Matíó Nifínínə́
Nifínínə́
Matíó a ka báá wɔmɔtɛ́ ətíə́ yɛ niómo na báfandɛ́ nɛ́ bɔkɔ́nɛna bá Yə́susu kilísitusu. A ka bá mɔkɔtabɛtásɛ ubusíə́ ɔbɔ́á Yə́susu a wɛɛ́ya ɛ́lɛ́ákɛ́na. A ka báá Mɔyútɛnɛ, a bɔsɔ́kɔ́ Bɛyútɛnɛ bɛ́kɔ́lɔmɔkɔna tɔ́na ɔ ikúílí a ndɔ hiítə tilə.
A ka ínə́kiniə ɔ ɔwayɛ́ hiəfulə ɔwá, Yə́susu a lɛa wɛ́ɛ́yɛ́ ɔwá Huɛlɛ́ a ná bílíhə́níə́ ɔ bikúílí ɔbɛ́á bɛ́ ná tɔ́mbáká ɔ bɔnɔŋɔ bɔ́ Bɛyútɛnɛ, wɛ́ɛ́yɛ́ ɔwá a ŋɔ bəə́bu nuəkəniə. Ɔwɔŋgɔkɔnɔ mafana ɔ hiəfulə hɛ́ nɛtɔana nɛ́ buɔnɔ́, Matíó a ndɔ ínə́niə ɔwá, á Yə́susu á ná bikimə úndúsíníə́ ɔbɛ́á bɛ́ɛ́yɛ́ bɛtambá bɛ́ ndɔ fə́mə́ləniə. Wɛɛ́ya a lɛ́á Kilísitusu, á Mɔná wa Huɛlɛ́ ɔwá a lɛ́á ɔ buɔmɔ́ (16.16).
Ɔ tɔ́mbákɛna na nɛ́áyɛ́á nibíbíə́nə na bɔ́áyɛ́á bɔlɔ́matɔ́ bukimə, Matíó a ndɔ ínə́niə ɛ́sɛ́á Yɔhánɛsɛ a ná wɛɛ́ya nɛsɔa índíə́, nəníə́ Sátana a ná wɛɛ́ya kɔsɔ́na. A ka kɛndaka ɔ Yəlúsalɛma yikimə, ɔ Kalɛ́lɛa ɛlɔ́áyɛ́ Ɛtambá yɛ́ Huɛlɛ́ uhúlə́ nɔŋɔna, a ná bilúkunə nɔŋɔ́nákɛ́ná yatɛ́ yɛ́ lɛ́á nɛmanɛna nɛ́ Huɛlɛ́, a bɛnákɛnákɛ niŋəsəkiə (8.16). Əlimə yɛ ikúílí, nəníə́ Bɛyútɛnɛ bá ná wɛɛ́ya halɛ́na, bá ná wɛɛ́ya hánɛ́na ɔ bamanɛna bá Lɔ́ma ɔkɛaka ɔwá bá wɛɛ́ya kə́lə́sə́kíə́. Ɔ tifəkə, a ná hɔ́kɛ́ná ɛ́sɛ́á bá ná wɛɛ́ya ɔ́mɔ́kɛ́na ɔ ɔmbásá, a ná wəə, a ná hɔŋɔ́á ɔ ətíə́ yɛ bəwə́nú.
Bɛkɛ́tɛ bɛ́ ɔnjɔmɔ bɛ́ híihi hiəfulə
Náana bɛkɔa bɛ́ híihi hiəfulə bɛ́ lɛ́á tɛ́kɛ́nátɔ.
Bisə́kúlúlúnə́ na nibíbíə́nə nɛ́ Yə́susu (1-2).
Nɛsɔa na makɔsɔnana má Yə́susu (3-4).
Hiŋgəyə́ ɔ ɔmáá ɔmbáŋá (5-7).
Bisə́mə́tə́ bɛ́ Yə́susu (8-9).
Bɔndaka bɔ́ bɔkɔ́nɛna (10).
Ɛŋgamɔ́ na bááyɛ́ ɔbá bá ndɔ Yə́susu ɛ́ŋɛ́mana (11-12).
Ɔŋana wɔ́ Nɛmanɛna nɛ́ Nɔɔ́mɛná (13).
Yə́susu ɔ ɛŋgamɔ́ na Bɛfalísia (14-17).
Yatɛ́ yɛ́ lɛ́á mɔkɔ́nɛna (18).
Yə́susu a nɔ́ hɔalɛna ɔ Kalɛ́lɛa ɔ wákaka ɔ Yəlúsalɛma (19-23).
Ɛmɔ́kɛ́, nyɛmbɛ́ na nɛhɔŋɔa nɛ́ Yə́susu (26-28).
انتخاب شده:
Matíó Nifínínə́: tvu
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2019, CABTAL
Matíó Nifínínə́
Nifínínə́
Matíó a ka báá wɔmɔtɛ́ ətíə́ yɛ niómo na báfandɛ́ nɛ́ bɔkɔ́nɛna bá Yə́susu kilísitusu. A ka bá mɔkɔtabɛtásɛ ubusíə́ ɔbɔ́á Yə́susu a wɛɛ́ya ɛ́lɛ́ákɛ́na. A ka báá Mɔyútɛnɛ, a bɔsɔ́kɔ́ Bɛyútɛnɛ bɛ́kɔ́lɔmɔkɔna tɔ́na ɔ ikúílí a ndɔ hiítə tilə.
A ka ínə́kiniə ɔ ɔwayɛ́ hiəfulə ɔwá, Yə́susu a lɛa wɛ́ɛ́yɛ́ ɔwá Huɛlɛ́ a ná bílíhə́níə́ ɔ bikúílí ɔbɛ́á bɛ́ ná tɔ́mbáká ɔ bɔnɔŋɔ bɔ́ Bɛyútɛnɛ, wɛ́ɛ́yɛ́ ɔwá a ŋɔ bəə́bu nuəkəniə. Ɔwɔŋgɔkɔnɔ mafana ɔ hiəfulə hɛ́ nɛtɔana nɛ́ buɔnɔ́, Matíó a ndɔ ínə́niə ɔwá, á Yə́susu á ná bikimə úndúsíníə́ ɔbɛ́á bɛ́ɛ́yɛ́ bɛtambá bɛ́ ndɔ fə́mə́ləniə. Wɛɛ́ya a lɛ́á Kilísitusu, á Mɔná wa Huɛlɛ́ ɔwá a lɛ́á ɔ buɔmɔ́ (16.16).
Ɔ tɔ́mbákɛna na nɛ́áyɛ́á nibíbíə́nə na bɔ́áyɛ́á bɔlɔ́matɔ́ bukimə, Matíó a ndɔ ínə́niə ɛ́sɛ́á Yɔhánɛsɛ a ná wɛɛ́ya nɛsɔa índíə́, nəníə́ Sátana a ná wɛɛ́ya kɔsɔ́na. A ka kɛndaka ɔ Yəlúsalɛma yikimə, ɔ Kalɛ́lɛa ɛlɔ́áyɛ́ Ɛtambá yɛ́ Huɛlɛ́ uhúlə́ nɔŋɔna, a ná bilúkunə nɔŋɔ́nákɛ́ná yatɛ́ yɛ́ lɛ́á nɛmanɛna nɛ́ Huɛlɛ́, a bɛnákɛnákɛ niŋəsəkiə (8.16). Əlimə yɛ ikúílí, nəníə́ Bɛyútɛnɛ bá ná wɛɛ́ya halɛ́na, bá ná wɛɛ́ya hánɛ́na ɔ bamanɛna bá Lɔ́ma ɔkɛaka ɔwá bá wɛɛ́ya kə́lə́sə́kíə́. Ɔ tifəkə, a ná hɔ́kɛ́ná ɛ́sɛ́á bá ná wɛɛ́ya ɔ́mɔ́kɛ́na ɔ ɔmbásá, a ná wəə, a ná hɔŋɔ́á ɔ ətíə́ yɛ bəwə́nú.
Bɛkɛ́tɛ bɛ́ ɔnjɔmɔ bɛ́ híihi hiəfulə
Náana bɛkɔa bɛ́ híihi hiəfulə bɛ́ lɛ́á tɛ́kɛ́nátɔ.
Bisə́kúlúlúnə́ na nibíbíə́nə nɛ́ Yə́susu (1-2).
Nɛsɔa na makɔsɔnana má Yə́susu (3-4).
Hiŋgəyə́ ɔ ɔmáá ɔmbáŋá (5-7).
Bisə́mə́tə́ bɛ́ Yə́susu (8-9).
Bɔndaka bɔ́ bɔkɔ́nɛna (10).
Ɛŋgamɔ́ na bááyɛ́ ɔbá bá ndɔ Yə́susu ɛ́ŋɛ́mana (11-12).
Ɔŋana wɔ́ Nɛmanɛna nɛ́ Nɔɔ́mɛná (13).
Yə́susu ɔ ɛŋgamɔ́ na Bɛfalísia (14-17).
Yatɛ́ yɛ́ lɛ́á mɔkɔ́nɛna (18).
Yə́susu a nɔ́ hɔalɛna ɔ Kalɛ́lɛa ɔ wákaka ɔ Yəlúsalɛma (19-23).
Ɛmɔ́kɛ́, nyɛmbɛ́ na nɛhɔŋɔa nɛ́ Yə́susu (26-28).
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2019, CABTAL