ପକ୍ୟାତାକା ପକ୍ୟାତାକାନ୍ ପତି ବିସ୍ରେ ପାଦେକ୍
ପକ୍ୟାତାକାନ୍ ପତି ବିସ୍ରେ ପାଦେକ୍
ପକ୍ୟାତି ପତି ଆନାତା ମଣ୍ଡ୍ଲିନି ଆରମ୍ ଆରି ଇନେସ୍ ଇଦାଂ ଜିରୁସାଲମ୍ତାଂ, ଜିହୁଦା, ସମରିଆ ଆରି ବାର୍ତ ଇନେସ୍ ମେଙ୍ଗ୍ତାତ୍ ଇଦାଂ ଜିସୁତି ସାର୍ଗେ ଦୁମ୍ନି ଆଗେତାଂ ତା ଚେଲାର୍ରିଂ ଇଞ୍ଜି ମାଚାନ୍ । ୧:୮ ପକ୍ୟାତି ପତି ଲୁକ ତାଂ ଲେକାତାତ୍ନ୍ନା ଇନେର୍କି ଲୁକ ଲେକିକିତି ନେକ୍ରିକାବୁର୍ ପା ଲେକିକିଜ଼ି ମାଚାନ୍ । ହେୱାନ୍ ରୱାନ୍ ଡାକ୍ତର୍ ମାଚାନ୍ ଆରି ବୁଲ୍ କିୱାଦାଂ ଲେକିକିନାକାନ୍ ୧:୧ଲେକିକିନିତ ବେସି ତ୍ରିକାଡ଼୍ ମାଚାନ୍ । ହେୱାନ୍ ରିଣ୍ଡି ନେକ୍ରିକାବୁର୍ ଆରି ପକ୍ୟାତି ପତିତ ତିଅପିଲତିଂ ଲେକିକିନାନା ଇନେର୍କି ହେୱାନ୍ ରୱାନ୍ ଗ୍ରିକ୍ ମାଚାନ୍, ପତିତିଂ ରିଣ୍ଡି ଗ୍ରିକ୍ ଆରି ଜିହୁଦି କୁଟୁମ୍ କାଜିଂ ମାଚାତ୍ । ଇଚିସ୍ ପକ୍ୟାତି ପତି ଜିସୁ କ୍ରିସ୍ଟତି ଜଲମ୍ ପାଚେ ୬୦ ତାଂ ୬୪ ବିତ୍ରେ ଲେକା ଆଜ଼ି ମାଚାତ୍, ଇନେକିଦେଂକି ପାଉଲ୍ତି ବନ୍ଦିମୁକ୍ତି ଆଗେତାଂ ପତି ଲେକିକିନି କାମାୟ୍ ସେସ୍ ଆଜ଼ି ମାଚାତ୍ । ଲୁକ ପା ପକ୍ୟାତି ପାଉଲ୍ ଲାହାଂ ବୁଲାନାର୍ ଆରି ପକ୍ୟାତି ପତି ଆନ୍ତକିଆତାଂ ଲେକା ଆଜ଼ି ମାନ୍ଗାନାତ୍ । ପକ୍ୟାତି ପତି ଲୁକ ନେକ୍ରିକାବୁର୍ ଚାଲାନି କାମାୟ୍ ଆନାତ୍ ଆରି ଜିସୁତି ସାର୍ଗେ ଦୁମ୍ନାକା ଆରମ୍ ଆନାତ୍ । ଲୁକ ଲେକିକିତି ନେକ୍ରିକାବୁର୍ ଉଦେସ୍ତ ପକ୍ୟାତି ଲେକାନି ଉଦେସ୍ ଲାହାଂ ସମାନ୍ ଆନାତ୍ । ହେୱାନ୍ ତିଅପିଲତିଂ ଆରି ବୁଦିପାୟାନି କ୍ରିସ୍ଟିୟାନ୍ରିଂ ହାତ୍ପା ଆଦେଂ ଇଚାକିନାର୍ ଇନାକା ହେୱାରିଂ ହିକ୍ୟା ହିଜ଼ିମାଚି ବିସ୍ରେ ଜିସୁ କ୍ରିସ୍ଟତି ଜିବୁନ୍ ଆରି ମେଙ୍ଗ୍ଜ଼ି ଲାବ୍ କିଜ଼ି ମାଚିଲେ କ୍ରିସ୍ଟିୟାନ୍ରିଂ ନେକ୍ରିକାବୁର୍ ବୁଲ୍ କିୱାଦାଂ ଇସାବ୍ କିଜ଼ି ଇଟ୍ନାର୍ । ପକ୍ୟାତି ପତିତ ଆଗେନି ମଣ୍ଡ୍ଲି କ୍ରିସ୍ଟ ତାକେ ପାର୍ତି ଇଟ୍ନି କାଜିଂ ମା କାଜିଂ ଉତର୍ମୁଡ଼୍ ଜାଣାୟ୍କିନାତ୍ । ପକ୍ୟାତାକାର୍ତି ଉତର୍ମୁଡ଼୍ତାଂ ମାଙ୍ଗେଙ୍ଗ୍ ପୁନ୍ୟାନାତ୍ ଜେ, ଇନେସ୍ ପୁଇପୁୟା ଜିବୁନ୍ତିଂ ମାନି କିତାର୍ ବିନ୍ଲକାର୍ ତାକେ ନେକ୍ରିକାବୁର୍ ବେରଣ୍ ହପ୍ୟାନାତ୍ ।
ପତି ବିତ୍ରେନି ରାହାଣ୍
୧. ପୁଇପୁୟା ଜିବୁନ୍ ଜୁଦ୍ନାକା ଆରି ମଣ୍ଡ୍ଲି ବାଡାନାକା । ୧:୧–୮:୧
୨. ମଣ୍ଡ୍ଲିନି ଇଣ୍ ଆରି ନେକ୍ରିକାବୁର୍ ମେଙ୍ଗ୍ଜ଼ି ଲାବ୍ କିନାତ୍ । ୮:୨–୧୨:୨୩
୩. ପାଉଲ୍ତି ପର୍ତୁମ୍ ମିସିନାରି ଜାତ୍ରା । ୧୨:୨୪–୧୪:୨୮
୪. ପୁନ୍ ପାର୍ତି କିନାକାରିଂ ଲଡ଼ା ଆରି ଜିରୁସାଲମ୍ତ ସବା । ୧୫:୧-୩୫
୫. ପାଉଲ୍ ରିଣ୍ଡି ମିସିନାରି ଜାତ୍ରା କିନାନ୍ । ୧୫:୩୬–୧୮:୨୨
୬. ପାଉଲ୍ତି ତିନି ମିସିନାରି ଜାତ୍ରା କିନାନ୍ । ୧୮:୨୩–୨୦:୩୮
୭. ପାଉଲ୍ ଜିରୁସାଲମ୍ତ ବନ୍ଦି ଆନାନ୍ । ୨୧:୨୬
୮. ପାଉଲ୍ତିଂ ରମ୍ତ ଜାତ୍ରା । ୨୭:୨୮
اکنون انتخاب شده:
ପକ୍ୟାତାକା ପକ୍ୟାତାକାନ୍ ପତି ବିସ୍ରେ ପାଦେକ୍: NTNoo20
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The New Testament in Pengo Language © The Word for the World International and Pengo Translation Samithi, Dasamanthpur, Koraput, Odisha 2020