Jɔ̃́ɔ́ Jɔ̃́ɔ́-cèè-ɖɛ̀ɔ̀ jè kɔ̃in-zaìn-zaìn
Jɔ̃́ɔ́-cèè-ɖɛ̀ɔ̀ jè kɔ̃in-zaìn-zaìn
Nyɔ mɔ̀ nyɔ céè kà céè-ɖɛ̀ nìà kɛɛ cɛ̃ɛ à nììn gbo ɖɛ kɔ̃̀ jè ɔ céè kà céè-ɖɛ̀ nìà kɛ. Ɔ ɖá, “Ɖɛ ɓě nìà kɛ céè, ɓɛ́ ɓě kéɛ jǎà po kà ɓɛ́ Jízɛ̀ mɔ̀ Kɛ́ɖɛ́ì mɔ̀à Gèɖèpɔ́ɔ̀ Dyú-gààɔ̀ kɛ, ɓɛ́ hwìɖǐǐ-taɓa-taɓa nìà kɛ kéɛ nyu ɓɛ́ ɓě ké fɛ̀ɛ̀ ɓéɖé ɖé ɔ nyɛ́nɛ́ɔ̀ mú” (20:31). Zɛ̃̀ìn-ɖɛ̀ ɓě ɓɛ́ Jízɛ̀ nyu ma kà kɛɛ mɛ̀nɛ̌ìn-sɔ̃́ céè céè-ɖɛ̀ nìà kɛ mú, ɓɛ́ wa ké nyɔǔn ɖɛ tɛ̀mɛ̀ìn. Céè-ɖɛ̀ nìà kɛ wáká hwɛ̀ìn-gbɔɔ̀ cɛ̃ Jízɛ̀ɛ̀ wé hwɛ̀ìn-gbɔ ɓěɔ̀ jè. Ɖɛ kúɖúú ɓě ɓɛ́ Jízɛ̀ cɛ̃ ma ɔ ɖeín-nà-nyɔ̀ ɓěɔ̀ gboɛɛ céè ɖé ɖekè.
Nyɔ pàɖǎ cɛ̃ɛ kà ɓɛ́ Jɔ̃́ɔ́ mɔ̀à Zɛ́ɓìɖíìɛ̀ dyú-gàà, ɓɛ́ ɔ mɔ̀à Jízɛ̀ɛ̀ ɖeín-nà-nyɔ̀ ɓěɔ̀ nyɔ ɓɛ́ Jízɛ̀ ɖɛ̀ɓɛ̀à mú mìɔ, ké ɔ mɔ̀à àpɔ́sò kɛɛ mɔ̀ nyɔ céè ma céè-ɖɛ̀ nìà kɛ. Kɛɛ nyɔǔn séín seɛ náa hwìɖǐi poìn.
Céè-ɖɛ̀ɔ̀ dà ɓě m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Jɔ̃́ɔ́ɛ̀ wuɖu kĩ́ín-kĩ́ín ɓěɔ̀. 1:1-18
2. Jɔ̃́ɔ́ nyɔ-níɔ-po-nyɔ̀ɔ̀ kè Jízɛ̀ɛ̀ ɖeín-nà-nyɔ̀ kĩ́ín-kĩ́ín ɓěɔ̀. 1:19-51
3. Jízɛ̀ nyu kũ̀à. 2:1–12:50
4. Jízɛ̀ɛ̀ wé hwɛ̀ìn-gbɔ ɓěɔ̀. 13:1–19:42
5. Jízɛ̀ wóɖó gĩɔ, ké ɔ wóɖóìn nyɔ ɓě dyí. 20:1–21:25
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bassa Bible © Bible Society Liberia, 2002.