JENESIS 22
22
Ka jingtynjuh ïa u Abraham ban kñia ïa u Isaak
1 #
Heb. 11:17-19. Bad ka la jia hadien kine kiei kiei ruh, ba U Blei u la tynjuh ïa u Abraham, bad u la ong ha u, “Ko Abraham”: bad u la ïathuh, “Ha khmih, ma nga.” 2Bad U Blei u la ong, “To shim mynta ïa la u khun, u khun marwei jong me keiñ, u Isaak, ïa uba me ieit eh, to khie leit ruh sha ka ri Moraïah, bad to da kñia ïa u hangta kum ka jingainguh thang halor uwei na kita ki lum ïa uba ngan ïathuh ha me.” 3Te u Abraham u la khie dang step eh, bad u la teh ïa ka jin halor ka kadda jong u, bad u la shim lem bad u ïa ki samla jong u ar ngut, bad ïa u Isaak u khun jong u, bad u la thlieh ïa ki dieng ïa kata ka jingainguh thang, bad u la mih noh joit, bad u la leit ruh sha kata ka jaka ïa kaba U Blei u la lah ong ha u. 4Bad ha ka balai sngi, u Abraham u la khmied ïa la ki khmat, bad u la ïohi ïa kata ka jaka na jngai. 5Bad u Abraham u la ong ha ki samla jong u, “To sah noh phi shane lem bad ka kadda; te ma nga bad une u samla ngin ïaleit shaduh shatai bad ngin ïamane; hadien kata, ngin ïawan kylla pat sha phi.” 6Ynda kumta, u Abraham u la shim ïa kita ki dieng ka jingainguh thang, bad u la buh ïa ki halor u Isaak u khun jong u; hynrei, ïa ka ding, bad ïa ka tari, u la shim ha la ka kti hi; kumta, ki la ïaleit baroh ar ngut ryngkat. 7Te u Isaak u la kren ha u Abraham u kpa jong u, bad u la ong, “Ko kpa jong nga”: u ruh u la ïathuh, “Ha khmih, ma nga, ko khun jong nga.” Hadien kata, u da ong, “Ha khmih ka ding bad ki dieng: hynrei, ha-ei u khun langbrot ïa ka jingkñia ainguh thang?” 8Bad u Abraham u la ïathuh, “Ko khun, U Blei un pynïoh lypa hi ïa lade ïa u khun langbrot ïa ka jingkñia ainguh thang”: kumta, ki la nang ïaleit baroh ar ngut ryngkat.
9 #
Jak. 2:21. Bad ki la ïapoi sha kata ka jaka ïa kaba U Blei u la lah ong ha u; bad u Abraham u la tei ïa ka duwan hangta, bad u la buh beit ïa kita ki dieng halor, bad ynda u la khum ïa u Isaak u khun jong u, u la buh ïa u halor kata ka duwan halor jrong ki dieng. 10Bad u Abraham u la kner ïa la ka kti, bad u la shim ïa kata ka tari ïa ka ban pynïap noh ïa la u khun. 11Te u angel U Trai u la khot kloi ïa u na bneng, bad u la ong, “Ko Abraham, Abraham”: u te u la ong, “Ha khmih, ma nga.” 12Bad u la ong, “To wat buh ïa la ka kti ha uta u samla, lymne wat leh ei ei ruh em ïa u: naba mynta nga tip keiñ ba me tieng burom ïa U Blei, haba mem shym la bat noh wat ïa la u khun, ïa u khun marwei jong me na nga.” 13Bad u Abraham u la khmied ïa la ki khmat, bad u la khmih shaiñ, bad ha khmih u langbrot na shadien ba la suhsat na ki reng jong u ha ka bniap: te u Abraham u la leit bad u la shim ïa uta u langbrot, bad u la kñia ainguh ïa u kum ka jingkñia ainguh thang ha ka jaka u khun jong u. 14Bad u Abraham u la khot kyrteng ïa kata ka jaka, “Jehobah-jireh”: kumba la dang ong haduh kane ka sngi, “Ha u lum U Trai yn sa ïohi hi.”
15Bad uta u angel U Trai u la khot pat sa shi sien ïa u Abraham na bneng, 16#Luk. 1:73; Heb. 6:13-14; 11:12.bad u la ong, “Nga la smai ha lade”, ong U Trai, “namar ba me la leh ïa kane, bad ba mem shym la bat noh wat ïa la u khun, ïa u khun marwei jong me na nga: 17bad da kaba kyrkhu ngan da kyrkhu shisha ïa me, bad da kaba pynroi ngan da pynroi shisha ïa u symbai jong me kat ki khlur bneng, bad kum u shyiap uba harud ka duriaw; bad u symbai jong me un ïoh bat ha lade ïa ki khyrdop ki nongshun jong u; 18#Ki Kam. 3:25; Gal. 3:16.bad ha u symbai jong me ki jaid bynriew baroh ka pyrthei kin ïa-pynkyrkhu ïa lade; naba me la kohnguh ïa ka ktien jong nga.” 19Kumta, u Abraham u la leit phai pat sha ki samla jong u, bad ki la ïamih noh joit bad ki la ïaleit wan noh ryngkat ruh sha Beer-sheba; bad u Abraham u la shong duh ha Beer-sheba.
Kiba hiar pateng na u Nahor
20Ka la jia ruh ynda la lah kine kiei kiei ruh, ba ki la ïathuh ha u Abraham, ki da ong, “Ha khmih, ka Milkah, ka ruh ka la kha ki khun ïa u Nahor u para jong me; 21ïa u Hus u khun jong u ba la kha nyngkong, bad ïa u Bus u para jong u, bad ïa u Kemuel u kpa u Aram, 22bad ïa u Khesed, bad ïa u Haso, bad ïa u Pildash, bad ïa u Jidlaph, bad ïa u Bethuel.” 23U Bethuel u la pynkha ïa ka Rebekka: ïa kine phra ngut ka Milkah ka la kha ïa u Nahor, u para u Abraham. 24Bad ka tnga kaba kham poh jong u, kaba ka kyrteng jong ka, ka la long “ka Reumah”, ka ruh ka la kha ïa u Tebah, bad ïa u Gaham, bad ïa u Thahash, bad ïa u Maakah.
اکنون انتخاب شده:
JENESIS 22: KHB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible Society of India
JENESIS 22
22
Ka jingtynjuh ïa u Abraham ban kñia ïa u Isaak
1 #
Heb. 11:17-19. Bad ka la jia hadien kine kiei kiei ruh, ba U Blei u la tynjuh ïa u Abraham, bad u la ong ha u, “Ko Abraham”: bad u la ïathuh, “Ha khmih, ma nga.” 2Bad U Blei u la ong, “To shim mynta ïa la u khun, u khun marwei jong me keiñ, u Isaak, ïa uba me ieit eh, to khie leit ruh sha ka ri Moraïah, bad to da kñia ïa u hangta kum ka jingainguh thang halor uwei na kita ki lum ïa uba ngan ïathuh ha me.” 3Te u Abraham u la khie dang step eh, bad u la teh ïa ka jin halor ka kadda jong u, bad u la shim lem bad u ïa ki samla jong u ar ngut, bad ïa u Isaak u khun jong u, bad u la thlieh ïa ki dieng ïa kata ka jingainguh thang, bad u la mih noh joit, bad u la leit ruh sha kata ka jaka ïa kaba U Blei u la lah ong ha u. 4Bad ha ka balai sngi, u Abraham u la khmied ïa la ki khmat, bad u la ïohi ïa kata ka jaka na jngai. 5Bad u Abraham u la ong ha ki samla jong u, “To sah noh phi shane lem bad ka kadda; te ma nga bad une u samla ngin ïaleit shaduh shatai bad ngin ïamane; hadien kata, ngin ïawan kylla pat sha phi.” 6Ynda kumta, u Abraham u la shim ïa kita ki dieng ka jingainguh thang, bad u la buh ïa ki halor u Isaak u khun jong u; hynrei, ïa ka ding, bad ïa ka tari, u la shim ha la ka kti hi; kumta, ki la ïaleit baroh ar ngut ryngkat. 7Te u Isaak u la kren ha u Abraham u kpa jong u, bad u la ong, “Ko kpa jong nga”: u ruh u la ïathuh, “Ha khmih, ma nga, ko khun jong nga.” Hadien kata, u da ong, “Ha khmih ka ding bad ki dieng: hynrei, ha-ei u khun langbrot ïa ka jingkñia ainguh thang?” 8Bad u Abraham u la ïathuh, “Ko khun, U Blei un pynïoh lypa hi ïa lade ïa u khun langbrot ïa ka jingkñia ainguh thang”: kumta, ki la nang ïaleit baroh ar ngut ryngkat.
9 #
Jak. 2:21. Bad ki la ïapoi sha kata ka jaka ïa kaba U Blei u la lah ong ha u; bad u Abraham u la tei ïa ka duwan hangta, bad u la buh beit ïa kita ki dieng halor, bad ynda u la khum ïa u Isaak u khun jong u, u la buh ïa u halor kata ka duwan halor jrong ki dieng. 10Bad u Abraham u la kner ïa la ka kti, bad u la shim ïa kata ka tari ïa ka ban pynïap noh ïa la u khun. 11Te u angel U Trai u la khot kloi ïa u na bneng, bad u la ong, “Ko Abraham, Abraham”: u te u la ong, “Ha khmih, ma nga.” 12Bad u la ong, “To wat buh ïa la ka kti ha uta u samla, lymne wat leh ei ei ruh em ïa u: naba mynta nga tip keiñ ba me tieng burom ïa U Blei, haba mem shym la bat noh wat ïa la u khun, ïa u khun marwei jong me na nga.” 13Bad u Abraham u la khmied ïa la ki khmat, bad u la khmih shaiñ, bad ha khmih u langbrot na shadien ba la suhsat na ki reng jong u ha ka bniap: te u Abraham u la leit bad u la shim ïa uta u langbrot, bad u la kñia ainguh ïa u kum ka jingkñia ainguh thang ha ka jaka u khun jong u. 14Bad u Abraham u la khot kyrteng ïa kata ka jaka, “Jehobah-jireh”: kumba la dang ong haduh kane ka sngi, “Ha u lum U Trai yn sa ïohi hi.”
15Bad uta u angel U Trai u la khot pat sa shi sien ïa u Abraham na bneng, 16#Luk. 1:73; Heb. 6:13-14; 11:12.bad u la ong, “Nga la smai ha lade”, ong U Trai, “namar ba me la leh ïa kane, bad ba mem shym la bat noh wat ïa la u khun, ïa u khun marwei jong me na nga: 17bad da kaba kyrkhu ngan da kyrkhu shisha ïa me, bad da kaba pynroi ngan da pynroi shisha ïa u symbai jong me kat ki khlur bneng, bad kum u shyiap uba harud ka duriaw; bad u symbai jong me un ïoh bat ha lade ïa ki khyrdop ki nongshun jong u; 18#Ki Kam. 3:25; Gal. 3:16.bad ha u symbai jong me ki jaid bynriew baroh ka pyrthei kin ïa-pynkyrkhu ïa lade; naba me la kohnguh ïa ka ktien jong nga.” 19Kumta, u Abraham u la leit phai pat sha ki samla jong u, bad ki la ïamih noh joit bad ki la ïaleit wan noh ryngkat ruh sha Beer-sheba; bad u Abraham u la shong duh ha Beer-sheba.
Kiba hiar pateng na u Nahor
20Ka la jia ruh ynda la lah kine kiei kiei ruh, ba ki la ïathuh ha u Abraham, ki da ong, “Ha khmih, ka Milkah, ka ruh ka la kha ki khun ïa u Nahor u para jong me; 21ïa u Hus u khun jong u ba la kha nyngkong, bad ïa u Bus u para jong u, bad ïa u Kemuel u kpa u Aram, 22bad ïa u Khesed, bad ïa u Haso, bad ïa u Pildash, bad ïa u Jidlaph, bad ïa u Bethuel.” 23U Bethuel u la pynkha ïa ka Rebekka: ïa kine phra ngut ka Milkah ka la kha ïa u Nahor, u para u Abraham. 24Bad ka tnga kaba kham poh jong u, kaba ka kyrteng jong ka, ka la long “ka Reumah”, ka ruh ka la kha ïa u Tebah, bad ïa u Gaham, bad ïa u Thahash, bad ïa u Maakah.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible Society of India