Matayo 15
15
Nkitanapat e Nkai o lkerreti loo lmakui
(Marko 7:1–13)
1Nepuonu aitoki lbata loo Lparisayo o laiteng'enak loo nkitanapat netii Yeso eing'uaa Yerusalem, neipar ninye aajoki, 2<<Aanyo payie egil looiteng'eni linono lkerreti loo lmakui? Amu meituk ꞉ninche nkaik ana nayieuni ewuon eitu enya ndaa!>>
3Newoliki ꞉Yeso ajoki, <<Naa aanyo pii igilgil ntae Nkitanapata e Nkai tankaraki lkerreti linchi? 4#Nai 20:12; Nkit 5:16, Nai 21:17; Lal 20:9Amu ketejo apa Nkai, <Iyanyita papa lino o ng'utunyi> naa <Kore pooki ng'ae odek papa lenye anaa ng'otonye naa meata ajo meri metua.> 5Kake ijoijo ntae nchere, <Kore tenejoki ltung'ani menye anaa ng'otonye, <<Kore reteto nikiret, nindim ning'amaa ta nanu, naa kaichoo Nkai>> 6naaku naa, meyiere hooyia neyanyit ltung'ani menye te inia bae.> Kore tankaraki inia, ninturraa rerei le Nkai, imbung'utata lkerreti linchi. 7Ntae looitaakino! Keibonua apa loiboni le Nkai Isaya aitibiraki naipirita ntae ajo,
8 #
Isa 29:13
<Kaayanyit ꞉kulo tung'ana too nkutukie enche,
kake kaalakuaniki ꞉ltauja lenche.
9Kaasai nanu pecheu,
kake kore nkiteng'ena enche, naa noo nkitanapat naing'uaa ltung'ana.> >>
Ntoki naitarruo ltung'ani tekue nkonyek e Nkai
(Marko 7:14–23)
10Neipot ꞉Yeso lturrur meu netii ninye nejoki, <<Enining'o, ninining'ung'u! 11Mara ntoki najing nkutuk naitarruo ltung'ani, kake inia naipung'u to nkutuk enye naitarruo.>>
12Nepuonu looiteng'eni netii, neipar ninye aajoki, <<Iyielo ajo ketogorete Lparisayo payie ening ana bae?>>
13Newoliki ajoki, <<Kore lcheni pooki leitu eun Papa lai oti chumata naa kedotuni taa ntana. 14#Luka 6:39Entapal ninche, amu keimodook, nera larikok loo lmodook.#15:14 Kore too nkulie pala, meatae loo lmodook. Kore tenerik ltung'ani modooni likae modooni, naa keumakino pukura oare udoto.>>
15Nejoki ꞉Petero, <<Mbalakinyie iyioo ana kitanyanyukoto!>>
16Neipar ꞉Yeso ninche ajoki, <<Ewuon miatata ng'eno? 17Miyielolo aajo, kore ntoki pooki najing atua nkutuk naa kelo nkocheke neitoki aipung aing'uaa sesen? 18#Mat 12:34Kake kore mbaa naaipung'u to nkutuk naa ltau eing'uaa, naa ninche naitarruo ltung'ani. 19Amu atua ltau eing'uaa mparrunot torrok o arichoi e lkiye o loloito ee ltung'ana ooyema o loloito ee ltung'ana leitu eyama o mpurrore o nkiteenakinoto e sapare o ldeket odeki Nkai. 20Kuna naitarruo ltung'ani, kake kore nyata e ndaa meituko nkaik, naa meitarruoo.>>
Nkurukoto e nkitok namara noo Lyiaudi
(Marko 7:24–30)
21Kore payie eing'uaa ꞉Yeso inie, nelo o looiteng'eni lenyena mbat ee lkerenketi le Tiro o le Sidon. 22Netii apa ntomononi namara noo Lyiaudi#15:22 Kore ntomononi namara noo Lyiaudi naa kejo Matayo ntomononi ee Lkanayo. nayewuo eing'uaa inie aichiraki ninye ejo, <<Laitoriani, Layieni le Daudi ng'erruaaki, amu keitoria oleng ntito ai ꞉lairiruani.>>
23Kake eitu hoo eng'amaa ꞉Yeso ninye. Kore looiteng'eni lenyena, nepuonu netii, nejoki, <<Timirai ninye, amu kewuon airukurukore iyioo eichirita.>>
24Newoliki ajoki, <<Eitu hoo aaipaakini nkulie kerra, mara ake nkerra naaimina e locho le Isirael.>>
25Nelotu inia tomononi, negilaki kung nejo, <<Laitoriani teretuaaki!>>
26Newoliki ajoki, <<Mara supat tenerrapuni ndaa ee nkera, neyai aanang'aki ldein.>> 27Nejo ninye, <<Kesipa taa inia, Laitoriani, kake kenya abaki ꞉ldein rrarrat naadoyio te misa ee lkutuaa lenche.>> 28Newoliki ꞉Yeso te inia kata ajoki, <<Natomononi, iata nkurukoto kitok! Mikintaasi ana niyieu!>> Neichiu ntito enye te inia kata.
Eitiemua ꞉Yeso ltung'ana nkalupuni ong'uan
29Kore payie eing'uaa Yeso inie ng'oji, nelo achep mpaso e Galilaya. Neitoki alo adir lowua, newuon teinie. 30Nepuonu lturrurri kutuaa netii ninye, eyaki lng'ojinia o lmodook o lootigiligilete o lemeiro o lkulie kumo, neiteper ninche tankalo nkejek enyena. Neichiunyie ꞉Yeso ninche, 31metaa kore payie edol ꞉laaduo tung'ana lolo lemeiro eirorita o lng'ojinia eitusupataki o lootigiligilete epuo o lmodook sii edolicho, neing'asia. Neisis ꞉ninche Nkai e Isirael.
32Neipotu ꞉Yeso looiteng'eni lenyena netii ninye nejoki, <<Kaata lng'er too kulo tung'ana, amu ketowuana tenebo o nanu too mperot uni nemeitoki eata nanya. Mayieu nareu ninche eata sumach payie meiterriaa to nkoitiei.>>
33Newoliki ꞉looiteng'eni lenyena aajoki, <<Taaji sa kitum mukateni te ele kees nikintiemunyie lturrur owuenyi?>> 34Neipar ꞉Yeso ajoki, <<Aja mukateni niatata?>>
Nejo, <<Mukateni sapa o lkuni sinkirri kunini.>> 35Neitanap ꞉Yeso lturrur metowuana to nkop. 36Nerrapu nenia mukateni sapa o sinkirri, kore payie eidip aichoo Nkai nache, negil, neicho looiteng'eni lenyena. Neitoki ꞉ninche aaicho ltung'ana. 37Nenya pooki, neimu. Kore tesiedi, nebosuni nkikapuni sapa naabore mbelesat ee mukateni naatelekuaki. 38Kore siana loo lolo oaatama ndaa, naa nkalupuni ong'uan, metii nkera o ntomonok. 39Nereu ꞉Yeso lturrur mechomo, nejing meli, nelo mbata e Magadani tenebo o looiteng'eni lenyena.
اکنون انتخاب شده:
Matayo 15: saq
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2021, Bible Translation and Literacy
Matayo 15
15
Nkitanapat e Nkai o lkerreti loo lmakui
(Marko 7:1–13)
1Nepuonu aitoki lbata loo Lparisayo o laiteng'enak loo nkitanapat netii Yeso eing'uaa Yerusalem, neipar ninye aajoki, 2<<Aanyo payie egil looiteng'eni linono lkerreti loo lmakui? Amu meituk ꞉ninche nkaik ana nayieuni ewuon eitu enya ndaa!>>
3Newoliki ꞉Yeso ajoki, <<Naa aanyo pii igilgil ntae Nkitanapata e Nkai tankaraki lkerreti linchi? 4#Nai 20:12; Nkit 5:16, Nai 21:17; Lal 20:9Amu ketejo apa Nkai, <Iyanyita papa lino o ng'utunyi> naa <Kore pooki ng'ae odek papa lenye anaa ng'otonye naa meata ajo meri metua.> 5Kake ijoijo ntae nchere, <Kore tenejoki ltung'ani menye anaa ng'otonye, <<Kore reteto nikiret, nindim ning'amaa ta nanu, naa kaichoo Nkai>> 6naaku naa, meyiere hooyia neyanyit ltung'ani menye te inia bae.> Kore tankaraki inia, ninturraa rerei le Nkai, imbung'utata lkerreti linchi. 7Ntae looitaakino! Keibonua apa loiboni le Nkai Isaya aitibiraki naipirita ntae ajo,
8 #
Isa 29:13
<Kaayanyit ꞉kulo tung'ana too nkutukie enche,
kake kaalakuaniki ꞉ltauja lenche.
9Kaasai nanu pecheu,
kake kore nkiteng'ena enche, naa noo nkitanapat naing'uaa ltung'ana.> >>
Ntoki naitarruo ltung'ani tekue nkonyek e Nkai
(Marko 7:14–23)
10Neipot ꞉Yeso lturrur meu netii ninye nejoki, <<Enining'o, ninining'ung'u! 11Mara ntoki najing nkutuk naitarruo ltung'ani, kake inia naipung'u to nkutuk enye naitarruo.>>
12Nepuonu looiteng'eni netii, neipar ninye aajoki, <<Iyielo ajo ketogorete Lparisayo payie ening ana bae?>>
13Newoliki ajoki, <<Kore lcheni pooki leitu eun Papa lai oti chumata naa kedotuni taa ntana. 14#Luka 6:39Entapal ninche, amu keimodook, nera larikok loo lmodook.#15:14 Kore too nkulie pala, meatae loo lmodook. Kore tenerik ltung'ani modooni likae modooni, naa keumakino pukura oare udoto.>>
15Nejoki ꞉Petero, <<Mbalakinyie iyioo ana kitanyanyukoto!>>
16Neipar ꞉Yeso ninche ajoki, <<Ewuon miatata ng'eno? 17Miyielolo aajo, kore ntoki pooki najing atua nkutuk naa kelo nkocheke neitoki aipung aing'uaa sesen? 18#Mat 12:34Kake kore mbaa naaipung'u to nkutuk naa ltau eing'uaa, naa ninche naitarruo ltung'ani. 19Amu atua ltau eing'uaa mparrunot torrok o arichoi e lkiye o loloito ee ltung'ana ooyema o loloito ee ltung'ana leitu eyama o mpurrore o nkiteenakinoto e sapare o ldeket odeki Nkai. 20Kuna naitarruo ltung'ani, kake kore nyata e ndaa meituko nkaik, naa meitarruoo.>>
Nkurukoto e nkitok namara noo Lyiaudi
(Marko 7:24–30)
21Kore payie eing'uaa ꞉Yeso inie, nelo o looiteng'eni lenyena mbat ee lkerenketi le Tiro o le Sidon. 22Netii apa ntomononi namara noo Lyiaudi#15:22 Kore ntomononi namara noo Lyiaudi naa kejo Matayo ntomononi ee Lkanayo. nayewuo eing'uaa inie aichiraki ninye ejo, <<Laitoriani, Layieni le Daudi ng'erruaaki, amu keitoria oleng ntito ai ꞉lairiruani.>>
23Kake eitu hoo eng'amaa ꞉Yeso ninye. Kore looiteng'eni lenyena, nepuonu netii, nejoki, <<Timirai ninye, amu kewuon airukurukore iyioo eichirita.>>
24Newoliki ajoki, <<Eitu hoo aaipaakini nkulie kerra, mara ake nkerra naaimina e locho le Isirael.>>
25Nelotu inia tomononi, negilaki kung nejo, <<Laitoriani teretuaaki!>>
26Newoliki ajoki, <<Mara supat tenerrapuni ndaa ee nkera, neyai aanang'aki ldein.>> 27Nejo ninye, <<Kesipa taa inia, Laitoriani, kake kenya abaki ꞉ldein rrarrat naadoyio te misa ee lkutuaa lenche.>> 28Newoliki ꞉Yeso te inia kata ajoki, <<Natomononi, iata nkurukoto kitok! Mikintaasi ana niyieu!>> Neichiu ntito enye te inia kata.
Eitiemua ꞉Yeso ltung'ana nkalupuni ong'uan
29Kore payie eing'uaa Yeso inie ng'oji, nelo achep mpaso e Galilaya. Neitoki alo adir lowua, newuon teinie. 30Nepuonu lturrurri kutuaa netii ninye, eyaki lng'ojinia o lmodook o lootigiligilete o lemeiro o lkulie kumo, neiteper ninche tankalo nkejek enyena. Neichiunyie ꞉Yeso ninche, 31metaa kore payie edol ꞉laaduo tung'ana lolo lemeiro eirorita o lng'ojinia eitusupataki o lootigiligilete epuo o lmodook sii edolicho, neing'asia. Neisis ꞉ninche Nkai e Isirael.
32Neipotu ꞉Yeso looiteng'eni lenyena netii ninye nejoki, <<Kaata lng'er too kulo tung'ana, amu ketowuana tenebo o nanu too mperot uni nemeitoki eata nanya. Mayieu nareu ninche eata sumach payie meiterriaa to nkoitiei.>>
33Newoliki ꞉looiteng'eni lenyena aajoki, <<Taaji sa kitum mukateni te ele kees nikintiemunyie lturrur owuenyi?>> 34Neipar ꞉Yeso ajoki, <<Aja mukateni niatata?>>
Nejo, <<Mukateni sapa o lkuni sinkirri kunini.>> 35Neitanap ꞉Yeso lturrur metowuana to nkop. 36Nerrapu nenia mukateni sapa o sinkirri, kore payie eidip aichoo Nkai nache, negil, neicho looiteng'eni lenyena. Neitoki ꞉ninche aaicho ltung'ana. 37Nenya pooki, neimu. Kore tesiedi, nebosuni nkikapuni sapa naabore mbelesat ee mukateni naatelekuaki. 38Kore siana loo lolo oaatama ndaa, naa nkalupuni ong'uan, metii nkera o ntomonok. 39Nereu ꞉Yeso lturrur mechomo, nejing meli, nelo mbata e Magadani tenebo o looiteng'eni lenyena.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2021, Bible Translation and Literacy