KAJADIAN 18
18
Tumpu Allah nonjanji'mo samian na anak mo'ane obee' hi Abraham
1Tumpu nanintoamo hi Abraham koko kau' anu singkap ko balakatnyo anu lewa' ponsomban kiijo' mae i Mamre. Tempo'nyo aitu sinaa talalo hondo mapanas, ka' i Abraham hau-haunyo suha-suhang i sabatan nu kemahnyo. 2#Ibr. 13:2 Salatan ia tinolotinga tinoanyo aha totolu' na mian tinjo-tinjo i ahopnyo. I Abraham lia-lia' no padeka'mo namba nolabot aha. Ka' tinolodadupumo, 3ia notataemo, “To Tuan-tuan, boli moliu-liu kemahku de ma'isa sonso' pe'e; da timbali da aku monsadiai pe'e kaanon to Tuan-tuan. 4Da aku mongala pe'e uee bau pombaso'i tengke nu to Tuan-tuan. Imbo' pe'e Tuan-tuan da milawe i patu nu kau' aiya. 5Da ku toukai kaanon mau ola sangki-sangkidingmo, da to Tuan-tuan mohumpak kahosonan mule' na po'ule' lumajang lau-laus. To Tuan-tuan mongadatimo aku kalana sinonso'mo i laigan nu posaihon nu Belento aiya.”
Tinaaman nu aha, “Talima kase na kanonongan nu belento atina'. Kami sonso'je.”
6Lia-lia' na i Abraham ninsoop i uno nu kemahnyo ka' notatae hi Sara, “Palia-lia', ala sakalung na labu anu ma'ima' hondo ka' bau na roti timpodon.” 7Lapas aijo' ia nopadeka'mo nokiijo' i tampat nu gombuan nu binatang potu'onnyo nompile'imo anak nu sapi' anu molompo' ka' daagi' monguha' na antoknyo, lantas nombee' hi posaihonnyo anu sinainyo sampa malia-lia' montoukai. 8Lapas aijo' i Abraham nongalamo susu, susu anu mokobot hondo ka' ponoha' anu ingunjangmo aijo', lantas nontatuakonmo hi anu sinonso' aijo'. Hau-haunyo aha mongkaan posi i Abraham na nontatuakon hi aha i patu nu kau' aijo'.
9Lapas aijo' pinokilawamo nu aha, “Iya na i Sara bengkele' nu beleyum?”
“Kiijo' mae, i uno nu kemah,” na koonyo i Abraham.
10 #
Rm. 9:9
Samian anu aijo' hi aha notatae, “Daagi' osio' na bitu'on Aku po'ule'mo mae minsusule'. Ka' tempo'nyo aijo' i Sara bengkele' nu beleyum mohumpakmo anak mo'ane.”
Tempo'nyo aitu i Sara i nompotombihingmo i sabatan nu kemah, i hiku nu anu sinonso' aijo'. 11I Abraham ka' i Sara i langkai'mo ka' binengkele'mo, ka' i Sara madi'mo toho ko adat nu aha boune. 12#1Ptr. 3:6 Kalana aijo' i Sara tinolo kojoomo i uno nu kinyo nyoanyo ka' notatae, “Aku anu binengkele'mo ka' madi'mo mahoson sumo aiya, te daagi' ko kinyonyoa mogalum tiba langkai'ku? – Apaa mule' osoangku i langkai'mo suele.”
13Lantas pinokilawamo nu Tumpu hi Abraham, “Kadaka' i Sara kinumojomo ka' bata-bata. Kalana ia bengkele'mo, panyo daagi' mohampeakon anak? 14#Luk. 1:37 Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”
15Kalana i Sara mabuhuk, ia nojalomo, tukoonyo, “Aku madi' kinumojo.”
Panyo tinaaman nu Tumpu, “Beleyum memang kinumojomo u'uka.”
I Abraham nongkakasemo da o ampuni na Sodom
16Lapas aijo' nambamo na aha totolu', anu sinonso' aijo' ka' i laya'mo i Abraham. Lantas aha tinokamo i sa'angu' na tampat montanggalakonmo Sodom. 17Tumpu notataemo i uno nu kinyonyoanyo, “Madi' ku pohowini hi Abraham apaa na anu Ku baumo. 18Te misa' o lee'nyo na saidi' mae timbali bansa anu daka' ka' balakuasa? Te misa' o kalana ia, sahingga iwi-iwi' na bansa i dunia aiya Ku balakatije? 19Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”
20Ka' po'ule' mule' Tumpu notatae hi Abraham, “Manjoo'mo na anu opisala'i hi Sodom ka' Gomora ka' memang dosa' nu aha aijo' talalomo dinaka'. 21Mokonyo aijo' Aku kahanda' mamba mokiijo' da opalesa pa' iwi-iwi' na anu opisala'i, anu i hongongkumo aijo' to tu'u kabai madi'.”
22Lantas ua'aha na anu sinonso' aijo' nambamo nokiijo' i Sodom, panyo Tumpu daagi' jinojoong tiba i Abraham. 23I Abraham nongohanimo Tumpu ka' nompokilawa, “Totu'u kita Tumpu kahanda'mo monsilakai mian anu madi' ko sala'nyo hingga-hinggat tiba mian anu ko sala'nyo? 24De lapangnyo daagi' ko limapulu' na mian anu madi' ko sala'nyo i uno nu kota aijo', pa' songko-songko na kota aijo' nusilakai nu Belento Tumpu? Pa' madi' Belento Tumpu mongampuni da mian anu limampulu' aijo' salamat? 25Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”
26Tumpu notatae, “De lapangnyo Ku humpak limampulu' na mian anu madi' ko sala'nyo kiijo' i Sodom, Ku ampuni na kota aijo' songko-songko kalana aha.”
27I Abraham po'ule' mule' notatae, “Ampuniakon mae na kabaanianku mompaka potatae mule' susumo uuka, o Tumpu. Aku aiya ola manusia madi' ko hak montaloakon apa-apaa. 28Panyo ugaat ola patompulu' ka' olima' na mian anu madi' ko sala'nyo, misa' ahi' limampulu'. Pa' Belento Tumpu monsilakaimo songko-songko na kota aijo' ola kalana mompahasala' olima' na mian?”
Tumpu notatae, “Kota aijo' madi'mo Ku silakai de lapangnyo kiijo' mae Ku humpak patompulu' ka' olima' na mian anu madi' ko sala'nyo.”
29I Abraham po'ule' mule' notatae, “Mosia de ola patompulu' na mian!”
Tinaaman nu Tumpu, “Kalana aha patompulu' na mian aijo' madi' Ku bau na anu i niat-Kumo.”
30I Abraham notatae, “Boli pusa, o Tumpu, de aku daagi' po'ule' motatae. Mosia de lapangnyo ola to tolumpulu' na mian?”
Tumpu notatae, “De Ku humpak tolumpuu' na mian, Ku po'edokmo pe'e na niat-Ku.”
31I Abraham notatae, “Ampuniakon mae na kabaanianku mompaka potatae mule' susumo uuka, o Tumpu. De lapangnyo ola uwampulu' na mian?”
Tinaaman nu Tumpu, “De ku humpak uwampulu' na mian, kota aijo' madi'mo Ku silakai.”
32Ahennyo notatae na i Abraham, “Boli pusa, o Tumpu, aku me minsan na motatae. Mosia de ola o humpak sampulu' na mian?”
Tumpu notatae, “De daagi' ko aha sampulu' na mian anu madi' ko sala'nyo, madi'mo Ku silakai na kota aijo'.” 33Noko lapas binasisik tiba i Abraham, Tumpu nambamo, i Abraham suele ninsusule'mo i laigannyo.
انتخاب شده:
KAJADIAN 18: LAILOE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
KAJADIAN 18
18
Tumpu Allah nonjanji'mo samian na anak mo'ane obee' hi Abraham
1Tumpu nanintoamo hi Abraham koko kau' anu singkap ko balakatnyo anu lewa' ponsomban kiijo' mae i Mamre. Tempo'nyo aitu sinaa talalo hondo mapanas, ka' i Abraham hau-haunyo suha-suhang i sabatan nu kemahnyo. 2#Ibr. 13:2 Salatan ia tinolotinga tinoanyo aha totolu' na mian tinjo-tinjo i ahopnyo. I Abraham lia-lia' no padeka'mo namba nolabot aha. Ka' tinolodadupumo, 3ia notataemo, “To Tuan-tuan, boli moliu-liu kemahku de ma'isa sonso' pe'e; da timbali da aku monsadiai pe'e kaanon to Tuan-tuan. 4Da aku mongala pe'e uee bau pombaso'i tengke nu to Tuan-tuan. Imbo' pe'e Tuan-tuan da milawe i patu nu kau' aiya. 5Da ku toukai kaanon mau ola sangki-sangkidingmo, da to Tuan-tuan mohumpak kahosonan mule' na po'ule' lumajang lau-laus. To Tuan-tuan mongadatimo aku kalana sinonso'mo i laigan nu posaihon nu Belento aiya.”
Tinaaman nu aha, “Talima kase na kanonongan nu belento atina'. Kami sonso'je.”
6Lia-lia' na i Abraham ninsoop i uno nu kemahnyo ka' notatae hi Sara, “Palia-lia', ala sakalung na labu anu ma'ima' hondo ka' bau na roti timpodon.” 7Lapas aijo' ia nopadeka'mo nokiijo' i tampat nu gombuan nu binatang potu'onnyo nompile'imo anak nu sapi' anu molompo' ka' daagi' monguha' na antoknyo, lantas nombee' hi posaihonnyo anu sinainyo sampa malia-lia' montoukai. 8Lapas aijo' i Abraham nongalamo susu, susu anu mokobot hondo ka' ponoha' anu ingunjangmo aijo', lantas nontatuakonmo hi anu sinonso' aijo'. Hau-haunyo aha mongkaan posi i Abraham na nontatuakon hi aha i patu nu kau' aijo'.
9Lapas aijo' pinokilawamo nu aha, “Iya na i Sara bengkele' nu beleyum?”
“Kiijo' mae, i uno nu kemah,” na koonyo i Abraham.
10 #
Rm. 9:9
Samian anu aijo' hi aha notatae, “Daagi' osio' na bitu'on Aku po'ule'mo mae minsusule'. Ka' tempo'nyo aijo' i Sara bengkele' nu beleyum mohumpakmo anak mo'ane.”
Tempo'nyo aitu i Sara i nompotombihingmo i sabatan nu kemah, i hiku nu anu sinonso' aijo'. 11I Abraham ka' i Sara i langkai'mo ka' binengkele'mo, ka' i Sara madi'mo toho ko adat nu aha boune. 12#1Ptr. 3:6 Kalana aijo' i Sara tinolo kojoomo i uno nu kinyo nyoanyo ka' notatae, “Aku anu binengkele'mo ka' madi'mo mahoson sumo aiya, te daagi' ko kinyonyoa mogalum tiba langkai'ku? – Apaa mule' osoangku i langkai'mo suele.”
13Lantas pinokilawamo nu Tumpu hi Abraham, “Kadaka' i Sara kinumojomo ka' bata-bata. Kalana ia bengkele'mo, panyo daagi' mohampeakon anak? 14#Luk. 1:37 Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”
15Kalana i Sara mabuhuk, ia nojalomo, tukoonyo, “Aku madi' kinumojo.”
Panyo tinaaman nu Tumpu, “Beleyum memang kinumojomo u'uka.”
I Abraham nongkakasemo da o ampuni na Sodom
16Lapas aijo' nambamo na aha totolu', anu sinonso' aijo' ka' i laya'mo i Abraham. Lantas aha tinokamo i sa'angu' na tampat montanggalakonmo Sodom. 17Tumpu notataemo i uno nu kinyonyoanyo, “Madi' ku pohowini hi Abraham apaa na anu Ku baumo. 18Te misa' o lee'nyo na saidi' mae timbali bansa anu daka' ka' balakuasa? Te misa' o kalana ia, sahingga iwi-iwi' na bansa i dunia aiya Ku balakatije? 19Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”
20Ka' po'ule' mule' Tumpu notatae hi Abraham, “Manjoo'mo na anu opisala'i hi Sodom ka' Gomora ka' memang dosa' nu aha aijo' talalomo dinaka'. 21Mokonyo aijo' Aku kahanda' mamba mokiijo' da opalesa pa' iwi-iwi' na anu opisala'i, anu i hongongkumo aijo' to tu'u kabai madi'.”
22Lantas ua'aha na anu sinonso' aijo' nambamo nokiijo' i Sodom, panyo Tumpu daagi' jinojoong tiba i Abraham. 23I Abraham nongohanimo Tumpu ka' nompokilawa, “Totu'u kita Tumpu kahanda'mo monsilakai mian anu madi' ko sala'nyo hingga-hinggat tiba mian anu ko sala'nyo? 24De lapangnyo daagi' ko limapulu' na mian anu madi' ko sala'nyo i uno nu kota aijo', pa' songko-songko na kota aijo' nusilakai nu Belento Tumpu? Pa' madi' Belento Tumpu mongampuni da mian anu limampulu' aijo' salamat? 25Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”
26Tumpu notatae, “De lapangnyo Ku humpak limampulu' na mian anu madi' ko sala'nyo kiijo' i Sodom, Ku ampuni na kota aijo' songko-songko kalana aha.”
27I Abraham po'ule' mule' notatae, “Ampuniakon mae na kabaanianku mompaka potatae mule' susumo uuka, o Tumpu. Aku aiya ola manusia madi' ko hak montaloakon apa-apaa. 28Panyo ugaat ola patompulu' ka' olima' na mian anu madi' ko sala'nyo, misa' ahi' limampulu'. Pa' Belento Tumpu monsilakaimo songko-songko na kota aijo' ola kalana mompahasala' olima' na mian?”
Tumpu notatae, “Kota aijo' madi'mo Ku silakai de lapangnyo kiijo' mae Ku humpak patompulu' ka' olima' na mian anu madi' ko sala'nyo.”
29I Abraham po'ule' mule' notatae, “Mosia de ola patompulu' na mian!”
Tinaaman nu Tumpu, “Kalana aha patompulu' na mian aijo' madi' Ku bau na anu i niat-Kumo.”
30I Abraham notatae, “Boli pusa, o Tumpu, de aku daagi' po'ule' motatae. Mosia de lapangnyo ola to tolumpulu' na mian?”
Tumpu notatae, “De Ku humpak tolumpuu' na mian, Ku po'edokmo pe'e na niat-Ku.”
31I Abraham notatae, “Ampuniakon mae na kabaanianku mompaka potatae mule' susumo uuka, o Tumpu. De lapangnyo ola uwampulu' na mian?”
Tinaaman nu Tumpu, “De ku humpak uwampulu' na mian, kota aijo' madi'mo Ku silakai.”
32Ahennyo notatae na i Abraham, “Boli pusa, o Tumpu, aku me minsan na motatae. Mosia de ola o humpak sampulu' na mian?”
Tumpu notatae, “De daagi' ko aha sampulu' na mian anu madi' ko sala'nyo, madi'mo Ku silakai na kota aijo'.” 33Noko lapas binasisik tiba i Abraham, Tumpu nambamo, i Abraham suele ninsusule'mo i laigannyo.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید