Luc 21
21
Rhodd hael y weddw dlawd
1Pan edrychodd i fyny, gwelodd bobl gyfoethog yn taflu eu rhoddion i flwch casglu’r deml. 2Gwelodd hefyd ryw wraig weddw dlawd yn rhoddi dau ddarn bychan iawn o arian. 3Ac meddai, “Rwy’n dweud y gwir wrthych, rhoddodd y weddw dlawd hon fwy na neb o’r lleill, 4oherwydd rhoi o’u digon a mwy a wnaeth y lleill, ond rhoddodd hon o’i thlodi gymaint ag a feddai — ei bywoliaeth i gyd.”
Proffwydo dinistr y Deml
5Tra soniai rhai ohonyn nhw am y Deml, fel roedd wedi’i addurno â meini gwerthfawr a’r rhoddion a gyflwynid iddi, dywedodd yntau, 6“Am y pethau hyn a welwch, daw amser pan na adewir carreg ar garreg heb eu dymchwelyd.”
Dyma nhw’n gofyn, 7“Athro, pa bryd felly bydd y pethau hyn, a pha arwydd a gawn eu bod ar ddigwydd?”
8“Cymerwch ofal rhag i neb eich twyllo chi,” oedd yr ateb, “oherwydd daw llawer yn fy enw, gan ddweud, ‘Myfi yw,’ neu ‘Mae’r amser yn agos.’ Na wnewch ddim â nhw. 9A phan glywch sôn am ryfeloedd a therfysg, peidiwch ag ofni. Rhaid i’r pethau hyn ddigwydd yn gyntaf, ond ni ddaw y diwedd ar unwaith.”
Proffwydo dioddefaint byd-eang
10Yna y dywedodd wrthyn nhw, “Fe gwyd cenedl mewn rhyfel yn erbyn cenedl, a theyrnas yn erbyn teyrnas; 11bydd daeargrynfâu mawr, a newyn a heintiau mewn llawer lle; pethau dychrynllyd, ac arwyddion mawr o’r nef. 12Ond cyn hyn i gyd, fe’ch dalian chi a’ch erlid, gan eich dwyn ymlaen yn y synagogau ac i garcharau, neu eich dwyn o flaen brenhinoedd a llywodraethwyr am eich bod yn dwyn f’enw i. 13Hwn fydd eich cyfle i fod yn dystion. 14Felly penderfynwch beidio â pharatoi eich amddiffyn ymlaen llaw, 15oherwydd rhoddaf ichi gymaint huodledd a doethineb fel na fydd eich holl wrthwynebwyr yn gallu’i wadu na’i wrth-ddweud. 16Ond bradychir chi hyd yn oed gan rieni a brodyr, teulu a chyfeillion, ac fe fyddan nhw yn achos angau i rai ohonoch. 17Cewch eich casáu gan bawb am eich bod yn dwyn f’enw i. 18Ond ni chollir blewyn o wallt eich pen. 19Drwy sefyll yn gadarn fe sicrhewch y gwir fywyd.
20“Ond pan welwch Jerwsalem wedi ei hamgylchu gan fyddinoedd, byddwch yn gwybod nad yw ei distryw ymhell. 21Dyna’r pryd y dylai’r rhai sydd yn Jwdea gilio i’r mynyddoedd. Rhaid i’r rhai fydd yng nghanol y ddinas ddianc, ac nac eled y rhai sydd allan yn y meysydd i mewn iddi. 22Dyddiau dial fyddan nhw, yn gwireddu popeth y proffwydwyd amdano. 23Druan o’r gwragedd sy’n disgwyl plant, a rhai â phlant sugno yn y dyddiau hynny. Oherwydd bydd gwasgfa fawr yn y tir, a barn ar y bobl hyn. 24Lleddir nhw â’r cleddyf, dygir nhw’n gaeth i bob gwlad, a Jerwsalem fydd wedi’i sarnu dan draed dieithriaid hyd ddiwedd eu cyfnod. 25Bydd arwyddion ar yr haul a’r lleuad a’r sêr, a bydd gofid ymhlith cenhedloedd daear, wedi’u drysu gan ruad tonnau’r môr. 26Llewyga dynion gan ofn o ddeall beth sydd i ddigwydd i’r byd, oherwydd fe siglir pwerau’r nef. 27Yna y gwelir Mab y Dyn yn dyfod mewn cwmwl a chanddo nerth a gogoniant mawr. 28Ond pan ddechreuo’r pethau hyn, codwch eich pennau ac edrychwch i fyny: oherwydd bydd eich gwaredigaeth yn agos.”
Angen bod yn wyliadwrus
29Adroddodd ddameg wrthyn nhw, “Edrychwch ar y ffigysbren, a’r holl brennau o ran hynny. 30Pan ddaw’r dail arnyn nhw, gwyddoch heb i neb ddweud wrthych fod yr haf yn agos. 31Yn union felly, pan welwch y pethau hyn yn digwydd, byddwch yn deall fod teyrnasiad Duw ar fin dod yn ffaith. 32Credwch fi, ni ddaw’r genhedlaeth hon i ben cyn i’r holl bethau hyn ddigwydd. 33Fe â nef a daear heibio, ond nid â fy ngeiriau i heibio fyth.
34“Byddwch yn wyliadwrus rhag i’ch meddwl gael ei niwlo un amser gan drachwant a meddwdod neu drafferthion y bywyd hwn, neu fe ddaw’r Dydd hwnnw ar eich gwarthaf a’ch cael yn gwbl amharod. 35Felly y daw ar holl drigolion daear, fel cau magl. 36Gwyliwch a gweddïwch yn gyson, felly, er mwyn cael bod yn ddigon cryf i ddianc rhag popeth sydd i ddigwydd, a sefyll ym mhresenoldeb Mab y Dyn.”
37Treuliai ei ddyddiau yn dysgu yn y Deml; yna âi allan a threulio’r nos ar y mynydd a elwid yr Olewydd.
38A thyrrai’r bobl i gyd ben bore ato i’r Deml i’w glywed.
اکنون انتخاب شده:
Luc 21: FfN
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Cymdeithas y Beibl 1971
© British and Foreign Bible Society 1971
Luc 21
21
Rhodd hael y weddw dlawd
1Pan edrychodd i fyny, gwelodd bobl gyfoethog yn taflu eu rhoddion i flwch casglu’r deml. 2Gwelodd hefyd ryw wraig weddw dlawd yn rhoddi dau ddarn bychan iawn o arian. 3Ac meddai, “Rwy’n dweud y gwir wrthych, rhoddodd y weddw dlawd hon fwy na neb o’r lleill, 4oherwydd rhoi o’u digon a mwy a wnaeth y lleill, ond rhoddodd hon o’i thlodi gymaint ag a feddai — ei bywoliaeth i gyd.”
Proffwydo dinistr y Deml
5Tra soniai rhai ohonyn nhw am y Deml, fel roedd wedi’i addurno â meini gwerthfawr a’r rhoddion a gyflwynid iddi, dywedodd yntau, 6“Am y pethau hyn a welwch, daw amser pan na adewir carreg ar garreg heb eu dymchwelyd.”
Dyma nhw’n gofyn, 7“Athro, pa bryd felly bydd y pethau hyn, a pha arwydd a gawn eu bod ar ddigwydd?”
8“Cymerwch ofal rhag i neb eich twyllo chi,” oedd yr ateb, “oherwydd daw llawer yn fy enw, gan ddweud, ‘Myfi yw,’ neu ‘Mae’r amser yn agos.’ Na wnewch ddim â nhw. 9A phan glywch sôn am ryfeloedd a therfysg, peidiwch ag ofni. Rhaid i’r pethau hyn ddigwydd yn gyntaf, ond ni ddaw y diwedd ar unwaith.”
Proffwydo dioddefaint byd-eang
10Yna y dywedodd wrthyn nhw, “Fe gwyd cenedl mewn rhyfel yn erbyn cenedl, a theyrnas yn erbyn teyrnas; 11bydd daeargrynfâu mawr, a newyn a heintiau mewn llawer lle; pethau dychrynllyd, ac arwyddion mawr o’r nef. 12Ond cyn hyn i gyd, fe’ch dalian chi a’ch erlid, gan eich dwyn ymlaen yn y synagogau ac i garcharau, neu eich dwyn o flaen brenhinoedd a llywodraethwyr am eich bod yn dwyn f’enw i. 13Hwn fydd eich cyfle i fod yn dystion. 14Felly penderfynwch beidio â pharatoi eich amddiffyn ymlaen llaw, 15oherwydd rhoddaf ichi gymaint huodledd a doethineb fel na fydd eich holl wrthwynebwyr yn gallu’i wadu na’i wrth-ddweud. 16Ond bradychir chi hyd yn oed gan rieni a brodyr, teulu a chyfeillion, ac fe fyddan nhw yn achos angau i rai ohonoch. 17Cewch eich casáu gan bawb am eich bod yn dwyn f’enw i. 18Ond ni chollir blewyn o wallt eich pen. 19Drwy sefyll yn gadarn fe sicrhewch y gwir fywyd.
20“Ond pan welwch Jerwsalem wedi ei hamgylchu gan fyddinoedd, byddwch yn gwybod nad yw ei distryw ymhell. 21Dyna’r pryd y dylai’r rhai sydd yn Jwdea gilio i’r mynyddoedd. Rhaid i’r rhai fydd yng nghanol y ddinas ddianc, ac nac eled y rhai sydd allan yn y meysydd i mewn iddi. 22Dyddiau dial fyddan nhw, yn gwireddu popeth y proffwydwyd amdano. 23Druan o’r gwragedd sy’n disgwyl plant, a rhai â phlant sugno yn y dyddiau hynny. Oherwydd bydd gwasgfa fawr yn y tir, a barn ar y bobl hyn. 24Lleddir nhw â’r cleddyf, dygir nhw’n gaeth i bob gwlad, a Jerwsalem fydd wedi’i sarnu dan draed dieithriaid hyd ddiwedd eu cyfnod. 25Bydd arwyddion ar yr haul a’r lleuad a’r sêr, a bydd gofid ymhlith cenhedloedd daear, wedi’u drysu gan ruad tonnau’r môr. 26Llewyga dynion gan ofn o ddeall beth sydd i ddigwydd i’r byd, oherwydd fe siglir pwerau’r nef. 27Yna y gwelir Mab y Dyn yn dyfod mewn cwmwl a chanddo nerth a gogoniant mawr. 28Ond pan ddechreuo’r pethau hyn, codwch eich pennau ac edrychwch i fyny: oherwydd bydd eich gwaredigaeth yn agos.”
Angen bod yn wyliadwrus
29Adroddodd ddameg wrthyn nhw, “Edrychwch ar y ffigysbren, a’r holl brennau o ran hynny. 30Pan ddaw’r dail arnyn nhw, gwyddoch heb i neb ddweud wrthych fod yr haf yn agos. 31Yn union felly, pan welwch y pethau hyn yn digwydd, byddwch yn deall fod teyrnasiad Duw ar fin dod yn ffaith. 32Credwch fi, ni ddaw’r genhedlaeth hon i ben cyn i’r holl bethau hyn ddigwydd. 33Fe â nef a daear heibio, ond nid â fy ngeiriau i heibio fyth.
34“Byddwch yn wyliadwrus rhag i’ch meddwl gael ei niwlo un amser gan drachwant a meddwdod neu drafferthion y bywyd hwn, neu fe ddaw’r Dydd hwnnw ar eich gwarthaf a’ch cael yn gwbl amharod. 35Felly y daw ar holl drigolion daear, fel cau magl. 36Gwyliwch a gweddïwch yn gyson, felly, er mwyn cael bod yn ddigon cryf i ddianc rhag popeth sydd i ddigwydd, a sefyll ym mhresenoldeb Mab y Dyn.”
37Treuliai ei ddyddiau yn dysgu yn y Deml; yna âi allan a threulio’r nos ar y mynydd a elwid yr Olewydd.
38A thyrrai’r bobl i gyd ben bore ato i’r Deml i’w glywed.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Cymdeithas y Beibl 1971
© British and Foreign Bible Society 1971