Zaã 2
2
Yezu sii mɛn zɛnaa kɔn-wɔ ǹ bǎã-n Kaanaa kiwi
1Bɛa siin kɛn lɛn zɛnaa a lɛawaa sɔɔbaa ǹ wɔ pinaa, kɔn-wɔ kɔ́n na á goã Kaanaa kiwi, Galilee gána nɛ. Yezu a náa goã walan, 2ǹ nə́ lɛ dia Yezu dɔ laanka a kialandɛnan la, mà ǹ da kɔn-wɔ lɛ ganaa.
3Duvɛ̃ bɛ́ á nyaabaa, Yezu a náa tɔ́n pɛ Yezu ni mà duvɛ̃ ba minin lɛn lon doo wa.
4Sɛnɛ Yezu ná a lɛ si á pɛ nɛ: «Náa, n tá masɛ a nya ǹ dí pii ma nɛ? Maa biikoo tɔn dɔ wa.»
5Ǹ dan tɔ́n pɛ màn-bii kɔ minin la wolen lɛn nɛ: «A bɛ́ re pii ka nɛ mà ka sii woo sii zɛnaa, ka bɛ zɛnaa.»
6Doo sɔrɔ goã walan, ǹ nə́ ǹ zɛnaa ka kɔlɔ nɛ, Zuifun *gɔ̀ bɔ ǹ dinin ganaa ǹ landa zoo wɔ taman yii; litiri lɛ mɛn bɛ́ boe ǹ gogoonmaa nɛ, á doe litiri paabiɛ ka kio. 7Yezu tɔ́n pɛ dí-nyalin lɛn manɛ mà ǹ doon lɛn pã ka mu ni.
Ǹ nə́ mu kaa ǹ nɛ yǎa ǹ lɛ li. 8Yezu tɔ́n pɛ ǹ nɛ: «Ka ǹ kɔ́n si ka wo kɔ màn-bii sii yɔrɔ-bɔle lɛ la sisia.»
Ǹ nə́ si ǹ nə́ woo kɔ la. 9Bɛa mu kɛ lɛ á n bɔyaa á duvɛ̃ baa, a ná a nɛ̀n da. Bɛa duvɛ̃ lɛ bɛ́ boe maa, a doɛ̃ wa, yǎa dí-nyalin mɛnɛn bɛ́ ǹ nə́ mu lɛ si ǹ nə́ daa nɛ. Tɔntɔraa mɛn a kɔn wɔ bɛ́ nɛ, á tɔ́n lɛ dia bɛ la 10á pɛ nɛ: «Min din tumaa n goɛ̃ bɛ̀ a duvɛ̃ kɔɔ̃n kɔ minin la bɔrɔ, bɛ̀ ń yaa ǹ nə́ mi ǹ nə́ kã, ǹ mɛn bɛ́ a kɔɔ̃n taãn wa, á tɔ́n bɛ kɔ ǹ la. Sɛnɛ, nsɛ nə n duvɛ̃ kɔɔ̃n lɛ koa yǎa kɛnɛn yirəə!»
11Bɛ lɛ na á n baa Yezu a kaãbaa ǹ sii bibinaa lɛa, á zɛnaa Kaanaa kiwi, Galilee gána nɛ, a ná a gugurubaa nyaa nɛ. Bɛ lɛ na á toa a kialandɛnan nə́ golee li.
12 #
Mat 4.13
Bɛ kio, ǹ nə́ n bɔyaa ǹ nə́ daa Kafaranaamu kiwi kun ka ǹ dan nɛ, ka ǹ dɔɔ̃nɔn laanka a kialandɛnan nɛ. Ǹ nə́ giã walan, sɛnɛ, ǹ kiɛ̃ lɛawaa dan kɔ́n la wa.
Yezu sii mɛn zɛnaa Lawa a kion
(Mat 21.12-13; Mar 11.15-17; Luk 19.45-46)
13 #
BBN 12.1-27
Zuifun *kiɛ̃mala ǹ zɔ́n bɛ́ á diri, Yezu woo Zeruzalɛmu kiwi. 14Á woo diin-sãlin laanka sèren-sãlin yaa Lawa a kion, kun ka kion bàan-sãlin ni, wɔrɔ-lonkɔlen dɔn nə́ goã giã-n tán-a. 15Yezu biɛ zɛnaa sɛ̌n lɛa, á ǹ tumaa loo á ǹ bɔ Lawa a kion, sèren lɛn nɛ, ka diin lɛn nɛ; á wɔrɔ-lonkɔlen wɔrɔ dɛ á sawaa, á ǹ tabalan nyanaa á ǹ lɛ kuməə tán. 16Á tɔ́n pɛ zɛrɛkantoan-sãlin lɛn nɛ: «Ka kɛ tumaa goa ka bɔ kànaa, ka nyan toa ka masɛ Di a kion kɛ baa pii kɔ ǹ kion lɛa wa!»
17 #
Loe 69.10
A kialandɛnan yiri gisĩ a nɛ, mà a kiɛ̃maa tá Lawa a boo-n kɛnɛn:
«Sonbore, ma bɛ́ n kion lɛ narɛ ka yɔrɔ mɛn nɛ,
bɛ n ma kuĩ ka tɛ bɛ́ lɔn.»
18Zuifun goledɛnan nə́ tɔ́n nə n lɛ da boo lɛ nɛ, ǹ nə́ pɛ nɛ:
– Ma n boe la n sii mɛn zɛnaa, n nyaa wɔsɛn manɛ, mà sonbore tá n lon n pii-kɔlen loo Lawa a kion.
19 #
Mat 26.61; 27.40; Mar 14.58; 15.29 Yezu tɔ́n pɛ ǹ nɛ: «Ka Lawa a kion kɛ wuru, masɛ n wusii ma dɔ lɛawaa sɔɔ gɔ́ɔ̃ nɛ.»
20Ǹ nə́ tɔ́n pɛ nɛ mà ǹsɛn man nə́ lɛ̀ pusi ka sɔrɔ zɛnaa, Lawa a kion kɛ lɛ a doe la, mà asɛ dɔ, mà asɛ á boe la a wusoo a dɔ lɛawaa sɔɔ gɔ́ɔ̃ nɛ?
21Sɛnɛ, Yezu goã boo diɛ Lawa a kion mɛn wɔ gɔn la, a din gɔ̀nɔn nɛ. 22Bɛ lɛ nɛ, Yezu yii bɛ́ á kaa á n bɔ geren bii, a kialandɛnan yiri gisĩ a nɛ, mà á bɛa boo kɛ lɛ da; ǹ nə́ waa Lawa a boo la, a boo mɛn da ǹ nɛ, ǹ nə́ waa bɛ lɛ dɔ la.
Yezu n minbuiinin taasiɛ doɛ̃
23Yezu bɛ́ Zeruzalɛmu, kiɛ̃mala ǹ zɔ́n biikoo li, min gigiã bɛ́ á yɛ kaãbaa ǹ siin zɛnɛɛ, ǹ nə́ golee li. 24Sɛnɛ, Yezu sɛ waa ǹsɛn la wa, a giala a tá ǹ tumaa a taasiɛ doɛ̃, 25a laadoo din ba a ganaa mà min siére pɛ asɛ nɛ minbuiin nɛ wɔ gɔn la wa; taasiɛ mɛn bɛ́ minbuiin nɛ gɔ́ɔ̃ nɛ, asɛ á doɛ̃.
اکنون انتخاب شده:
Zaã 2: SBPE2011
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Zaã 2
2
Yezu sii mɛn zɛnaa kɔn-wɔ ǹ bǎã-n Kaanaa kiwi
1Bɛa siin kɛn lɛn zɛnaa a lɛawaa sɔɔbaa ǹ wɔ pinaa, kɔn-wɔ kɔ́n na á goã Kaanaa kiwi, Galilee gána nɛ. Yezu a náa goã walan, 2ǹ nə́ lɛ dia Yezu dɔ laanka a kialandɛnan la, mà ǹ da kɔn-wɔ lɛ ganaa.
3Duvɛ̃ bɛ́ á nyaabaa, Yezu a náa tɔ́n pɛ Yezu ni mà duvɛ̃ ba minin lɛn lon doo wa.
4Sɛnɛ Yezu ná a lɛ si á pɛ nɛ: «Náa, n tá masɛ a nya ǹ dí pii ma nɛ? Maa biikoo tɔn dɔ wa.»
5Ǹ dan tɔ́n pɛ màn-bii kɔ minin la wolen lɛn nɛ: «A bɛ́ re pii ka nɛ mà ka sii woo sii zɛnaa, ka bɛ zɛnaa.»
6Doo sɔrɔ goã walan, ǹ nə́ ǹ zɛnaa ka kɔlɔ nɛ, Zuifun *gɔ̀ bɔ ǹ dinin ganaa ǹ landa zoo wɔ taman yii; litiri lɛ mɛn bɛ́ boe ǹ gogoonmaa nɛ, á doe litiri paabiɛ ka kio. 7Yezu tɔ́n pɛ dí-nyalin lɛn manɛ mà ǹ doon lɛn pã ka mu ni.
Ǹ nə́ mu kaa ǹ nɛ yǎa ǹ lɛ li. 8Yezu tɔ́n pɛ ǹ nɛ: «Ka ǹ kɔ́n si ka wo kɔ màn-bii sii yɔrɔ-bɔle lɛ la sisia.»
Ǹ nə́ si ǹ nə́ woo kɔ la. 9Bɛa mu kɛ lɛ á n bɔyaa á duvɛ̃ baa, a ná a nɛ̀n da. Bɛa duvɛ̃ lɛ bɛ́ boe maa, a doɛ̃ wa, yǎa dí-nyalin mɛnɛn bɛ́ ǹ nə́ mu lɛ si ǹ nə́ daa nɛ. Tɔntɔraa mɛn a kɔn wɔ bɛ́ nɛ, á tɔ́n lɛ dia bɛ la 10á pɛ nɛ: «Min din tumaa n goɛ̃ bɛ̀ a duvɛ̃ kɔɔ̃n kɔ minin la bɔrɔ, bɛ̀ ń yaa ǹ nə́ mi ǹ nə́ kã, ǹ mɛn bɛ́ a kɔɔ̃n taãn wa, á tɔ́n bɛ kɔ ǹ la. Sɛnɛ, nsɛ nə n duvɛ̃ kɔɔ̃n lɛ koa yǎa kɛnɛn yirəə!»
11Bɛ lɛ na á n baa Yezu a kaãbaa ǹ sii bibinaa lɛa, á zɛnaa Kaanaa kiwi, Galilee gána nɛ, a ná a gugurubaa nyaa nɛ. Bɛ lɛ na á toa a kialandɛnan nə́ golee li.
12 #
Mat 4.13
Bɛ kio, ǹ nə́ n bɔyaa ǹ nə́ daa Kafaranaamu kiwi kun ka ǹ dan nɛ, ka ǹ dɔɔ̃nɔn laanka a kialandɛnan nɛ. Ǹ nə́ giã walan, sɛnɛ, ǹ kiɛ̃ lɛawaa dan kɔ́n la wa.
Yezu sii mɛn zɛnaa Lawa a kion
(Mat 21.12-13; Mar 11.15-17; Luk 19.45-46)
13 #
BBN 12.1-27
Zuifun *kiɛ̃mala ǹ zɔ́n bɛ́ á diri, Yezu woo Zeruzalɛmu kiwi. 14Á woo diin-sãlin laanka sèren-sãlin yaa Lawa a kion, kun ka kion bàan-sãlin ni, wɔrɔ-lonkɔlen dɔn nə́ goã giã-n tán-a. 15Yezu biɛ zɛnaa sɛ̌n lɛa, á ǹ tumaa loo á ǹ bɔ Lawa a kion, sèren lɛn nɛ, ka diin lɛn nɛ; á wɔrɔ-lonkɔlen wɔrɔ dɛ á sawaa, á ǹ tabalan nyanaa á ǹ lɛ kuməə tán. 16Á tɔ́n pɛ zɛrɛkantoan-sãlin lɛn nɛ: «Ka kɛ tumaa goa ka bɔ kànaa, ka nyan toa ka masɛ Di a kion kɛ baa pii kɔ ǹ kion lɛa wa!»
17 #
Loe 69.10
A kialandɛnan yiri gisĩ a nɛ, mà a kiɛ̃maa tá Lawa a boo-n kɛnɛn:
«Sonbore, ma bɛ́ n kion lɛ narɛ ka yɔrɔ mɛn nɛ,
bɛ n ma kuĩ ka tɛ bɛ́ lɔn.»
18Zuifun goledɛnan nə́ tɔ́n nə n lɛ da boo lɛ nɛ, ǹ nə́ pɛ nɛ:
– Ma n boe la n sii mɛn zɛnaa, n nyaa wɔsɛn manɛ, mà sonbore tá n lon n pii-kɔlen loo Lawa a kion.
19 #
Mat 26.61; 27.40; Mar 14.58; 15.29 Yezu tɔ́n pɛ ǹ nɛ: «Ka Lawa a kion kɛ wuru, masɛ n wusii ma dɔ lɛawaa sɔɔ gɔ́ɔ̃ nɛ.»
20Ǹ nə́ tɔ́n pɛ nɛ mà ǹsɛn man nə́ lɛ̀ pusi ka sɔrɔ zɛnaa, Lawa a kion kɛ lɛ a doe la, mà asɛ dɔ, mà asɛ á boe la a wusoo a dɔ lɛawaa sɔɔ gɔ́ɔ̃ nɛ?
21Sɛnɛ, Yezu goã boo diɛ Lawa a kion mɛn wɔ gɔn la, a din gɔ̀nɔn nɛ. 22Bɛ lɛ nɛ, Yezu yii bɛ́ á kaa á n bɔ geren bii, a kialandɛnan yiri gisĩ a nɛ, mà á bɛa boo kɛ lɛ da; ǹ nə́ waa Lawa a boo la, a boo mɛn da ǹ nɛ, ǹ nə́ waa bɛ lɛ dɔ la.
Yezu n minbuiinin taasiɛ doɛ̃
23Yezu bɛ́ Zeruzalɛmu, kiɛ̃mala ǹ zɔ́n biikoo li, min gigiã bɛ́ á yɛ kaãbaa ǹ siin zɛnɛɛ, ǹ nə́ golee li. 24Sɛnɛ, Yezu sɛ waa ǹsɛn la wa, a giala a tá ǹ tumaa a taasiɛ doɛ̃, 25a laadoo din ba a ganaa mà min siére pɛ asɛ nɛ minbuiin nɛ wɔ gɔn la wa; taasiɛ mɛn bɛ́ minbuiin nɛ gɔ́ɔ̃ nɛ, asɛ á doɛ̃.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.