Senesi 21
21
Tupu o Isaake
1Na manatu loa le Eteleno ki le nea leia na fakasa e ia kia Sala, ti na fakasoko loa e le Eteleno kia Sala lana fakapapau. 2Na tinae loa a Sala, ti na fanaui loa e ia se vosa kia Apalaamo i lona temi matua, i le temi totonu leia na fakasa e le Atua kiate ia. 3Na soli loa e Apalaamo le igoa ko Isaake ki le vosa leia kua tupu kiate ia, leia na fanaui e Sala kiate ia. 4Na silikosisio loa e Apalaamo lona vosa ko Isaake, i lona aso valu, o mulimuli ki le fakatotonu a le Atua kiate ia. 5Na fetuu kau lelau Apalaamo i le tupu o lona vosa ko Isaake. 6Ti na pati loa a Sala : Kua kau kata i le fiafia o tupu ko le Atua, ti ko leia e logo loa ki le igoa o Isaake e kata loa kiate au. 7Ti na toe pati loa a ia : Ko ai leia na mafai ke pati loa kia Apalaamo : e fakau loa e Sala ni toe ? Ti ko leinei kua kau fanaui kiate ia se tama i lona temi matua.
8Na tupu ake loa le toe o lasilasi, ti na puaki loa a ia ; ti na fai loa e Apalaamo se kai lasi i le aso leia na puaki ai Isaake.
Akale i le toafa mo lona vosa
9Na tio loa Sala na kata le vosa leia na fanaui e Akale, fafine Esipito, kia Apalaamo ; 10Ti na pati loa a ia kia Apalaamo : Kapu le fafine fakasausau lena mo lona vosa, talie e leaise maua tofiga loa le vosa o le fafine fakasausau lena mo loku vosa ko Isaake. 11Na mamae ai le masau lena kia Apalaamo, talie ko lona vosa. 12Kae na pati loa le Atua kia Apalaamo : Aua na mamae lou loto, o tupu ko le toe mo lau fafine fakasausau. Tuku kia Sala a nea fuli ala e kole atu loa e ia kiate koe ; talie ko Isaake leia e au loa mei ai lou sakoga totonu. 13E kau toe fakatupu foki se puleaga mei le vosa o lau fafine fakasausau ; talie ko lou sakoga a ia.
14Na tuu ake loa Apalaamo koi usu ; ti na too loa e ia se pane mo se fagu vai o soli kia Akale, o teki ki lona tuauma ; ti na toe soli loa e ia kiate ia le tama, ti na kakau loa e ia Akale ke ano. Na ano loa Akale, ti na sese loa a ia i le toafa o Pele-Sepa. 15I le masa o le fagu vai, na tuku loa e ia le toe i lalo o se ga laakau, 16kae na ano loa a ia o nofo kese, o mamao mei le toe i se gasau na kaloloi. Talie na pati loa a ia : Ke aua na kau tio ki le mate o loku tama ! Na tonatona loa a ia i le ganea lena o tio ki le ganea leia na nofo ai lona tama, ti na tagi leo lasi loa a ia. 17Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai. 18Tuu ki aluga, o too le toe, o kukumi a ia i lou lima ; talie e kau fakaliliu loa a ia ko se puleaga lasi. 19Ti na fakamavaa loa e le Atua ona mata, ti na tio loa a ia ki se sosoni vai ; na ano loa a ia o fakaapele le fagu vai, o fakainu ai le toe. 20Na nofo loa le Atua mo le toe, ti na tupu loa a ia o lasi, ti na nofo loa a ia i le toafa, ti na liliu loa a ia ko se tagata fai kalolo. 21Na nofo loa Isemaele i le toafa o Palani, ti na ano loa lona tinana o afa ake sona avaga i le fenua o Esipito.
Apalaamo i Pele-Sepa
22I le temi lena, na ano loa Apimeleke mo Pikoli, ko le pule o lana solia, o masau kia Apalaamo, o pati : E kau le Atua mo koe i nea fuli ala e ke fai. 23Fakapapau mai kiate au i le aso leinei, i le ganea leinei, i le suafa o le Atua, e leaise ke kakai loa au i se aso, pe ko aku fanau, pe ko fanau o aku fanau, ti e ke agamalie loa kiate au mo le fenua leinei leia e ke nofo ai, ofaipe loku agamalie kiate koe. 24Ti na pati loa Apalaamo : E kau fakapapau atu a ia. 25Ti na fai loa e Apalaamo kia Apimeleke ni valoki o tupu ko se sosoni vai leia na too fakamakeke e tagata fakasausau a Apimeleke. 26Na tali loa Apimeleke : E leaise kau iloa ia le nea lena ; na leaise ke fakasa mai a ia kiate au, ti ko au, koi kau iloa le nea lena i le aso nei. 27Ti na too loa e Apalaamo ni ovi fafine mo ni pipi tagata, o soli kia Apimeleke ; ti na la fai loa se sai i le ganea lena. 28Na vaei kese loa e Apalaamo ni ovi fafine muli e fitu. 29Ti na pati loa Apimeleke kia Apalaamo : Koa a ovi fafine muli e fitu ana ala kua ke vaei kese ? 30Ti na tali loa Apalaamo : Ke ke tali a ovi fafine anei e fitu e kau soli atu kiate koe, o tupu ke fakamaoki ai ko au leia na kenu ia le sosoni leinei. 31Koia leia na fakaigoa ai le ganea lena ko Pele-Sepa ; talie ko le ganea lena leia na la fai ai le sai. 32Na la fai le sai i Pele-Sepa. I le oki o le nea lena na tuu ake loa Apimeleke mo Pikoli, ko le pule o lana solia, o toe liliu ki le fenua o le kau Filisitini. 33Na to loa e Apalaamo ni tamalisi i Pele-Sepa ; ti na kalagai loa e ia le suafa o le Eteleno, ko le Atua o le lee gato. 34Na nofo loa Apalaamo o fualoa i le fenua o le kau Filisitini.
انتخاب شده:
Senesi 21: FB2000
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Société Biblique de Genève, 2000-2020
Senesi 21
21
Tupu o Isaake
1Na manatu loa le Eteleno ki le nea leia na fakasa e ia kia Sala, ti na fakasoko loa e le Eteleno kia Sala lana fakapapau. 2Na tinae loa a Sala, ti na fanaui loa e ia se vosa kia Apalaamo i lona temi matua, i le temi totonu leia na fakasa e le Atua kiate ia. 3Na soli loa e Apalaamo le igoa ko Isaake ki le vosa leia kua tupu kiate ia, leia na fanaui e Sala kiate ia. 4Na silikosisio loa e Apalaamo lona vosa ko Isaake, i lona aso valu, o mulimuli ki le fakatotonu a le Atua kiate ia. 5Na fetuu kau lelau Apalaamo i le tupu o lona vosa ko Isaake. 6Ti na pati loa a Sala : Kua kau kata i le fiafia o tupu ko le Atua, ti ko leia e logo loa ki le igoa o Isaake e kata loa kiate au. 7Ti na toe pati loa a ia : Ko ai leia na mafai ke pati loa kia Apalaamo : e fakau loa e Sala ni toe ? Ti ko leinei kua kau fanaui kiate ia se tama i lona temi matua.
8Na tupu ake loa le toe o lasilasi, ti na puaki loa a ia ; ti na fai loa e Apalaamo se kai lasi i le aso leia na puaki ai Isaake.
Akale i le toafa mo lona vosa
9Na tio loa Sala na kata le vosa leia na fanaui e Akale, fafine Esipito, kia Apalaamo ; 10Ti na pati loa a ia kia Apalaamo : Kapu le fafine fakasausau lena mo lona vosa, talie e leaise maua tofiga loa le vosa o le fafine fakasausau lena mo loku vosa ko Isaake. 11Na mamae ai le masau lena kia Apalaamo, talie ko lona vosa. 12Kae na pati loa le Atua kia Apalaamo : Aua na mamae lou loto, o tupu ko le toe mo lau fafine fakasausau. Tuku kia Sala a nea fuli ala e kole atu loa e ia kiate koe ; talie ko Isaake leia e au loa mei ai lou sakoga totonu. 13E kau toe fakatupu foki se puleaga mei le vosa o lau fafine fakasausau ; talie ko lou sakoga a ia.
14Na tuu ake loa Apalaamo koi usu ; ti na too loa e ia se pane mo se fagu vai o soli kia Akale, o teki ki lona tuauma ; ti na toe soli loa e ia kiate ia le tama, ti na kakau loa e ia Akale ke ano. Na ano loa Akale, ti na sese loa a ia i le toafa o Pele-Sepa. 15I le masa o le fagu vai, na tuku loa e ia le toe i lalo o se ga laakau, 16kae na ano loa a ia o nofo kese, o mamao mei le toe i se gasau na kaloloi. Talie na pati loa a ia : Ke aua na kau tio ki le mate o loku tama ! Na tonatona loa a ia i le ganea lena o tio ki le ganea leia na nofo ai lona tama, ti na tagi leo lasi loa a ia. 17Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai. 18Tuu ki aluga, o too le toe, o kukumi a ia i lou lima ; talie e kau fakaliliu loa a ia ko se puleaga lasi. 19Ti na fakamavaa loa e le Atua ona mata, ti na tio loa a ia ki se sosoni vai ; na ano loa a ia o fakaapele le fagu vai, o fakainu ai le toe. 20Na nofo loa le Atua mo le toe, ti na tupu loa a ia o lasi, ti na nofo loa a ia i le toafa, ti na liliu loa a ia ko se tagata fai kalolo. 21Na nofo loa Isemaele i le toafa o Palani, ti na ano loa lona tinana o afa ake sona avaga i le fenua o Esipito.
Apalaamo i Pele-Sepa
22I le temi lena, na ano loa Apimeleke mo Pikoli, ko le pule o lana solia, o masau kia Apalaamo, o pati : E kau le Atua mo koe i nea fuli ala e ke fai. 23Fakapapau mai kiate au i le aso leinei, i le ganea leinei, i le suafa o le Atua, e leaise ke kakai loa au i se aso, pe ko aku fanau, pe ko fanau o aku fanau, ti e ke agamalie loa kiate au mo le fenua leinei leia e ke nofo ai, ofaipe loku agamalie kiate koe. 24Ti na pati loa Apalaamo : E kau fakapapau atu a ia. 25Ti na fai loa e Apalaamo kia Apimeleke ni valoki o tupu ko se sosoni vai leia na too fakamakeke e tagata fakasausau a Apimeleke. 26Na tali loa Apimeleke : E leaise kau iloa ia le nea lena ; na leaise ke fakasa mai a ia kiate au, ti ko au, koi kau iloa le nea lena i le aso nei. 27Ti na too loa e Apalaamo ni ovi fafine mo ni pipi tagata, o soli kia Apimeleke ; ti na la fai loa se sai i le ganea lena. 28Na vaei kese loa e Apalaamo ni ovi fafine muli e fitu. 29Ti na pati loa Apimeleke kia Apalaamo : Koa a ovi fafine muli e fitu ana ala kua ke vaei kese ? 30Ti na tali loa Apalaamo : Ke ke tali a ovi fafine anei e fitu e kau soli atu kiate koe, o tupu ke fakamaoki ai ko au leia na kenu ia le sosoni leinei. 31Koia leia na fakaigoa ai le ganea lena ko Pele-Sepa ; talie ko le ganea lena leia na la fai ai le sai. 32Na la fai le sai i Pele-Sepa. I le oki o le nea lena na tuu ake loa Apimeleke mo Pikoli, ko le pule o lana solia, o toe liliu ki le fenua o le kau Filisitini. 33Na to loa e Apalaamo ni tamalisi i Pele-Sepa ; ti na kalagai loa e ia le suafa o le Eteleno, ko le Atua o le lee gato. 34Na nofo loa Apalaamo o fualoa i le fenua o le kau Filisitini.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Société Biblique de Genève, 2000-2020