅᒋᓄᐊᒧᐛᑭᓐ ᐊᓐ ᑲ ᒥᔪ ᒋᔅᒐᔨᒥᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ ᑲᐤ ᒋ ᐎᐎᔪᐤ, ᑲ ᐃᔨᒪᐊᑦ ᐊᓂᔭ ᐃᔎᓴ ᐊᓐᑕ ᒋᐱᔎᒡ ᑲ ᑕᔨᒋ ᒂ ᑯᒂᒋᒪᑦ ᒐᒋ ᐱᒐᔨᒋ ᐱᑕᕋ᙮ ᐊᑯ ᑲ ᐱᑎᑲᐊᑦ ᐊᓂᔭ ᐱᑕᕋ᙮
17ᐊᓐ ᒪᒃ ᐃᔎᔅ ᐊᓐᑕ ᒋᐱᔎᒡ ᑲ ᑕᑦ ᒋ ᐃᑕᐤ ᐊᓂᔭ ᐱᑕᕋ, “ᓇᒪᔭᐤ ᐊ ᒋᔾ ᐸᐃᒄ ᒋᓴᔅ ᐅᒋᔅᒋᓄᐊᒧᐛᑭᓇ ?” ᐱᑕᕐ ᒪᒃ ᒂ ᐃᑕᑦ᙮ “ᓇᒪ᙮ ᓇᒪᔭᐤ ᓂᔾ᙮”
18ᒋ ᑕᐧᑲᔭᔪᐤ ᒪᒃ᙮ ᐊᑯ ᐊᓐᒡ ᐊᐱᒋᐊᑭᓐᒡ ᐊᔪᐤ ᑲᒪᑯᓄᐛᓯᒡ ᒂ ᑯᑐᐛᒡ ᐊᑯ ᑲ ᐛᔅᑲᑲᐳᔅᑕᒡ ᐊᓂᔭ ᐃᔅᑯᑕᔪᐤ ᐊᓐᑕ ᐊ ᐅᒋ ᑎᐅᓱᒡ᙮ ᐱᑕᕐ ᒪᒃ ᑭᔭ ᐎᔾ ᒋ ᐸᒋ ᐎᒋᑲᐳᔅᑐᐛᐤ ᐊ ᐸᒋ ᑎᐅᓱᑦ᙮
ᒋᓴᔅ ᑲ ᓇᓂᑐ ᒋᔅᒐᔨᒥᑯᑦ ᒋᓴᐊᔭᒥᐊᐅᒋᒪᐛ ᐊᐛᓐ ᐊᓐ ᐊ ᐊᐎᔨᑦ
ᒪᑎᔪᐤ 26.59-66; ᒪᕐᒃ 14.55-64; ᓗᒃ 22.66-71
19ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᓂᓇᐧᑯᐤ ᑲ ᐃᓯ ᑯᒂᒋᒪᑦ ᒋᓴᓴ ᐊ ᐎ ᓂᑐ ᒋᔅᒐᔨᒪᑦ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ ᑭᔭ ᑕᓐ ᓇᐊᐤ ᐊ ᐃᓯ ᒋᔅᑯᑎᒪᒐᔨᒋ ᒋᓴᓴ᙮
20ᐊᑯ ᒋᓴᔅ ᒂ ᐃᑕᑦ, “ᒥᓯᐛ ᑕᓐ ᑲ ᐃᔅᒋᔄᔭᓐ ᒋ ᐸᑎᒧᒡ ᐊᐛᓐᒋ᙮ ᐊᓐ ᒪᒃ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒋᓴᐊᔭᒥᐊᐅᒋᐛᐱᒡ ᐊᓐᑕ ᒥᓯᐛ ᒍᐤ ᐃᔪᒡ ᑲᒋ ᐸᒋ ᒪᒧᐎᒡ, ᓇᒪ ᓂᑕ ᓂ ᐅᒋ ᑲᑕᓐ ᒐᒂᓐ ᐊ ᐃᔅᒋᔄᔭᓐ᙮ 21ᒐᒂᓐ ᒪᒃ ᐛᒡ ᐸᒋ ᑯᒂᒋᒥᔨᓐ ? ᑯᒂᒋᒥᒡ ᒪ ᐊᓐᒡ ᐃᔪᒡ ᑲᒋ ᐸᑐᐅᒡ᙮ ᑯᒂᒋᒥᒡ ᑕᓐ ᑲ ᐃᑎᒂᐤ, ᐛᔅ ᒋᔅᒐᔨᑎᒧᒡ ᑕᓐ ᑲ ᐃᔅᒋᔄᐅᒡ᙮”
22ᐃᔅᐱ ᒪᒃ ᒋᓴᔅ ᑲ ᐃᔅᒋᔄᑦ ᐅᔭ, ᐸᐃᒄ ᐊᓂᔭ ᑲᒪᑯᓄᐛᓯᔨᒋ ᒋ ᐅᑕᒥᒂᐅᑯᐤ ᐊ ᐃᑎᑯᑦ, “ᓇᒪᐎᔾ ᐊ ᒋᑭ ᒋ ᐃᓯ ᐃᔨᒪᐊᐤ ᒋᓴᐊᔭᒥᐊᐅᒋᒪᐤ ?”
23ᐊᑯ ᒋᓴᔅ ᒂ ᐃᑕᑦ, “ᐊᑲ ᒧᔭᒻ ᐛᒋ ᐃᔅᒋᔄᐛᓇ ᒐᒂᓐ, ᐎᑎᒧᒡ ᒥᓯᐛ ᐊᐛᓐᒋ ᐅᑕ ᑲ ᑕᒡ᙮ ᒥᒄ ᒪᒃ ᑲ ᑕᑈᐛᓇ ᒥᓯᐛ ᑲ ᐃᔅᒋᔄᔭᓐ, ᒐᒂᓐ ᐛᒋ ᐸᒋ ᐅᑕᒥᐅᔨᓐ ?”
24ᐊᑯ ᐊᓇᔅ ᒂ ᐃᑎᓴᐛᑦ ᐊᓂᔭᔪᐛ ᒋᓴᓴ ᐊᓐᑕ ᑲᔭᐸᔅ ᒋᓴᐊᔭᒥᐊᐅᒋᒪᐤ ᐊ ᑕᔨᒋ ᐊᔅᒄ ᐊ ᒪᑯᐱᓱᔨᒋ᙮
ᐱᑕᕐ ᑲ ᐃᔅᒋᔄᑦ ᐊᑲ ᒋᔅᒐᔨᒪᑦ ᒋᓴᓴ
ᒪᑎᔪᐤ 26.71-75; ᒪᕐᒃ 14.69-72; ᓗᒃ 22.58-62
25ᓴᐃᒥᓐ ᐱᑕᕐ ᒪᒃ ᐊᔅᒄ ᒪᒂᒡ ᒋ ᓂᐳᐅᐤ ᐊᓐᑕ ᐊ ᑎᐅᓱᑦ ᐊᑯ ᒂ ᐃᑎᑯᑦ ᐊᓂᔭ ᐊᓐᑕ ᑲ ᑕᔨᒋ, “ᓇᒪᔭᐤ ᐊ ᒋᔾ ᐸᐃᒄ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐ ᓇᐸᐤ ?” ᐱᑕᕐ ᒪᒃ ᒋ ᑭᑭᒋᔭᐤ, “ᓇᒪ᙮ ᓇᒪᔭᐤ ᓂᔾ,” ᒋ ᐃᑕᐤ᙮
26ᐸᐃᒄ ᒪᒃ ᐊᓂᔭ ᒋᓴᐊᔭᒥᐊᐅᒋᒪᐤ ᐅᑦ ᐊᐱᒋᐊᑭᓇ ᒋ ᐎᐧᑲᓂᓯᔨᑯᐱᓐ ᐊᓂᔭᔪᐛ ᓇᐸᐛ ᐱᑕᕋ ᑲ ᒋᒥᑐᑭᔭᔄᔨᒋ᙮ ᒋ ᐃᑕᐤ ᒪᒃ ᐊᓂᔭ ᐱᑕᕋ, “ᓇᒪᐎᔾ ᐊ ᒋ ᐅᒋ ᐛᐱᒥᑎᓐ ᑭᔭ ᒋᔾ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ᐸᐸᐎᒐᐅᑦ ᒋᓴᔅ ?”
27ᒥᓐ ᒪᒃ ᐃᔭᐱᒡ ᐱᑕᕐ ᒋ ᑭᑭᒋᔭᐤ, “ᓇᒪᔭᐤ ᓂᔾ,” ᒋ ᐃᑕᐤ᙮ ᑎᐛᒡ ᒂ ᐅᒋ ᐸᑕᑯᓯᔨᒋ ᓇᐸ ᐱᑲᒂᓇ᙮
ᒋᓴᔅ ᑲ ᐃᑐᑕᐊᑭᓄᐅᑦ ᑈᓚᑕ ᐊ ᑕᔨᒋ
ᒪᑎᔪᐤ 27.1,2,11-14; ᒪᕐᒃ 15.1-5; ᓗᒃ 23.1-5
28ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮ 29ᐊᐅᒄ ᒪᒃ ᐅᔭ ᐛᒋ ᐎᐎᑦ ᑈᓚᑦ, ᒂ ᓂᑐᐛᐱᒪᑦ ᐊᑯ ᒂ ᑯᒂᒋᒪᑦ, “ᑕᓐ ᐊ ᐃᓯ ᐊᑕᒪᔨᑕᑯᓯᑦ ᐅ ᓇᐸᐤ ?”
30ᒂ ᐃᓯ ᐎᑎᒪᑯᑦ ᐊ ᐃᑎᑯᑦ, “ᓇᒪ ᓂᐸ ᐅᒋ ᐸᓱᐛᓇᓐ ᐅᑕ ᐊ ᑕᔨᓐ ᐊᑲ ᐅᒋ ᒥᒋᑐᑎᒧᑯᐱᓇ᙮”
31ᐊᑯ ᑈᓚᑦ ᑲ ᐃᑕᑦ, “ᒋᔨᐛᐤ ᐅᑎᓇᐧᒄ ᐅ ᓇᐸᐤ ᒋᔨᐛᐤ ᒋᐎᓱᐛᐅᓄᐛᐤ ᒐ ᐊᐱᒋᑕᔭᒄ ᐊ ᑎᐸᔅᑯᓇᒄ᙮” ᐊᑯ ᐊᓐᒡ ᒍᐤ ᐃᔪᒡ ᒂ ᐃᔅᒋᔄᒡ, “ᓇᒪ ᓂ ᐱᔅᑎᓂᑯᓇᓐ ᓂᐎᓱᐛᐅᓇᓇ ᒐᒋ ᐃᔅᒋᔄᔭᒡ ᒐᒋ ᓂᐸᐊᑭᓄᐅᑦ ᐊᐛᓐ᙮” 32ᐊᐅᒄ ᒪᒃ ᐅ ᐛᒋ ᐃᔅᐱᔨᒡ ᐅ ᒐᒋ ᑎᐱᐱᔨᒡ ᑕᓐ ᐊᓐ ᑲ ᐃᓯ ᓂᑲᓐ ᐎᑕᐧᒃ ᒋᓴᔅ ᒐ ᐃᓯ ᓂᐱᑦ᙮
John 18.33-37 (Proper-29 Year B)
33ᒥᓐ ᑲᐤ ᒂ ᐱᒐᑦ ᑈᓚᑦ ᐊᓂᔭ ᒋᓴᐅᒋᒪᐅᒋᐛᐱᔪᐤ ᐊ ᐎᓴᒪᑦ ᒋᓴᓴ, ᐊᑯ ᒂ ᑯᒂᒋᒪᑦ, “ᐊᐛ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?”
34ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᔅᒋ ᐎᑎᒪᑯᒡ ᐊ ᐊᐛᓐᒋ ᓂᔾ ᐊᐅᒄ ᐅᒋᓴᐅᒋᒪᒧᐛᐛ ᒍᐤ ᐃᔪᒡ᙮ ᑭᔭ ᒪᒃ ᒋᔾ ᐅ ᒋᑦ ᐃᑕᔨᑎᒧᐅᓐ ᑲ ᐃᔅᒋᔄᔨᓐ ?”
35ᐊᑯ ᑈᓚᑦ ᒂ ᐃᑕᑦ, “ᒍᐤ ᐃᔪᐤ ᐊ ᓂᔾ ᒋᑦ ᐃᑕᔨᒥᓐ ? ᒋᔾ ᑎᐱᔨᐛ ᒋᑦ ᐃᔨᒥᒡ ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᔅᒋ ᐸᒋ ᐃᑎᓴᐅᑯᒡ᙮ ᑕᓐ ᒪᒃ ᑲ ᐃᓯ ᐅᓂᑐᑎᒥᓐ ?”
36ᐊᑯ ᒋᓴᔅ ᒂ ᐃᔅᒋᔄᑦ, “ᓇᒪ ᐅᑕ ᐊᔅᒋᒡ ᐅᒋᐱᔪᐤ ᓄᒋᒪᐅᐎᓐ᙮ ᐅᑕ ᒋ ᐅᒋᒥᑭᓂᑯᐱᓇ ᓄᒋᒪᐅᓐ ᐊᓐᒡ ᓂᑦ ᐊᐱᒋᐊᑭᓐᒡ ᓱᒃ ᒋᐸ ᒪᓯᒐᐅᒡ ᒐ ᐊᑲ ᒋ ᐱᔅᑎᓂᑯᐅᔭᓐ ᐊᓐᑕ ᒍᐤ ᐃᔪᒡ ᐊ ᑕᒡ᙮ ᓇᒪ ᐅᑕ ᐊᔅᒋᒡ ᐅᒋᐱᔪᐤ ᓄᒋᒪᐅᐎᓐ᙮”
37ᐊᑯ ᑈᓚᑦ ᒂ ᐃᑕᑦ, “ᑕᑈ ᑭᑈ ᒋᒋᓴᐅᒋᒪᐅᓇᒐ᙮” ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᔅᒋᔄᓐ ᐊ ᒋᓴᐅᒋᒪᐎᔭᓐ᙮ ᐊᐅᒄ ᐛᒋ ᐱᒪᑎᓯᔭᓐ ᑭᔭ ᐊᐅᒄ ᐛᒋ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᑎᐸᑐᑎᒪᓐ ᐊᓐ ᑕᑈᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᑕᑐᐤ ᐊᐛᓐ ᑕᑈᐅᓂᒡ ᑲ ᑕᑦ ᐊᐅᒄ ᐊᓐ ᐱᔭᒋ ᓂᑐᑐᐅᑦ᙮”
38ᑈᓚᑦ ᑲ ᑯᒂᒋᒪᑦ ᐊ ᐃᑕᑦ, “ᒐᒂᓐ ᐊᓐ ᑕᑈᐅᓐ ?”
ᒋᓴᔅ ᒐ ᓂᐸᐊᑭᓄᐅᑦ
ᒪᑎᔪᐤ 27.15-31; ᒪᕐᒃ 15.6-20; ᓗᒃ 23.13-25
ᐊᑯ ᒥᓐ ᑲᐤ ᒂ ᐎᐎᑦ ᒂ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᓇᒪ ᓂ ᒋᔅᒐᔨᑎᒺᓐ ᒐᒂᔪᐤ ᑲ ᐅᓂᑐᑎᒧᒂ ᐊᓐᑕ ᒐᒋ ᐅᒋ ᑎᐸᔅᑯᓇᑭᓄᐅᑦ᙮ 39ᑎᑯᓐ ᒪᒃ ᒍᐤ ᐃᑐᐅᓐ ᐸᐃᒄ ᐊᐛᓐ ᒐᒋ ᐱᔅᑎᓂᒪᑯᔭᒄ ᒪᒂᒡ ᐊ ᐎᒪᔅᑲᒐᐅ-ᒥᑯᓴᓄᐅᒡ᙮ ᒋ ᓂᑐᐛᔨᒪᐛᐤ ᐊ ᒐᒋ ᐱᔅᑎᓂᒪᑯᔭᒄ ᐅ ᒍᐤ ᐃᔪᒡ ᐅᒋᓴᐅᒋᒪᒧᐛᐤ ?”
40ᐊᑯ ᒂ ᑕᑈᒡ ᐊ ᐃᔅᒋᔄᒡ, “ᓇᒪ ᐎ ᐊᓐ᙮ ᐸᕋᐸᔅ ᐊᐅᒄ ᓇᑐᐛᔨᒥᒋᒡ ᒐᒋ ᐱᔅᑎᓂᒪᑯᐅᔭᒡ᙮” ᐅ ᒪᒃ ᐸᕋᐸᔅ ᒋ ᒋᒧᑎᐃᔪᐤ᙮
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada