Jan 6
6
Jézi ka nouri senk mil wonm
1Aprè sa, Jézi janbé lanmè Galilé-a; yé té ka aplé l osi Lak Tibéryad.
2Rounlo moun té ka swiv li paské yé té wè sign Bondjé li té ka bay lò li té ka géri moun malad-ya
3Jézi monté ansou montangn-an é li asiz la ké so disip.
4La fèt Pak, ki té la fèt délivrans Jwif-ya, té ka rivé.
5Jézi gadé, li wè rounlo moun té ka vini jwenn li. Li di Filip: “Koté nou ké achté dipen pou bay yé tout manjé?”
6Li té ka disa pou tèsté Filip paské li té savé sa li té ké fè.
7Filip réponn: “menm ké désan pyès an arjan nou pé té ké gen asé soumaké pou bay chak moun roun tibi dipen.
8Roun di so disip, André, frè Simon-Pyèr, di li: “Ii gen roun ti boug ki gen senk ti dipen ké dé poson.
9Mé a pa anyen pou tousa moun.
10Jézi di: fè yé asiz (la i té gen bokou zèrb). Yé asiz, li té gen apéprè senk mil wonm.
11Jézi pran dipen-yan, li di Bondyé mèrsi, li bay tout moun ki té asiz. Menm fason-an, li bay yé kantité poson yé té lé.
12Lò yé vant té plen, li di so disip: Ramasé larèstan pou anyen pa pédi.
13Lò tout moun fini manjé, yé ramasé moso di senk dipen ki té ka rété-a; ké sa, yé ranpli douz pannyen.
14Lò moun-yan wè sign Bondjé Jézi té bay, yé di: Sa wonm-an, a vrèman profèt-a ki té divèt vini ansou latè.
15Kou Jézi té savé yé té ké vini tchenbé li di fòrs pou mété li rwè, li viré ansou montangn-an li rounso.
16Lò soukou tonbé, so disip désann òbò lanmè-a.
17Yé monté annan roun kanno pou yé alé Kapèrnaòm. Soukou té ja byen tonbé, é Jézi pa té kò vini jwenn yé.
18Roun gran van té ka vanté, é lanmè-a té mové toubònman.
19Yé té ja pagayé senk a sis kilomèt konran, lò yé wè Jézi ka maché ansou lanmè-a, li té ka vini ansou yé; a pa ti pè yé té pè.
20Jézi di yé: “Pa pè, a mo ki la.”
21Yé té lé fè li monté annan kanno-a, é annan menm tan-an, kanno-a kosté koté yé té ka alé.
22Roun jou pasé, bann moun-an ki té rété ròt bò lanmè-a té wè ki i té gen roun sèl kanno. A sa kanno-a, disip-ya té pran pou janbé; mé Jézi pa té pati ké yé.
23Atò dòt kanno, ki té soti vil Tibéryad, té vini kosté menm koté moun-yan té manjé dipen-yan, aprè ki Jézi té di grémési Bondjé.
24Lò moun-yan wè ni Jézi, ni so disip pa té la, yé monté annan kanno-ya pou alé Kapèrnaòm chaché Jézi.
25Yé trouvé li ròt bò lanmè-a é yé doumandé li: “Mèt, ki tan to rivé isi-a?”
26Jézi di yé: “Sa mo ka di zòt-a, a lavérité, a pa paské zòt wè sign Bondjé ki zòt ka chaché mo, mé a paské zòt manjé dipen plen zòt vant.
27Pa travay pou manjé ka gaté, mé travay pou manjé ka bay lavi pou tout tan, é a sa lavi-a Pitit wonm-an ké bay zòt; piski a li Papa bay pouvwè.
28Yé di li: “Kisa nou divèt fè, pou fè volonté Bondjé”?
29Jézi réponn: “Sa Bondjé lé zòt fè, a ki zòt krè an sala i voyé-a.”
30Yé di li: “Ki sign Bondjé to ka bay pou nou wè pou nou ké krè to? Ki sa to ka fè?
31Nou gangan manjé mann-an annan dézèr-a sélon sa ki ékri annan Liv Bondjé-a: “Li bay yé manjé dipen syèl-a.
32Jézi di yé: “Sa mo ka di zòt-a, a lavérité, a pa Moyiz ki bay zòt vrè dipen syèl-a, mé a mo Papa ki bay zòt vrè dipen syèl-a,
33Piski dipen Bondjé ka bay, a sala ki désann di syèl-a é ki ka bay tout moun lavi.”
34Yé di li: “Mèt, bay nou sa dipen-an touléjou.”
35Jézi di yé: “A mo ki sa dipen ka bay lavi-a, sala ka vini jwenn mo péké janmen fen, é sala ka krè an mo péké janmen swèf.
36Mé mo ja di zòt sa: zòt wè, mé zòt pa ka krè.
37Tout moun Papa-a ka bay mo ké vini jwenn mo, é mo péké janmen mété sa ka vini jwenn mo-a dèrò,
38piski mo pa désann di syèl-a pou fè mo pròp volonté, mé pou fè volonté Sala ki voyé mo-a.
39Atò, fè volonté Sala ki voyé mo-a, a pa di mo pédi pyès sa li bay mo-a, mé a di ki mo résisité yé dèrnyé jou-a.
40Volonté mo Papa, a ki nenpòt moun ki wè Pitit wonm-an é ki krè an li, gen lavi pou tout tan, é mo ké résisité l dèrnyé jou-a.”
41Dipi sa, jwif-ya té ka kritiké l piski li té di: “A mo ki sa dipen ki désann di syèl-a”
42Yé té ka di: “A pa Jézi pitit Jozèf? Nou konèt so papa ké so manman. Kouman li gen toupé pou di anprézan li désann di syèl-a?
43Jézi di yé: “Zòt pa las wichiwichi ansou mo do.”
44Pésonn pa pouvé vini jwenn mo, si Papa-a ki voyé mo-a pa mennen l, é mo, mo ké résisité li dèrnyé jou-a.
45Men sa profèt-ya ékri: “Bondjé ké aprann yé tout bagaj.” Tousa ki ka kouté Papa-a é ki ka risouvwè so palò ka vin jwenn mo.
46Pésonn pa janmen wè Papa-a, a Pitit-a rounso ki vini di Bondjé, ki ja wè li.
47Enren, sala mo ka di zòt-a a lavérité: sa ka krè mo-a gen lavi pou tout tan.
48Mo sa dipen ki ka bay lavi-a.
49Zòt gangan manjé mann-an annan dézèr-a, é sa pa anpéché yé mouri.
50Mé dipen ki désann di syèl-a, sala ka manjé li péké mouri.
51Mo sa dipen lavi ki désann di syèl-a. Sala ka manjé sa dipen-an ké gen lavi pou tout tan, é dipen mo ké bay pou tout moun gen lavi, a mo lachè.
52Ansou sa palò-a, jwif-ya té ka babyé ant yé, yé té ka di: “Kouman sa wonm-an pouvé bay nou so lachè pou nou manjé?”
53Jézi di yé: Enren, sa mo ka di zòt-a, a lavérité, si zòt pa ka manjé lachè Pitit wonm-an, é si zòt pa ka bwè so disan, zòt péké gen lavi an zòt kò.
54Sala ka manjé mo lachè é ka bwè mo disan gen lavi pou tout tan, é mo ké résisité li dèrnyé jou-a.
55Piski mo lachè a roun vrè manjé, é mo disan a roun vrè bwéson.
56Sala ka manjé mo lachè é ka bwè mo disan ka fè roun ké mo, é mo ka fè roun ké li.
57Kou Papa-a ki gen lavi-a voyé mo é bay mo lavi, menm fason-an, sa ka manjé mo-a ké gen lavi gras a mo.
58Men dipen ki désann di syèl-a. A pa menm-an ki sala zòt gangan té manjé épi yé mouri. Mé sa ka manjé sa dipen-an, ké gen lavi pou tout tan.
59Men sa moso palò-a Jézi té ka di Kapèrnaòm, annan sinagòg.
Palò ka bay lavi pou tout tan
60Lò disip-ya tandé sa Jézi té fin di-a, rounlo té ka di: “Sa palò-a tro rèd; pésonn pa pouvé asèpté li.”
61Jézi té savé so disip té ka bougannen ansou sa palò-a, a pou sa li di yé: “Sa palò-a ka choké zòt?
62Mé, sa zòt ké di, lò zòt ké wè Pitit wonm-an roumonté la li té fika anvan?
63A Lèspri Bondjé ka bay lavi, lachè pa pouvé fè sa. Palò mo di zòt-a ka vini di Lèspri Bondjé ka bay zòt lavi.
64Mé li ganyen annan zòt dézoutrwa ki pa ka krè.” Jézi té savé dipi koumansman-an kilès pa té ka krè, é kilès té ké trayi li.
65Li di ankò: “A pou sa mo di zòt pésonn pa pouvé vini jwenn mo, si Papa-a pa louvri chimen pou li.”
66Dipi sa, bokou disip bay li do, é yé arété swiv li.
67Alò Jézi doumandé douz-ya: “E zòt, zòt pa lé pati osi?”
68Simon Pyèr réponn li: “Mèt, ki moun nou pouvé swiv? A to ki gen palò ka bay lavi pou tout tan.
69Nou, nou ka krè é nou savé ki to Sa Sen Bondjé voyé-a.”
70Jézi réponn: “Es a pa mo ki chwézi zòt toulé douz, en? Mé roun di zòt sa Djab.”
71Li té ka palé di Jida, pitit Simon Iskaryòt, roun di douz-ya. Piski a li té ké trayi li.
اکنون انتخاب شده:
Jan 6: GCR07
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Guyana French Creole Gospel of John © Suriname Bible Society, 2007.
Jan 6
6
Jézi ka nouri senk mil wonm
1Aprè sa, Jézi janbé lanmè Galilé-a; yé té ka aplé l osi Lak Tibéryad.
2Rounlo moun té ka swiv li paské yé té wè sign Bondjé li té ka bay lò li té ka géri moun malad-ya
3Jézi monté ansou montangn-an é li asiz la ké so disip.
4La fèt Pak, ki té la fèt délivrans Jwif-ya, té ka rivé.
5Jézi gadé, li wè rounlo moun té ka vini jwenn li. Li di Filip: “Koté nou ké achté dipen pou bay yé tout manjé?”
6Li té ka disa pou tèsté Filip paské li té savé sa li té ké fè.
7Filip réponn: “menm ké désan pyès an arjan nou pé té ké gen asé soumaké pou bay chak moun roun tibi dipen.
8Roun di so disip, André, frè Simon-Pyèr, di li: “Ii gen roun ti boug ki gen senk ti dipen ké dé poson.
9Mé a pa anyen pou tousa moun.
10Jézi di: fè yé asiz (la i té gen bokou zèrb). Yé asiz, li té gen apéprè senk mil wonm.
11Jézi pran dipen-yan, li di Bondyé mèrsi, li bay tout moun ki té asiz. Menm fason-an, li bay yé kantité poson yé té lé.
12Lò yé vant té plen, li di so disip: Ramasé larèstan pou anyen pa pédi.
13Lò tout moun fini manjé, yé ramasé moso di senk dipen ki té ka rété-a; ké sa, yé ranpli douz pannyen.
14Lò moun-yan wè sign Bondjé Jézi té bay, yé di: Sa wonm-an, a vrèman profèt-a ki té divèt vini ansou latè.
15Kou Jézi té savé yé té ké vini tchenbé li di fòrs pou mété li rwè, li viré ansou montangn-an li rounso.
16Lò soukou tonbé, so disip désann òbò lanmè-a.
17Yé monté annan roun kanno pou yé alé Kapèrnaòm. Soukou té ja byen tonbé, é Jézi pa té kò vini jwenn yé.
18Roun gran van té ka vanté, é lanmè-a té mové toubònman.
19Yé té ja pagayé senk a sis kilomèt konran, lò yé wè Jézi ka maché ansou lanmè-a, li té ka vini ansou yé; a pa ti pè yé té pè.
20Jézi di yé: “Pa pè, a mo ki la.”
21Yé té lé fè li monté annan kanno-a, é annan menm tan-an, kanno-a kosté koté yé té ka alé.
22Roun jou pasé, bann moun-an ki té rété ròt bò lanmè-a té wè ki i té gen roun sèl kanno. A sa kanno-a, disip-ya té pran pou janbé; mé Jézi pa té pati ké yé.
23Atò dòt kanno, ki té soti vil Tibéryad, té vini kosté menm koté moun-yan té manjé dipen-yan, aprè ki Jézi té di grémési Bondjé.
24Lò moun-yan wè ni Jézi, ni so disip pa té la, yé monté annan kanno-ya pou alé Kapèrnaòm chaché Jézi.
25Yé trouvé li ròt bò lanmè-a é yé doumandé li: “Mèt, ki tan to rivé isi-a?”
26Jézi di yé: “Sa mo ka di zòt-a, a lavérité, a pa paské zòt wè sign Bondjé ki zòt ka chaché mo, mé a paské zòt manjé dipen plen zòt vant.
27Pa travay pou manjé ka gaté, mé travay pou manjé ka bay lavi pou tout tan, é a sa lavi-a Pitit wonm-an ké bay zòt; piski a li Papa bay pouvwè.
28Yé di li: “Kisa nou divèt fè, pou fè volonté Bondjé”?
29Jézi réponn: “Sa Bondjé lé zòt fè, a ki zòt krè an sala i voyé-a.”
30Yé di li: “Ki sign Bondjé to ka bay pou nou wè pou nou ké krè to? Ki sa to ka fè?
31Nou gangan manjé mann-an annan dézèr-a sélon sa ki ékri annan Liv Bondjé-a: “Li bay yé manjé dipen syèl-a.
32Jézi di yé: “Sa mo ka di zòt-a, a lavérité, a pa Moyiz ki bay zòt vrè dipen syèl-a, mé a mo Papa ki bay zòt vrè dipen syèl-a,
33Piski dipen Bondjé ka bay, a sala ki désann di syèl-a é ki ka bay tout moun lavi.”
34Yé di li: “Mèt, bay nou sa dipen-an touléjou.”
35Jézi di yé: “A mo ki sa dipen ka bay lavi-a, sala ka vini jwenn mo péké janmen fen, é sala ka krè an mo péké janmen swèf.
36Mé mo ja di zòt sa: zòt wè, mé zòt pa ka krè.
37Tout moun Papa-a ka bay mo ké vini jwenn mo, é mo péké janmen mété sa ka vini jwenn mo-a dèrò,
38piski mo pa désann di syèl-a pou fè mo pròp volonté, mé pou fè volonté Sala ki voyé mo-a.
39Atò, fè volonté Sala ki voyé mo-a, a pa di mo pédi pyès sa li bay mo-a, mé a di ki mo résisité yé dèrnyé jou-a.
40Volonté mo Papa, a ki nenpòt moun ki wè Pitit wonm-an é ki krè an li, gen lavi pou tout tan, é mo ké résisité l dèrnyé jou-a.”
41Dipi sa, jwif-ya té ka kritiké l piski li té di: “A mo ki sa dipen ki désann di syèl-a”
42Yé té ka di: “A pa Jézi pitit Jozèf? Nou konèt so papa ké so manman. Kouman li gen toupé pou di anprézan li désann di syèl-a?
43Jézi di yé: “Zòt pa las wichiwichi ansou mo do.”
44Pésonn pa pouvé vini jwenn mo, si Papa-a ki voyé mo-a pa mennen l, é mo, mo ké résisité li dèrnyé jou-a.
45Men sa profèt-ya ékri: “Bondjé ké aprann yé tout bagaj.” Tousa ki ka kouté Papa-a é ki ka risouvwè so palò ka vin jwenn mo.
46Pésonn pa janmen wè Papa-a, a Pitit-a rounso ki vini di Bondjé, ki ja wè li.
47Enren, sala mo ka di zòt-a a lavérité: sa ka krè mo-a gen lavi pou tout tan.
48Mo sa dipen ki ka bay lavi-a.
49Zòt gangan manjé mann-an annan dézèr-a, é sa pa anpéché yé mouri.
50Mé dipen ki désann di syèl-a, sala ka manjé li péké mouri.
51Mo sa dipen lavi ki désann di syèl-a. Sala ka manjé sa dipen-an ké gen lavi pou tout tan, é dipen mo ké bay pou tout moun gen lavi, a mo lachè.
52Ansou sa palò-a, jwif-ya té ka babyé ant yé, yé té ka di: “Kouman sa wonm-an pouvé bay nou so lachè pou nou manjé?”
53Jézi di yé: Enren, sa mo ka di zòt-a, a lavérité, si zòt pa ka manjé lachè Pitit wonm-an, é si zòt pa ka bwè so disan, zòt péké gen lavi an zòt kò.
54Sala ka manjé mo lachè é ka bwè mo disan gen lavi pou tout tan, é mo ké résisité li dèrnyé jou-a.
55Piski mo lachè a roun vrè manjé, é mo disan a roun vrè bwéson.
56Sala ka manjé mo lachè é ka bwè mo disan ka fè roun ké mo, é mo ka fè roun ké li.
57Kou Papa-a ki gen lavi-a voyé mo é bay mo lavi, menm fason-an, sa ka manjé mo-a ké gen lavi gras a mo.
58Men dipen ki désann di syèl-a. A pa menm-an ki sala zòt gangan té manjé épi yé mouri. Mé sa ka manjé sa dipen-an, ké gen lavi pou tout tan.
59Men sa moso palò-a Jézi té ka di Kapèrnaòm, annan sinagòg.
Palò ka bay lavi pou tout tan
60Lò disip-ya tandé sa Jézi té fin di-a, rounlo té ka di: “Sa palò-a tro rèd; pésonn pa pouvé asèpté li.”
61Jézi té savé so disip té ka bougannen ansou sa palò-a, a pou sa li di yé: “Sa palò-a ka choké zòt?
62Mé, sa zòt ké di, lò zòt ké wè Pitit wonm-an roumonté la li té fika anvan?
63A Lèspri Bondjé ka bay lavi, lachè pa pouvé fè sa. Palò mo di zòt-a ka vini di Lèspri Bondjé ka bay zòt lavi.
64Mé li ganyen annan zòt dézoutrwa ki pa ka krè.” Jézi té savé dipi koumansman-an kilès pa té ka krè, é kilès té ké trayi li.
65Li di ankò: “A pou sa mo di zòt pésonn pa pouvé vini jwenn mo, si Papa-a pa louvri chimen pou li.”
66Dipi sa, bokou disip bay li do, é yé arété swiv li.
67Alò Jézi doumandé douz-ya: “E zòt, zòt pa lé pati osi?”
68Simon Pyèr réponn li: “Mèt, ki moun nou pouvé swiv? A to ki gen palò ka bay lavi pou tout tan.
69Nou, nou ka krè é nou savé ki to Sa Sen Bondjé voyé-a.”
70Jézi réponn: “Es a pa mo ki chwézi zòt toulé douz, en? Mé roun di zòt sa Djab.”
71Li té ka palé di Jida, pitit Simon Iskaryòt, roun di douz-ya. Piski a li té ké trayi li.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Guyana French Creole Gospel of John © Suriname Bible Society, 2007.